بسافر على موتري ,, وش الاشياء الي اسويها قبل لاسافر ,,

[Fmejrad]

السلام عليكم ورحمه الله وبركاته ,,

اخواني الكرام باذن الله بشهر 7 بمشي لحائل انا والاهل ,,

لكن بغيت اسالكم ,, قبل لاسافر وش الاشياء الي اشيك عليها ؟

ياليت تذكرون لي كل شي حتى امشي وانا مطمن ماودي يصير شي لاقدر الله يحوسنا خصوصا اننا بنمشي باذن الله بعد صلاه الفجر وبنوصل باذن الله على الساعه 11 او 12 الظهر يعني بعز الحر ,,

افيدوني الله يجزاكم خير

[ولد العرينات]

حياك الله اخوي والله يسهل عليك ويحفظك وتاصلون بالسلامة

في رايي ولا يهونون الاخوان شيك على مايلي ::

التوكل على الله واخذ القسط الكافي من الراحة للسائق

1- فحص السيارة بالكبيوتر وفحص اسفلها للتاكدمن عدم وجود تهاريب
2- الرديتر ((نظافته + هل يوجد تهريب + الماء هل هو صالح ))
3- التاكد من صلاحية الكفرات والاستبه وترصيصها جميعا
4- التشييك على الاذرعه و وزنها وتشحيمها اذا كان يوجد بها مشاحم
5- التشييك على المساحات الامامية والخلفية والتاكد من عملها بالوجه المطلوب
6- التشييك على المكيف
7- التاكد من عمل جميع انوار السيارة
8- التشييك على جميع الزيوت (( الدفرنس + الجير +المكينة +الفرامل +الكلتش + الدركسون ))
9- فحص البطارية والتاكد من قوتها
10- فحص نظام الفرامل والفحمات والقمشات
11- التشييك على المساعدات وما يتبعها
12- نصحية اخ افضل شخصيا تظليل السيارة لرائحة العائلة
13- التشييك على سيور المكينة والمكيف والشداد تبعها
هذه ابرز النقاط مع العلم ان اغلبها يتم فحصه من السائق نفسه لسهولة التعرف على الخلل

واكرر حفظكم الله في حلكم وتراحالكم وجعل سفركم عونا على طاعته

[الضرغام11]

ما قصر ولد العرينات سرد لك كل شي ..

[م ل و 567]

الله يجزاه خير ولد العرينات كفى ووفى بيض الله وجهه,,

وتاصلون بالسلامه ان شاء الله.

[NOYEB]

اهم شيء الكفرات

[راعي الطلعات]

حياك الله اخوي والله يسهل عليك ويحفظك وتاصلون بالسلامة

في رايي ولا يهونون الاخوان شيك على مايلي ::

التوكل على الله واخذ القسط الكافي من الراحة للسائق

1- فحص السيارة بالكبيوتر وفحص اسفلها للتاكدمن عدم وجود تهاريب
2- الرديتر ((نظافته + هل يوجد تهريب + الماء هل هو صالح ))
3- التاكد من صلاحية الكفرات والاستبه وترصيصها جميعا
4- التشييك على الاذرعه و وزنها وتشحيمها اذا كان يوجد بها مشاحم
5- التشييك على المساحات الامامية والخلفية والتاكد من عملها بالوجه المطلوب
6- التشييك على المكيف
7- التاكد من عمل جميع انوار السيارة
8- التشييك على جميع الزيوت (( الدفرنس + الجير +المكينة +الفرامل +الكلتش + الدركسون ))
9- فحص البطارية والتاكد من قوتها
10- فحص نظام الفرامل والفحمات والقمشات
11- التشييك على المساعدات وما يتبعها
12- نصحية اخ افضل شخصيا تظليل السيارة لرائحة العائلة
13- التشييك على سيور المكينة والمكيف والشداد تبعها
هذه ابرز النقاط مع العلم ان اغلبها يتم فحصه من السائق نفسه لسهولة التعرف على الخلل

واكرر حفظكم الله في حلكم وتراحالكم وجعل سفركم عونا على طاعته

ماشاءالله عليك اخوي ولد العرينات ما قصرة وبيض الله وجهك حتى انا استفدة من بعض الاشياء المهمه
واحب ازيد شيئين بسيطين لكن مهمين في بعض الاوقات ( اسلاك شحن للبطارية + انوار او لمبات ذات سلك طويل من البطارية الى الشنطة )

ولا ننسى التوكل على الله في كل شي

وتروح وترجع اخوي بالسلامة والله يحفظك انت ومن معك

[عبدالرحمن السالم]

مهنا الا الخير وحائل صارت قريبه عقب الطريق الجديد

شيك على الكفرات وانفخهن زين ولا تنقص هواهن وكانت محمل عشف كثير انفخ الكفرات لـ40 وشيك على الزيت والفلتر والسيفون وماء الرديتر وابد ان شاء الله ماعليك خوف
او خلنا نتخاوا انا بمشي بشهر 7 بعد الاختبارات

موفق خير

[internetq8]

ماقصر اخونا وضيف شيك على الجيك وليوره واخذ لك مصباح يدوي خله بالسياره دايم ويفضل لو يكون على شحب الولاعه وخذ حبل سحب هذا اللي الاشياء دايما بسيارتي ولاتنسى العده كأحتياطات وسلامتك

[xnaifx]

اهم شي يالغالي شيك على السياره بوقت كافي موب قبل السفر بيوم
يمكن يطلع لك مشكلة مع التشييك ماتتوهق بها وانت بالطريق
وخصوصا ا>ا ناوي تغير زيت وسيوفن غيرها قبل السفر بيوم كامل على شان تتاكد انه مافيها تهريب
بعض العماله يمكن يكون مهمل ومايربط السيفون او السره زين وتخرب عليك وانت بالخط

[مركزالعبد]

بالنسبة للي يبي يسافر ..

