ابشركم شريت سيارة بعد عناء البحث

[Khalid AlGhamdi]

السلام عليكم ورحمة الله وبركاته

وبعد فترة طويلة من البحث والتحري

ابشركم اني شريت سفاري ( هذي اخرتها )

طبعا الموديل قديم 95 بخاخ

واحتاج نصيحتكم ، لاني بركب تانكي اضافي للجيب هل فيه احد يركب وبكم ووين

وبركب له فرار والظاهر اني بركب وارن

وكل نصيحة مهما كانت بنظرك بسيطة فهي عندي كبيرة وهامة وجزاكم الله خير :good:

[مهند]

الف مبروووووووووووووووووووووووك
الله يعطيك من خيره ويكفيك شره

[عليمي2000]

مبروك اخي MaxPower والله يعطيك خيره ويكفيك شره ويجعله فال خير عليك .
وانصحك بالتشييك عليه من جميع النواحي سوائل فرامل سيور بواجي الخ

[تالي الاولين*]

.


مبروك الله يطعمك من خيرها ويكفيك شرها

والله يجعلها من النواصي المباركة


.

[مبسوط]

الف مبروك يا MaxPower والله يطعمك من خيرها ويكفيك شرها والفال لنا ان شالله
بالنسبة لسؤالك عن التانكي الثاني للباترول فعندك واحد من ثلاثة:

1-تركب تانكي ثاني جنب عمود الكردان من الجهة اليمنى من السيارة(هذا طبعا للباترول95 الشكل القديم فقط) وتحط محول لتانكي الاساسي تقريبا راح يكون حجم التانكي حوالي 40 لتر تقريبا.

2-الرماية عندهم تانكي اساسي استرالي مفصل شد بلد للباترول او الاند كروزر تفك الاساسي حقك وتركب هذا بدالة وهذا حجمة للباترول حوالي 145لتر تقيربا اما بالنسبة للندكروزر 170 تقريبا منيب متاكد بس عيؤبة الغلا اذكر انة فوق 2000 ريال.

3- تفصل نفس فكرة الثاني وفية ورشة تسويها بارخص اسمها المميز او المواهب والله منيب متاكد وشغلة
يمحدونه الشباب وانا افضل هذي الطريقة لتوفير فقط.

[معمرها]

......)(بسم الله الرحمن الرحيم)(........

.............)(السلام عليكم ورحمة الله وبركاته )(.............

مبروك الله يطعمك من خيرها ويكفيك شرها

(((( MaxPower ))))


شـــكـــراُ

[Khalid AlGhamdi]

جزاكم الله خير واللي يبي ياخذ دورة بالموتر حياه الله :D ( شاري بي ام الظاهر )

[القناص]

الله يعطيك خيره ويكفيك شره .
وانصحك بالتشييك عليه من جميع النواحي سوائل فرامل سيور بواجي كفرات
وتغير جلد الابواب والنوافذ وبتدعي لي.

[الربذي]

مبروك اخي MaxPower والله يعطيك خيره ويكفيك شره ويجعله فال خير عليك .
وانصحك بالتشييك عليه من جميع النواحي سوائل فرامل سيور بواجي وتغير زيوت القيور وتشيك على زيوت الدفرنسات وهم شي تركب تحضيرية ولازم تسوي تربيط والله يعينك على صرفيت البنزين
مجبك اخوك الربذي

[الربذي]

جزاكم الله خير واللي يبي ياخذ دورة بالموتر حياه الله ( شاري بي ام الظاهر )

الغالي MaxPowerماني فاهم كلامك الي بين قوسين
محبك

[ابو شكاع]

مبروك الله يطعمك من خيرها ويكفيك شرها

والله يجعلها من النواصي المباركة

[Khalid AlGhamdi]

جزاكم الله خير :good: وان شاء الله بشيك عليه من كل شي اعرفه

اخوي الربذي اللي بين القوسين معناه اني الجيب عندي كأنه BMW :)

[تبريزة]

ماشاءالله


الله يعطيك من خيره ويكفيك شره

والعقبال لنا انشاءالله

ودمتم

اخوك
تبريزة

[أبو يوسف]

الله يطعمك من خيره ويكفيك شره

بس لازم تطلعنا كشته لجميع الأعضاء علشان يتبارك الموتر :)


تحياتي

[Khalid AlGhamdi]

جزاكم الله خير

افا عليك يابوهديل انت تامر وانا اطامر لو تبي اجيك للشرقية اطلعك من التغريزة اللي بالهاف مون اجيك طيران ( وانا من اهل الجنوب بعد :D )

[الطبيب]

الله يعينك على (( مصروف )) البنزين

لانه (( يرشف التانكي رشف ))

ولكن ترى الموتر مريح وبالرمل على كيف كيفك

وبالطرد يطربك

لكن العيوب

يبيله تربيط من وقت لآخر

والبنزين

ومبروك مرة اخرى

[ناصح]

الف مبروك

الله يعطيك من خيره و يكفيك شره

انا سبق ان جربت باترول سوبر سفاري موديل جديد 94 لمدة ثلاث سنوات ومشيت فيه 180000 كلم

ممتاز جدا

وبالنسبة للتربيط الوكالة يربطومه من الصدام للصدام بـ 150 ريال

وبالنسبة للرجة الكفرات الامامية لا تسوي ترصيص الا عند وكالات الكفرات خاصة وكالة يوكوهاما

واي سؤال عن الصيانه انا جاهز للأجابة من خلال تجربتي

[Khalid AlGhamdi]

جزاك الله خير يادكتور المنتدى :good:

اخوي ناصح جزاك الله خير ، بس سعر التربيط والله بلاش !!

الورش بالصناعية تبدء اسعارهم من 600 ريال وانت طالع !!