رمان الهايلوكس خرب علي وش الدبره يالربع

[~ Abo Rashed ~]

السلام عليكم حياكم الله يا أعضاء المنتدى


عندي هايلوكس غمارتين 2008

المشكله قبل تقريبا 6 شهور طلع صوت في السياره
وهذا الصوت مره يطلع ومره يختفي وهو أشبه بإحتكاك حديد في حديد

ولا أعرته أهميه مشيت عليه تقريبا 25000 كيلو وكل شوي يزيد الصوت شوي شوي

وجاء قبل شهر تقريبا وأنا مسافر زاد الصوت بشكل كبير وجيت للرياض

ودخل سيارتي بداخل البيت ورفعتها من الخلف وعشقت بنمره خمسه وخليت أخوي يدعس يوصل

140 وأنا تحت السياره

سمعت صوت حكحكه في الكفر الي على يمين

ووديتها للورشه وقالو أنه رمان خلفي يمين قلت خلاص ومشيت عقبها عندكم هنا قلت بسألكم


أول شي إذا خليت الرمان فتره تقريبا أسبوعين وهو يطلع صوت هل يضر بالسياره أو يضر بأشياء أخرى؟؟؟؟؟

وثاني شي قالي راعي الورشه أنه يتصلح ب 250 ريال بدون قطع الغيار وقال إذا بغيت تجيب من الوكاله رمان جب معه صوفه داخليه وخارجيه ؟؟؟؟ هل يحتاج صوف

ثالث شي والأخير بكم سعر الرمان في الوكاله وهل فيه أحد جرب منكم؟؟؟


وأخيرا أعذروني طولت عليكم شوي لكن أنا جديد عليكم وأبيكم تتحملوني

[~ Abo Rashed ~]

السلام عليكم

الي عنده بعض المعلومات يفيدنا فيها ما أبي كل المعلومات عشانكم بس

معقوله مافيه أحد يعرف بالرمان

أتمنى أن مايخيب ضني

[شعيب المسمى]

وده للوكالة يصلحونة على الضمان

[أحبك يا سدير]

يارجال رح واشترلك رمان جديد مايكلفك شي وريح راسك

[~ Abo Rashed ~]

وده للوكالة يصلحونة على الضمان



للأسف الضمان خلص

جزاك الله خير وكثر الله من أمثالك

[~ Abo Rashed ~]

يارجال رح واشترلك رمان جديد مايكلفك شي وريح راسك


بإذن الله أبشري واحد وأبصلحها بإذن واحد أحد

لكن السؤال لو أمشي عليها أسبوعين والصوت فيها يضرها ولا لا

[SHAHEAN]

غير الرمان احسن لك لا يدمر عليك الدفرنس
ولا تقرب غير قطع الغيار الاصلي أضمن لك
وتبي ترتاح ان شاء الله

[الوسيطاء]

اخوي الرمان يشد ويروح الصوت وشحمه وتنتهي السالفه

[~ Abo Rashed ~]

غير الرمان احسن لك لا يدمر عليك الدفرنس
ولا تقرب غير قطع الغيار الاصلي أضمن لك
وتبي ترتاح ان شاء الله


تراك روعتني مره يا أخوي

لأني مخليه فوق 6 شهور وهو يطلع صوت

[~ Abo Rashed ~]

اخوي الرمان يشد ويروح الصوت وشحمه وتنتهي السالفه


جزاك الله خير

هل أنت متأكد أنه يروح ولا فيه أي مشاكل

لأنك عكس أخوي الي فوقك في رده

[الاخطبوط97]

اخوي انت شكلك ظاربلك رصيف ولى مطب قوي ولى شي تأثر الرمان ولازم تغيرة وان كان ماظربت فية شي ابد غير زيت الدفرنس وحط زيت 140 ثقيل وان شاء الله يروح الصوت 0000 واعذرني على الأطالة0

[ALOTAIBI]

تحيه طيبه للجميع
اخوي الغالي ,اذا انت متأكد انه المشكله بالرمان, المشكله بسيطه ولكن سببها اكيد انها ضربه قويه على الكفر , والصوت يطلع قوي اذا مشيت عليه بسرعة زايده , والرمان تركيبه بسيط ,حصلت علي في هايلكس ارتطم بمجموعة من الحجار الكبيره و ما عين خير وراح عندي العكس الايسر وطلع صوت الرمان , وغيرتها و الرمان والصوفه تقريبا 150 الا 200 غير العكس قيمته 360 , بس عندك انشاء الله سليم .والشغل كلها ساعة زمن بس بعد ما تخلص تأكد من زيت الدفرنس والفرامل فقط لا تغيرها . والسعر ما يتجاوز 150 ريال انا مسويها 120 ريال مع شغل المخرطه , وانت تاكد من العكس انه سليم قدام لا تكبس الرمان بالعكس .
ولا تركب الا قطع من الوكالة اصلي

واي خدمه انا حاضر يالذيب
وتقبل مروري

[قلب الأسد7E]

أحرص على الأصلي أخوي ــــــــــــــ

[بيبابيبا]

أخوي زاويه
كبل قد جا الكفر اليمين صدمه

[بيبابيبا]

ان كان جايه صدمه فهو مهب من الرمانه

[بيبابيبا]

في ورشه في الصناعيه الجديده اسمها ورشة مبارك الدوسري
موتري ما اصلحه الا منهم ويطلع بطل