مشكة الباترول ريحة البنزين والقير

[قلب الاكورد]

السلام عليكم

ياشباب توني شاري فتك 2008 سفاري 2 قير عادي والمهم اني اذا وقفت اشم ريحت بنزين واحينن لاجيت ارجع يقر بالريوس كود تضغط الكلتش لاخر شي مع ان صار معي واحد موديله 2004 والموتر ماله 4ايام معاي وش الحل

[أبوعمران]

ريحة البنزين عاديه .. !

والقره أتوقع بعد انها عاديه !

:)

[بحر القصيد]

قرة الريوس عاديه وإذا تبي تتأكد ( وقف جنب الموتر وهو شغال(بدون مكيف) وخل احد يجلس فيه )

وتسمع صوت فالموتر من تحت (وخله يدوس كلتش ) اذا فيه صوت قبل لايدوس كلتش ولا داس راح معناه

يبي لك بيرنق كلتش وسلامتك


تحيتي

[abo_abdalah]

اول شي مبروك الموتر .. الله يعطيك خيره ويكفيك شره . . ثانيا ريحة البنزين عادية .. بس غير فلتر البنزين .. وشيك على شكمان الموتر

والقره غالبا تكون من الكلش .. ولا له داعي تبدل الكلش عشان الغره .. لانك مع الوقت بتتعود انك تعشق بدون ما يقر .. وبالتوفيق

[قلب الاكورد]

مشكورين على الردود والله يجزاكم اللف خير

[قاطع الفيافي]

مبروك الموتر والله يعطيك خيره ويكفيك شره


شف ريحة البنزين اخوي معه هايلكس 2002 ريحت البنزين داخله في الراس
حتى اني اشغل المكيف شكله يدخل مع فتحات المكيف وديته الورشة قلتله يمكن الصفاية
يبغاله تغيير قال الصفاية ماتطلع ريحة قال (عندك غطا البنزين غيرة وجرب)
غير الغطا ب125ريال وراحت الريحة يمكن غطا البنزين فيه الجلبة او الربلة خربانة

[سيف الظفير]

خير وزين ما اخترت يا القرم والله يطعمك خيره يارب العالمين

[مجنون باترول4800]

من باب المعلومية قير 2004 غير قير ال2005وفوق ام القرة طبيعيه بالقير العادي من 2005 وطلع مع الوالد 2007نفس المشكلة واخوي بعد او كثر من واحد اعرف يشكي منها. بالتوفيق

[صدق النوى]

السلام عليكم ورحمة الله وبركاته
الله يعطيك من خيره ويكفيك شره
القره مثل موتري ربع تسعين يقر بالريوس اول ما شريته والحين تعودنا عليها ما يقر أبد
بس لو يسوقه أحد مستحيل يعشق ريوس ما يقر
رائحة البنزين كان معي هايلكس فيه ريحة بنزين تشق الراس قسم بالله جميع المهندسين
محد عرف وين الريحه يقول سليم ما فيه شي ومع المكيف ما تجلس في الغماره
تجربه ومجربه / شف لك كيس نايلون وحطه على الغطاء البنزين وسكره وشف راحت الريحه ام لا
كانها مارحت المشكله مو من الغطاء وان راحت غير غطاء وكاله
آمل اني افدتك وشكرا ,,,

[العتيبي 88]

أخوي ريحة البنزيناذا هي داخل الموتر سؤاء اذا فللت التانكي او نصفه نفس الطريقه عندي بس افتح اللباد الي داخل الشنطه تحصل فتحه للتانكي من فوق اذا رفعت اللباد الفتحه تحصل العوامه والطرمبه داخله في التانكي تحصل لها جلده دقيقه مره على الغطاء تحصلها رايحه عندك يابعدي غيرها وادعي لنا الله يوفقك

[سوبر VTC]

الموضوع قديم


الغطاء اللي على نفس التاكي حق الطرمبة
له وجه ربل احيانا يكون ينسم
و تقدر تعبي الموتر تفل
و تمشي بالموتر و يفضل تمسكل فرامل قوي ثلثين الدعسه
راح تحصل تعريق يطلع من نفس الوجه
و بعضهم يحط عليه رمل يعشان يحدد مكان التنسيم
لان احد الربع غير الوجه لباترول و ضبط :good:

[شاهين999]

تأكد من غطاء البنزين لا يصير مكتوم لأنه لا بد يكون فيه تنسيم على برا عن تجربة

[ابويعقوب4]

اخوي مافي مشاكل انا معي باترول 97 يقر بعض الاحيان لانه بعض الاحيان تكون مستعجل فماتعرف تلقم القير زين فيقر

[ابويعقوب4]

اي استفسار انا حاضر معك ابويعقوب

[بدوي جنوبي]

ينقل لقسم الاعطال

[فهد3012]

معي ربع 2009 إذا وقفت والجو حار تجي ريحة البنزين وأشم الريحه من الكبوت ظنكم من وين من الكبوت إذا حصل صورة للي عنده خبره للأستفاده

[فتك08]

معي ربع 2009 إذا وقفت والجو حار تجي ريحة البنزين وأشم الريحه من الكبوت ظنكم من وين من الكبوت إذا حصل صورة للي عنده خبره للأستفاده

انا مثلك الريحة خارجية مع حرارة الجو
وش السبب؟

[العطاوي a511]

انا مثلك الريحة خارجية مع حرارة الجو
وش السبب؟


فيه علبه صغيره على شكل اصطوانه الغاز بالكبوت مليانه فحم مدري وش اسمها لاكنها موصوله بالثلاجه بليات صغار واضنها للاهتمام بالبيئه ريحه البنزين دايم تطلع منها تحصل فيها شق او الليات تنسم


مكانها بالفتك جنب فلتر الهواء وليها راكب كبس بفلتر الهواء

[فتك08]

فيه علبه صغيره على شكل اصطوانه الغاز بالكبوت مليانه فحم مدري وش اسمها لاكنها موصوله بالثلاجه بليات صغار واضنها للاهتمام بالبيئه ريحه البنزين دايم تطلع منها تحصل فيها شق او الليات تنسم


مكانها بالفتك جنب فلتر الهواء وليها راكب كبس بفلتر الهواء

صادق اللي هي الفحامة و ظيفتها امتصاص بخار البنزين
لعلي اشيك عليها