تركيب مراوح لبليزر 91 بالصور

[email man]

بسم الله الرحمن الرحيم
السلام عليكم ورحمة الله وبركاته
الموضوع هذا لي و مشارك فيه بأكثر من منتدى
للفائده حبيت أنقله للمنتدى
( تركيب مراوح للبليزر )
أولا فصلت صاجه حديد عند الحداد لتغطية الراديتر بالكامل وكلفتني تقريبا 100 ريال ( الحدادين حراميه )
وطبعا صبغتها ( الصبغ 5 ريال )
وهذي صورها
http://www.mekshat.com/pix/upload03/images115/mk31992_1.jpg
http://www.mekshat.com/pix/upload03/images115/mk31992_2.jpg

وثبتها على الراديتر بـ 6 براغي 3 من فوق و3 من تحت
وللمعلوميه الراديتر له فتحتين وانا سويت الثالثه
وهذي الصوره للتوضيح
http://www.mekshat.com/pix/upload03/images115/mk31992_3.jpg
http://www.mekshat.com/pix/upload03/images115/mk31992_4.jpg
http://www.mekshat.com/pix/upload03/images115/mk31992_5.jpg



وبعد كذا شديت المراوح (مراوح سوبارو مستعمله شريتها بـ 200 ريال)
على الصاجه ولحمت البراغي من الداخل عشان
إذا بغيت أغير أي مروحه أقدر أفكها بدون لاأنزل الراديتر
http://www.mekshat.com/pix/upload03/images115/mk31992_6.jpg
http://www.mekshat.com/pix/upload03/images115/mk31992_7.jpg


يتبـــــــــــــــــــــــــــــــــــــــع

[email man]

نكمل الموضوع :

ركبت الراديتر مع المراوح
http://www.mekshat.com/pix/upload03/images115/mk31992_8.jpg
وشريت توصيلة أهواز من محل الأدوات الصحيه بـ 7 ريال ووديتها للمخرطه
عشان يفتحون للحساس فتحه ولاتنسون قبل لاتشدها حط لها لزق المواصير الأبيض ( التيفلون) أو سيلكون
وهذي الوصله مع الحساس
http://www.mekshat.com/pix/upload03/images115/mk31992_9.jpg
وقصيت هوز الماء وركبت الوصله مع الحساس
http://www.mekshat.com/pix/upload03/images115/mk31992_10.jpg
http://www.mekshat.com/pix/upload03/images115/mk31992_11.jpg
وطبعا باقي توصيل الكهرباء (والله البلشه) \
شلون أودي السياره للكهربائي والمراوح ماتشتغل؟
شبكت المراوح مع بعض سرعه خفيفه ووصلتها مع فيش المكيف اللي بالكمبرسر
( لاتنسون تفصلون الفيش من الكمبرسر ) عشان مايشتغل المكيف
وبكذا قدرت أودي السياره للكهربائي
وهناك قلت له يشبك السرعه الخفيفه على المكيف والعاليه على الحساس ( وطبعا يحط كتاوتين مش واحد )
وفيوز كبير 30 أو 40 أمبير

http://www.mekshat.com/pix/upload03/images115/mk31992_12.jpg


وبكذا خلصنا الشرح
اتمنى إني أفدتكم
أخوكم أبومحمد

[اسمي بالسما]

أتمنى أن أكون من أوائل الردود لأخي وعزيزي ايميل مان
ونشكره على طرح هذه الفكرة الرائعة خصوصا في الأيام هذه نظرا للحرارة الشديده التي تشهدها أجوائنا
وأتمنى لك التوفيق لك محبك في رابطة ملاك البليزر ( اسمي بالسما )

[ابوفهيدان]

لاهنت يالذيب
لو افصل المروحه الرئيسية فيه ضرر ؟
لاني فكرت اسويها علشان مايطلع للموتر صوت حنه

[email man]

أتمنى أن أكون من أوائل الردود لأخي وعزيزي ايميل مان
ونشكره على طرح هذه الفكرة الرائعة خصوصا في الأيام هذه نظرا للحرارة الشديده التي تشهدها أجوائنا
وأتمنى لك التوفيق لك محبك في رابطة ملاك البليزر ( اسمي بالسما )

ياهلا وغلا بأخوي إسمي بالسما
وينك هالأيام ماتبين ...؟؟؟
شرفني مرورك بارك الله فيك

لاهنت يالذيب
لو افصل المروحه الرئيسية فيه ضرر ؟
لاني فكرت اسويها علشان مايطلع للموتر صوت حنه

ولا أنت يابوفهيدان

وبالنسبه لفصل مروحة المكينه مافيها ضرر إذا ركبت مراوح كويسه
بالعكس هذا الشي يريح المكينه ويزيد العزم .

