المساعد الشخصي الرقمي

مشاهدة النسخة كاملة : ياهل الباثفندر الموتر شوي ويطفي ..!!!


الساهر2003
14/06/2009, 12:40 PM
السلام عليكم ورحمة الله وبركاته ,,


الله حي اخواني اعضاء منتديات مكشات ,, اموركم زينه ان شاء الله ..


يقولون الاوليين من بلي بحصاة شالها ,, وانا الله بلاني بحب الباثفندر ولو انه يلك بعض الاحيان لكن في الاخير نطلع بنتيجه وهذا اللي محببني فيه ..


زبدة الموضوع انا معي باثفندر 2005 قير اوتوماتيك اموره حلووووة يالله لك الحمد ,, الا في حاله وحده وهي اني اذا مسكت خط وجلدته مده ساعه او ساعتين ثم دخلت الديرة اول ما تدخل الديرة واوقف عند اول اشارة الى الان الامور زينه .. لكن المشكله اذا ولعت خضراء طبعا طبيعي تدعس والمفرووض الموتر يقبل الدعسه لكن الحبيب تقول انه مقصر مايقبل بسرعه شوي ويطفي ثم ادعس مره اخرى ويمشي طبيعي ,, يعني يطيح العزم ثم يرجع بسرعه ..!!!


داري طولتها وهي قصيرة لكن من شي في خاطري وودي بأخذ رايكم وش ممكن تصير البروبلم ...؟؟؟
عبدالرحمن السالم
14/06/2009, 01:56 PM
وعليكم السلام والرحمه
والله مالومك بحب الباثفندر ولاهو بس انت وحتى انا ،، والله يعطيك من خيره ويكفيك شرهه
والله شف انا مالى علم بصراحه بس اتوقع انه من فلتر البنزين او صفايه البنزين
او انه من الحساس خوفك داخله تراب والا شى .. تأكد منهن هذولي .. اتوقع واحتامل كبير انه منهن لاني خابرك ماشاء الله تبارك الله تعرف انت لموترك مايحتاج انك تشاور انت تستشار الله لايضرك
N-xterra
14/06/2009, 02:02 PM
غير فلتر الهوااااااااااااء تحصلة يمرر الهواء بنسبة أقل من المطلوب وباني عليه طبقة بسبب الغبار
أبد غيرة وتظبط أمورة انشاء الله - المفترض يتغير كل 20 ألف كيلو
الساهر2003
14/06/2009, 02:49 PM
بيض الله وجيهكم اخواني ع المرور ,,

وانا اخوووك ماخاب من استشار وودنا نشووف راي الربع لعل ان شاء الله نطيح بواحد صايد المشكله ..

وان شاء الله لي مرور على ورشه خابرها ابشوووف الفلتر وصفاي البنزين
ابومنار
14/06/2009, 02:54 PM
غير فلتر الهواء
اذا ماضبط تأكد من حساس الهواء لايكون ضارب عليك وترى سعره غالي حول 1200ريال
والتشليح 400ريال
ولد رغبه
14/06/2009, 03:00 PM
شف يا خوي تاكد اول من الصفاية بنزين اذا زينه ولا لا
وثاني شي شف فلتر الهواء
وثالث شي حساس الهواء
ورابع شي تاكد من سلامت طرمبت البنزين
التعـ King ـديل
14/06/2009, 03:03 PM
شيك على دوره البنزين ودوره الهواء بالسياره وراح توضح معك العله
الساهر2003
15/06/2009, 01:24 AM
بيض الله وجيهكم ومشكورين على المرور ,,

بالفعل منتدى ينحسد الواحد على الاعضاء اللي فيه سرعه الاستجابه والافادة ..

وجااااري البحث ان شاء الله
عبدالرحمن السالم
17/06/2009, 10:09 AM
بشر يالساهر وش صار عليك ؟
رحال 999
17/06/2009, 10:34 AM
السلام عليكم ورحمة الله وبركاتة
اخوي الساهر 2003 كيف حالك واعضاء المنتدى جميع

انا واعوذ بالله من قولت انا عندي باث 2002 وصار لي المشكلة اللي تقول بالظبط قبل ثلاث اسابيع تقريبا إذا جيت عند الاشارة توهقت صرت اهدي السرعة وانا من بعيد إذا الاشارة حمراء المهم وشلك في الطويل ،،،

توقت ان المشكلة الحساس او انها تتعلق بالبنزين قلت نبداء بالهوين البسيط ثم الصعب ،،،،

قلنا الصفاية ياولد فلتر البنزين ويوم فكيتة الله لايوريك لو تجمع مواطير نجد كلها وتنفخ في الصفاية ما طلع شي هههههههه:confused:
وانا اللي اغيرها من الوكالة بخمسين ريال ,,,,

والحمد لله إلي يومك ما طلعت المشكلة مرة اخرا ولله الحمد والفضل

تقبل مروري ولو اني غثيتكم بكثر الكلام ,,,,,
عبدالرحمن السالم
17/06/2009, 11:57 AM
الحمد الله يعني توقعي طلع في محله انا توقعت انه من الصفايه
بالعكس اخوي الرحال عسل على قلوبنا والله لايهينك وشكراً على الافاده
رحال 999
22/06/2009, 11:24 AM
يعطيك العافية اخوي دحيم والله لايهينك،،،
الساهر2003
22/06/2009, 12:40 PM
اول شي اسف على التأخير وبالفعل تم تغير فلتر الهوا والصفاي بأصلي من الوكاله ,,

ولله الحمد الموتر مثل الحصان يالله لك الحمد

كل الشكر على من تداخل في الموضوع ,,,
عبدالرحمن السالم
23/06/2009, 09:18 AM
ماشاء الله تبارك الله .. كويس والله والحمد الله انه ضبط معاك ولا تتهاون فيها ،، الاشياء هذي من الضروريات
موفق خير
الله يعافيك رحال ولايهينك
باثفندر 2005
23/06/2009, 10:29 AM
هلا اخوي ..
انا معي اخو موترك ..
وحصل معي مثل ما قلت وغيرت فلتر الهواء وشي حاله بس مو بشكل المطلوب ..
مازل الكتمه او ضعف العزم موجود ..
لاكن غيرة فلتر البنزيل والحمدلله ..
ماخاب من استشار ..
واخواني ماقصرو افادوك بالي يعرفون وانا اكد على انه فلتر البنزيل والله يوفقك ..
جول قميري
23/06/2009, 12:03 PM
الحمدلله على سلامة موترك اخوي الساهر

كل يوم انتعلم شي من رجال مكشات الله يعطيكم العافية

اخوي الساهر بكم فلتر البنزين شكلي بغيرها اخاف لا يصير شي.
الساهر2003
25/06/2009, 02:15 AM
كل الشكر لمن رد ع الموضوع وبالنسبه للقطع خذتها بـ 120 ريال ,,
جول قميري
27/06/2009, 12:03 AM
اخوي الساهر وش القطع اللي اخذتها عشان نكون على دراية بالقطع اللي نحتاجها لك تحياتي
الساهر2003
27/06/2009, 02:15 PM
طبعا انا اخذت فلتر هواء وصفاي بنزين ,, واسف على التأخير