الي عنده تاهو يدخل ضرووووري

[البرتاوي]

يا اخوان انا عندي تاهو ال تي زد 2009 وفيه نور قدام ماني عارف أشغله غير الواطي والعالي والسكن والغازيات الي تحت ،
نور في نفس الأسطب الأمامي

كيف أشغله؟؟؟؟؟؟؟؟؟؟

[rpk]

هذا لازم تشبكها عندي كهربائي انا سويتها على جمس وشبكتها على السكن

[المتهم]

هلا بك اخوي شيك على زر بجانب مفتاح الانوار

[برونز]

تشتغل مع اضواء المحيط شغل خاصية اضواء المحيط وتشتغل معها

[البرتاوي]

كيف يعني اضواء المحيط؟

[البرتاوي]

يا اخوان الله لا يهينكم ابغى واحد فاهم الموضوع مو تجي تفتيلي وتروح

[rpk]

سو الى قلتلك وتوكل على الله وماراح تلقى الا كل خير

[faris2006]

الله والعالم انها للضباب
شف الاستعمال الامركي على طول مولع

[mogram]

السلام عليكم و رحمة الله و بركاته

الانوار اللي تكلم عنها اسمها daytime running lamp

DRL

و وظيفتها انها تشتغل بالنهار اول ما تتحرك السياره وهي مواصفات إلزاميه في كندا و امريكا من عام 1990 و بعض الدول الاوروبيه.


ميزة الانوار انك وانت ماشي في الطريق سواءَ كان الجو صافي ضباب او غبار انك تعرف ان السيارات اللي مواجهتك هل هي واقفه او متحركه وحسب احصائيات ادارة السلامه في كندا قلت نسبة الحوادث المتوقعه باكثر من 30% بسبب زيادة انتياه السائق للمركبات الاخرى...يا عيني على الدراسه و حنا الله يهدينا نمشي بدون نور اصلا ......يا ليت المواصفات هذي عندنا.....


ما عليش طولت المقدمه بس حبيت اضيف معلومه قد تكون مفيده للبعض

ارجع لطلبك : و شلون تشتغل .... فيه 3 طرق :

الاولى : عن طريق برمجه السياره عن طريق ورشه متخصصه بس راح تشتغل على كيفها مهوب على كيفك .

الثانيه : فيه بعبه الفيوزات اللي بالكبوت على يسار المكينه فيه فيوزن (2)
مكتوب عليها DRL


واحد لليمين و واحد لليسار تقدر تشبكها مع انوار الغاز FOG LIGHT

وهذي الطريقه ما ما ما ما ما ما ما انصح بها ..

الثالثه : عن طريق تشبيك النور على فاصل او مع الغاز ( بدون اللعب بعلبه الفيوزات) وهي انك تاخذ سلك من الغاز الى اللمبه دايركت .

ملاحظه ( اذا بغيت تفك الصطب الامامي لازم تفك 3 براغي 2 منهم قدام و الثالث لازم تفك الغطاء اللي قدام الكفر الامامي فيه برغي تحت الرفرف لازم ترخيه مو تفكه ويطلع معك الصطب بسهوله ..

اتمنى اني وصلت المعلومه بشكل مفيد

[Fmejrad]

اخوي هذي بالسيارات الامريكيه نفس اللكزس الامريكي ,,

السعودي مايجي فيه كذا

[البرتاوي]

يعني ما يشتغل الا في النهار؟

[aboeyade]

الأخ mogram ما قصر وعطاك العلم اليقين بالتفصيل.
أما من ناحية تشغيلها فأنا ما أشوف إنها بيصير شكلها حللللو إذا شبكتها مع النور , بس إذا خليتها نفس المواصفات الأميريكية (يعني تشتغل بالنهار) بيطلع شكله روعه.

[برونز]

تشتغل عندما تقوم بتفعيل خاصية تشغيل اضواء المحيط من الأزرار التي عل يمين الطبلون ( استعرض جميع الخصائص وكيفية الشغيل ) العملية سهلة جداً
اذا شغلت هذه الخاصية سوف تشتغل معك هذه المبات وغيرها عندما تفتح الباب بالرموت