مالي الا الله ثم انتم..... [الأرشيف]

مشاهدة النسخة كاملة : مالي الا الله ثم انتم.....

سلمان الحربي

11/06/2009, 11:11 PM

السلام عليكم و رحمة الله و بركاته ...
و بعد اخواني المكشاتيين اعرض عليكم مشكلتي مع السيارات
حيث تبدا فصول قصتي عند شرائي سيارة ددسن غمارتين والله كانت سيارة مضبوطة لكن بعد فترة خرب القير و غيرته ثم بعد شهرين خبطت و غيرت المكينة ثم خرب السلف و الحذاف و اقوم و ابيعها و اشتري ابيكا و كانت عسل لكن بعد فترة قامت تقطع و تطفي و هي تمشي و اوديها لمركز فحص بالكمبيوتر مشهور و يكشف عليها و يمصطني ب2500 ريال تصفية و تغيير حساس هواء و بواجي و غيرها و بعدها بيوم رجع التقطيع و اجي ابا ارجع للورشة الا الورقة مكتوب فيها ان الضمان على القطع المغيرة فقط...و تقوم السيارة تستهبل علي كل يوم تطفي, و تطفي وانا امشي و تطفي و انا واقف.و ابيعها و اشتري باثفايندر و اثر حساس الحرارة خربان و الموتر يطبخ من الحرارة و كلها شهر الا و هو مخبط ايضاً:confused: و اوضبه و يضبط معي لكن بقت مشكلة الحرارة و اعجز احلها سويت له كل شي و لا ضبط. و ابيعه و اشتري لاند كروزر و كان فلة الفلة :Dولكن قدر الله ان تخرب الكرونة و اصلحها ب9000-- مع اني يوم اشتريه مشيكه عند الوكالة ب3000 ريال-- و لا ضبطت و ابيعه و اشتري سفاري و يقوم و يخبط ايضاً:D:D و اوضبه وله هاحين شهرين و اشوفه قايم يمزح معي و يحتر و اروح اغير الرديتر و كلتش المروحة و الماء اصلي و لكن حرارته ترتفع؟؟؟؟؟؟

و الحين كرهت شي اسمه جيب بسبب هالقربمعات الله لا يعيدهن...
عاد هالحين هل ابيعه ؟؟ وان بعته وش اشتري_لا احد يقول فك وكاله ما هنا دراهم_ لانه والله شاب رأسي من الورش ...
لا تخلون اخوكم يوم احتاجكم......

شعيب المسمى

12/06/2009, 12:56 AM

أجل مالك الا دبابة مدرعة :d

وان خربت لاعاد تشري موتر ابد :d

mhm-191

12/06/2009, 01:42 AM

يا ساتر
اقول اخوي شكل حظك نحس في السيارات
.
الشور شور والراي رايك ... انت ما بقى سياره الا جربتها لكن الشكوى على الله
(( ..... لا تنسى الاستخاره ..... ))
الله يكتب لك اللي فيه خير..

crozman

12/06/2009, 02:03 AM

الله يعينك
الحراره ركب مراوح كهرب في الشبك قدام
وتصدق ( ادفع صدقه)

ممتر البران

12/06/2009, 02:23 AM

خذ وكاله لو اكسنت
والله يعينك
مهوب لازم تبهذل عمرك بالورش عشان تاخذ موتر زين
تحيتي لك
ابو سعد

التعـ King ـديل

12/06/2009, 02:34 AM

قبل كل شي ولا تزعل من كلامي .. الفلوس اللي شريت بها هالمواتر مصدرها حلال لاتجاوبني جاوب نفسك اوكي

بالنسبه لموترك الاخير النيسان ركب له مرواح سوبارو وراديتر المنيوم وان شاء الله ترتاح من المشاكل

rpk

12/06/2009, 03:06 AM

صادق اخوي عسول وشئ اخر اذا كنت متأكد من مصدر رزقك فعليك بالاذكار والورد وان شاء الله يحفضك من كل عين وشيطان

mo7taj

12/06/2009, 04:21 AM

الله يسهل امرك.....

