صوت في الباترول وش الحل [الأرشيف]

مشاهدة النسخة كاملة : صوت في الباترول وش الحل

صدق النوى

12/06/2009, 11:54 PM

السلام عليكم ورحمة الله وبركاته
اعزائي وأخواني ومهندسي منتديات مكشات
1.عندي مشكله بالبترول الربع موديل 90 صوت بعد ما أمشي ميه يطلع صوت تحت مدري وشهو
2. وصوت لين رفعت رجلي عن الدعسه طلع صوت ولين دست الدعسه راح الصوت قوق قوق
الصوت رقم واحد قبل ما أركب يايات وفكيت عمود الدبل ونفس الصوت
الصوت رقم ثنين بعد تركيب يايات استراليه طلع الصوت
طبعا توني معدل العكوس كان فيها رجه والرمان الخلفي يقول توه زين
ورحت لمخرطة وحيد بالصناعية القديمه بالرياض ويقول غير عمود دون تفاهم
وغيرنا العمود بأربعمائه مع الرجيع تحت الضمان لمدة اسبوعين وبعد تغير العمود نفس الصوت لا زاد ولا نقص ولا راح
وما أدري وش المشكله حيرني وجنني ومللني قسم بالله
الي عنده خلفيه تكفى تكفى:confused: :confused: :confused: :confused:

د ك م 586

13/06/2009, 12:06 AM

معليش وش تقصد بـ توني معدل العكوس كان فيها رجه
اي عكوس الاماميه ام الخلفيه ووش نوع التعديل؟

صدق النوى

13/06/2009, 12:10 AM

معليش وش تقصد بـ توني معدل العكوس كان فيها رجه
اي عكوس الاماميه ام الخلفيه ووش نوع التعديل؟

العكوس الخلفيه كان فيها رجه وزانت الحمد لله

هويدي

13/06/2009, 12:21 AM

الصوت هذا صوت العامود بسبب رفعه الموتر بس ماقلتلنا كم ارتفاع الموتر عن الوكاله 3 سم او 5 سم ؟ اذا كانت 5 سم قص من الياي شوي بحيث انه يكون ارتفاعه 3 سم عن الوكاله بيبقى صوت بس اخف من الاول واذا كنت ملزم على الرفعه يا انك تحمل الصوت او جرب حدى حلين سمعت فيها بس ماجربتها بنفسي اللي هي وردات كبيره لكراسي القير بحيث انه ينزل كم من سانتي او تفر الدفرنس لفوق لتعويض قصر العامود الناتج عن ميلانه وشده بسبب رفعه الموتر

صدق النوى

13/06/2009, 12:27 AM

الصوت هذا صوت العامود بسبب رفعه الموتر بس ماقلتلنا كم ارتفاع الموتر عن الوكاله 3 سم او 5 سم ؟
3سم عن الوكاله الله يجزاك خير

الوسيطاء

13/06/2009, 12:27 AM

صدق النوى

13/06/2009, 12:34 AM

ربعي كلهم معهم باترول ربع
ومدبلين كعكات وارفع من موتري ولا فيها شي
وموتري هذا حاله
قسم بالله مليت من الموتر ما بعد تم سنه

التعـ King ـديل

13/06/2009, 12:44 AM

الصوت يبوي ماله دخل من الارتفاع انا معي باترول ومرفعه 4سم قدام وورا الصوت ذا طال عمرك شيك الدفرنسات ورجع عمود الدبل وركب فرارات

ترا فكته تسبب فراغ بين الدفرنسين تلاقي مشكله موترك بالساعه اللي بالدفرنس اللي ورا غيرها بحقت 92 وركب عمود الدبل زي ماقلت لك مع فرارات

وبيروح الصوت

صدق النوى

13/06/2009, 12:54 AM

يعني عمود كردان الي ركبت ما له دخل في السالفه
مركبه الخميس
تحت الضمان لمدة اسبوعين من الخميس

التعـ King ـديل

13/06/2009, 12:57 AM

ماله دخل عمود الكردان يسبب لك رجه مب صوت ووحيد الصفدي حرامي من الطراز الاول جايه عندي مشكله بدقه السلف قالي حذافك خربان

