المساعد الشخصي الرقمي

مشاهدة النسخة كاملة : استفسار


م ل و 567
14/06/2009, 02:23 PM
السلام عليكم ورحمه الله وبركاته

حياكم الله جميعا..عندي استفسار بسيط يالربع..
انا معي لاند كروزر 2004 وابي ارفعه من ورا عشان التحميل وابي اركب له كعكات
بس ماعرف وين تنباع فيه..ياليت تدلوني عن مكان بيعها.. ووش افضل كعكات حديد ولا بلاستيك مقوى؟
وين افضل ورشه تركبها.. ولكم مني جزيل الشكر والمحبه.
ولد رغبه
14/06/2009, 02:45 PM
وعليكم السلام ورحمة الله وبركته
اخوي انت تبي ترفعه من ارفعه يجي 2ونص سنتي و2 سنتي
وبعدين اللي اعرفه انه يجي حديد
وانت مكانك اذا في الرياض
راح الصناعيه القديمه( صناعية الخرج )اذا جاك اشارة شارع الاربعين او العنوز يمنك راح سيده اللي يجيك مستوسف الاهلي خش من عنده يمين وثم يمين وثم سيد شوي اللين يجيك تقطع تي راح معه يسار اول يمين اتركها عقب الفه تالقى بوفيه وجنبه ورشه مرات هذي هي الورشه يعرف وش تبي بضبط من والمقاس اللي تبيه
راعي الطلعات
14/06/2009, 03:01 PM
مالك الا الصناعية القيدمه

وركب كعكات حديد افظل لك بس تأكد من سلامت الياييات الخلفيه عندك والمساعدات اذا كانت قديمه مره فا معناته انك افظل شي تركب يايات جديده وكاله او استراليه وتركب مساعدات جديده من الوكاله ولا جبريل ولا الانواع الاخرى ثم عاد تشوف اذا الموتر يحتاج رفع او لا وتقدر تشوف مقاس الكعكات الي انت تحتاجه 2 او 3

وافظل محلين عند محل مبارك(حضرمي) ومحل العيسى (ابو احمد مصري) شغلهم ممتاز

وبالتوفيق
م ل و 567
14/06/2009, 05:03 PM
الله يعطيكم العافيه ويجزاكم خير ماقصرتوا..


بالنسبه للكعكات من وين اشتريها؟؟
بدوي جنوبي
14/06/2009, 05:06 PM
لا ترفع كثير يخرب عليك الدفرنس

بالتوفيق
راعي الطلعات
14/06/2009, 09:11 PM
الله يعطيكم العافيه ويجزاكم خير ماقصرتوا..


بالنسبه للكعكات من وين اشتريها؟؟

نفس الورشه الي راح تركب عندها هم الي راح يجيبونها لك واسعارها من 80 ريال الى 100 ريال

واي استفسرا جاهزين ان شاءالله
م ل و 567
15/06/2009, 03:18 AM
ولد رغبه_راعي الطلعات_بدوي جنوبي

جزاكم الله الف خير وبيض الله وجيهكم ماقصرتوا الله يعطيكم العافيه.