المساعد الشخصي الرقمي

مشاهدة النسخة كاملة : مثبت السرعه؟؟؟؟؟


التمَاري
21/06/2009, 07:47 PM
السلام عليكم

مثبت السرعه عندي خرب الي يخبر لي كهربائي او رقمه على الاقل ممتاز يعرف للمثبت السرعه لا يبخل علي الله لا يهينكم .....
ذيب الطبيق
21/06/2009, 07:56 PM
وش السياره اخوي
ووين مكانك
التمَاري
21/06/2009, 08:02 PM
في الرياض جعلك في الجنه
التمَاري
22/06/2009, 02:27 AM
للرفع.........
حسين2002
22/06/2009, 09:46 AM
وعليكم السلام
على الراابط
http://alrahalat.com/vb/showthread.php?t=2367
التمَاري
22/06/2009, 02:56 PM
هلابك حسين بس انا ابغى كهربائي يصلح مهوب يركب وانا في الرياض

وش دعوى يا شباب محد يخبر كهربائي متخصص في مثبت السرعه؟؟؟
الصيهد.......
22/06/2009, 04:42 PM
السلام عليكم ورحمه الله وبركاته
أخوي التمَاري ذا سيارتك موديلها جديد وأمريكي انصحك لاتعدى الوكاله
لان مثبت السرعه حساس جداً ..
وانصحك أخوي تمر مركز صيانه أوتو ستار ورح للسوداني احمد
تراه امير...... قله عن المشكله وهو يعلمك وش المطلوب وش يكلف
وتر شغلهم عليه ضمان شهر ...او.....شهرين
ومشكلتهم الأسعار لك عليها .....بس ترا فيه خصم انتبه له......

وبالتوفيق يارب
التمَاري
24/06/2009, 05:24 PM
وعليكم السلام

يعطيك العافيه اخوي الصهيد وماقصرت

بس اوتو ستار غالين بالحيل ....ما فيه غيرهم ....

واشكرك مره اخرى ...

بانتظار باقي الشباب...
الرحال 2003
24/06/2009, 07:51 PM
اذا كانت السيارة كابرس تاكد من لمبة الفرامل التي اعلى المرتبة الخلفية اذا كانت غير شغالة استبدلها
التمَاري
25/06/2009, 04:59 PM
حياك الله اخوي الرحال الموتر شروكي 2001 بس حتى لو انه كابرس وش دخل لمبه الفرامل الخلفيه بمثبت السرعه ؟؟؟؟؟؟؟

بإنتظار باقي الشباب...
وادي غران
25/06/2009, 05:08 PM
والله يا خوك ما هو أي كهربائي يصلح لهذي الشغلة .. ترى الموضوع حساس !!
أترك تصليحه إلى أن تتوفر معك النقود ورح للوكالة أو أوتوستار لأن البقية ممكن يصلحونها لكن يخربون عليك الكهرباء كلها !! انتبه.
وفقك الله أخوي وسدد خطاك وأعانك على أمور دينك ودنياك.
الرحال 2003
25/06/2009, 07:30 PM
له دخل وانا اخوك لأن كان مع اخوي كابرس وكان المثبت غير شغال وسبب المشكله لمبة الفرامل حرقانه يمكن سيارك مثله
صقر الشماااال
25/06/2009, 07:39 PM
مشكورررررر ما قصرت
.أبوعبدالرحمن
26/06/2009, 01:02 AM
اخوي التماري


جرب وما انت خسران كلها ماتجي 10 ريال


اذا لمبات الفرامل اللي فوق في القزازة الكبيرة الخلفية محترقه صلحها وان شاء الله

راح يرجع المثبت الى العمل


اسألني لأني سبق وجربتها وكل مهندس يجلس يتفلسف وطلعوا لي قطع غيار مافيها شيء ويقولون انها خربانة

فشوري عليك صلح اللمبات حقت الفرامل وشف




بس تكفى رد لي خبر
التمَاري
26/06/2009, 02:17 PM
حيا الله الجميع

اخوي الرحال واخوي ابو عبد الرحمن اشكركم من اعماق قلبي

وانا عارف انها بسيطه ولكن وش العلاقه بين لمبه الفرامل بمثبت السرعه ؟؟؟؟

ودي اعرف ياليت تشرحون لي...!

وابشيك على لمبه الفرامل ان شاء الله ...
الرحال 2003
26/06/2009, 06:37 PM
سمعت ان المثبت مشبوك على لمبة الفرامل علشان اذا ضغطت الفرامل يفصل
الله يوفقنا وإياك دنيا واخره
الرحال 2003
27/06/2009, 09:26 PM
أنت جرب وما عندك مشكلة
التمَاري
27/06/2009, 09:55 PM
بيض الله وجهك يالرحال

شيكت على لمبات الفرامل كلها شغاله..

الغريب ان المثبت قد خرب قبل 6 شهور ثم صلح من حاله بعد شهر ..والحين خرب مره وله اكثر من 3 شهور وهو خربان انا خليته قلت يمكن يصلح مثل خرابه الاول بس ماش هالمره طول...:d
العرمه
27/06/2009, 10:59 PM
امسك الجيب مع الكبوت على الرفارف بيدك اليمني وطقه على حصاة او رصيف يمكن فيه غبار والا شي لان الحساسات اذا غبرت تبي من ينظفها وان شاء الله يزبط موترك ميه ميه واذا ما نفع ردلي خبر
يوكن
28/06/2009, 11:31 AM
[quote=ابوعبدالرحمن الصفيّان;2837472]اخوي التماري


جرب وما انت خسران كلها ماتجي 10 ريال


اذا لمبات الفرامل اللي فوق في القزازة الكبيرة الخلفية محترقه صلحها وان شاء الله

راح يرجع المثبت الى العمل


اسألني لأني سبق وجربتها وكل مهندس يجلس يتفلسف وطلعوا لي قطع غيار مافيها شيء ويقولون انها خربانة

فشوري عليك صلح اللمبات حقت الفرامل وشف




,وشيك كمان على اللوحات ترا إذا ماهي ماسكة تمام تأثر بعد هههههههههههههههههههههه
حلوه ((((( فاصل ))))))))))
التمَاري
30/06/2009, 12:18 AM
يعني مالي الا أوتو ستار