فكيت السلف وغسلته بالبنزين و9 شهور زي الحلاوة لين بعت الموتر وماكلفني الا ريالين بنزين الله يديم الرخص

صدق النوى

13/06/2009, 01:03 AM

المشكله متى بدات الأصوات
من بعد ما ركبت صليبات طلع الصوت الأول

اما الثاني من بعد ما ركبت الإستراليه 3سم

هويدي

13/06/2009, 01:09 AM

الباترول الصالون زي ماتفضل اخوي الوسيطا مايضره الرفع بعكس الربع لان عاموده قصير اي رفعه يطلع صوته

اما الثاني من بعد ما ركبت الإستراليه 3سم

1988

13/06/2009, 02:49 AM

اخوي عسول وين الخبره ؟؟؟؟؟؟
فك العمود يسبب فراغ ؟؟؟؟؟
وين راحن الرباطات وعمود الكردان ؟؟؟؟؟
تأكد من بنك المعلومات عندك

صدق النوى

13/06/2009, 02:41 PM

رحت للمكنيكي اليوم يقول
الصوت في الدبل
الله يعين بس

التعـ King ـديل

13/06/2009, 08:11 PM

اخوي عسول وين الخبره ؟؟؟؟؟؟
فك العمود يسبب فراغ ؟؟؟؟؟
وين راحن الرباطات وعمود الكردان ؟؟؟؟؟
تأكد من بنك المعلومات عندك

اخوي 1988 يمكن انا ماعرفت اشرح وش ببالي واشكرك على المداخله اللي لو كانت بصلب الموضوع افضل

1988

14/06/2009, 12:03 AM

الفراغ المقصود عندك هو الفضاوه حتى فكة عمود الدبل ما تسبب الشي هذا

1988

14/06/2009, 12:36 AM

اخوي صدق النوى
اولا /المشكله اللي عندك تكمن في مركب العمود نفسه لو تغير سبعين عمود ياعزيزي العمود عندك يتكون من جزئين الاول مسنن ذكر والثاني مسنن انثى واحد بداخل الآخر
ثانيا/مركب العمود من جهة القير بشكل افقي مستقيم
ثالثا/مركب العمود من جهة الدفرنس بشكل افقي مائل لأعلى
رابعا/اذا تم تركيب مقاوم اكبر بالارتفاع والحمل(ياي) يكون نزول الدفرنس وارتفاع الشاص اكثر مما كان عليه
خامسا/المشكله في عدم توافق المسننات الذكر والأنثى في الأستقامه بهذه الحاله يتسبب المسننات باصدار هذا الصوت بصوره اوضح يكون العمود شبه مكسور الشكل مع العلم انه موجود بالعامود صليبات لكن الصليب على حده الأقصى بالخلوص الخارجي للصليب من جهة الارتفاع والنزول
سادسا/الحلول 1/ اما ان يتم تغيير المقاوم (الياي) الى نوع اقل ارتفاع
2/او يتم تنزيل كرسي القير مقدار لايزيد عن 15ملم
3/المقاوم (الياي)المخصص للباترول الربع الموجود عند الرمايه بالرقم (2cm)

اود اضاف شئ لأخوي صدق النوى لاتسوي اي شئ من اللي قلت لك الا بعد التأكد من كل شي اسمه ربل (جلد شدادات امامي وخلفي وفوق /جلد عمدان توازن امامي خلفي/كراسي قير ومكينه)

مع تحيااااااااااتي للأخ خبير نيسان

صدق النوى

14/06/2009, 11:15 AM

السلام عليكم ورحمة الله وبركاته
يعطيكم العافيه

صدق النوى

14/06/2009, 11:47 PM

http://up3.m5zn.com/9bjndthcm6y53q1w0kvpz47xgs82rf/2009/6/14/01/nnxj3kcgu.jpg
هذي صورة للموتر بعد تركيب اليايات الإستراليه وما بدر منها من أصوات
الله يعينا على ها الموتر واصواته

