رائيكم في الموضوع يهمني لتبين الحقيقه (((مهم للجميع)))

[غالي]

السلام عليكم ورحمة الله وبركاته


أخواني ، أبخش في الموضوع بدون اي مقدمات.


خلال اسبوع ونص الى اسبوعين تقريبا وأنا الاحظ على سيارتين استخدمها تفتفه في الزحمه او عند الوقوف وحده منها امريكي والثاني ألماني وجميعها 8 سلندر طبعا.



وشكيت في وضع البانزين عندنا ، قلت مالي الا اسأل الزملاء معي بالمكتب.


سألت أثنين من ازملائي والله يعلم اني توني مكمل سؤالي الا ويقولون إلااااااااااااااا ((يعني نعم تتفتف عند الوقوف وفي الزحام))


واحد منهم سيارته مرسيدس 2004 والثاني لومينا 2005 أي 8 سلندر و 6 سلندر



وجميعنا انا وهم نستخدم بانزين 95




السؤال هنا للتأكد:


هل قابلت أحد المكشاتيه في هالمنتدى الشامخ نفس مشكلتنا ؟؟؟


أو البلا في سياراتنا وهذي نوع ما مستبعد ((لانها جايه خلال هالاسبوعين )) والله اعلم



أنا بكل صراحه شكيت وعلى ما أعتقد الكل سمع عن ازمة البانزين من 3 اسابيع تقريباً


عندما تذهب للمحطات يقولون لك مافيه بانزين !!!!!!!!!!!


والآن لانسمع هالأجابه ولكن!!!!!!!!!!!



حسيت انا شخصياً وأزملائي بهالمشكله :(



استنى ردودكم يا أخوان وعند وجود عدد كبير من الأشخاص مؤيدين لنا بهالمشكله


يرجى نشر هالموضوع قبل لا تخبط سياراتنا :mad:



الله يستر



وبالأخير أتمنى لي ولكم التوفيق والسداد وسامحوني ان غلطت بفتح هالموضوع


تحيتي/ غالي:good:

[ابوالجازي]

الحمد لله
انا سيارتي ديزل
وعجلوا يا اهل البنزيم عطونا العلم

[ابو شهد جدة]

نظف البخاخات او الكربريتر
ونظف فلتر الهواء او غيره
وشيك على البواجي وأسلاك البواجي


وسيارتك بخير.


انا قبل اسبوع كنت في الطايف وسيارتي ما اعبيها الى 95
وقفت وعبيت من محطه وبعدها ماشفت خير
طبعاً خليت التانكي يفضى للاخر وعبيت ب 10 ريال
وحطيت معاها علبة من سائل التنظيف الي ينباع في المحطات
ومشيت في السيارة خط طويل حتى ولعت اللمبه
وبعدها عبيت فل والحمد لله كل الامور تمام التمام.



والله يخارجنا من الغش ونسف المستهلك..

[Bader-M]

اذا غاب البس (القط) العب يا فار

وخاصه في محطات التي تكون بعيد عن الرقابة
الطرق السريعة
خذ الحذر منها وكذالك من السوبر ماركت تاكد من تاريخ المنتجات المعروضة

دائما ما تسقط عيني على مواد غذائية منتهة الصلاحية

تحياتي للجيمع

[معدي المرقاب]

الله يعين المسلمين

[غالي]

الله يحفظكم جميعا على المرور الكريم

بيض الله وجهكم ولاقصرتوا


حتى الآن افهم من الأخوان أن المشكله لم تقابل احد منهم ؟ والحمدلله


نحن بإنتظار البقيه إلي حس بالمشكله قابلته يفيدنا

وانا موقعي طبعا الرياض وبالتحديد شمال غرب الرياض

يمكن تكون المحطات الي جنبنا هي الي فيها البلا

((((خصوصاً أن الزملاء الي سألتهم بيوتهم قريبه من بيتي)))))


شاكر لكم :)

[ابويارا1001]

انا الحمد لله ماعندي هالمشكله

يمكن عشاني بالشرقية والبنزين اللي عندنا طازج وبنزينكم بايت:D

امزح

بس انا كان عندي فورد ويبين فيه صوت خرفشة اذا دعست عليه واعرف ان

البنزين اللي فيه مهب مضبوط

السالفه ذي قبل بنوين 91 و95

ولاحظت فيه محطه على طريق بقيق كل ما اعبي منها يزيد الصوت

بعدها ما صرت اعبي الا من محطة او ثنتين داخل الديره

[قاطع الفيافي]

شف حبيبي انا معي باترول99 اعبي بنزين91
اذا وقف بمواقف وقعدت حول اكثر من ثلث ساعة ومشغل السيارة بالمكيف
ادعس البنزين دعسة متوسطة يتفتف كن المكينة ترج
رحت لورشة قال غير البواجي وسلاكها غيرتها ولا بعد مع الصفاية ولا فاد قال وش تعبي
قلت 91 قال عب 95 وشف وقال يمكن يبغاله تنضيف بخاخات
ونا اشك ب91 لني قبل كنت اعبي 95 ولا كان فيه تفتفه
والله أعلم

[الضاحي]

حاول ان تانكي البنزين يفضى وعبي من محطة ثانية وجرب اذا فيه فرق والا لا.

غش البنزين وااااااااااارد وبقوة

[سسته]

لاتعبون الا من الدريس ولا من نفط ......
قبل كم يوم سكروا محطة حول بيتنا ...لقوهم يخلطون البنزيم بمويه مدري قاز المهم البنزيم مخلووووط .... وبعد فترة يقول واحد من حارتنا ان موتري خرب يوم وديتة الورشة قالي بنزيمك مخلوط ...

[غالي]

الله يكفينا وياكم شر نفوس هالعالم آآآمين

وبيض الله وجيهكم على المرور ونورتوا الموضوع

يقول أحد الزملاء يوم سألته هل قابلته هالمشكله

قال قبل فتره ماسكين محطه في النسيم خالطين البانزين بالديزل !!!!!!!!!!!!!!!!!!!!!!!!!!!

حسبي الله عليهم ونعم الوكيل


والظاهر والله اعلم

ان قرب بيتي أحد هالمحطات ملعوب فيها

والمشكله اني اعبي بانزين في كل مكان + حول بيتي تقريبا 3 محطات بإتجاهات متفرقه

ودام ازملاي طالعه عندهم هالمشكله نفس مشكلتي

فا والله اعلم ان وحده منهم مضروبه وخالطين البانزين

وتوني جاي من مشوار ومعبي عند العماريه

الله يستر لكن اللمبه بقت شوي وتولع وعبيت

شاكر لكم تفاعلكم اخواني

تحيتي