استفسار بخصوص تلفون اليوكن

[تبريزة]

.
.
.
.
.
.
السلام عليكم ورحمة الله وبركاته


اسعد الله اوقاتكم بكل خير


عندي 3 استفسارات بخصوص اليوكن


الاول بخصوص تليفون اليوكن ،، انا اشوف عندي بالدركسون زرار عليه صورة وجه زي ماهو واضح بالصورة


http://www.mekshat.com/pix/upload03/images115/mk8565_x1.jpg




اذا ضغطت عليه يطلع لي على شاشة المسجل كلمة فون بالانجليزي مثل ماهو واضح بالصورة


http://www.mekshat.com/pix/upload03/images115/mk8565_x2.jpg



طبعا يطلع صوت شخص يتكلم ويقولي مرحبا بك ماادري ايش ،، بعدين يقول ادخل اي كلمة ،، طبعا جلست ابربس ويقول الكلمه غير مفهومه ،، الين قلت كلمه وشبكت وقال هلوو مستر ديفد :D ، الظاهر انه يعني صاحب السيارة الاول (ديفد السماثا) :D ،، طبعا يقول كلام كثير ،، ومثل ماانتم عارفين انا ثقافتي اسبانيه لذلك مااعرف انجلش :j



وعندي فوق جنب الشماسه مكرفون ملصق مثل ماهو واضح بالصورة


http://www.mekshat.com/pix/upload03/images115/mk8565_x3.jpg



الاسنفسار طبعا وشلون اشبك البلوتوث او التلفون حق السيارة على الجوال اذا فيه مجال مثل ماهو واضح علما اني سويت بحث بلوتوث بالجوال وكلمة فون طالعه بشاشة المسجل لكن ماحصل عندي شيء بالجوال
علما ان سيارتي يوكن 2003 امريكي




الاستفسار الثاني بخصوص التقشرات اللي بالطبلون مثل ماهو واضح بالصورة


http://www.mekshat.com/pix/upload03/images115/mk8565_x4.jpg


هل فيه حل اني مثل اضع عليه شيء ويوقف التقشر علشان مايمشي مع الوقت ، الصراحه فكرت احط عليه لصاق شفاف لكن بيطلع الشكل كأنه طاولة مطعم بخاري :no2:




الاستفسار الاخير اذا تسمحون لي احبائي في الله.. اذا وقفت اسمع صوت المكيف يقول (تست تست تست تست تست) طبعا عجزت القى حل ، علما اني مغير كومبرسور قبل 3 اسابيع تقريبا ومافيه تهريب بالفريون، هل اخد من الشباب مرت عليه المشكله ولقى لها حل ^^


اسف على الاطاله احبائي ،، واسف على رداءة الصورة لأنها من الجوال


ودمتم بخير ،، وفقكم الله في حلكم وترحالكم

[كبسولة2]

أخوي تبريزة

والله ماعندي علم بالألكترونيات في دركسون اليوكن

لكن هناك موضوع قبل فترة عن شاشة اليوكن وبرمجتها أعتقد تجد ظالتك فيه

في المنتدى أبحث عنه

وأعذرني على القصور

[بدوي جنوبي]

مركزالمعلومات بطبلون الجموس والشفر من 03 الي 06 حصري لمكشات 50 صورة (http://www.mekshat.com/vb/showthread.php?t=153740)

http://www.mekshat.com/vb/../pix/upload02/images79/mk32037_one.jpg

بالنسبه للزر الخاص بالنداء ON STAR SYSTEM
نظام تحديد المواقع العالمي يستعمل نظام GPS
هذا خاص بالولايات عندهم وهو يعتمد علي الاقمار الصناعيه
wireless
يوجد لديهم مركز خاص بالنداء عند حالات الطوارئ

تحياتي

[تبريزة]