الوسيطاء

15/06/2009, 01:18 AM

اخوي باين ان الموتر رفعته مبالغ فيها وتسبب لك انقلاب في الانحناء في المخارج انتبه ومن ناحيه الياي كما ذكرت الربع عامود واحد الصالون وصلتين يعني عامودين وانت لك الخيار انك تفك وتجرب ولاتخسر نفسك واذا انت معزم على الياي قصه وبيصير يستحمل احسن من ياي البلد وريح دماغك

صدق النوى

16/06/2009, 02:59 PM

3/المقاوم (الياي)المخصص للباترول الربع الموجود عند الرمايه بالرقم (2cm)

الياي مكتوب عليه 2c m

صدق النوى

19/06/2009, 12:26 AM

السلام عليكم ورحمة الله وبركاته
وبعد ,,,
معاناة باترول ؟؟؟؟
تم إرجاع عمود كردان الذي تم تغيره وليس به مشكله الحمد لله رجع عمودي
تم الذهاب لورشة المكينيكي السعودي ابو صالح التركي بالصناعية القديمه بالرياض
وتم تجربة السيارة وقرر مايلى :.
تغير جميع جلد عمدان التوازن والشددات
تغير كراسي القير
تركيب عمود الدبل الذي تم فكه لمعرفة المشكله
الزبده / الموتر نفس العله الي عالته الصوت موجود عندما ترفع عن الدعسه يطلع الصوت قوق قوق قوق
وترجع تدوس ما به إي مشكله
إفاده / أفاد أحد المكنيكين السعودين بإنزال القير 5 سم ليتوازن العود مع الدفرنس ولا يصدر أصوات
سؤال يطرح نفسه / هل إنزال القير عن موضعه يسبب مشكله أو تشويه
والحمد لله على قدر الله

1988

22/06/2009, 03:20 AM

5سم لا فيها مبالغه شوي اقصى حد للتنزيل 1.5 سم عشان مايقصر عصا القير وعصا الدبل معه

عبدالله العواجي

24/06/2009, 01:46 AM

السلام عليكم ورحمة الله وبركاته

صدق النوى
الحل عندي طول الله عمرك بدون مقدمات الحلول كلهن

المشكله الأولى
أنت تقول يطلع صوت إذا أسرعت تمام ؟
شف إذا أنت مركب فرارات (( يصير ماعندي علم لك ))
وإذا ماركبت ركب ويروح الصوت

المشكله الثانيه
وهي عاديه جدا جدا معي أخو موترك ومركب ياي أسترالي يطلع الصوت وإذا ركبت شد البلد يروح الصوت
الحل بدون كثرت قرق :D :D
ركب تانكي ماء بالشنطه وإترس والدينه (( يعني فلله ))
ثم ركب العزب والثلاجه والفراش وسكر الأبواب
إذا راح الصوت عطن خبر ونكمل الباقي

بنتضارك وأتمنى أكون أفتك لو بالقليل ؟؟

تحياتي أبو سليمان :heart:

صدق النوى

25/06/2009, 12:35 AM

السلام عليكم ورحمة الله وبركاته
اولاً / اشكر ثم أشكر ثم أشكر كل من شارك
ثانياً / الحمد لله الحمد لله تم معالجة المشكله ولله الحمد
أ. تم تغير مساعدات خلفيه ووضع مساعدات الوكله الأوله كانت منور غاز شادات المووتر
ب. تم إنزال القير 1سم ب 40 ريال وطبعا تغير المساعدات نزل 1سم او 2 سم
الزبده / راح الصوت والحمد لله رب العالمين .
س/ هل إنزال القير يؤثر على السياره ام لا

صدق النوى

25/06/2009, 12:37 AM

5سم لا فيها مبالغه شوي اقصى حد للتنزيل 1.5 سم عشان مايقصر عصا القير وعصا الدبل معه

كلام سليم 100% شكرا لك

صدق النوى

25/06/2009, 12:39 AM

تحياتي أبو سليمان
شكرا لك أخوي ابو سليمان