موضوع للنقاش .. لا صحاب التويوتا

[باترول 95]

السلام عليكم

الموضوع لكل من سمع وجرب وساق وامتلك موتر
لاند كروزر 2008 فما فوق 6 سلندر

وش رايكم فيه وملا حظاتكم عليه

وايضا اي عيوب في مودل 2008 فما فوق سواء 8 سلندر أو 6

صاحبكم وده يشتري واحد ومحتار ناس تمدح القديم وناس تمدح الجديد

ملاحظه: رحت للسوق ولاحظت ان اللاند 2008 طايح سعره اكثر من القديم .... وش الاسباب؟؟؟




وشكرا للمشاركة

[باترول 95]

المشاهدات كثييييره ولا فيه ردود


وش السالفة..؟

[الواسط]

السلام عليكم ورحمة الله وبركاته
اخي العزيز بالنسبه للموديل من 2008 وطالع السياره اهدى واريح على الخط وفي البر صرفيتها اقل المكينه اهدى بالنسبه ل6 سلندر لكن الموتر عزمه بارد يعني قومته ضعيفه لكنه اسرع من الموديل القديم الجديد يفصل على 210كلم بعكس القديم 195 كلم
ضعيف جدا في الرمل الدبل الثقيل مفتاحه ينكسر بسرعه وبعض الاحيان الدبل الثقيل ما يفصل يعني يعلق
اما بالنسبه ل8سلندر الموتر شيخ من جميع النواحي لكن اكثر من شخص اشتكو من القير يعني فيه خلل مصنعي في القير بالنسبه ل8 سلندر
اما الموديل من 2007 وتحت فسياره مجربه ما فيها مشاكل كل قطعها متوفره
لكن اذا سالتني انا اشتري 8سلندر 2009 او 2010 وبالتوفيق للجميع
واتمنى ان تحصل الفايده للجميع.

[باترول 95]

السلام عليكم ورحمة الله وبركاته
اخي العزيز بالنسبه للموديل من 2008 وطالع السياره اهدى واريح على الخط وفي البر صرفيتها اقل المكينه اهدى بالنسبه ل6 سلندر لكن الموتر عزمه بارد يعني قومته ضعيفه لكنه اسرع من الموديل القديم الجديد يفصل على 210كلم بعكس القديم 195 كلم
ضعيف جدا في الرمل الدبل الثقيل مفتاحه ينكسر بسرعه وبعض الاحيان الدبل الثقيل ما يفصل يعني يعلق
اما بالنسبه ل8سلندر الموتر شيخ من جميع النواحي لكن اكثر من شخص اشتكو من القير يعني فيه خلل مصنعي في القير بالنسبه ل8 سلندر
اما الموديل من 2007 وتحت فسياره مجربه ما فيها مشاكل كل قطعها متوفره
لكن اذا سالتني انا اشتري 8سلندر 2009 او 2010 وبالتوفيق للجميع
واتمنى ان تحصل الفايده للجميع.



مشكور اخوي... معلومات مهمه؟؟

بس وش طبيعة المشكلة في قير الـ 2008 بالنسبة للـ 8 سلندر

[باترول 95]

للرررررررفع

[البيرق]

قرأت في أحد المنتديات ان زيت المكينة ينقص علبة كاملة اذا كانت مسافة السفر حول الف كيلو او اكثر ويقولون ان نفص الزيت مذكور في الكتلوج والعهدة على الراوي في ذاك المنتدى

[طواش]

إذا ميزانيتك تسمح اخذ موتر يستاهل الا وهو لكزس
وأترك الباقي ثقيل ومن الداخل اسود

[العنابي 616]

بالنسبة للمكاين
الستة سلندر هي نفسها حقت البرادو والاف جي ونفس القير بعد
اما الثمنية فهي نفسها حقت المديل اللي قبله والقير بعد

وكلها مكاين معروفة وما عليها كلام

[باترول 95]

إذا ميزانيتك تسمح اخذ موتر يستاهل الا وهو لكزس
وأترك الباقي ثقيل ومن الداخل اسود

لو ميزانيتي تسمح ما فتحت الموضوع اصلا

هههههههههههههههههههههههههههه

[باترول 95]

بالنسبة للمكاين
الستة سلندر هي نفسها حقت البرادو والاف جي ونفس القير بعد
اما الثمنية فهي نفسها حقت المديل اللي قبله والقير بعد

وكلها مكاين معروفة وما عليها كلام

بس الجديد اثقل من الاول
يعني اتوقع بتصير مكينة 6 سلندر صغيره عليه


ثاني شي ... هل يتحمل الكرف مثل الاول ؟؟؟؟

[الواسط]

السلام عليكم
اخي العزيز باترول95
بالنسبه لمشلكه القير في8سلندر مادري وش المشكلة بالضبط لكن خل الكلام هذا كله ورح للشريطيه وإسئل ليش 2008 رخيص وما له سوق؟؟؟؟؟ خصوصا ال6سلندرويجيك العلم والموفق رب العالمين

[باترول 95]

السلام عليكم
اخي العزيز باترول95
بالنسبه لمشلكه القير في8سلندر مادري وش المشكلة بالضبط لكن خل الكلام هذا كله ورح للشريطيه وإسئل ليش 2008 رخيص وما له سوق؟؟؟؟؟ خصوصا ال6سلندرويجيك العلم والموفق رب العالمين

مشكوووووور اخوي
بس الشريطي يمدح اللي عنده .. جديد والا قديم ...8 سلندر والا 6

لكن بجرب حظي

[ولد الهاااص]

خذه بس وتوكل على الله ..

