استفسار عن التربيط

[محمدالعريني]

يالربع انا ودي اربط موتري من يخبر ورشه زينه غير النويصر وابن مرضاح لانهم غالين على غير سنع
في الرياض والا القصيم وشغلهم على مستوى ومجرب ومضمون لان عندي صوت صرصره في الموتر وودي اربطه قبل مايجي موسم الصيد

ملاحظه الموتر فتك 2005

[محمدالعريني]

للرررررررفع

[فتى الوادي]

والله انا ربطت سيارتي عند النويصر ....
وشغلهم غالي جدا لكن تربيطهم تمام جدا

لكن أنا لما رأيت اللي عملوا في السيارة ما وجدت شيء يحمل السعر المرتفع والمبالغ فيه
كلها تدعم وتضمين للشمعات وللنسافات وللصدامات ... وإضافة ليات (مكيف) داخل جلب الأبواب .... الخ

يعني لو اي واحد عند ورشة تربيط يشوف موتر مربط عند النويصر يعرف الشغلة كلها .

ابن مرضاح سعره اغلى من النويصر ...

فيه ورش في الصناعية القديمة تربط السيارة بسعر رخيص جدا من 250 ريال تزيد وتنقص ... ولكن ما أعرف كيف شغلهم .

[فتى الوادي]

راجع الرابط لموضوعي :

تربيط سيارتي في ورشة النويصر بالرياض (http://www.mekshat.com/vb/showthread.php?t=206054)

[ذعذاع نجد]

يا ليت ولله افيدك لا كن ولله انا ماجيتهم نهائين ولا غيرهم

[الصقر0001]

الله يوفقك

[وكعة]

سلاااااااام
يا شباب انا سمعت ان فيه واحد في الدوادمي تربيطه حلو وسعره رخييييص بس والله ما ادري اللي يعرف احد في ذيك الديرة يسألة وترى اهل قرية كل يعرف خويه

[NissaN 1990]

أدخل على هذا الرابط وأتصل على الأرقام اللي فيه ورح لهم عنده تربيط وترهيم واللي تبي وشغلهم مثل النويصر وبن مرضاح بس الفرق في السعر إذا تدفع عند النويصر وبن مرضاح 2500 ريال شغل يد من غير قطع الغيار
عندهم تبي تدفع 250 ريال بس وجلب الغماره عليهم بعد والخربان يصلحونه مافيه شي يتغير أبو يمن لازم يسوي ما يحب يبذر فلوسك


مجربهم كذا مره

طبعاً الموضوع يتكلم عن تدبيل مساعد الدركسون ولكن هم عندهم كل شي تدبيل ترهيم تربيط تضمين اللي تبي أتصل وتبي تدعيلي إن شاء الله وموقعهم في الرياض الصناعيه القديمه مخرج 17 أتمنى لك التوفيق


http://www.mekshat.com/vb/showthread.php?t=214834