سوف اسافر الى بومبي

[faad]

السلام عليكم

سوف اسافر الى بومبي في 27/7/1430 بمشيئة الله وارغب في عناوين فنادق في بومبي وكذلك في كيرلا وتكون من ثلاثة نجوم ونظيفة
وفقكم الله لمايحب ويرضى
اخوكم
faad

[أبو إبراهيم !!]

تروح وترجع بسلامه ،،،،

[وادي الريمة]

رحله موفقه... لوعندي اجابه ما بخلت عليك يالغالي وترا كيرلا افضل بكثير وان شاءالله يجي من يفيدك
وتروح وترجع بالسلامه

[ربيع قرطبه]

شوف يا الغالى انا رحت لبومبى من من زمااااااااااان (1993 )

ولكن انا اللى اقدر افيدك فيه منطقه فى بومبى اسمها بومبى سنتر هذى الاغلبيه فيها مسلمين وفقيرين

من بعد الساعه 9 مساء تبتدى المحلات اتسكر والناس تفرش الكراتين قدام المحلات وتناااام (عاااااادى )

وفنادقها زينه وهى على طلبك وانا سكنت فيها وقمه فى الاحترام والتعامل معانا وقريب منها شارع

محمد على ( محمد على روود )

وعلى فكره من الليل حاول انك ما تطلع فى الشارع الا للظرووره ( مع العلم لم اجد من يضايقنى )

بس الشحاذين وهذولى بس فى النهار ( بس هم ارحم من شحاذين مصر )

على فكره اذكر الفندق اللى سكنت فيه مفتاح الغرفه هو المفتاح القديم الفضى يعنى انت اذا طلعت من

الغرفه لازم انت تقفل باب الفرفه واذا قفلتها تطفى الكهرباء فى الغرفه ( توفير غصب ) بس كانت

فكره حلوه للتوفير واذا انت فى الغرفه تسكر الباب بالمزلاج من الداخل علشان ما يطفى عليك الكهرباء

وهذى مسوينها علشان محد يطلع من الغرفه ويخلى المكيف شغال ..........

وانا ناسى اسم الفندق بس اذا مانيب غلطان كان فى فى نفس الشارع من الجهه المقابله قدام شوى فيه

فندق اسمه الساحل هوتيل بس اللى قلتلك انى سكنت فيه هو الافضل فى الاحترام والامانه والنظافه واذا

تذكرت اسمه بقولك عنه

( كانت السفره سفرة علاج .... عملية تبديل كليه )

والله يوفقك لما تحب وترضى

[هاوووووي صيد]

ياأخوي وش تبي ببومبي قرف وزحمه وغلاء بالفنادق على غير سنع
أفضل لك تكون رحلتك مباشره لكيرلا
وأنصحك بالمنتديات المتخصصه بالسفر راح يفيدونك أكثر

والله يوفقك إن شاء الله

[سكر القصيم]

تروح وترجع بالسلامة ولا تخلينا من التقارير الطيبه تراي ناوي ازورهاااااااااا
لا تنسى المفكرة لتدوين كل شي ننتضر تقريرك ان شاء الله

[-التنديل-]