أخوي تبريزة

والله ماعندي علم بالألكترونيات في دركسون اليوكن

لكن هناك موضوع قبل فترة عن شاشة اليوكن وبرمجتها أعتقد تجد ظالتك فيه

في المنتدى أبحث عنه

وأعذرني على القصور


يابعدي الله يعطيك العافية ماقصرت يالغالي

طيب ماعندك خلفيه عن الاستفسارين الاخرين واكون لك من الشاكرين

بيض الله وجهك :)

[تبريزة]

مركزالمعلومات بطبلون الجموس والشفر من 03 الي 06 حصري لمكشات 50 صورة (http://www.mekshat.com/vb/showthread.php?t=153740)

http://www.mekshat.com/vb/../pix/upload02/images79/mk32037_one.jpg

بالنسبه للزر الخاص بالنداء ON STAR SYSTEM
نظام تحديد المواقع العالمي يستعمل نظام GPS
هذا خاص بالولايات عندهم وهو يعتمد علي الاقمار الصناعيه
wireless
يوجد لديهم مركز خاص بالنداء عند حالات الطوارئ

تحياتي



يا هلا وغلا يابعدي الف الف شكر على المعلومه ،، فعلا اول مايشتغل عندي يقول هالكلمه ON STAR SYSTEM

موفق خير يابعدي بيض الله وجهك

[بدوي جنوبي]

مرحبا بك :D

السيارة غير مزودة بالبلوتوث
اما التقشير اعتقد ماله حل الا رش بوية

حاول تبتعد عن اشعه الشمس ولا تلمع بأي مادة

اما كلمة فون في اللوحة الالكترونيه هي تتعلق بنظام الاتصال بالاقمار الصناعيه
وترا ما تعمل عندنا ،،، فقط في امريكا والمكرفون هذا برضو يخص البرنامج
علي اساس تتحدث مع اللي يرد عليك ،،،

اما صوت تست تست دام مافي تهريب فريون والتبريد ممتاز ان شاء الله ما عندك مشكله ،،


http://www.mekshat.com/pix/upload03/images115/mk8565_x3.jpg

شوف الفرار الايسر حق المكيف الخلفي

عندك 3 خيارات
AUX
AUTO
وعلامة دائرة o

خيار اواكس هذا اذا تبي الاشخاص اللي في الخلف يتحكموا بالمكيف
تضعه علي aux

اما اذا تبي محد يتكم فيه مثلا الاطفال ما يشغلوه والسيارة تمشي مثلا
ضعه علي علامة الدائرة o
اما اذا تبيه يعمل المكيف مع تشغيل المكيف الامامي ضعه علي خيار auto


لاني اشوفك في الصورة وضعته علي اوكس :mad:

ترا فيه حركات :D
اذا تبي زر صوت التنبيه مثلا اذا تركت المفتاح في السوتش يجلس الجرس يطنطن

تقدر تتحكم فيه الصوت يكون واطي او عالي
بالضغط علي رقم 6 في ازرار المسجل ،، ويكون في وضع off والسوتش شغال
بتسمع الصوت يرتفع ،،

واذا تذكرت شيئ يا بعدى علمتك :)

بالتوفيق

[تبريزة]

يا هلا وغلا بدوي جنوبي

الصراحه معلومات خطيره وخاصه حقت الصوت جديده بالحيل علي :)

بروح اتفلسف على الشباب بالاستراحه اجل ههههههههههههه

الله يعطيك العافية يابعدي بيض الله وجهك

[عاشق z71]

معليش على المداخله يالغالي بس بكم غيرت الكمبروسر وكيف التكييف معك

لان عندي مكشله اذا وقفت يظعف التبريد الامامي بس الخلفي تمام

[تبريزة]

الكومبرسر شريته بـ 1050 ريال

واخذ شغل يد 450 ريال شامله التركيب وتنظيف المواصير وتعبئة الفريون

ومثل ماذكرت فيه صوت تستسه اذا وقفت ورجعت لمه وقال هذا طبيعي

حتى سئلته عن المكيف اذا وقفت يبخر ويصير حار قال برضو طبيعي بس اذا مشيت يعتبر مقبول نوعا ما
قال عاد الجو عندكم جميل وشاعري، وعقبه اقتنعت :)

