مطلوب أفضل (كهربائي تكييف ) في الرياض

[just 4 u]

السلام عليكم ورحمته الله وبركاته ,,,

أخواني الكرام أرغب في كهربائي مكيفات خبير + ثقه + مجرب يكون في الرياض عندي سيارة تاهو 2003
ودي أعرضها عليه ياليت من عنده خبرة سابقه يدلني علي واحد فيه المواصفات المطلوبه
وشكرا

[صقرالعرب2007]

فيه والله باكستاني خطييير جداً بالتكييف ويفهم بالأمريكي وخصوصاً الجموس وهو معروف بمحله من أكثر من 20 سنه بس مشكلته شايف نفسه شوي وبيني وبينك يحق له وأكثر من 6 أشخاص أعرفهم مشاكل بالتكييف شيل وحط ويوم راحوا لمه فرجها الله لهم ومن بينهم أنا...

مكانه ونت ببداية شارع المعارض بالشفا ووجهك شمال ثاني ملف قبل مطعم المائده البخاري رح معه يمين كنك داخل للمعارض بيجيك معرض على يسارك اسمه 6 اكتوبر وهو على يمين المعرض بابه لونه أزرق

وهذا رقمه لو بغيت تاخذ الوصف وموعد عنده لأن الزباين عنده كوووم 0506197313

[faris2006]

فيه ابو نايف(حضرمي) غالي شوي
انا اعرفه لي 15سنه
طريق الدائري الشرقي-مخرج 17

[التعـ King ـديل]

انا اعرف فني اسمه اسحاق بالصناعيه القديمه تلاقي رقمه بالرابط بتوقيعي موتري 3 شهور ابي حل وماخليت محل والحمدلله

ثلاث ساعات عنده ضبطت الامور

[خيال الغلبا]

لا يحوشك ابو نايف الحضرمي اللي في مخرج17

هج

[ali742]

لا يحوشك ابو نايف الحضرمي اللي في مخرج17

هج
صدقت والله

[عاشق z71]

لا يحوشك ابو نايف الحضرمي اللي في مخرج17

هج


انتو قصدكم الي تدخل مخرج 17 يجيك على اليمين على طول عند الاشاره جمب محل الشرع ؟

[عاشق z71]

اخوي صاحب الموظوع انت سيارتك نفس سيارتي

ايش الخلل الي عندك بالمكيف انا عندي خلل اذا وقفت يصير المكيف هوا مايبرد .؟

[just 4 u]

شكرا لجميع من شارك انا أنشاء الله بأمرهم واحد واحد وشوف وش يقولون

أخوي عاشق z71
ايه نعم موتري نفس موترك حتى z71 المشكلة نفسها بس التبريد يقل بشكل كبير جدا خلني احسبها بالنسبة
اول كان ينخفض التبريد عند الوقوف بنسبة 80 % ركبت مراوح كهرب حقت موديل 2005 وشلت المورحة الميكانيكة صلح التبريد بنسبة 50 % انا أبغاه يصير على الأقل 80 % تبريد يعني عند الوقوف يقل التبريد 20% بس

أما بالنسبة للكهربائين كل واحد يعطيك علم قالوا لي الفريون زياد ويضعط على الكمبرسور ولا يخليه يبرد وقالوا يبغالك أصلاح صوفة الكومبرسور وقالوا الكومبرسور ضعيف وقالوا يبغالك تنظيف مواصير وتغير فلاتر وتعبأة فريون أمريكي وقالوا هذى مشكلة الأمريكي ومالها حل وخذ من الخرط الفاضي

فعشان كذا ضعت ماأدري من أصدق بس أنا متأكد أن مافيه تهريب وكومبرسور كويس لأنه السيارة مكيفها ثلج مشاء الله تبارك الله أذا مشت حتي لو شوي حتي في عز القايلة من البرودة تحطة على 2 يكفي

وشكرا

[فهووودي 7991]

اخوي just 4 u

انا اعتقد ومن تجارب الي مالها حل هاذا عيب مصنعي

انا عندي اسكاليد 2004 اليومين هاذي يرفع ضغطي وتعودت عليه

اذا وقف قل نسبت تبريد ولا وازيدك من الشعر بيت ويرتفع عندي الحراه فوق النص

وللمعلومية مركب مروحه اضافيه حقت جمس 94 يشتغل مع الكمبروسر ومافيه فايده بس مأخره رفع حرارة السياره