السلام عليكم ورحمة الله وبركاته
اخوي فاد انا توي رايح الهند اواخر شهر جمادى اول الماضي
اولا بالنسبة للفندق انصحك دائما تسكن وسط اي مدينة تنزلها يعني لاتخلي التاكسي يوديك على كيفه طبعا راح يوديك فندق ماحد يمره (في طرف المدينة) ويقول لك هذا احسن مكان في البلد
بالنسبة لبومباي انا سكنت في فندق اسمه (هوتيل بومباي انترناشيونال )والعنوان:
Kedy Compound, Near Bombay Mercantile Co-op Bank, Nagpada Junction
HOTEL BOMBAY INTERNATIONAL
و هو فندق اقل من 3 نجوم لكنه نظيف ومريح جدا اثاثه جديد وادارته مسلمين انا ارتحت فيه بصراحة وسعره كان 1600 روبية يعني 130 ريال تقريبا (توفير) اتوقع انها راح يكون بنفس السعر او اقل لانه مو وقت موسم
بالنسبة لمدينة بومباي ماكنت مخطط اني ازورها ولكن ضياع الجواز اجبرني لذلك (نصيحة سجل جوازك بالقنصلية اول ماتوصل واحتفظ بصور منه ومن الفيزا الهندية وحافظ عليه بيديك ورجليك)على العموم هذا كله صار عشان مكتوب لي ازور بومباي وبصراحة اكتشفت انها احلى من دلهي بكثير (بالنسبة لي) فيها اماكن سياحية كثيرة تستحق الزيارة ومنها بوابة الهند وبالقرب منها فندق تاج محل (اللي شفته بالاخبار قبل شهور) وفي جزر قريبة تطلع لها من عند بوابة الهند انا مارحتها بس يمدحونها وعندك منطقة ناريمان سبوت منطقة راقية فيها ابراج وفنادق راقية ومجمعات تجارية وفيها قنصليتنا ومكاتب معظم الخطوط العربية
اما بالنسبة الى كيرلا وما ادراك
جنة من جنان الارض لكن انشاء الله يكون انتهى موسم الامطار اذا وصلت هناك لان في الامطار ماراح تستفيد وماراح تقدر تتمشى في كل مكان ومعظم الاماكن السياحية تقفل مثل الشلالات والبحيرات
على العموم انصحك تنزل في مدينة كوتشين وهي عاصمة كيرلا في فندق اسمه (هوتيل هاكوبا) والعنوان
HOTEL HAKOBA
Shanmugham Road, Menaka Ernakulam, Kochi
tel (0484) 2369839
هذا الفندق رخيص وكويس نظيف ومريح و سعره اقل من 100 ريال
او اذا بقيت في فندق 3 نجوم قريب من هذا الفندق اغلى(300ريال) لكن سعره فيه (فندق عباد)
ABAD HOTEL
Abad Plaza. M. G. Road, Cochin
tel (0484)2381122
اذا سكنت احد هالفنادق بترتاح ان شاء الله كل شي راح يكون كل شي متوفر وخصوصا موضوع الاكل الله يعينك و اذا ماتحب السبايسي رحت فيها لان الفلفل اهم من الملح في الاكل عندهم
كنا اول ماننزل في اي مدينة اول مانبحث عنه بعد الفندق هو مطعم حلال ونظيف وهذا موضوع متعب خصوصا في كيرلا وبصراحة اريح شي تصير نباتي وتقزرها على العدس والخضار يعني تنسى المكابيس وباختصار بعض الاماكن السياحية اللي زرتها :
*مدينة العاب مائية (فيجا لاند) 30 كلم من كوتشين من اكبر المدن في شرق اسيا واروعها وتقع على هضبة خيال
*شاطي شراي 30 كلم من كوتشين ماعجبني واجد كان زحمة مالك مخبط رجل بين الهنود وماقدرنا نسبح طبعا
*شلالات ادرا بلي تبعد حول 70كلم مالقيت زيها حتى في ماليزيا رووووووووعة
*مدينة اللبي 80 كلم عن كوتشين تستاجر فيها قارب (هاوس بوت) فيه غرف بخدماتها وتلفزيون ومطبخ (يخت الا شوي) يعني سلم الفندق وخذ معك العفش لانك بتسكن يوم كامل فيه وياخذ بك جوله في انهار وبحيرات وحولك نخيل جوز الهند وحقول الارز وانواع الاشجار من اروع مارايت لاتفووووووتك
*مجمع اوبرون في كوتشين مجمع تجاري راقي بضائع حلوة ورخص ولايفوتك الاكل الشامي شاورما ومشويات وحمص (من القرادة ماكتشفناه الا اخر يوم)
* وفي مواقع غير هذي مالها حد لكن ماتحضرني اسماها وباختصار اذا تبيي كل شي عن المواقع السياحية بالقرب من الفنادق اللي علمتك في(مكتب تطوير السياحة بكيرلا) بعلمونك اكثر
اسعار اللي علمتك لشخصين في غرفة مكيفة
اتمنى اني افدتك
واتمنى لك رحلة موفقة وسعيدة وترجع بالسلامة
وننتظر تقريرك

[faad]

الإخوة الأفاضل
السلام عليكم
أشكركم على ردودكم واهتمامكم بموضوعي جعلها الله في موازين حسناتكم والشكر موصول إلى
أخي الفاضل التنديل
أشكرك على ماقمت به من جهد من تعليمات عن بومباي جعلها الله في موازين حسناتك
هل من الممكن أن اذهب باللابتوب معي أم لا
وأشكرك على اهتمامك بي وان شاء الله سوف أوافيك بالأخبار حين رجوعي


faad

[-التنديل-]

العفو اخوي faad هذا واجبنا
امابالنسبة للابتوب بصراحة ماقدر ااكد اذا كنت تقدر او تاخذه او لا لكن ماظن فيه اشكال لاني شفت كثير في المطارات حاملين اجهزة اللابتوب معهم
وتروح وترجع بالسلامة

[faad]

مشكوووووووور اخي التنديل وغد ان شاء الله رحلتي الى الهند 27/7/ 1430هـ - بومبي ثم كيرلا وفقك الله وقمت بتصوير تقريرك لاذهب به معي
جعل الله مثواك الجنة
اخوك


faad