الباترول ترتفع حرارته

[راعي النياسين]

ياشباب موتري ترتفع حرارته مع الوقفه

واذا دعست عليه ارتفعت الى النص وش الحل هذا ثاني موضوع اكتبه ولا احد رد علي

علما ان موتري باترول موديل 93 وتوني مسيخ الاديتر ومركب له بلف حراره

وش تتوقعون منه ؟؟؟؟

[البتار2011]

اقترح عليك تعطيه بندووول او فيفا دول:D :D :D :D ترى نمزح ..


احتمال تكون المراوح خربانه وشف يمكن تحتاج زيادة مراوح .... وتأكد من الماء في الرديتر ما يكون ناقص او فيه تهريب ...

[my own]

اذا ترتفع مع الوقفة يمكن حاط شي بوجه السيارة كشافات ولا ونش !
يمكن كلتش المروحة ...
فيه اكثر من موضوع عن ارتفاع الحرارة سوي بحث يمكن تلقى الحل ,, بالتوفيق

[التعـ King ـديل]

الحراره وهو واقف غالبا مشاكلها من المروحه يكون التماتيك خربان او فيه اشكال بعمل المروحه

شيك على المروحه واذا تبي نصيحه اخو ركب مرواح سوبارو سرعتين مروحتين وراح ترتاح منها

[أبوعبدالله566]

السلام عليكم
تأكد من تماتيك المروحة
ولا طرمبة الماء
ويفضل انك توديه لحقين الاديترات ينظفونه بدفاع الماء اللي يدور الماء بوسط دورة الماء وينظفه
ويتأكدون ان الماء يدور بوسط الاديتر بدون ما يرده شي

وهذا العلم اللي عندي

[ديبو]

اخوي راعي النياسين
السلام والتحية

نفس مشكلتك جاتني قبل 3 اسابيع سافرت لمدة اسبوع وانا ماشي إذا دعست علية ارتفعت الى اقل من النصف بقليل وإذا رفعت رجلي وهديت رجعت الى الربع

وبعد رحلتي رحت لمكانيكي دايم اجية خفت من تماتيك المروحة والا مراوح الموتر
واول ماقلتلة المشكلة قال الاديتر ( مع العلم ان الماء ماينقص ولا فيه تهريب )
؟
؟
رحت لحق الاديترات وصار اديتر موتري ملًحم وقال لا يمكن تصييخة وقالي متسدد كل فتحاته
اشتر جديد (واخوك كان مستلم راتب شهر 5 ) اشتريت جديد من الوكالة ب(1300 )
بعد ذلك رجع كما كان حرارتة الى (الربع) في عز القايلة وقت خروج الدوام 2:30
؟
؟
ولك خالص تحياتي

[راعي النياسين]

اخوي راعي النياسين
السلام والتحية

نفس مشكلتك جاتني قبل 3 اسابيع سافرت لمدة اسبوع وانا ماشي إذا دعست علية ارتفعت الى اقل من النصف بقليل وإذا رفعت رجلي وهديت رجعت الى الربع

وبعد رحلتي رحت لمكانيكي دايم اجية خفت من تماتيك المروحة والا مراوح الموتر
واول ماقلتلة المشكلة قال الاديتر ( مع العلم ان الماء ماينقص ولا فيه تهريب )
؟
؟
رحت لحق الاديترات وصار اديتر موتري ملًحم وقال لا يمكن تصييخة وقالي متسدد كل فتحاته
اشتر جديد (واخوك كان مستلم راتب شهر 5 ) اشتريت جديد من الوكالة ب(1300 )
بعد ذلك رجع كما كان حرارتة الى (الربع) في عز القايلة وقت خروج الدوام 2:30
؟
؟
ولك خالص تحياتي


اخوي الاديتر حقي توني مسيخ في الصناعيه القديمه عند درهم يقول الاديتر مافيه شي سليم
عالعموم الله يعطيك العافيه انا بشيك على السياره واذا لقيت كل شي سليم بغير الاديتر

طيب اخوي مافيه اديتر تجاري او ياباني الوكاله غالي

[المتهني]

انا اقترح عليك اخي الكريم انك تركب مراوح سوبارو مثل ماقالوا الشباب وتركب قدام(اي بين الرديتر وبين شبك السياره الامامي) مروحه ثانيه يعني يصير بموترك 3 مراوح 2 حقات المكينه ووحده امام الرديتر وفيه موضوع لاحد اخواننا حط تركيبة المروحه الاماميه حقت المرسيدس وبصراحه حلوووووووووه بالمره تبرد على الموتر وتريحك من الحراره ومشاكله.

وفيه نقطه ثانيه وهي ان القربه حقت الرديتر ماتدفع للرديتر نفسه وهذي صارت معي كان به تنسيم وغيرت العلبه ولله الحمد انحلت المشكله .
وهذا يمكن يفيدك ولو بشي بسيط http://www.mekshat.com/vb/showthread.php?t=95225
والمعذره على الاطالة .