مسافر لصلالة براً الأسبوع القادم ، نصائح المجربين ، وأسئلة كثيرة بحاجة لمن يجيب؟؟

[ديرتي البكرية]

مساء الخير جميعاً ..
بإذن الله سوف أتجه إلى صلالة الأسبوع القادم :p مع الشله :D
وطبعاً بما اننا سندخل الإمارات سنتجول تجول شريف في دبي وما جاورها :)

سؤالي هنا من يعرف شقق (نظيفة) و(رخيصة) في دبي أو حولها وكم أسعارها ..

ثم سنتجه إلى صلالة عن طريق منفذ البريمي وصولاً إلى صلالة
طبعاً هنا عدة أسئله :
أولاً / أطلعت عل كل التقارير عن زيارة الأخوان الأعضاء الأفاضل واستفدت كثيراً من المعلمومات الموجودة مثل الاودية والشواطئ والشلالات وغيره ..
لكن السؤال الي يطرح نفسه ..
كيف أصل لهذه المناطق بالضبط ، هل فيه لوحات واضحة أو خرائط دقيقة ، او إحداثيات قارمن ، وإلا من سال ما تاهـ !!:cool:

2/ صرف العملة من هنا أحسن وإلا من الحدود وإلا من صلالة ؟
3/ وش سالفة التأمين إلي على الحدود بالضبط ، وهل هو على السيارة وإلا الأفراد وإلا المجموعة ؟
4/ الشقق هناك وين بالضبط ، وهل عندهم سالفة عزاب وعوائل ، وكيف أسعارها الوقت هذا خصوصاً يهمنا النظافة بغظ النظر عن الحجم ؟ وأيضاً السعر يكون مناسب خصوصاً للشباب؟
5/ كم من الوقت نحتاج عشان نفر صلالة كلها ؟
أخيرا/ أي نائح أكون من الشاكرين؟

[نار الجليد]

هلا اخوي ...


1) اتوقع صرف العمله هناك افضل ...
2)التأمين على السيارة ....
3)الشقق والفنادق متوفره في انحاء المدينة كلها ..ولكن الاسعار ستكون مرتفعه .... كما في الاعوام الماضية
4) صلالة مدينه صغيره جدا جداواقل شي 9 ايام




احب اسهل عليك فيه منتدى خاص بمدينة صلالة



اسمه ( موقع صلالة )

[بواسامه]

نصيحه وانا اخوك
روحتكم وقتها مهوب لم جاده
صدقني بتتحسفون لان الجو لك عليه
اصبروا الى اخر 7 الى بداية ثمانيه ميلادي
تشوفون الشلالات والخضرة والرذاذ والفله
موفقون حلا وترحالا

[خالد السبت]

أتمنى لك التوفيق بالرحلة
لكن مثل ما قال أخوي بو أسامة
أحسن وقت شهر 8 ميلادي (أغسطس)
دمت بخير

[D I K T O O R]

يالحبيب

اذا تبي خريطه للمنطقة صلاله وكذا والمناطق الزينه وانت رايح للصلاله اول ماتصل للجمارك اطلب منهم وراح يعطونك خريطه

والشقق تبي تتعب بصلاله لئن مافيه شي اسمه استقبال عنده بالشقق المفروش هههه واحد يدور على الشقق ويالله يالله تشوفه

[هاوي الترحال]

نصيحه لاتروح الحين اصبر حتى منصف اغسطس احلى وقت

[ابولولو]

اخوي تمهل بالروحه اهم شي مثل ماقالو الاخوان وقت الامطار والشلالات وفيه ظغط من حكومه الامارات لتخفيض الاسعار 50بالميه للسكن

[الضب المنسم]

نفس الشي يا أخوان انا بعد رايح لصلالة مرورا بقطر الدوحة يومين - الامارات ابوظبي يوم-دبي يومين-عمان-صورثلاثة ايام-صلالة خمسة ايام)بداية الشهر الاسبوع القادم واليوم تقرير الاجواء عندهم الامطار تأتيهم بشكل يومي
درجات الحرارة من 27 الى 33 مئوية في شهر 7 و 27الى 23 في شهر 8/2009

[MOHAMMED..]

ابصم لك بالعشره لو رحت بعد اسبوع راح ترجع من ثاني يوم يخوي منت يم سنع .. لا تروح الا في 5/8 /هــ وعساك تلقى الخضار لأن كل سنه يتأخر.. السنه هذي احلى وقت لصلاله بيكون في شهر الخير وقبله تقريباُ بأسبوع او اسبوعين
هذا من واقع تجربه العام الماضي وموفقين خير

[عاشق سفر]

نصيحتي لك مثل ماقالوا الشباب ماحان وقت صلالة خلها لشهر اغسطس ومن نصه وانت رايح بيكون وقتها زان...

