باركو لي يالربع ركبت مكرة

[مثابر]

اليوم الاحد رحت للسليماني بسيارتي وهي جيب رادو 2004 ديزل وحطيت الموتر عندهم وبيركبون لي مكرة وبكرة وبيطلع باركو لي وعقبالكم .

[أيمن]

يا هلا بك مثابر ..
والله يحييك ..

وانشاء الله ما تضطر لاستخدام المكرة أيضا :) ..

تحيتي

[صقر]

وش هي المكرة يا مثابر

ومبروك عليك الجيب الديزل.

[مثابر]

الله يبارك فيكم جميعا على المكرة والا الجيب من 1/1/ 1425 وهو معي برادو
ونوع المكرة امريكية ومشهورة جدا اسمها وارن 9000xdوالعاقبة لكم انشاء الله .

[بركان]

مبروك المكره
وانشاء الله ما تظطر لاستخدامها.

الاخ مثابر
اللي اعرفه ان السليماني يبيع الونوش ولا يركبها. هو يعطيك رقم ورشه وتتصل عليهم وهم يركبونه .
هل الورشه فعلا للسليماني.؟؟ واين موقعها لانني ناوي اركب نفس ونشك قصدي مكرتك.

[عابر سبيل]

مبرووووك انشاء الله اخوي المثابر ..... وان شاء الله ماتحتد لها ....

واسمح لي وانا اخوك على هالخطمه .... اخوي بركان

السليماني الي بالمرسلات على طريق الملك عبدالعزيز عندهم ورشه في الخلف ...

[بركان]

اخوي/ متعدي وعابر سبيل
شكرا على هذه المعلومه
انا كنت اتحدث عن السليماني اللي بالغرابي ولم اعلم ان هناك سليماني آخر على طريق الملك عبد العزيز.

تحياتي وتقديري.

[القناص]

مبروك مبروك الونش والسياره

ما قلت لنا بكم؟
وليش 8000وارن هذا قوي مره وكبير.
6000حليو ووذيف

[مثابر]

اخواني الاعزاء(( الونش )) اللي هو المكرة معليش انا قروي مركبها عند السليماني الللي في طريق الملك عبدالعزيز والورشة ورشتهم وتراها وراهم وكلفني في حدود 3600 ريال واسم المكرة وارن امريكية 9000xd وتسحب 4000 كيلو يعني اربعة طن واذا خليت الواير خطين تسحب ثمانية طن وهي اكبر مكرة تركب على السيارات الجيوب واللي اكبر منها تركب على السيارات حقت سحب السيارات المتعطلة وانا طلعت موتري منهم اليوم بس وش تقول ولا تركيب وكالة لا وبعد مخفية يدريك ان العيال ماصدقوني الا بعد ما رفعت اللوحة الامامية عن شفة المكرة انصح الجميع بالتركيييييييييييييييييييييييييب ودمتم سالمين

[بركان]

الاخ/ مثابر
ل ل ع 9؟1
شغلهم ماشاء الله ممتاز.واحسن من شغلهم البرادو الرصاصي.
الله يهنيك. وش رايك تجربها في عمود كهرب.؟؟؟

[الربذي]

اخوي مثابر مبروك وانشاء تساعد المحتاجين فيها اذا جاء وقتها وجات الامطار وكثرت الهلشات!:D ويدعون لك وانا مادري وش معني المكرة حتى تفضلت بتوضيحها لاننا نسمية( ونش)
اخ بركان وش معني ل ل ع 9؟1 اعترف 0000اعترف 0000000
ضني انها رمز لوحات اخونا مثابر هين اطرح بالي ارضا واحاول اصيدة برادو 2004 رقم الوحة 1والى يجي وتسعة ويكون اول واحد من اعضاء مكشات اشوفة

[مهيلان]

مبروك اخوي مثابر

واتمنى ان ما تثقل على الديزليه

اخوي الربذي اذا بغيت تشوف عضو من مكشات فانا متبرع : تفضل عندي بالبيت او بالبر
الله يحييك . انت ومثابر وجميع من يقرا
والسلام عليكم

[الجنوبي]

مبروك اخوي مثابر
والله يعطيك خيره ويكفيك شره..........................

