وين اربط سيارتي فيه؟؟؟؟

[.أبوعبدالرحمن]

بسم الله الرحمن الرحيم


السلام عليكم ورحمة الله وبركاته




أخواني الافاضل سيارتي تقريبا ماحتاجه الى تربيط من داخل وخارج السيارة


ولكن السؤال هو وين الورشة اللي تقول إن شغلهم ( Ok )؟؟؟

ويكون سعرهم معقول


في انتظار ردودكم يا أخواني

[التعـ King ـديل]

عندك رزاز اليماني بالصناعيه القديمه .. جنب ميزان المجد لو ماعرفت اسئل حقين المجد يدلونك عليه

وهذا رقمه يابو داحم 0508822760

[القلب المحروم]

واللي يبي يربط فكتوريا وين يروح وسعره رخييص

[.أبوعبدالرحمن]

بيض الله وجهك يا ( خبير نيسان )


وجعلك سالم

[.أبوعبدالرحمن]

مازلت انتظر الردود


وتكفون لايجي احد ويقول رح لبن مرضاح او النويصر ابي ناس اسعارهم ارخص وشغلهم نظيف

[.أبوعبدالرحمن]

عدد المشاهدات 184


والصراحة بذا النظام اشك ان اللي يعرف السيارة اللي اسمها باثفندر انا والاخ خبير نيسان بس

ما في احد يعرفها بهذا المنتدى!!!!!

[نيسان 807]

والله وان اخوك ماقد سويت تربيط للموتر لكن شفلك هندي وتراهم معروفين بتربيط ..

واذا ضبط المبروك قلنا وين..!! وبكم.. !! ويكف بعد الشغل حسيت بفرق ؟

تحياتي لكـ ...

[محمدالعريني]

الصراحه رزاز جيته امس نصاب

[الاركان]

ليش نصاب
وشلون
وش صار
وش قال

نبي نعرف
هههههههه

بس لازم تقولنا الي حصل معك اخوي العريني

اما التربيط
فأنا والله
مثل
اخوي ابو عبدالرحمن
ادور شي جيد وسعره معقول
ليت احد الاخوان يدلنا

[صصعفق]

حياك اخوي انا بعد كاتب موضوع ابي اربط سيارتي
واحد من ربعي يقول عند ورشه اليمامه ولا ادري بس ابسئل واعلمك

[محمدالعريني]

والله يالاركان ولايهونون الربع جيته عندي صرصره قدام على طول قال تربيط قلت الموتر مليان دور المشكله شف الصوت وشو قال لا ربطه قلت كم قال 350 قلت معصي يوم قعد يناظر قال مشينا نجرب الموتر يوم سمع الصوت قال تربيط كامل قلت الحين تسمع الصوت قدام وتقول تربيط كامل قال واضمن لك الصوت يروح وانا عارف بيربطله مسمار والا مسمارين يقول خل الموتر عندي 3 ساعات قلت الا فرقاك عيد انقلع بس ومشيت

والصراحه مذكور لي ورشه ببريده يقولون ماتجيه الا حاجز بالتلفون بجيب اسمها انشاالله