رأيكم أشتري راف فور أو إنفوي أو تريل بليزر [الأرشيف]

مشاهدة النسخة كاملة : رأيكم أشتري راف فور أو إنفوي أو تريل بليزر

المشراف99

17/06/2009, 05:55 PM

ناوي بإذن الله أشتري سيارة .. ومحتار بين ثلاث سيارات أعجبتني وهي الراف فور والإنفوي والبليزر .. حجمها وأسعارها متقاربة .. لكن ماخاب من استشار .. رأيكم في الأفضل .. ودمتم.

بدوي جنوبي

17/06/2009, 06:28 PM

البليزر بلا منازع
اطلب تجربتها جميعا قبل الشراء من الوكيل
الله يوفقك

طرد الهوى

17/06/2009, 07:16 PM

اقول يا ابو الشباب خذها نصيحه مجانيه

انحش عن الانفوي والراف فور ابيك تسال عن القزاز الخلفي كم قيمته وانت راح تحكم

واحد من الزملا انكسر معاه القزاز الخلفي تدري كم لقاه في الوكاله بعد الخصم 9000 ريال الرجال لفق قزاز اي

كلام واعدم السياره بالسيلكون عشان يسد الفراغ ما قدر يغير القزاز

والانفوي نفس الكلام

حبيت اوضح لك

والله يرزقك بسياره تسرك

البتار2011

17/06/2009, 07:24 PM

ترى البليزر قوي جدا....

التعـ King ـديل

17/06/2009, 08:21 PM

ابعد عن الامريكي وطفل تويوتا ( الراف فور ) وانت الكسبان مواتر متعبه على الفاضي

Bader-M

17/06/2009, 08:29 PM

سوف ارشح لك سياره اخرى وان شاء الله ما راح تتحسف

وهي فورد اكسبلور
يمتاز ب
1- سعر مناسب
2- شركه قوية ولها سمعتها
3- قطع غيار متوفر
4- سهل الصيانة

وادخل على موضوع رابطة ملاك الاكسبلور حتى تجد اجابة لكثير من اسالتك

تحياتي اليك

لن أمل من العطاء

18/06/2009, 01:11 AM

البرحه

18/06/2009, 02:41 PM

اذا لك رغبه في الامريكي .. ليش ما تشوف الاكسبلولر

واذا تبي ياباني الفورتشنر افضل من راف فور وسعره مقارب

ابويارا1001

18/06/2009, 05:21 PM

انا استبعد الراف فور لانه دفع اماميه والدبل يشتغل الخلفي و4 سلندر

بالنسبة للانفوي والتريل بليزر انا لي تجربه مع هالسيارتين لمدة 4 سنوات

المحركات والشاصي واحد الفرق في الشكل والداخلية تقدر تقول زي الفرق بين الفكتوريا والماركيز

والفخامة طبعا للانفوي

للأمانه الموترين هذي نشيطه كمحركات تقريبا 300 حصان بس القير نسمه طويل يعني يضيع عزم الموتر بس اذا شد عزمه يطير

وصرف البنزين عالي اكثر من اليوكون وخزان البنزين صغير

عيب هالسيارات انها نازله اقل تغريزة اذا ما تعرف له ممكن تعلق

وكذلك المراقي الصعبة الحادة تضرب الصدام بالارض

في كلا السيارتين سبق واني رجعت على سطحة من البر لاني ضربت عرق على سرعة ولصق الرديتر بالمروحة

وقطع الغيار ماهي رخيصة زي ما قالوا الشباب القزازة الخلفية ارخص ما لقيناها ب 4000 ريال
لان على ذاك الوقت ما كان فيه الا اصلي

انصحك بالاكسبلورر لانه حولهم بالسعر
7 مقاعد وشكل مرتب
بطنه مرتفع عن الارض ونظام العليق فيه كرونات ورى وقدام
يعني ابعد شي عن الارض الدفرنشات او الكرونات
بس ما ادري عن عزمه ولا صرفيته للبنزين
لان مكينته 210 حصان فقط جرب واسئل اللي جرب

