من يجيب لي علم هالموتر ياناس .....؟؟

[عبدالله العواجي]

السلام عليكم ورحمة الله وبركاته


حياالله أعضاء خيمة السيارات والتجهيزات :redcar:


يالربع من يجب لي علم موتر شفته قبل كم يوم


الموتر ربع تايوتا بس أربع أبواب :confused:


هل أحد جربه وكم سعره بالوكاله وهل من الممكن أحصل مستعمل


وللعلم بحثت له عن صور ولم أجد وللأسف ألي شفته ماصورته (( راحت علي ))


تحياتي :heart:

[قرم العيال]

تقصد هذا

http://img101.herosh.com/2009/06/18/277226159.jpg (http://www.herosh.com)


http://img102.herosh.com/2009/06/18/244318780.jpg (http://www.herosh.com)


والله ما افتيك به

اسأل مجرب والله يوفق

بس يمكن يكون غير مريح لانه سست خلفي يمكن !!!

[king_federer]

لن شاء الله يكون اللي في الرد الأول هو اللي أنت تبيه و للزيادة أضيف بعض الصور للشاص بابين للي ما يعرف...

http://www.mekshat.com/pix/upload03/images117/mk95195_shaas1medium.jpg

http://www.mekshat.com/pix/upload03/images117/mk95195_shaas2medium.jpg

http://www.mekshat.com/pix/upload03/images117/mk95195_shaas3medium.jpg

http://www.mekshat.com/pix/upload03/images117/mk95195_shaas4medium.jpg

[قرم العيال]

8
8
ابو حوض هذا شغل

قص ولصق

شغل ورشه

وليس المصنع (( الوكاله ))

[التعـ King ـديل]

اخوي قرم العيال صحيح اللي بالصوره تقدر تقول انه قص ولصق لكن بالحقيقه فيه مثل كذا

بالنسبه للموتر اللي يسئل عنه الاخ اقول ان هالنوعين نزلت 2007 ولا نجحت بس فيه

معرض يجيبها بمعارض النسيم اسمه ال جميح

[عبدالله العواجي]

حياكم الله جميع

قرم العيال
الله يعطيك العافيه وماقصرت جبته يالذيب :good2:

king
المطلوب جابه قرم العيال مشكور وجهد تشكر عليه يالغالي

خبير نيسان
تحملنا شوي إذا ماعليك كلافه رقم المعرض أو إذا كنت تعرف كم سعره جديد تختصر الموضوع
وبرايك ليش مانجح الموتر 2007
نورت موضوعي بردك

تحياتي:heart:

[الفورد]

الحمد لله على السلامة

نسأل الله أن يحفظنا وأياكم من كل مكره

[عبدالله العواجي]

الفورد

وش السالفه شكلك بالموضوع الغلط وأنا أخوك :looney:

ههههههههههه

[ابو صاالح]

الفورد صح النوم ،، تراك حذفت عن الخط شوي (( اي ابو شوي وااااجد ))

[التعـ King ـديل]

اخوي عبدالله مااوعدك الا بالمحاوله في احضار الرقم .. لاني احتمال امر على المعارض بكره الصبح

[قطب 999]

للمعلوميه يجي نوع جنوط ورفارف ونش شد بلد وشكله مقبول خاصه البيج

[~ V T A C ~]

وياليت احد يفيدنا هل هو تانكي واحد ام تانكيين

[عبدالله العواجي]

مرحبا بالجميع

خبير نيسان
خذ راحك إذا فيه أي إحراج ترا بلاش من الرقم كله يالغالي

قطب 999
حياك الله صدقت أنا شفت له صوره مديل 2003 بس لونه ازرق على ماأضن شرفتنا

V T A C
أبشر بعزك وأنا أخوك بس اصبر لين نمسك طرف الخيط ونعطيك المواصفات كامله شرفتنا

[قناص المخواه]

ينفع لاصحاب النحل هههههههههه اما انا والله ما اشتريه لو كان ما اركب اللا سيكل


بيتفلسف ابو عيون صغار ((الياباني)) على باله بيطيح سوق الهمر

[باثفاندر 2005]

حياك الله يخوي

هذا يسمى نص
وهو موجود وأغلب من يستعمله الشركات

سعره حول 110 آلاف في الوكاله 2009
ويجي منه بنزين وديزل

[عبدالله العواجي]

أهلا بكم ..