وكلمت واحد من اصدقاي معاه نفس موتري 2002 ويقول يعاني من المكيف وحرارة السياره وتمشكل مع الوكالة تدري وش سوى الوكالة ركبوله مروحه اضافية قلت المشكله معه

((( المشكله المكيف وحرارة السياره من اجواء الحر الي نمر فيها وخصوصاً الثلاث الأيام الأخيره)))

تبي الحل الأفضل طربل موترك في الصيف ولاطلعه الى في الشتى

[حسين السبيعي]

لا يحوشك ابو نايف الحضرمي اللي في مخرج17

هج


وش السبب انا والله عطيته فلوس عشان مكيف سيارتي عطلان هل هو غشاش

[عاشق z71]

وش السبب انا والله عطيته فلوس عشان مكيف سيارتي عطلان هل هو غشاش


الحين المشكله هل هم يقصدون الي بعد المخرج يجي على طول على اليمين او لا







اخوي خبير نيسان

المشكله عندي ياليت يقل التبريد كان عادي

المشكله المكيف الامامي يصير هوا فقط بدون فريون

اما الخلفي تمام التمام

[الحريري2009]

السلام عليكم
عند واحد من الاخـوان باجيرو هدد موديل 2008
مثل الدوريات جاه منحه بس موتر والله اطلق من موتري النص فل0

الــــــــــــــــــــــــــــــــــــــــمـــــــ ـــــــــــــــــــــــــــــــهــــــــــــــــــ ـــــــــــــــــــــــم

عيبه انه مكيف واحد فقط امامي
في الليل قوي وطيب ويبرد السياره كلها
بس الضهر بحر الرياض ويوم يجيب اولاده من المدرسه يقول يوصلون البيت متروشين في السياره (( نص استوى )

======== يبي يولف مكيف خلفي للموتر بدون مايقرب حق الوكاله =====


اذا فيه احد جرب واحد ومشهود له فتكفون الفزعه الرجال عزيز علي ووالله يستاهل الخدمه 0

تكفـــــون بالامانه00 لاتخون ذمتك عشان عامل

[القلب المحروم]

هذا با التهوكله

عيب مصنعي

[بو جريس 73]

يجماعة ركبو مروحة مرسيدس 500 موديل 90 وتحت خارجيه وثبتوها من جهة راديتر المكيف ((هذه الطريقه يسونها عندنا بالكويت وترها تنفع ))

واقول يازين مكيف الأكسبدشن بس

[حسين السبيعي]

فيه ابو نايف(حضرمي) غالي شوي
انا اعرفه لي 15سنه
طريق الدائري الشرقي-مخرج 17
انتبه من ابو نايف حرامي نصب عليه في كنبرسر مستعمل ب700 ريال وحط فريون صيني وبعد يومين خرب المكيف علي وكل يوم يوعدني ويكذب علي حسبي الله عليه

[قناص خلاوي]

انتبه من ابو نايف حرامي نصب عليه في كنبرسر مستعمل ب700 ريال وحط فريون صيني وبعد يومين خرب المكيف علي وكل يوم يوعدني ويكذب علي حسبي الله عليه

والله الغبنة ؟؟
طيب ياخوي وانت ساكت له ؟؟؟
رح له بالصوت العالي واحرص يكون فيه ناس واجد بالورشة
واذا مانفع وقف موترك بالعرض قدام ورشته وخله يتصل بالشرطه
وبياخذون حقك منه لا ابوه لا ابو اللي كفله كانه عارف انه يغش المسلمين وساكت!!!!!!!!!!!!!!!!!!!

[ابوديما]

انتبه من ابو نايف حرامي نصب عليه في كنبرسر مستعمل ب700 ريال وحط فريون صيني وبعد يومين خرب المكيف علي وكل يوم يوعدني ويكذب علي حسبي الله عليه

اتصل بالرقم 8001241616 الخاص عن ابلاغ المخالفات التجاريه وتاخذ حقك ان شاء الله

[بلطي]

أخوي فيه فني مكيفات سوداني في مركز حوت عند معارض النسيم اسمه عبد القادر رقم جواله 0507153522
كان عندي اسكاليد غيرت له خمس كمبروسرات رحت لمركز حوت صلحه وعطاني ضمان عليه وصار ثلاجه المكيف

[علومك غانمه]

هذا احد المواضيع تسوي له دعاية