المساعد الشخصي الرقمي

مشاهدة النسخة كاملة : --------أبي ورشة متخصصة في التاهو و اليوكون 99 وتحت ------


سامي 77
19/06/2009, 11:38 AM
السلام عليكم ورحمة الله وبركاته


صبحكم الله بالخير


حياكم الله كلن باسمه


أما بعد :

عندي ( وأعوذ بالله من كلمة عندي ) تاهو موديل 98 . وأبي ورشة يكون عمالها فاهمين لهالنوع .. من كهرباء وميكانيكا ... و أهم شي يكونون أمينين .. و يحطون قراطيس على الوطايات <<< أمزح لا تصدقون :D

فياليت شعري اللي يخبر لي ورشة مضبوطة يسدح رده هنيا وأكون له شاكر عبد الغفور :D


نسيت أقول لكم ترى موقعي الرياض
( الله من الحر ) 40 درجة الساعة 12 بالليل :confused:
بدوي جنوبي
19/06/2009, 02:30 PM
عليكم السلام

اطرح ما لديك من مشكله
قد تجد من يفيدك بأذن الله
التعـ King ـديل
19/06/2009, 05:26 PM
اخوي اكتب مشكلتك والشباب مايقصرون

لان فيه ورش متخصصه بشغلات معينه بالامريكي
سامي 77
21/06/2009, 12:35 AM
الحبيبين بدوي جنوبي و خبير نيسان مشكورين عالرد ومشكلتي الله يسلمكم تتلخص في :
كراسي مكينة - تصفية شاملة ( زيوت و فلاتر و صفاي ... ) - تصليح شمعات ووزنها - رجة في السيارة تزيد مع الدعسة ... وفيه أشياء أتوقع ناسيها .
فإذا حصل ورشة بالمواصفات اللي فوق أرجو من اللي جربهم يدلني عليهم وله دعوة ماتخرش الميه :d
Fmejrad
21/06/2009, 01:20 AM
فيه ورشه بصناعيه العروبه ,, وانت جاي من خريص ادخل على مخرج 2 وكمل مع شارع الامير تركي ,, المهم عد لك كذا اشاره بتجيك اشاره على يسارك ورشه صناعيه علي بن علي ,, وانت واقف عند الاشاره ويسارك صناعيه علي بن علي خذ يمين وامش طوالي اول مديور خله ثاني مديور ادخل معه ,, امش طوالي شوي بتجيك محلات تنجيد وفيبر وغيرها امش لمن تنتهي هالمحلات بتحصل على يمينك زي الورشه لونها حمراء وفيه بعدها لفه يمين ,, ادخل مع اللفه يمين وبتحصل ورشه على يمينك على طول اسمها المركز الدولي ,, هم ورشتين جنب بعض تابعين لبعض ,, اسال عن سامي وقله جايك عن طريق فهد راعي الهمر وماراح يقصر معاك وشغله تمام والله والي يعجبني فيه انه امين ومايصلخك بالسعر
سامي 77
21/06/2009, 09:16 PM
حياك الله أخوي فهد وبيض الله وجهك وما قصرت .
في انتظار ردود الشباب .. واذا ما فيه ردود أبتوكل على الله وأروح لسميي
راعي الرجم
21/06/2009, 10:06 PM
بالنسبة للرجه من الافضل قبل اي شي

رح للعضيب بالصناعية ورصص الكفرات ارضي

ب80 ريال
اذا بقة الرجه فحتمال الجه كثير لكن ترصيص ارضي افضل من تخبط المهندسين
النيزك الناري
21/06/2009, 11:17 PM
اخوي سامي 77 الامور اللي ذكرتها سهله لاكن اللي بيتعبك شوي الرجه اذاصلحت كراسي المكينه قد تذهب الرجه واحتمال ترصيص زي ما ذكروا الاخوان واحتمال الكفرات مو مضبوطه واحتمال الهوبات يبيلها خرط اذا كان يرج اذا ربطت فرامل وغيره لاتدور وعذرا على الاطاله
سامي 77
22/06/2009, 02:04 AM
الاخوان راعي الرجم و النيزك الناري لا هنتوا والله لا يحرمكم الاجر ...

عسى الله ييسر أموري و أمور كل اللي ردوا و تفاعلوا ..
faris2006
22/06/2009, 03:37 AM
السلام عليكم
وجدين الي يشغلوا الامريكي
بس جيوبك ملينه
عند عبدالرحمن الجميح والجابري بالصناعية
مخرج17 الاشارةالاولا اتركها الاشارة الثانيه اتركها تنزل من النفق تجي الاشارة الثالثه ديور معها اول شارع سيدين منور قبل النفق خذا يمين بعد تقريبا 600م يجيك اول شارع على اليسار يجيك مركزالجابري بالزاويه وبعده عبدالرحمن الجميح0
كل الي اشتغلوا عندهم يمدحون شغلهم بس غالين0
شغلهم كبيوترات
الى اعرف عن الجابري الفحص 150ريال
الله يعينك