حياك الله بأي وقت

[humod]

الله يعطيك العافيه
أنا سويتها ليةكم باب واحد موديل 93 وكلفني 550ريال

لكن المشكله الآن أصبحت العكس السيارة إذا كانت واقفه تنخفض حرارتها و‘ذا مشت أرتفعت الحرارة
وش الحل هل فيه مشكله عندي
بارك الله فيك

[المميـز]

ماشاء الله شغل مرتب :good:

تسلم على القرير

[ابو شهد جدة]

ما شاء الله تبارك الله

شغل 100%

بس لو خليت المراوح اضافيه

بحيث تكون مسانده لمروحة المكينة كان افضل

تعرف الكهرباء ومشاكلها بالصيف

اخاف تنقطع ونبلش بالموتر مانقدر نحركه.

:j

( شايف ردي الساعة كم؟؟ )

[email man]

الله يعطيك العافيه
أنا سويتها ليةكم باب واحد موديل 93 وكلفني 550ريال

لكن المشكله الآن أصبحت العكس السيارة إذا كانت واقفه تنخفض حرارتها و‘ذا مشت أرتفعت الحرارة
وش الحل هل فيه مشكله عندي
بارك الله فيك

الله يعافيك ياحمود
المشكله اللي تقول عنها بعد تركيب المراوح أو من قبل ؟؟
إذا كانت من قبل شيك على الديلكو والراديتر والترموستات (الكوع)
وإذا بعد يمكن السرعه العاليه غير شغاله أو قوة المراوح غير كافية لموترك .



ماشاء الله شغل مرتب :good:

تسلم على القرير





بارك الله فيك يامميز
وأشكر لك مرورك


ما شاء الله تبارك الله

شغل 100%

بس لو خليت المراوح اضافيه

بحيث تكون مسانده لمروحة المكينة كان افضل

تعرف الكهرباء ومشاكلها بالصيف

اخاف تنقطع ونبلش بالموتر مانقدر نحركه.

:j

( شايف ردي الساعة كم؟؟ )



مرحبا عمدتنا
الشغله كلها عشان تفتك من حنة مروحة المكينه ..
صحيح وش مجلسك هالوقت ؟؟؟؟
أنا ماقلت لك تبطل سهر :no2:

[DARK2]

ماشاء الله تبارك الرحمن
تقرير وشغل روعة

[بدوي جنوبي]

http://www.mekshat.com/pix/upload03/images117/mk32037_00.gif


http://www.mekshat.com/vb/images/rating/rating_5.gif

[عليم العطش]

الله يعافيك فيه احد يركبها بالرياض ولاالقصيم.
عزالله مواضيعك تقعد الراس يالطيب الغالي
لاعدمتك

[طرد الهوى]

ابداع والله اخوي ما شاء الله تبارك الله

بس ابي اعرف الحساس ايش نوعه

[(ابو عبدالله)]

هل ينفع لسيارة البرادو مع العلم ان الحراره الثلث
بس لافتك من مروحة السير
ولك تحياتي

[ابويارا1001]

ما شاء الله


يا زين الشغل المرتب


فكرة الحديد اللي فصلته حلوه عشان يدخل الهواء من وجه السيارة على الرديتر


وفكرة الحساس اروع بس حبيت اعرف حساس اي سيارة


طيب عندي سؤال ثاني لو انك مطفي المكيف وارتفعت الحرارة شوي راح تشتغل المراوح بسرعة وحده بس؟؟


طيب كيف الحرارة مع الوقفة بالقايلة بالمكيف لمدة نص ساعة او اكثر


زحمة جسر البحرين مثلا؟؟


تحياتي لك وبالتوفيق ومشكور على العرض الرائع

[ذعذاع نجد]

لا هنت يا الغالي على الموضوع الشيق لله يعطيك العافيه

[email man]

ماشاء الله تبارك الرحمن
تقرير وشغل روعة

حياك الله أخوي DARK2
وبارك الله فيك على مرورك

http://www.mekshat.com/pix/upload03/images117/mk32037_00.gif


http://www.mekshat.com/vb/images/rating/rating_5.gif

ومن قال
شرفني مرورك أخوي بدوي جنوبي

الله يعافيك فيه احد يركبها بالرياض ولاالقصيم.
عزالله مواضيعك تقعد الراس يالطيب الغالي
لاعدمتك

الله يعافيك يا عليم العطش
ومشكور على الرد الجميل

ابداع والله اخوي ما شاء الله تبارك الله

بس ابي اعرف الحساس ايش نوعه

حياك الله يا طرد الهوى والله يعينك على الهوى :D
الحساس طول الله عمرك حساس مرسيدس 75-85

هل ينفع لسيارة البرادو مع العلم ان الحراره الثلث
بس لافتك من مروحة السير
ولك تحياتي

هلا hodhod
ينفع لأي سيارة وأكيد بتلاحظ الفرق بالعزم وأنا أنصحك تشوف لك مراوح سياره يابانية
ورديترها يكون نفس حجم راديتر موترك عشان تركب عندك بسهوله , جرب مراوح المكسيما واللومينا يمدحونها بعد , وإذا كانت المراوح جاهزه مع بروازها أحسن لك .