[مثابر]

الله يبارك فيكم جميعا
الاخ العزيز القدير بركان ممكن نتعرف عن قرب واعتقد انك مشبه وانا ما ادري لكن فرصة سعيدة .

كلمة راس : من انت يا بركان ودي اتعرف عليك .

[بركان]

اخي الكريم/ مثابر
يشرفني التعرف عليك وعلى امثالك.

بكل صراحة ذهبت الى السليماني بهدف تركيب ونش لسيارتي وذلك بعد اطلاعي على موضوعك وطلبت منهم ان يورونني التركيب على الطبيعة فاخذوني الى الورشة وكان فيها برادو لون رصاصي وقد ركبوا فيه الونش وبالماريه فتحة الونش عن طريق لوحة السياره وقلت هذا برادو اخونا مثابر كان الكلام هذا قبل المغرب . وخرجت من عندهم وعدت اليهم قبل العشاء فلم اجد سيارة اخينا مثابر قلت الله يهنيه ويوسع صدره بالعافيه ويفرحه بالمكره.
هذا الذي حصل مساء يوم الاثنين.

تحياتي.

[الشاقي]

مبرووك ولا تنسانا من الصور يالحبيب

[ابو دانة]

بسم الله الرحمن الرحيم
اخوي مثابر على البركة والله يطعمكه خيرها ويكفيك شرها .

هناك سؤال : هل من الممكن أن اركب ونش على جيب سزوكي جراند فيتارا موديل 98 وشكراً .

[مثابر]

الى بركانمع التحية :
والله انك خبصتني احسبك تعرفني وانا ما اعرفك بس ترى رقم اللوحة خطاء بس البرادو اللي شفت سيارتي قلي عاد وش رايك فيه بكل صراحة .
ــــــــــــــــــــــــــــــــــــــــــــــــــ ـــــــــ
الى اخوي الشاقي مع التحية :
الله يبارك فيك وعقبالك .
ــــــــــــــــــــــــــــــــــــــــــــــــــ ـــــــــ
الى اخوي ابو دانة مع التحية :
انا كان عندي سزوكي موديل 2000 ربع قراند فيتارا واعتقد ان فيه مكان واذا ما فيه مكان انصحك بتركيب دعامة بونش وهي ايضا عند السليماني اتمنى ان تكون استفدت من هذة المعلومة .

[بركان]

اخوي مثابر 916
عسى جربت المكره والا بعد؟؟؟
ودنا نعرف وش جربتها فيه.
بالنسبه للموتر ما عليه نقص
الله يعطيك من خيره ويكفيك شره.
وانا اليوم انشاء الله سوف اقتني نفس مكرتك ام لم تكن اقوى قليلا. يا ابو مكره جنان. ههههه
تحياتي والى اللقاء.

[مثابر]

اخوي بركان الونش اللي انا مركب هي اكبر شي للجيوب وجربتها على جمس دفرنسين غمارة ونصف خليته يغرز في النفود وسحبته بدون ما يساعدني .

[بركان]

اخوي مثابر
اللي انت مركب ما هو اكبر شي للجيوب
النوع اللي ركبت على البرادو حقك 9000
ويوجد 9500
وركبته يوم امس على الفيكس ار.
يعني اقوى من مكرتك بشوي.

واذا تبي نتساحب انا وانت بالمكرات على شان نشوف من اللي يسحب الثاني تراني جاهز!!!! ههههه

تحياتي.

[مثابر]

البركة البركة تقلد بكم ركبتها

[بركان]

3700 ريال شامل اجور التركيب.

[عريق الدسم2]

نبي وصفها يامثابر بارك الله فيك وجزاك الله خير
واذا في اقل منها سعر دلونا