[بدوي جنوبي]

الكومبرسر شريته بـ 1050 ريال

واخذ شغل يد 450 ريال شامله التركيب وتنظيف المواصير وتعبئة الفريون

ومثل ماذكرت فيه صوت تستسه اذا وقفت ورجعت لمه وقال هذا طبيعي

حتى سئلته عن المكيف اذا وقفت يبخر ويصير حار قال برضو طبيعي بس اذا مشيت يعتبر مقبول نوعا ما
قال عاد الجو عندكم جميل وشاعري، وعقبه اقتنعت :)


الثلاجة عندك فيها تنسيم وتحتاج تغيير
قيمتها في الوكاله ب 1800 ريال وتركيبها يترواح ما بين 800 الي 1000

اذا يطلع بخار ،، ويصير حار السبب هو الثلاجة والصوت يظهر منها
http://www.mekshat.com/pix/upload03/images115/mk32037_11.jpg
لان غيرها واحد من الزملاء شراها من التشليح ب 300 ريال تقريبا ومعها الدفايه
وركبها ب 800 ريال ،،، لان موقعها تحت الطبلون لازم يطلع الطبلون بالكامل
مع الدركسون ،، حتي الطبلون تقشر عليه من الشغل والسيارة تاهو 2003

واللي ركب الثلاجة يقول بعد كذا ما راح اركبها الا ب 1500 ريال
لان شغلها طويل وتحتاج اكثر من يومين ،، هذا والعماله فلبينيه

رأئى انتظر شوف تبريد المكيف اذا مع الوقت يصير حار ويبخر ،، هذا يؤكد ان الثلاجه فيها تنسيم (خرم بسيط)
والله يعينك

[3bdelm7sn]

موترك ما فيه تلفون الزر هذا اللي في الدركسون قصده اذا جيت تكلم احد بالجوال والرادو عندك او المسجل شغال تظغطه ويكتم الصوت ويطلع لك فون عشان لا خلصت المكالمة ونسيت تلاقي فون

[تبريزة]

الثلاجة عندك فيها تنسيم وتحتاج تغيير
قيمتها في الوكاله ب 1800 ريال وتركيبها يترواح ما بين 800 الي 1000

اذا يطلع بخار ،، ويصير حار السبب هو الثلاجة والصوت يظهر منها
http://www.mekshat.com/pix/upload03/images115/mk32037_11.jpg
لان غيرها واحد من الزملاء شراها من التشليح ب 300 ريال تقريبا ومعها الدفايه
وركبها ب 800 ريال ،،، لان موقعها تحت الطبلون لازم يطلع الطبلون بالكامل
مع الدركسون ،، حتي الطبلون تقشر عليه من الشغل والسيارة تاهو 2003

واللي ركب الثلاجة يقول بعد كذا ما راح اركبها الا ب 1500 ريال
لان شغلها طويل وتحتاج اكثر من يومين ،، هذا والعماله فلبينيه

رأئى انتظر شوف تبريد المكيف اذا مع الوقت يصير حار ويبخر ،، هذا يؤكد ان الثلاجه فيها تنسيم (خرم بسيط)
والله يعينك



الله يعين اجل على الخساير

طيب ما فيه شيء يسد الخرم مثل (لحام بارد) اللي هو الصمغ اللي يجي لونين وتخلطه :)

[تبريزة]

موترك ما فيه تلفون الزر هذا اللي في الدركسون قصده اذا جيت تكلم احد بالجوال والرادو عندك او المسجل شغال تظغطه ويكتم الصوت ويطلع لك فون عشان لا خلصت المكالمة ونسيت تلاقي فون


الله يعطيك العافيه

بجربها اليوم وواعلمك :D