قبل لاتمشي اذكر الله ((دعاء السفر))+الخروج من المنزل
-اشتر سير للمكينه.تفحص الماء والزيت والاهواز. بالنظر.
-تفحص الكفرات وخاصة من الجهة الداخليه .

وقبل لاتدخل حايل خل عقالك مايل وتلطم ونسم الكفرات واذكر دعاء الكرب لانك راح تكون في مطبات وحفر الى ان تتعدى المدينه وانتبه من الشباب هناك تراهم مطيرين الله يهديهم .
الواحد يجيك على هايلكس ولا ددسن ولا جيب ربع ويحسب انه على بوجاتي ، يمشي 180

[Fmejrad]

الله يعطيكم العافيه ويجزاكم خير يارب ,,

ماقصرتوا اخواني بارك الله فيكم واخص بالشكر اخوي ولد العرينات

اخوي دحيم اخر لفه,, انا باذن الله بمشي بنهايه شهر 7

[أبو فارس225]

الله يكفيني جميعاً شر السيارات والطريق ويسهل علينا اسفارنا ...آمين يارب

[ذعذاع نجد]

كفى وفى ولد العرينات جعل ربي مايهينة

[عبدالرحمن السالم]

الله يعطيكم العافيه ويجزاكم خير يارب ,,

ماقصرتوا اخواني بارك الله فيكم واخص بالشكر اخوي ولد العرينات

اخوي دحيم اخر لفه,, انا باذن الله بمشي بنهايه شهر 7

حولك بعد حي انا بمشي ان شاء الله بنهاية شهر 7 يعني على دخله شهر 8 ان شاء الله

موفق خير وتاصل بالسلامه

[شمالات نجد]

يا اخوي سيارتك وانت اعرف فيها ان كان فيها خرابات ولو بسيطه صلحها ان كانك ما سويت لها صيانه سوها بنفسك (بواجي سيور اسلاك بواجي صفايه بنزين والمساحات... اشياء بسيطه)

غير كذا غير الزيت والسيفون وشيك على جميع سوائل السيارة من زيت قير ودفرنس وفرامل وعمود وموية مساحات وعب التانكي فل وعاير الكفرات ان كان معك عفش حطها 45 في الخلف و40 في الامام ولا تسرع وتوكل على الله

تروحون وترجعون بالسلامة


سلام

[ابوفرايديز]

والله الاخوان ماتركو شي لكن لا تنسى تاخذ اشتراك للسياره

[القلب المحروم]

ماشاء الله الشباب وفو وكفو

بس اهم شي (((((((((((((( دعاء السفر )))))))))))

[Fmejrad]

الله يعطيكم الصحه والعافيه ماقصرتوا ,,

اخوي دحيم اخر لفه ,, تروح وترجع لنا بالسلامه يارب

[كاشت وحداني]

ما عندي زياده على اللي قالوا الاخوان
الا اذا موترك سوبربان جمس
شيك على شداد السير ورمان بلي الدينمو حق الكهرباء

لانهم دايم يخربون بالجموس

[mo7taj]

الكفرات والسيور....

[ذياب999]

السلام وعليكم ورحمة الله وبركاته

يا اخوي اشتريلك سيارة وكاله وريح عمرك

ولا تدري رح لأقرب ورشة وقولهم ابي توضيب مكينه وقير

ويستحسن تغير الدفرنش الامامي لأني اشك ان فيه بلا

ياخي اركب موترك وتوكل هذا وحايل عند عيني

العذر والسموحة ان كاني اخطيت عليك بس اشوف الموضوع لي يومين ولا قدرت استحمل لازم ارد

[Fmejrad]

حياكم الله اخواني وشاكر لكم ,,

اخوي ذياب999 ,, والله يالغلا الحرص واجب وانا ماني من النوع الي اسافر بالسياره ,,

عشان كذا حبيت احرص على كل شي خصوصا اني بسافر ومعي عائله وهالايام اوقات حر ,,

وان شاءالله مايصير الا كل خير

[العيون99]

الشباب ماقصرو كفو ووفو
اهم شي دعاء السفر....
وقول ودعتكم الله اللذي لا تضيع ودائعه للأهل والمنزل وغيرة...
تمنياتنا لك برحلة سعيدة....

[ذياب999]

هلابك ومشكور على ردك السريع

وان شاء الله تروح وترجع سالم وغانم

بس حاول ما توسوس لأنك اذا وسوست بتتعب والله الله ترفق على الخط


تحياتي

اخوك / ذياب999

[سعود27]

حائل عز الله أنها ديره بس مثل ماقالوا الشباب الله الله بتشيك ويكون قبل السفر بأيام وتروح وترجع سلامة

[Fmejrad]

جزاكم الله خير اخواني

الله يعطيكم الصحه والعافيه وطوله العمر ,,

ماقصرتوو