لا تروح ثم تندم خصوصا الديرة مو قريبة يعني من الرياض لو بتروح شدة وحدة ماتوقف الا بنزين ووجبة وصلاة ماراح توصل ع الاقل الا من 18 الى 24 ساعة وانا رجال مجرب واسال مجرب ولا تسال خبير

[رحال الأندلس]

تبي نصيحتي لا تروح الوقت هذا تراك مبكر
بالنسبه للسكن اسكن بالحدود الامارات مع عمان منطقه قريبه من العين إسمه مزيد السكن رخيص لكن لا تسكن بالعين.
بالنسبه لصلاله إذا وصلت يعطونك خريطه عند مدخل المدينه وعموما المنطقه واضحه ماتحتاج قارمن
صرف العمله إصرف من هناك نصيحه
وتقدر تصرف من بطاقتك من هناك ويأخذ البنك على كل عمليه 30 ريال ؛ بدال ما تنقل فلوسك في جيبك
تراي جربت هاذي الطريقه مريحه.

[مراقب الغيوم]

موفق ان شاء الله ولاتنسى بخاخ طرد البعوض لأنه موجود بكثرة في الاماكن الزينة وقرصته مثل وخزة الابرة كذلك احذروا من السباحة في شواطيها لأنها خطرة
المكان جميل لعشاق المناظر الطبيعية والكشتات ولكنها لالالا تصلح ابداً لمن يبحثون عن الخدمات المميزة او المطاعم الراقية والنظيفة او العوائل التي يبحث افرادها عن الاسواق والمولات او الملاهي للاطفال والكبار
يعيبها ارتفاع الاجارات بشكل كبير وخاصة الصيف الماضي

[هاوي البر]

ليس هذا وقت صلالة
خريف صلالة يبدا من 1/8/2009
وافضل وقت للزيارة هو منتصف شهر 8 ميلادي
وعندك منتدى المسافرون العرب تجد فيه منتدى خاص بعمان ومدينة صلالة وفيه منتدوبين من اهل صلالة يعطونك حالة الجو اليوميه وافضل الشقق وكل شي تبيه

[المعشني]

أخوي باخبرك بالصراحة كوني أحد أبناء جبال صلالة ،،،
إذا تقدر تأجل الرحلة لشهر غسطس أفظل لك بالنسبة للطبيعه تكون جنة خضراء ،، أما هالفترة ماشي أمطار سوى قبل ثلاثة أيام رذاذ بسيط وهالأيام ماشي أمطار ولكن توجد غيوم ودرجة الحرارة طيبة جدا فالجبال مع أرتفاع نسبة الرطوبة في المدينة ( صلالة ) ومن جانب آخر الإجارات حاليا رخيصة جدا جدا والمناطق السياحية اللي ذكرتها موجوده على اللوحات الإرشادية وماحد يتوه وإذا سألت أطرف واحد مابيقصروا معاك أخوانك شمه ،،
بالنسبة للبعوض حاليا ماشي وما يتواجد إلا مع إخضرار الجبال وكثرة النباتات ،،
بالنسبة للشقق للعزوبيين بتحصولوا بكل سهوله حاليا والخرائط والإرشادات السياحية بتحصلوها قبل ماتوصولوا صلالة تقريبا ب30 إلى 40 كيلو في مركز شرطة حريط على الشارع العام .
أتمنى لكم رحلة طيبة وموفقة ومرحبا بكم في أرض الأصالة

[الواهبي]

أخوي باخبرك بالصراحة كوني أحد أبناء جبال صلالة ،،،
إذا تقدر تأجل الرحلة لشهر غسطس أفظل لك بالنسبة للطبيعه تكون جنة خضراء ،، أما هالفترة ماشي أمطار سوى قبل ثلاثة أيام رذاذ بسيط وهالأيام ماشي أمطار ولكن توجد غيوم ودرجة الحرارة طيبة جدا فالجبال مع أرتفاع نسبة الرطوبة في المدينة ( صلالة ) ومن جانب آخر الإجارات حاليا رخيصة جدا جدا والمناطق السياحية اللي ذكرتها موجوده على اللوحات الإرشادية وماحد يتوه وإذا سألت أطرف واحد مابيقصروا معاك أخوانك شمه ،،
بالنسبة للبعوض حاليا ماشي وما يتواجد إلا مع إخضرار الجبال وكثرة النباتات ،،
بالنسبة للشقق للعزوبيين بتحصولوا بكل سهوله حاليا والخرائط والإرشادات السياحية بتحصلوها قبل ماتوصولوا صلالة تقريبا ب30 إلى 40 كيلو في مركز شرطة حريط على الشارع العام .
أتمنى لكم رحلة طيبة وموفقة ومرحبا بكم في أرض الأصالة


والله والف نعم بظفار واهل ظفار
الحقيقة كنت في صلاله قبل سنتين ونعم الناس
تحية مني لأهل صلاله خاصة ولظفار عامة

ابو سياف

[ديرتي البكرية]

مساء الخير جمعياً ..
شاكر لكم التفاعل الرائع والمعلومات القيمة ..
وأتمنى أن تعم الفائدة الجميع ..
والله لا يحرمكم الأجر..

وأبشركم أجلت الروحة شوي ..
(طبعاً بعد أن فقعت وجه أخوياي :d بفزعة مكشات )
أكرر شكري للجميع على المعلومات المفيدة ..

