اللي جرب المفخرة بالنفود يفيدنا

[fof6666]

أخواني :
ودي أعرف اللاند الجديد حليل بالنفود ولا ردي
لأني معي باترول 99 sgl والموتر لك عليه بالنشاط واللي خوفني أآنهم يقولون أنه اللاند الجديد طبلة (ثقيل)ولاهنا فرق عن الموتر اللي معي
وشررررررايكم ؟؟؟؟؟؟

[fof6666]

ولا رد ؟؟؟؟؟؟

[Mohammad]

ما جربناه...لكن اعتقد كبير وثقيل وحساس يعنى تساوى مع الامريكى

[fof6666]

ماقصرت محمد
طيب حتى القير العادي دمار
طبعا اتكلم عن الستة سرندل

[ساري 111]

بالنسبه لسته سرندل نفس المكينه موجوده على الاف جي وعلى الفوشنر وعلى البرادو وعلى الجيب الجديد
نفس القير والمكينه مايختلفون عن بعض

انا جربت الاف جي وجربت البرادو كلهن تماتيك بصراحه المواتر نشيطه بمعنى الكلمه واعتبرهن باقمه سيارات الدفع الرباعي من ناحيه النشاط بالنفود .. وبالنسبه للزفلت مايحتاج اتكلم المواتر تضاهي المواتر الصغيره بالقومه والممشى

لكن الجيب الجديد ماادري بس طبعي بيكون اقل منهن لأنه اثقل واكبر شوي

[محاله]

الصراحه موتر ديره يعني بالنفود قلق و ثقيل وانا اتكلم من تجربه
vxr-gxr 8v -gx 6v
كلهن دماااار

[ضرغام الساحة]

أنا أملك جي اكس ار 6سلندر قير عادي 2009 الصراحة السيارة في النفود نشيطة وماتغرز وحتى الدبل مايحتاج تشغيله لأنه دفع رباعي مستمر
علما بأني يوميا وأنا في النفود ورا الابل

[ملك الإحسآس]

لا تفكر وتحتار غير آلآند لا تختآر

وآلف مبروك والله يعيطك خيره ويكيفك شره ..

[ذيب زلفاوي]

اخوي معه في اكس ار والله انه موتر عزم بالخط والنفود

[.أبوعبدالرحمن]

السيارة مع اثنين من الشباب الاول معه 6v gx قير عايدي


يمدحه قايم قاعد


وقطع فيه لين قال بس ومسك به خطوط يعني الان السيارة معه تقريبا 6 شهور ماشية معه الان تقريبا 30 الف كم


والحمدلله لم يشتكي منها ابدا

[وقيان]

اللاند كروزر موتر استخدااااااااااااااااااام ومكدة وكرف ومشاوير..كل شي تبي يعطيك...لكن لاتدوره بالنفود والرباضات..نكبـــــــــــــــــــــــــــــــــــة ....انا اتكلم عن تجربتي مع 2006 فاكه على يدي وكاله...بطة بكل ماتحمله الكلمة من معنى...في النفود طبعآ...

حتى الجديد...الموتر ثقييييييييييييل...245 حصان وش تسوووي به....وينه و اليوكن والسوبر سفاري فوق ال 280 حصان

[كاشت وحداني]

انا اشوف تبقى على السفاري sgl وتبحث عن سبب ضعف العزم
يمكن يكون بخاخ ومركب له بواجي كربريتر

الاند كروزر من 2008 نقول حليل بالبر لكن مايقارن بالموديلات اللي قبله من الاند كروزر اللي قبله افضل
من ناحية سعة التانكي وارتفاعها عن الارض وعدة اشياء
لكن معليه ممشي وضعه

[اسبيدر مان]

اذا انت تقصد الثمانيه سرندل فهو فعلا وحش شفته مره هو مع اف جي يراقون وكان الاف جي في راس النفود يحفر ثم يطلع لكن الجي اكس مره يرقاه كأنه زفلت ماشاء الله

[صصعفق]

الموتر ماعليه كلام مجرب

[fof6666]

الشكر موصوووووول للجميع وماقصرتو

شكلي ابصبر ل 2010 واشوف وش يبي يصير الفتك الجديد

والله يعافيكم

[فلاجكوو]

ياخوي الزبده على الا ماسك الطاره ولا جميع السيارات الدفع الرباعى مابه كلام وسلامتك ,,,,,,

[aooa]

http://www8.0zz0.com/2009/06/26/18/130942893.jpg (http://www.0zz0.com)

[قطب 999]

الرك على السواق وضغط الكفرات اما الموتر ما يحتاج قراية قاري

[أبو محمد2010]

الموتر ممتاز ما شاء الله خصوصاً الثمانية سلندر ، ما عليه كلام ، و العمده على السواق....

[خشم العرمة]

يابن الحلال النفود يبيلة حاجتين الاولى سواق والثانية نسم الكفرات وتوكل على الله
قبل سنتين كان معي نيسان واتمشى في النفود اللي عند روضة التنهات والقى شاص مغرز الين تكى الدفرنس على النفود والكفرات تدور بوش والله ان قراطيس المراتب عليه سحبته وطلعت تدري وش مشكلتة؟؟
لكفرات سخيفة شد بلد ومحشورة هوى ولايعرف يشغل الدبل الثقيل

وشفت فكتوريا يلعب في النفود لعب

العلم على االي جالس ورا الطارة ولا المواتر الجديدة كلها زينة امريكي ولا ياباني

[راع الحيزى]

من واقع تجربه....
الثمان سرندل نشيط وماعليه كلام
السته سرندل التماتيك ضعيف في النفود
السته سرندل قير عادي طير شلوى بالنفود والبر عموم....لكنه يرفع الضغط شوي في زحمة المدينة !

اتمنى اني افتدك ...وبالتوفيق

[hadaj]

روح لشركات التأجير واستأجر وجرب بنفسك والخيل من ركابها

[فارس العمور]

ثوررررررررر خصوصا 6 سلندر