مستخدم جديد ويبي شوركم

[n_aa_s]

ياجماعة الخير شريت لي باترول لأول مرة في حياتي موديل 97 خليجي
وطلعت أنا والعيال لم النفود وبزعت قدام العيال أني سواق وطلعت النفود وغرزت غراز ابن كلب المهم واتك الموتر بالثقيل واشغل الدف لك وطلعت بسلام والحمد لله بس المشكله اني فضيت الدبل وطفيت الدفلك وعلق معي صرت اذا مشيت على الزفلت مغير يفاحط الموتر واذا مشيت بالتراب زين ؟؟ وحاولت اطفيه وعجزت عشقت الدبل وطفيته ولا طفى واعشق الدبل الثقيل واطفيه ويعيي واحط الدبل على الفاضي واطفي ويعيي لا يطفا الين ايست لا يطفى وآخر شي مشيت عليه شوي وهو طافي الزر بس الدفلك شغال وطفى من حاله وبردها الله بالعافيه
علموني وشلون اشغل واطفي الدفلك وهل التعليق طبيعي والا فيه مشكله ومتى استخدم الدفلك والدبل الثقيل والخفيف .
تحملوني يالربع تراني مستجد في عالم التطعيس

[aboyagob]

اخوي اول شي حياك بين اخوانك ..

ثاني شي اذا انت ناوي تطلع لنفود وتحس انه غراز حاول انك تنسم الكفرات طبعا موب طقها والحقها لا فيه معيار ( ساعه ) تقيس ضغط الهواء المعروف والممتاز تحط بالهواء 20-15 واذا طحت مره تحط 10

طبعا لازم يكون معك منفاخ هواء عشان ما تقدر تمشي بالشارع والهواء منسم يخرب لك الكفرات

ثالث شي الدبل لازم على الاقل كل شهرين تشغله وتشغل الثقيل وتشغل الدفلك عشان ما يجيم لان ان تركته يسير يالله يشبك ويالله يفصل

رابع شي اذا شبكت الدبل وعيا يفصل حاول تدق ريوس همن قدام او تلف يمين يسار ولا تمشي على الشارع والدبل شغال لانه قد يخرب لك العكوس او الكرونه الاماميه

واسفين على القصور واي استفسار انا موجود

[n_aa_s]

مشكور أخوي لا كن اللي عيا يفصل الدفلك ماهو الدبل