انبير الزيت بجيب الكزس غير ثابت هل طبيعي

[تنوم]

السلام عليكم عندي جيب لكزس 2000 وفيه انبير الزيت الي بالطبلون فوق على اليمين غير ثابت اذا صار واقف يصير على الخط او الربع التحتي واقل شوي واذا دعست ومشا يرتفع الى الربع الاخير فوق واعلى شوي وعلى هالحال هل هذا طبيعي او فيه مشكله الموتر توي شاريه

[القميري هواي]

شيك على زيته كل صباح وتاكد هل هو ينقص ولا لا

ان كانه ينقص الله يعينك على الشنابر

[تنوم]

الموتر ماينقص ولله الحمد والمنه

[عريدان]

طرمبة الزيت منتهيه لأن شكله صافق 300000 أو 400000كم

[ابو جوري]

اخي العزيز
موترك مافيه شي
واذا انت واقف الامبير على الربع <=== هذا شد بلد
واذا مشيت ارتفع وكل مازت السرعة ارتفع معك حتى يصل الى الربع الاخير
طبيعي وموتر شد بلد ماشاء الله
انا معي في اكس ار واخوي كذالك
وسبق انه كان معي Gx مويل 2006 وقبله 2004 وكلها نفس الشي

تطمن ونا خوك هذا ضغط الطرمبه و العكس اذا كان الامبير ثابت يعني الطرمبه فيها بلا :)

[عبرووود]

شيك على فلتر الزيت لان صارت معي مثل ها المشكلة وصار من فلتر الزيت

مهب اصلي ويوم غيرتتة اختة في كيس من البنشر وشقيتة لقيتة داخلية قماش

والله غش عيني عينك والله ماخليت وكالة مادخلت الجيب عليهم ولاعرفو العلة وش

لكن الله يعينك

وتقبل تحياتي

[abdul2005]

الموتر طبيعي :cool: وما فية شي وهذا دليل ان مضخة الزيت تعمل بشكل سليم اذا كنت تمشي مثلاً 140 يكون على الربع الي فوق واذا وقفت يكون على الربع الي تحت.

[بدوي جنوبي]

ما عندك مشكله الانبير تمام والطرمبه كذلك

[العزوبي711]

كلام الجماعه صحيح
وموترك مافيه الا العافيه

[أبو إبراهيم !!]

الموتر زي الحلاوهـ ،،،،