انا معي واحد الحمدلله .. مافيه اي عيب ..

والله يسهل عليك !

[مطارد]

اخوي اذا فلوسك تاصل 8 سلندر 2009 فخذه وانت مرتاح وتوكل على الله واترك عنك القديم .. الموتر ما فيه كلام ومنتشر بكثرة بكل مكان ..

[غضنفر]

الموتر دارج بين الناس

لو فيه مشاكل


ما كان شروه


هذي فلسفتي بالمواتر

[SHAHEAN]

توكل على الله وخذ2009 8سلندر
الموتر مجرب وسمعته زينه

[قناص المخواه]

للررررررررفع

[باترول 95]

نصيحتكم فوق الراس
بس الموضوع الغرض منه مناقشة وش الاقضل والاقل عيوب

والا الاند موتر ما فيه كلام

[الواسط]

السلام عليكم ورحمة الله وبركاته
اخواني الاعزاء لولا إختلاف الاذواق لبارت السلع
اخي الكريم انت اسال في كل مجلس وشف الناس اذا غالبيتهم مع الجديد ف صلي الاستخاره وابشر بالخير
لكن انا من واقع تجربه 2007 افضل من حيث قل المشاكل لكن عيبه انه قديم و2008 موتر ونعم لكن 8سلندر بس واسال الله التوفيق لك ولاخواني اعضاء المنتدى
اخوكم الواسط

[Bader-M]

التويوتا افضل الموجود
ولكن مشكلة في سعرة المرتفع جدا
واذا كانت نواي تشتري
لا تاخذ الا 8 سلندر
ماكينة 6 سلندر قوية جدا ولكن للسيارات الدفع الرباعي المتوسطة مثل البرادو و الفورشنر و اف جي

تحياتي اليك

[دله وفنجال]

السلام عليكم...


اخوي الغالي باترول 95 حياك الله...


اخوي الحبيب الجديد زادو الاحصنه فيه تقريبن حول الـ20 حصان لانهم اضافو ترس داخلي بلمكينه بس مدري وين وهذا فرق المكينه عن الاول ..
القير اختلف عن الاول الجديد توب ترونك يعني عادي توماتيك هذا بلنسبه للثمانيه اسرندل بس المشكله ان الوزن زاد اشوي عن الاول..

اخوي الغالي من ناحيتي انا معي 2006 ورفيقلي معه 2008 ثمانيه اسرندل موتره فرق عن موتري انه اريح بلخط وراسي وأنسيابي اكثر والموتر ماعليه كلام شيخ ويستاهل قيمته بس عيبه الوحيد انه نازل اشوي من قدام وهذا لاسباب انهم يبونه انسيابي بلخطوط وان الهواء مايلعب فيه وكذلك تقليل اصتدام الهواء بلموتر من تحت لجل تقل صرفية البانزين...


ومن ناحيت الخرابات ولله الحمد والمنه ماشاف منه شي مع انه كارفه كرف وماخلا محل ماراحله ولا طامر فيه ...

السته اسرندل ولد عمن لي كان معه واحد موديل 2008 بس انه ما امدحه يقول ثقيل مره وعزمة ضعيفه ويغثه بلنفود خاصه يموت الحيل ..

اخوي اجزم على الثمانيه اسرندل وتوكل على الله .. وارقد وامن الموتر مشهودله بلخير والله يعطيك خيرة ويكفيك شره مقدماً...

[سعود27]

بس سمعت أنه يتفكك بسرعه وشكل الاول أفضل ولا بالفرق يعني لو أحصل 2009 و2007 بنفس السعر أخذت 2007 وأنا مغمض ياخي كل موديل يتغير شكله يصير مشاكله أكثر من الشكل إلي قبله يكفيك أنه شكل السبير العلاق في 2008و2009 غبي وفي شكل 98 إلى 2007 مطلوب وشكله بالبر غير ..........

[عاشق ونيت]

اخوي انا معي 6 سلندر 2008 لاندكروز

العيب الأول الحنه في القير وهو قير عادي والله ان كل مشوار افصل القير من الخامس وارجع اعشقه

الخامس مره ثانيه اقول يمكن في الرابع وغيرت هالقير على الظمان طبعا العيب الثاني مكينته صغيره

مكينة فور شينر والمكينه الأوله افضل ل6 سلندر كأنها قطار ومازالت تجي في الشاص العيب الثالث في الطعوس ضعيف لاكن بعد التنسيم اقل من 15 يتنشط شوي بس لازم تنسم الهوى مره العيب الرابع ان الدبل الخفيف شغال على طول يفصل بعد الميه تقريبا الباقي للأمانه غير ماقلت موتر من ناحية المشي والرساوه وثقل الموتر وعدم دخول الهواء ممتاز وصح باقي عيب المفتاح ريموت يعني لو تنتهي بطارية الريموت في البر غن
وردد ياليل ماطولك وانا بقول رايي اذا الباترول 2010 جاء مفتاح يدوي ماهو ريموت انتهى وقت الاند وودع
الملاعب

[الاخطبوط97]

يابن الحلال شي طبيعي ان سعرة شوي نازل موهو زي القديم لان الناس خافت منة اول ماطلع ولاكن اصبر شوي ويرتفع سعرة يكون اغلى من القديم 0000 واعذروني على الأطالة0

[باترول 95]

ماقصرتوا

يعطيكم العافية