المساعد الشخصي الرقمي

مشاهدة النسخة كاملة : مشكلة في التانكي الاحتياطي لـ VX.R


al-nashmi
22/06/2004, 12:13 PM
السلام عليكم ورحمة الله وبركاته

الاخوان الكرام...

باركولي شريت VX.R 2001

الله يعطيني من خيره ويكفيني شره...

الموتر والحمدلله ممتاز ...... بس فيه مشكله بسيطه.... اللي هي ما يحول من التانكي الكبير الى التنانكي الاحتياطي.. يعني اذا ضغطت على زر التانكي الاحتياطي على طول يطفى الموتر ،،،

رجاء من الاخوة اللي الي عنده حل لهذه المشكله او قد صارت معه .... يفزعلنا بها.....



ولكم تحياتي

اخوكم النشمي
معمرها
22/06/2004, 12:24 PM
......)(بسم الله الرحمن الرحيم)(........



.............)(السلام عليكم ورحمة الله وبركاته )(.............

الف مبروك
الله يعطيك من خيره ويكفيك شره

شـــكـــراُ
طمطماية
25/06/2004, 03:20 PM
مبروك عليك الموتر ... والله يعطيك من خيره ويكفيك شره

ويا جعلها أردا ما تشتري ...


أخوي ... شيك على التانكي يمكنه فاضي مافيه بانزين :)
حوض التويوتا
26/06/2004, 03:19 AM
السلام عليكم ورحمة الله وبركاته؛
حي الله الشباب؛ واقبلونا عضو جديد معكم؛
هذي أول مشاركة لي؛


يالنشمي مبروك السيارة، جعلها عون على الطاعة..
أنا كان عندي VXR 92؛ صارت له نفس المشكلة، وبعد الفحص، تبين ان الكهرب حق الزر (الضغاط) فيه مشكلة..
وأيضا مشكلة مشابهة صارت معنا في VXR 97؛ الدبل الخفيف زر (ضغاط)، إذا ضغطته طفا الموتر، وتبين ان الكهرب فيه مشكلة...

وأتمنى لك التوفيق وحل المشكلة...

والسلام ختام................
المستشار الخبير
28/06/2004, 07:18 AM
قد يكون من مضخة الوقود في الخزان الثاني أو المرحل (الريلي-الكتاوت) الخاص بها
أو من المصهر (الفيوز) للمضخة الثانية أو مثل ما يقول الأخوة من مفتاح التبديل بين الخزانين.

وشكرا
بركان
28/06/2004, 07:59 AM
ما شاء الله
نشمي ومعه فكس
وش بقي
ما بقي الا التانكي الاحتياط يشتغل
اولا مبروك عليك الفيكس والله يعطيك من خيره ويكفيك شره وقد احسنت الاختيار يا هو مركب!!!

نصيحتي مر به على الوكاله فمشكلتك كهربائيه بحته ولا تدع المتطببين يعبثون به.
عط خبزك الخباز ولو اكل نصفه.
الله يهنيك ويديم نعمه علينا ويعينا على شكرها.
al-nashmi
17/07/2004, 05:11 PM
السلام عليكم ورحمة الله وبركاته


الاخوان الكرام.....


معمرها.......

طمطماية ........


حوض التويوتا........


المستشار الخبير........

بركان............


تحيه طيبه .....

الله يسلمكم ويبارك لكم ... وفيكم...

ابشركم المشكله انحلت وصارت من طرمبه التانكي الاحتياطي وغيرتها ب 400 ريال..

عفاكم الله ولا قصرتم.....

وتقبلوا تحياتي
المستشار الخبير
20/07/2004, 06:11 AM
الحمد لله أصبت في توقعي