لاهل الخبره في السيارات

[عزيزو]

السلام عليكم ورحمة الله وبركاته
ودي اخذ برأي الشباب المجربين السيارات التالية وانا محتار (يوكون- تاهو-اكسبدشن - باترول) والمقارنه بينهم وانا ودي اشري بس محتار

[شاقي القميري]

وعليكم السلام اخوي عزيزو هذا الإختيار بحسب حاجتك واستعمالك الغالب للسيارة
إذا كنت راعي بر دايم عليك بالجيوب والأفضل بنظري الباترول وإذا كنت أكثر شي خطوط عليك بالتاهو ...هذا اللي عندي وأتمنى اني أفدتك............... وبالتوفيق

[احب البرواهله]

السلام عليكم ورحمة الله وبركاته
ابعطيك رائيي في سيارتين :
الأول باترول فكيت منه اربع موديلات كلها فتك وبعتهن مااعرف قطع الغيار فقط زيت وفلاتر
الثاني تاهو 2007ltz فاكه جديد ولحد الأن معي ومافيه مشاكل تذكر فقط بعض الأمور الغير مؤثره مثل اصوات بلاستيك المسجل حطيت فيه 6 سيديات ومعاد طلعهن ...الخ بس الموتر أنا اخاف منه وفي الخطوط يطربك
النتيجه لصالح الباترول والله أعلم

[عزيزو]

الاخ/ شاقي القميري

شكرا على المشاركة بالراي ولكن انا طلعاتي للبر تقدر تقول عادي وابي سيارة تتحمل المشاوير والكشتات .

.................. تحياتي

[عزيزو]

الاخ /احب البر واهله
الموتر تقول تخاف منه ليش ؟؟

[التعـ King ـديل]

عزيزو الحمدلله انا جربت الباترول موديلات كثيره من 89 الى 2006

صراحه مواتر لايعلى عليها بخط ولا بر ولا داخل ديره بس وركز على كلامي مواتر يبيلها مداراه

يعني مب تكشت وتجي تلبق الموتر ثم تطلع للدوام وتنطله بالشارع بدون ماتشيك عليه بعد كل مشوار

انا مااقولك كذا يعني انه راعي خرابات لكن علشان ماتطيح بمشاكل واجد لو خرب شي تكون اول بااول

مشيك على الموتر وتعرف وش فيه لان اهمال الباترول = ورش دائم

[احب البرواهله]

اخوي عزيزو التاهو الي معي ما شفت منه شر وإذا قلت اني اخاف منه اعني ان الموتر صناعة امريكيه والي معي فل كامل خرابيطه واجد ولمبات الطبلون كثيره وإذا فتحت الكبوت ارتاع وخذ مثلا إذا عبيت بنزين من محطه على الطريق وقديمه تولع لمبه صفرا دليل على أن البنزين فيه مشكله ومجرد ما يخلص التانكي أو أزوده ببنزين نظيف تتطفى اللمبه يعني حركة مالها داعي بس بيضيق صدري .
الباب الخلفي كهرب مره بفتحه بزرار عند فتحة السقف رفض نزلت له باتفاهم معه اسحبه يدوي ينفتح شوي ثم يرجع انا اسحب وهو يسحب خليته ورجعت بعد ساعةما كأن صار شي .
تطلع رسايل بالطبلون بعض الأحيان ثم تختفي .
ومع ذلك الموتر ماشي معي فوق 85000 الف وأيام الباترول الله يمسيه بالخير كان عندي لمبه وحده تولع اذا خلص لبنزين
ولو بتسأل اولادي مبسوطين من التاهو ويقولون ليتك شاريه من زمان أفخم وأريح وأوسع وفيه دي في دي

[عزيزو]

الاخ /احب البر واهله
التاهو كم نوع وحجم المكينة واحد ولا؟؟ المعروف اي شي تكثر فية التقنية يصير عرضة للعطل لاسمح الله مثل اشياء صغيرة وغيره

[احب البرواهله]

أخوي عزيزو
التاهو ايام 2007 كان يجي منه 3 انواع ls / lt /ltz وكل نوع يجي بدبل او بدون والي معي ltz بدبل وأخذته من الجميح وأخترت كامل المواصفات وقالوا لازم تختار يا فتحه يا دي في دي وأخترت فتحه وركبوا لي دي في دي لأن الدي في دي إذا جاء شد البلد ماتجي فتحه معه .
المكينه وحجمها في جميع الأنواع واحده ومواصفات ltz الكهربائية تختلف عن الأنواع الأخرى وكذلك المقاعد الأمامية مفصوله بمعنى أنه ماخذ جميع مواصفات الدينالي ما عدا القير والمكينه ذيك السنه الأن مادري .
ولو ترجع الأيام كان أخذ lt لأني دفعت فلوس لمواصفات ما أحتاجها وغير اساسية وأنت ايضا انصحك تاخذ lt .
وسعره ذيك الأيام 140500 الاسعار الأن ارتفعت حسب ما سمعت .
والأسعار تختلف من وكيل لأخر وذيك الأيام كان الأرخص الجميح ثم بالبيد ثم التوكيلات العمومية ثم العيسى .
المواصفات عند الجميع زي بعض ويتعذرون بفرق السعر بخدمة ما بعد البيع وكلهم ما صدقوا لأنهم زفت بزفت .
غيروا لي الكفرات وبدلوها بعد ما كلمتني مندوبة من دبي صدفه وأنا داخل بمشكله الكفرات مع الصيانه تسأل عن جودة الخدمة وكانت من حضي وتابعوا الموضوع معي وأنتهت المشكله .
قطع الغيار الأرخص بالبيد والأغلى بلا منافس العيسى

[عزيزو]

الاخ /احب البر واهله
الله يجزاك خير على الافادة بس الحين كم يسوى مستعمل واسف على الاطالة في الموضوع

[احب البرواهله]

ما عندي خبر عن سعر المستعمل لكن اعرف أنه ارخص من الجديد وانت اسأل اهل الدراية وللأفادة بعنا قبل 7 شهور يوكون الطويل 2008 ماشي يمكن 4000 ب 134000 وكان نوعه الوسط وحتى ما يروح تفكيرك بعيد كان سبب البيع انه مضيق على الوالد في البيت لعدم الأستخدام وكان شاريه الوالد ونسى أن عياله الأغلبية تزوجوا يشوف الأربعاء هالبزارين وهالصجه ويحسبهم تبعه .

[ابو انفال]

انت تبي جديد او مستعمل ؟؟؟؟؟؟؟؟؟؟؟؟؟؟ لكن ابدلو بدلوي شف لو الاكسبدشن فيه مميزتين موجوده بالباترول قلت لك خذ الاكسبدشن وهي الارتفاع وصغر الحجم يعني لو نقارن بين الاكسبدشن والباترول بالحجم طلع الاكسبدشن اكبر يعني راعي بر خذ باترول بين كذ وكذا بر وديره وسفريات اكسبدشن ولو يسمح الموقع بوضع مقاطع اليوتيوب حطيت لك مقطع للاكسبدشن اخليك من بكرا تشريه

[تناهيت]

اخوي ..غرضك اليوكن +دبل .....ومكينتة 5300 تجي على جميع انواعه ..

تحياتي

[عزيزو]

رحت اليوم للعيسى ولقيت صالون 2008 (125000ريال) واليوكون او التاهو 142000 وش الفرق ؟

[البرحه]

باترول.....