شريت باثفندر وليس عندي خلفية عن الدبل الخفيف من الثقيل ارجو المساعدة

[أبوغلاااا]

ارجو مساعدتي في شرح قير الدبل

حيث يوجد 2h
4h
4L
متى يستخدم كل منها
ارجو الشرح ولكم جزيل الشكر.....

[التعـ King ـديل]

اول شي مبروك المزيون والله يعطيك خيره ان شاء الله ويكفيك شره

H2 = هذي طال عمرك تخليه وقت المشي العادي دائمآ داخل الديره وبالسفر

H4 = هذا سلمك الله الدبل الخفيف يعني وانت طالع تتمشى بالبر تنسم كفراتك شوي يعني 20 - 25 وتحطه بهالنمره وطاعس على كيف كيفك

L4 = هذا سلمك الله فرضآ لا قدر الله وانت تطاعس غرزت تحطه بهالنمره وتدوس البنزين شوي شوي يطلع لك الموتر او تكون في منطقه رملتها

ثقيله وتحتاج عزم للموتر وقوه بالدبل تحط هالنمره وان شاء الله انك ماتحتاجه ابد

[toyota2008]

السلام عليكم

مساء/صباح الخير

اخوي الي اعرفه عن دبل الباث انه سلمك الله اذا بغيت الخفيف نزل قير الدبل لتحت هذا الخفيف
اما الثقيل وانت حاط الدبل على الخفيف اضغط القير من فوق ونزله لتحت هالوضعيه بيتكون السياره بوضع n يعني اذا عطيتها d ماراح تتحرك نزل القير لتحت نفس مانزلته للخفيف وبيشبك معك الثقيل

وتقبل مروري ويفيدونك باقي الاعضاء

[أبوغيث 2003]

مبارك عليك الباث

والله يطعمك من خيره ويكفيك شره

كشرح مبدئي

2h دفع خلفي

4h دبل خفيف

4L دبل ثقيل

طبعا

الدفع الخلفي هذا بالزفلت (الله يكرمك)

الدبل الخفيف اذا دخلت النفود

والدبل الثقيل تشغله اذا دقر الموتر بالنفود وعيا يمشي طبعا اذا شغلته تمشي بشويش وما تزر عليه عشان الموتر ما يغطس

واذا كان موديل الباث 2005 وتحت

فطريقة تشغيل الدبل تخلي القير بالفاضي ثم تعشق قير الدبل على ورى

وطريقة تشغيل الدبل الثقيل تضغط قير الدبل على تحت وترجعه على ورى آخر شي بنفس الوقت
أما اذا كان موديله من 2006 وفوق
فهو تخلي الموتر بالفاضي وتضغط على الزر اللي تبيه سواء ثقيل ولا خفيف

بالتوفيقــــــــــ

[محمدالعريني1]

طبعنالاخوان وصلو المعلومه كامله وماقصرو بس فيه اضافه بسيطه لاتستخدم الدل الاونت مبنشر الكفرات يعني فيها20 من الهواء وسبب ان كفرات السيارة تجي حجريه وانصحك تغير الكفرات رمليه اذا كنت راعي طعوس تراء اخوك معه باثفندر وعارف مشاكله

[أبوغلاااا]

خبير نيسان
toyota2008
أبوغيث 2003
محمدالعريني1

أشكركم كل الشكر على الردود ومن عنده اي اضافة اخرى يستحق الشكر