انا شفت اكسبلورر 8 سلندر 292 حصان وعزم عالي واقرب ماله مكينة الموستنج من شكل المكينة مش اكيد

بس ما اعتقد انه نزل عند توكيلات الجزيرة يمكن بالخليج؟

آسف على الاطالة بس حبيت انقل لك تجربه

ابو انفال

18/06/2009, 06:40 PM

مثل ما نصحوك الشباب بالاكسبلورر والقاضي يطلب اثنين مزكين وماشاءالله عندك اربعه وانا خامسهم

المشراف99

18/06/2009, 07:07 PM

ألف شكر لكل من رد على الموضوع ...
الله يوفقكم في الدنيا والآخرة...
ماكنت أفكر في الفورد أبداً... ولكن من كلامكم تغيرت فكرتي ...
ولآن مايميز الاكسبلورر من وجهة نظركم ؟

ابويارا1001

18/06/2009, 11:11 PM

توني جاي من وكالة فورد

الاكسبلورر 3 انواع ستاندر98الف
وسط يعني جلد وفتحة 110

الفل ديفي دي وخرابيط زايده 130 الف

وابشرك مكينته صارت 231 حصان ينطح حصان
والقير 5 سرعات يعني موتر انشط

بس اذا وصلت هالسعر وشرايك بالبرادو VX2

خليجي تانكيين كل واحد 90 لتر وسبير علاق وهوك بالصدام الخلفي؟؟

استخير ثم استشير

وربي يقدم لك اللي فيه الخير

المشراف99

18/06/2009, 11:53 PM

توني جاي من وكالة فورد

الاكسبلورر 3 انواع ستاندر98الف

الفرق في السعر بين الفورد والسيارات الثلاث حوالي 22 ألف مبلغ كبير

إن شاء الله على شهر 9 أو 10 ميلادي تنزل الأسعار !

aooa

19/06/2009, 12:07 AM

عندي لك نصيحة

خذ لك اكستيرا نيسان وعزم 291 حصان نفس مكينة الباث فاندر

قيمة على خبري 85 الف للقير العادي 6 نقل

وانا افضل لك القير الاوتماتك لانه يتحمل قوة المكينه

وهذي صورته

http://www.khyalat.com/up/files/318.jpg

المشراف99

19/06/2009, 01:40 PM

عندي لك نصيحة

خذ لك اكستيرا نيسان وعزم 291 حصان نفس مكينة الباث فاندر

قيمة على خبري 85 الف للقير العادي 6 نقل

وانا افضل لك القير الاوتماتك لانه يتحمل قوة المكينه

شكرا على الاقتراح الجميل ... ولكني جربت النيسان من قبل ولي معه تجارب مؤلمة

ابويارا1001

21/06/2009, 01:09 AM

انا اليوم رحت للوكاله وجربت الاكسبلورر

صراحة سواقته حلوه ومريح مره

لكن عيبه صوت المكينه عندك والعزم ما يطيب الخاطر اذا دعيت له

اما السواق العاديه جدا حلو

ما جاز لي جربته بالرمل ماهو ذاك النشاط يعني عزمه على قده

جربت الدبل الثقيل ما يفز زي باقي المواتر

انا اقارنه بالانفوي والتريل بليزر لاني مجربهم

دعست عليه حد الدعسه تجربه من 0 الى170 يحن بالنمره تخاف المكينه تطمر عندك على قل نشاط مع انه 5 سرعات و231 حصان

والأنفوي في نفس المسافة يفصل على 200

الراحة روعه والخفه حلو بس العزم وصوت المكينه وفيه اذا بدل الثالث يطق قيره

انا بالنسبة لي العزم شي مهم جدا جدا

اطلب التجربه او استأجر لك واحد اذا عزمت

ماعليه تخسر لك 500 ريال وحولها بس عشان ما تاخذ شي الا وانت مجرب

ومقتنع

وبالتوفيق