[ابو خالد 2006]

اخوي راعي البكيرية
تأجيلك للرحلة مناسب جدا وقرار صائب .. نصيحتي خل روحتك بآخر شعبان أو في منتصفه
وبالنسبة لصرف الريال خلها هناك .. وفي بعضهم يتعامل مع الريال السعودي
وبالنسبة للأماكن المميزة فهي ليست في وسط صلالة .. تعتبر صلالة مركز أو محافظة والمناطق السياحية في طوالع المحافظة .. يعني مثل البكيرية ومناطقها السياحية في الفويلق أو الشحية أو ساق أو الهلالية ..
الأهم هو جدولة الأماكن حتى لا يفوتك شيء ومن خلال تجربة يكفيها اربع الى خمسة أيام فقط
نصيحة : ترفقوا بالطريق وإياكم والسرعة .. وتاصلون بالسلامة
واذا بغيت تقرير عن رحلتي شف الرابط في التوقيع

[المعشني]

والله والف نعم بظفار واهل ظفار

الحقيقة كنت في صلاله قبل سنتين ونعم الناس
تحية مني لأهل صلاله خاصة ولظفار عامة



ابو سياف

والنعم فيك وما عليك زود فهذا من طيبك وطيب أصلك ،،، تسلم يالغالي

[هاوي صيد وغوص]

اخوي انا من عمان وكل سنه اروح صلاله وانصحك بشهر الجاي وكل الخدمات متوفره
وهذا رقم جوالي 0096899513363 ولاتتردد بالاتصال وحياك الله انته وربعك
وانا رايح يوم الثلاثاء القادم 13/9/2009


اخوك ابو بدر

[ذرب سدير]

الأيام هاذي بحسب كلام اللي في صلالة .. جبال ظفار رذاذ وأمطار .. أما المدينة والساحل فلا تغيب الشمس إلا عند العصر دون سقوط مطر أو رذاذ

لكن الأجواء تتحسن كل يوم بالرغم من ارتفاع درجات الرطوبة في مدينة صلالة والساحل عموماً .. أما الجبال فجوها خرافي وكل يوم رذاذ ومطر .. والأمطار تتزايد يوماً بعد يوم في الجبال .. هذا كلام اللي متواجدين في صلالة حالياً

[SOMAN]

انا رحت العام الماضي في 18 اغسطس تقريباً حركنا من رياض الخبراءالساعه 11:30 ظهراً الى الرياض - الخرج - حرض - الى منفذ البطحاء وصلنا المنفذ الساعه 9:05 مساءً المسافه 950كلم طبعاً بدون وقفات وقنا بالرياض للغداء وفي الخرج صلاة العصر وبنزين....
بس بصراحه طريق حرض يخوف بالليل انصحك تروح مع طريق الاحساء .....
طلعنا من المنفذ الساعه 9:40 مساءً الى منفذ مزيد مع طريق سريع وممتاز طبعاً الطريق قبل تصل ابوظبي تفرق يمين الى العين وصلنا مزيد الساعه 2:45 ص ثم واصلنا ولكن كان ارهاق لنا
دخلنا الحدود العمانيه وعطونا خريطه موضح فيها كل شي بالتفاصيل تمشي على الخريطه لأن فيه طريق مختصر من عبري الى صلاله ..... وصلنا عبري بعد صلاة الفجر ودورنا سكن نبي ننام لكن لم نجد وكنا مرهقين بالمرررررررررررررررررررره.....
صلينا الفجر متأخرين ونمنا بالمسجد .......
صحينا الساعه 10 صباحاً وافطرنا ثم طلعنا مع الطريق المختصر ....
ملاحظات ونصائح :
1- لاتذهب مع طريق حرض لأنه خطر ولايختصر عليك الكثير ...
2- خذ معك معلبات وخبز وعصيرات حقت الطريق لأن الطريق داخل صلاله مقطعه .... فيه محطات وتموينات ولكن لن تجد اللي تبيه .
3- كل ماتجيك محطة بنزين عب منها .
4- خذ فرشات من الاسفل شراع لأن الارض هناك طينيه .
5- عند دخولك صلاله فيه نقطة تفتيش يعطونك خريطة صلاله المفصله موضح بها المناطق السياحيه .. اذا ماعطوك اطلبها منهم وخذ نسختين لأنها راح تتمزق مع كثر الاستخدام .
6- افضل منطقه هي ضلكوت وتبعد عن صلاله بحدود 180 كلم ولكن تحتاج الي سياره دفع رباعي ....اذا قدرت تستاجر جيب رح لها .
7- ايجار الجي اكس ار 2008 بـ 500 ريال كيلو مفتوح .
8- ضلكوت تقع على حدود بين اليمن وعمان تقريباً .

واعذرني على القصور والملاحظات الغير مرتبه ....تراني كتبتها وانا مستعجل ..

[المشباب]

نصيحه لاتروح الابنصف شهر 8 واحد من الربع توه جاي منها يقول ماتنفع