قناص المخواه
حياك أخوي ، وش دخل الهمر بالسالفه أقول عز الله مابه إلا عيب واحد بس
ألي هو السست الخلفيه لونه ياي كان موتر

باثفندر 2005
نورت الموضوع يالغالي ، جهد تشكر عليه لكن ماتدري تانكي أو تانكيين ؟؟

[شمالات نجد]

سبق وفكرة في نفس السيارة وهونت عنها لسببين

1- مطب (انا بأستخدمها يومي في الرياض غير الكشتات والصيد)

2- لا يوجد مكيف خلفي (مهم في سيارات الصالون الكبيرة)

3- السعر مرتفع مقابل المواصفات

سلام

[ابو ناصر2020]

الموتر يجي تانكي واحد وواحد من الشباب توه شاري مستعمل 2007 لونه ابيض

الموتر حق جلد موب حق فخامه يعني انت ناوي تقنص وتطورد من شمال الارض لجنوبه خذ رجال
بس اذا ببالك فخامه وبر لا هذا مايشمل الجيب كذا

وصحيح من عيوبه انه مكيف واحد قدام وتانكي واحد ولا السعر مناسب اذا كان فيه مكيف وتانكي

[عبدالله العواجي]

شمالات نجد
حياك ربي ، فعلا كلامك عين الصواب المكيف هام جدا والتانكيين هام جدا بعد خصوصا على ماقلت السعر المرتفع

أبو ناصر 2020
هلابك يالغالي ، نفس الكلام بس هل من الممكن انك تطلب من الوكيل المواصفات المطلوبه مثل مثلا المكيف والتانكي الإضافيات أو غير ممكن

النقاش مستمر ياجماعه ألي عنده علم لا يبخل علينا ولا على اخوانه الأعضاء

تحياتي:heart:

[راكان الاول]

يا اخي ما انصحك بشراءه لانه شكله يجيب الهم وبعدين مانجح بالاول عشان ينجح بالتالي.
الاول تذكر الربع الطويل بلش فيه الوكيل واخيرا اشترته الشركات من شان العمال.
وفقننا الله واياك

[عبدالله العواجي]

راكان الأول
حياك الله ، كلن ورايه وكلن ومايهوى ومشكور على النصيحه

بنتضار ردود الأخوان

[ابو ناصر2020]

انا ماتوقع التانكي و المكيف يضيفه الوكيل حتا لو طلبت منه الا كانه بيزيد مبلغ وقدره ممكن كذا

[عبدالله العواجي]

أبو ناصر 2020
حياك ، أكيد إنه يبي مبلغ وقدره حنا وشذبحنا غير مبلغ وقدره :D
لكن معقوله الشركات هذي ماتطلب تانكيين :confused: :confused:
إذا لا حضت الشواص حقاتهم كله تانكيين
خصوصا شركات الطرق
وشركات السدود والشركات ألي شغله خارج المدن
ضروري البنزين قل المكيف مأشكلت عليهم لكن البنزين يفرق

بنتضار تعليقاتكم وآرائكم .....

[ابوطاقية]

ياخوي تحصل واحد معروض بمعرض عبداللطيف للمستعمل بالنسيم الموتر ابيض وجديد موديل 2009

[عبدالله العواجي]

أبو طاقيه
هلابك أخوي ، تقدر تعطين رقم المعرض إذا ماعليك كلافه
وهل الموتر هو إلي معروض بالصوره ؟؟

[حرنابك]

السلام عليكم اخوي عبدالله العواجي :انا مجربة غير مريح وسعرة بالظبط :133000 ريال

[حرنابك]

معرض الحميدي لسيارات بعنيزة

[عاشق ابو نايف]

ماقصروا الشباب

[H5N1]

إنا لله وإنا إليه راجعون
لا حول ولا قوة إلا بالله العلي العظيم
آمنت بالله .
عسى ماجاهم شي ؟؟؟؟؟؟؟؟؟؟؟؟

[ابو صاالح]

إنا لله وإنا إليه راجعون
لا حول ولا قوة إلا بالله العلي العظيم
آمنت بالله .
عسى ماجاهم شي ؟؟؟؟؟؟؟؟؟؟؟؟

لا ابشرك الحمد لله مرت بسلااام ،، بس واحد مرقد بالمستشفى :D (( طيبين ))

[عبدالله العواجي]

مرحبا بالجميع

حرنابك
وصت أحد الزملاء بعنيزه وراح للمعرض وقال ماعمرنا شفناه اصلا ولا ندري وش تقول أنت :D :D
الموتر ألي تعني عند الحميدي وشو أبو 133000

عاشق ابو نايف
الله الله اعضاء مكشات مايجي منهم اقصور

H5N1
خير إن شاء الله
والله ياهو مطفي النور ....
جايك على وجهه .....
منا الدرب يخال منا منا مضيع الخال ..

أبو صاالح
الله الله طيبين :D :D :D
مدري منين يجونك هالعالم الصراحه إمحكوره
(( عسى ماجاهم شي ))
هههههههههههههههههههههههههه