الفزعة يا راعين الباثفندر

[أبوغيث 2003]

بسم الله الرحمن الرحيم


السلام عليكم ورحمة الله وبركاته


يا اخوان انا موتري باث 2003


ومشكلتي حساس الهواء حق الفلتر


دايم يخرب اذا كشت ما ادري ليه


المشكله ان الموتر يبدأ يتفتف والضغط على 2.5 والحساس سعره بـ 500 ريال


ومب معقوله اني كل ما كشت غيرته


ابي حل الله يجزاكم خير ويوفقكم


فيـ آمان اللهـ

[بانثر2005]

أنا تفتف معي مره ونظفت الحساس بـ 200 ريال ولله الحمد للحين مضبوط معي له أكثر من شهرين

أهم شي تأكد من فلتر الهوا لا يكون فيه فتحه يدخل منها الغبار وحاول تحرص على فلتر الهوا بين فتره وفتره تغيره

بالتوفيق

[أبونجم]

بسم الله الرحمن الرحيم


نصيحة أخويه /
مر على وكالة الحمراني (( الحرامي :mad: )) وأعمل كشف بالكمبيوتر .
لعل وعسا يكون الخراب من مشكله آخرى بسيطة غير الحساس .

تحياتي لك:)

[التعـ King ـديل]

من واقع كلامك ان فيه مشكله بالموتر تأثر على الحساس انت شيك على الفلتر لايكون فيه تنسيم ويدخل تراب ويعدم لك الحساس

انا اكلمك من واقع تجربه معي باثفيندر 2005 قبل ابيعه وكان فيه مشكله بالحساس لاني كنت مركب فلتر رياضي واحيانا يضعف العزم

المهم بعد فتره قمت وغيرت الحساس وغيرت الفلتر لفلتر وكاله وشكيت على داشره الهواء بالكامل وتأكدت ان مافيها مشكله ولا تهريب

ومن وقتها لين بعت الموتر وهو زي الحلاوة معي والرجال اللي شراه متواصل معي ولا عمره طرا لي مشكله بالموتر الى يومك والحمدلله

[Gm Bas Gm]

قد تكون المشكله مو نفس الحساس شي ثانيه يخربه مثل ما ذكر احد الاخوان


قبل كان معاي سياره غير الباث وكان عندي مشكله في منضم الهواء دائم يخرب واغيره
في النهاية حصلنا المشكله في دائرة الكهرباء والحمد لله انحلت


شيك على نظام الكهرباء بالفحص على الكمبيوتر

[جول قميري]

اخوي ابو غيث ولجميع ملاك الباث انتبهوا من فلتر الهواء الفلبيني والله بغى يحوس علي الموتر
وانا امشي تولع لمبه المكينة ولا ياخذ بنزين ولازم اطفي واشغل مرتين صارت لي وبعد ما غيرته الحمدلله
الموتر ضبط..ترا الفلتر لونه برتقالي تقريبا ... انتبهوا منه جميعا

غير الفلتر وشف وش يصير

وماقدامك الا العافية باذن الله

[نار الجليد]

قد تكون المشكله مو نفس الحساس شي ثانيه يخربه مثل ما ذكر احد الاخوان


قبل كان معاي سياره غير الباث وكان عندي مشكله في منضم الهواء دائم يخرب واغيره
في النهاية حصلنا المشكله في دائرة الكهرباء والحمد لله انحلت


شيك على نظام الكهرباء بالفحص على الكمبيوتر

المشكله هذه عندي لكن مع نزول الامطار الغزيره او بالاصح كثره الرطوبه والبخار

لكن وش سويت علمنا جزيت خيرا

[رحال 999]

( صفاية البنزين )

اخوي بارك الله فيك انا صار معي مشكلة في الباث 2002 صار على ما قلت يتفتف واحيان يطفي ومريت على كذا ورشة وتعرف اختلاف الاراء واحد يقول حساس الهواء وحد يقول طرنبة البنزيم و.......

المهم قالي واحد شيك على الصفاية حقت البنزين ولانت خسران شي قلت بسم الله وغيرها من الوكالة

ولله الحمد إلي يومك معاد جاتة التفتفة
تقبل مروري رحال 999

[عبدالرحمن السالم]

بسيطه ان شاء الله

حاول بكل مره تروح تغير فيها زيت ينفخ له فلتر الهواء وبعد كل 3 تغيرات غيره ويضبط معك ، وبالنسبة لصفايه البنزين مع البواجي والسيور كل 40 او كل 50 ألف تغيره يكون افضل

[أبوغيث 2003]

إخواني,,,

جزاكم الله خير على تفاعلكم معي

والله يحفظكم

في آمان اللهـ

[الساهر2003]

باختصار شديد
للمعلومية فلتر المكسيما والباث متشابهات
فلتر المكسيما بـ 60 ريال وفلتر الباث بـ85 ريال
وعند محلات قطع الغيار يعطونك فلتر المكسيما الابيض وهو خفيف الكرتون تبعه
وممكن تطلب فلتر الباث الاصلي ولون كرتون مفلتر الهواء برتقالي وهو فلتر مظغوط وممتاز واما لون كرتون الفلتر الخارجي فهو عادي رصاصي مثل غيره من قطع غيارالنيسان
مع اطيب تحية

[أبونجم]

باختصار شديد
للمعلومية فلتر المكسيما والباث متشابهات
فلتر المكسيما بـ 60 ريال وفلتر الباث بـ85 ريال
وعند محلات قطع الغيار يعطونك فلتر المكسيما الابيض وهو خفيف الكرتون تبعه
وممكن تطلب فلتر الباث الاصلي ولون كرتون مفلتر الهواء برتقالي وهو فلتر مظغوط وممتاز واما لون كرتون الفلتر الخارجي فهو عادي رصاصي مثل غيره من قطع غيارالنيسان
مع اطيب تحية



مضبوط كلامك أخي 100 % ..:good:

[Gm Bas Gm]

مضبوط كلامك أخي 100 % ..:good:




اتفق معاك

وانا اشري اللفتر من الوكالة بحدود 80 ريال

[أبو سعود ...]

الأمر بسيط إن شاء الله الفلتر حق الهواء اللي أنت مركبه تجاري أبد ما عليك سوا تغير الفلتر إلى أصلي وأضملك أشره من الوكالة زي ما قالوا الإخوان سعره بثمانين ريال وأنتبه لايكون هناك تهريب شيك على العلبة والوصلات وشكراً طبعاً إذا ما غيرت الفلتر راح يخرب عليك الحساس ثانية.

[أبوغيث 2003]

يعطيكم العافيه

غيرت الحساس

والفلتر

وان شاءالله ماترجع المشكله مرهـ ثانيه

مشكورين اخواني والله يوفقكم ويسدد خطاكم

في آمان اللهـ

[مواسي الطعوس]

كل السبب من فلتر الهواء .

** لو تنفخ الفلتر اذا خلصت من النفود او البر بمنفاخ الهواء يفيد واجد .

* واذا خلصت من النفود لو تفكه وتضربه بيدك يطيح الرمل من الفلتر . لانه مع السرعه رايح يدخل مع الفلتر والضرب والنفخ لو بمنفاخ الهواء مفيد .


** اذ كان الجو غبار ومشيت 200 كيلو هذه اشد من انك تمشي 4000 الاف كيلو في الاجواء العاديه . يعني اذا جاء جوا فيه عج نفخه على طول بعد العج .


** والا غيره الى 2004م او 2005م لان المشكله بموديل 2003م لكن يكلف 1600 ريال على ما اظن .