صوت كرونة باترول وينك يالخبراء

[ابويارا1001]

صبحتوا بالخير جميعا


عندي باترول ربع 90 فيه بداية صوت بالدفرنش الخلفي على سرعة 90 اذا خفيت رجلي عن الدعسه يطلع صوت ونه


واذا دعست راح الصوت ويرجع على سرعة 130 اذا كانت السرعة ثابته واذا دعست راح الصوت


انا ادري ان الصوت من الكرونه وكثر خيرها هالعمر هذا كله


اللي ابي اعرفه وشلون اقدر اخفف الصوت او انهيه


قالوا لي انتبه تغير زيت الدفرنش راح يزيد الصوت


انا ما افكر بالبيع بس ابيها تمشي معي اطول مده ممكنه


طيب وش الحل النهائي لو انها قالت مكاني وجيمت


هل اغير الدفرنش كامل او اشتري كرونه من التشليح


طيب اللي اعرفه ان شغل التشليح ما يطول شهرين بالكثير ويرجع الصوت



فزعتكم لا هنتوا

[المميـز]

شيك على زيت الكارونه لايكون ناقص

وسبب النقص اما من احد صوف العكوس او تنديه من الكارونه نفسه

اي يمكن يبي له خرط

كانك من اهل القصيم مر على ورشة ابو عبدالله الصمعاني في تشليح بريده

ويبي يفيدك ويحله لك ان شاء الله

[ابويارا1001]

الزيت تمام شيكته مافيه نقص ولا تهريب والحمد لله


وانا من اهل الظهران ماني حول بريدة

[إسم العضو]

السلام عليكم
هذا أخوي مو صوت كارونه هذا صوت العامود إن كانك رافع الموتر لازم يطلع هالصوت وتراه خطير
شوي يمكن لو تاخذ مطب قوي ويتفع الموتر زياده راح تطلع فلنجة الكارونه عن مكانه
فنصيحتي لك يا تنزل الموتر زي البلد او تنزل القير شوي يعني تحط بين كرسي القير والشاص سيور كذا راح يخف معك الصوت شوي
هذا إذا كنت رافع الموتر أما إذا كنت مارفعت الموتر ترا المشكله بعد بالعامود يمكن يبيله تشحيم
وانا أقصد عامود الكردان الخلفي
والمشكه هذي ماتطلع إلا للربع بس
الصالون ترفعه قد ماتبي مايقول شي
هذا والله أعلم

[sgl2002]

حط زيت ١٤٠ + معالج الاحتكاك واصبر اسبوعين وتروح اذا الصوت من الكارونة