راعي الطلعات

12/06/2009, 04:39 AM

لاحولا ولا قوة الا بالله

لايكون بك عين ترى العين حق

والله ييسر امرك ويرزقك بسياره ما تطلب الورش ابد ابد ان شاءالله

بالتوفيق

عبار درب

12/06/2009, 05:31 AM

عبار درب

12/06/2009, 05:35 AM

اخوي الظاهر المشكله فيك مو في السيارات ويمكن تكون وحده من الحالات التالية :ـ
1/ يغشونك الشريطية بسيارات فيها بلاوي ما تظهر الا بعد فترة من استخدامك حتى وان فحصتها عند الوكالة ( الله اكبر هالوكالات الي تخاف الله )
2 / انت تجور على السيارات و لا تلاحظها بالزيت و سائل التبريد و تكرفها بالتطعيس و المطارد في اراضي وعره و غيرها
3/ سيارك صايره سبيل كلا يسوقها و الاول يقول السيارة مثل المرة ماتعار لحد لان اختلاف طريقة سياقة السيارة يدمرها و انا اخوك
4/ مثل ما قالو بعض الاخوان شف مصدر فلوسك
اذا تبي نصيحتي بعد ما تتأكد من سلامة فلوسك لا تشتري سيارة مستعملة الا معك احد من معارفك يعرف في السيارات و اذا شريت سيارة ارفق عليها و اهتم بصيانتها و لا تعيرها لاحد و الله يخلف عليك ما خسرته

سلمان الحربي

12/06/2009, 11:12 AM

جزاكم الله خير اخواني...

اما بالنسبة لمصدر المال فهو قرض من الراجحي ...(كل شهر يمصط له خمشة طيبه):D

اما بالنسبة للملاحظ على الموتر الزيت ما يتعدى 3500 الا و هو مغير و السيفون كل تغييرتين اغيره بعد و السوايل و التشحيم ...

اما مشترى السيارات فأغلبها من معارف و كانت ماشيه معه تمام.. او من المعارض لكن انشف رييييقه بالفحص و المشاور .و لا اروح للمعارض الا معي الوالد الله يطول بعمره خبير بالسيارت و شريطي معتزل:cool:

ايه صح و النيسان مركب له مراوح تشتغل مع المكيف و لكن ما تنفع؟

اما بالنسبة لسيارتي ما يسوقها الا انا و بس.ما احد ياخذها غيري...

وش رأيك بكامري تماتيك؟؟؟
اخاف انها مثل الزكرت اللي قبل؟

my own

12/06/2009, 02:09 PM

والله العالم انك متعامل مع ميكانيكي ضاحك عليك و يمصمص فلوسك ,,
تغيير الورش والسوال عند اكثر من ورشة احسن لك احيانا ..

صقرالعرب2007

12/06/2009, 03:40 PM

الله يرزقك أخوي من حيث لاتحتسب ويباركلك ويخلف عليك مم أصابك من قبل ويجعلها دفعة بلاء...

اخوي ترى الابيكا والاوبترا والافيو عيال الشفر من الأب خيااااااس ومدري وش تبي والشرهه على وزارة التجاره الي سمحت باستيرادها خرابات وحساسات رح للمعارض وشف موديلات 2006 والله كورولا 93 أنظف منها بكثييييير...

الله يباركلك بالموتر الزين والله الله بالرجل البارده على الموتر وناخوك,,,

ولد المزاحميه

12/06/2009, 03:48 PM

الظاهر انك شديد ع المواتر وما ترحمهااا ..

ان كانك منت راعي بر خذ لك كامري من المديلات الجديده

والله يسهل عليك .. ويفرجها ويوفقك ويوفق الجميع

مروووق

12/06/2009, 07:05 PM

انا انصحك بـ كابرس صابونه 95 والعن جدفه وسو فيه الي تبي :)

مايقول لا. والكابرس تحصل قطع غيارة في البقالات حتى ههههههههههههه

الله يعينك على مصايبك ويسهل دربك

ذيب زلفاوي

12/06/2009, 07:23 PM

الله العالم انك منضول لكن رح اقرا على موترك وترا العين حق
وانا اقوول بعه واشتر المامري وان كانت قير عادي احسن لان العادي اطول عمر

mhm-191

13/06/2009, 12:44 AM

وش رأيك بكامري تماتيك؟؟؟
اخاف انها مثل الزكرت اللي قبل؟

حلللللللللووه :d :d

. كذلك الكامري حلوه
ومافيها كلام...
.

أبو إبراهيم !!

13/06/2009, 12:49 AM

لاحولا ولا قوة الا بالله

adkmz

13/06/2009, 01:06 AM

فك لك ورشة ...