ما شاء الله

يا زين الشغل المرتب

فكرة الحديد اللي فصلته حلوه عشان يدخل الهواء من وجه السيارة على الرديتر

وفكرة الحساس اروع بس حبيت اعرف حساس اي سيارة

طيب عندي سؤال ثاني لو انك مطفي المكيف وارتفعت الحرارة شوي راح تشتغل المراوح بسرعة وحده بس؟؟

طيب كيف الحرارة مع الوقفة بالقايلة بالمكيف لمدة نص ساعة او اكثر

زحمة جسر البحرين مثلا؟؟

تحياتي لك وبالتوفيق ومشكور على العرض الرائع



حياك الله أخوي أبويارا
الحساس لمرسيدس 75-85
وبالنسبه لسرعه المراوح أنت عارف هالأيام حرارة الجو عجيبه
وفعلا أنا لاحظت إرتفاع حرارة موتري وبعد التشييك على المراوح لقيت الكهربائي ماشبك السرعه العاليه وإن شاء الله بأقرب وقت راح أغير طريقة شبك المراوح وأخلي السرعه العاليه على الحساس , يعني المراوح بتشتغل إذا وصلت الحراره تقريبا الربع وتطفي
, تقدر تكتفي بالسرعه العاليه على الحساس وإذا فيه أي إرتفاع للحراره ركب مروحه أماميه مع المكيف , والحراره في موتري توصل فوق الربع بشوي وتنزل ,

وبالأول والأخير أخوي أبويارا وإخواني الأعضاء حرارة اسياره تعتمد على عدة أشياء
من أهمها الراديتر والمراوح والكوع ووزنية الديلكو (للمواتر القديمه)
وأنا أنصح أي واحد بيغير راديتر موتره (للأمريكي فقط) يجرب راديتر اليوكن الألمنيوم (يمدحونه)

لا هنت يا الغالي على الموضوع الشيق لله يعطيك العافيه

الله يعافيك أخوي ذعذاع نجد
شرفني مرورك

[(ابو عبدالله)]

انا كان عندي جمس مديل 95 غيرة الاديتر 3 مرات
ومشكلتي مع الحراره لما يجي الصيف مع العلم اني شاري السياره جديده من الوكاله بس في زحمة الرياض مايصلح ابدا

مما حدني علي بيعه

ولجميع تحياتي

[الحارثى محمد]

رووووووووعه
بارك الله فيك

[email man]

رووووووووعه
بارك الله فيك


ياهلا بقناص البروق
أشكرلك مرورك الطيب

[قلب الأسد7E]

الله يعطيك العافيه على التقرير الرائع بس أخوي مو المراوح شوي قريبه من الرديتر

[humod]

انا مركب مراوح سوبارو ثنتين

بس اهم شي لا قدر الله طفت عليك المراوح بسبب حرق احد الكتاوت او الفيوز تعرف وشلن تشبكه بوصلة سلك كهرب عشان ما تتورط

صارت لي بس ما كنت مركب فيوز بس كتاوت واحترقت وحده منهم لكن وجود الفيوز قد تكون التشبيك اسهل لأن الفيوز تضرب قبل ما تضرب معك الكتاوت (أتوقع ) فيكون حل المشكله اسهل

[سوبر VTC]

جزيت خيرا ابا محمد
شغل مرتب ما شاء الله
وجهة نظري ان حساس 90 او حساس 85 و ان كنت افضل 90 :good:
هو افضل من 75

لان المرواح تشتغل وقت بسيط و تطفى

بينما حساس 75 و تحت يشتغلن المرواح كل شوي
و هذا عيبه انه يستهلك فحمات دينمو الكهرب مع الوقت و استهلاك لعمر البطارية
و استهلاك لفحمات المرواح
و ربما تاثير على رمان قلب المروحة

بالنسبة للمكيف ارى انه من الافضل ان المرواح مع المكيف يشتغلن على السرعة الثانية
من اجل تبريد ممتاز
بمعنى عندما يشبك الكمبرسور يشتغلن المرواح على طول
و عندما يفصل تطفى المرواح

موفق

[email man]

رفع للفائدة

[فهم العدواني]

خذ الزبده

1-ركب دنمو كدلك 140امبير

2-ركب لكل سرعه كتاوت لان مروحتين على كتاوت واحد لها سلبيات
1-تعطي 60% من سرعتها
2-تسبب حراره الكتاوت
3-اجهاد البطاريه
4-اجهاد الدينمو

3- لاتنسى لكل سرعه افيوز

ملاحظه /تقدر تحط المروحه الميكانيكيه وتركب الكمر يعني تسير المراوح الكهربائيه مخفيه انا مسويها من خمس سنوات يعني مايمدي
كلتش المروحه يثقل وعلشان السياره عائليه مااقدر استغني عن الميكانيكيه ووووووووبتوفيق للجميع

[أبو راكان101]

الله يجزاك خير اخوي ماقصرت عالشرح وجاري التخطيط لوضع مرواح لكن البلشه عدم توفر مراوح سوبارو كبير بالتشاليح عليها طلب مافيه بديل مو معقول





تقبل تحياتي