وش الراي بجنوط الهلل وكفرات الشيهان

[rolze]

السلام عليكم ورحمة الله وبركاته
ابي رايكم يالنشامى توي شاري لي جيب
باترول 94 سلقه جليجي وجنوطه الي عليه مهيب زينه
عريضه وتجاريه وابي اركب الهلل ولقيتها صينيه بـ600
مع الكفرات 2400 وابي رايكم احد جربهن اولا
لاني لقيت واحد يقول جنوط الهلل الصينيه تعفط
بسرعه من ضربة حصاه او اي شي واحد ثاني يقول
جنوط الباجيرو ماتصلح والله اني احترت وابي الراي
وكم سعرها بالغرابي اتمنى من الجميع المشاركه

[الهجاني]

اخوي ما انصحك الا بالاصلي يدوم اخوي عنده ربع ومركب على هلل ومشاء الله تبارك

[rolze]

الهجاني بارك الله فيك
بس الاصلي تقصد فيه حق الباجيروا
كم سعره لاهنت

[rolze]

للرفع عطونا رايكم ياشباب لااحد يبخلنا علينا برايه

[البرحه]

فيه محل في الغرابي مجهز كفرات بجنوطها ... اتوقع انها اغلى بشوي

وعنده باجيرو صيني +شاهين جديده = 2400

الجنوط 600 والباقي قيمة الكفرات

[rolze]

الغالي انا لاقيها بالخرج بـ2400 يعني الغرابي الله اعلم بالقاه باقل
بس الكلام الجنوط الصينيه زينه او اخذ حقة باجيروا شد بلد واوديها للمخرطه يزينونها
وهل فيها عيوب او لا ني سمعت انها تقطم ودي استفيد من خبرت الشباب قبل
اركب الجنوط والكفرات

[rolze]

المشاهدات 87 ولا رد الا اثنين
ارجووووا من الجميع المشاركه باراءهم

[.أبوعبدالرحمن]

لا تستعجل


لانها تتعفط وتحتر وتخرب عليك الكفرات

[العسافي]

انصحك بالاصلي
والله يوفقك

[rolze]

ابوعيدالرحمن
والمعاصري
شرفني مروركم لاكن الصلي الي تقولنه حق الباجيرو لازم يترهم
يقص ويصلح بالمخرطه

[rolze]

للرفع..............

[شاص]

بالنسبة لشغلة المخرطة تراها سهلة .. مجرد توسعة

[هارون97]

انا مركب صيني وشهاين ممتاز الباجيرو يبي خرط والخرط يمكن مايضبط بعدين يكون عندك رجة انا شريت باجيرو اصلي ممستخدم بس لما علمت انه يبي خرط ركبت الصيين المشيرعلى صاحب المحل ورفيق لي اخذتهم 450 الجنوط بريدة
يقولون ينكسر صح اي جنط ينكسر اذا كان منحل شوي لازم تشد عليه لانه يرج

[rolze]

اخوي شاص بيض الله وجهك
اخوي هارون يعني انت مجرب الصينيات ولافيهم رجه وبعدين وش التبريزي
واحد يقول لاتاخذ الا مبرزه قلت كيف اعرف المبرزه قال مدري
وبعدين انت ماخذ اربع جنوط 450 يعني على 125 الجنط

[التعـ King ـديل]

تبي جنوط زينه ولا تتعبك ركب جنوط باثفيندر السياحي على كفرات شاهين .. شكلها حلو وعمليه

[rolze]

وش شكلها ياخبير اذا فيه صوره اكون شاكر لك

[rolze]

للرفع............

[التعـ King ـديل]

اخوي تجي مثل السلق حقت الباترول بس اعرض شوي واحلا

[برق بريده]

الجنوط ممتازه شفتهن مع كم واحد والا قد اشتكى منهن

والشاهين زين بس يبي واحد يتنبه لهن لانه لين مع الجنب

[rolze]

خبير نيسان بيض الله وجهك على النصيحه

اخوي برق بريده انت تقصد جنوط الهلل.؟؟؟؟؟
واما الشياهين انا ابي اخذ دنلوب نقشة شيهان
ان شاء الله

[ابو احمد 123]

انحش عن الصيني وخذ اصلي مهما كان سعره اسمع نصيحة اخوك وعلى قول المثل اسأل مجرب ولا تسأل خبير

[rolze]

اخوي ابواحمد جربت جنوط الهلل الصيني ....؟؟

[rolze]

للرفع.......................................

[قطمان المحازم]

السلام عليكم ورحمة الله وبركاته نصحتي اخووي جنووط الوكااله لا تغيره

[خرجاوي2009]

السلام عليكم ورحمة الله وبركاته
من واقع تجربه جنوط الباجيرو(الهلل )مافيها شي زين الا نظرتها
والله انها خطيره , الصيني صناعته رديئه جدا وفيها رجه وأي ضربه تسبب لك مشكله والاصلي المبرز فيه خطوره كبيره جدا اسأل مجرب انا شاريها شد بلد يعني بدون تبريزمافيه احسن منها راسيه ولفاتها ومطباتها احلى كلام
ومن يوم برزتها وانا يدي على قلبي
وبعد التبريز اختلف علي الموتر في كل شي للأسوأ مثل المطب والرجه واللفات والله يالربع اني اذا رحت للبر اقول يااااااارب استر
وللعلم انا مبرزها عند مخرطه مشهوره في صناعية الرياض
ونصيحه مجرب ومعاني من جنوط الباجيرو اللي يبي جنوط مضبوطه عليه بجنوط الباترول السياحي موديل 98 وطالع
انا شخصيا مجرب النوعين والله مافي مقارنه.
واكثر شي رغبني فيها ان كثير من اهل الطيور يركبونها لأنها تتحمل
ومن ناحية الشكل جنوط الباجيرو احلى من
النيسان ولكن النيسان شكلها مقبول جدا

[محيسن1]

السلام عليكم ورحمه الله وبركاته

انا من وجهت نظري ومن واقع تجربه الباجيرو مافيه خلاف
وانصحك جنوط الباجيرو عليك بالاصلي وبس
وروحك مهب اغلي من الجنوط والفرق كله حدود300 ريال
وسعرها في الغرابي الاسبوع اللي راح 4جنوط بالف ريال...
انا كنت مركبها في موتري الاول وبعتها وهي فيه والان مركبها
لي حول السنه وزي الفل
اما الكفرات صراحه انحش عن الشاهين والله غااااااليه علي بلوش ركبتها والله ثماني شهور وغيرتها لان عذروبها مع الجنب رهيفه ادنى حصاه راحت فيها
وانا تشققت معي والله ثلاثه من الجنب
والان مركب بالون صراحه في الردميات راااااااااااحه
وانس البنشر.............
تقبل مروري....

[ftc]

اخوي صاحب الموضوع
خذه ونت مغمض خويي مركبه من زمان راعي بر وصيد وتكسير موتر
على سفاري 92 سلقه والله انه يمدحة ولا اشتكى منه ابد
صينية شارية من الغرابي على كفرات دنلوب نقشة شاهين
مافية رجة ابد انا مركبة على الباترول معي ممتازه للغاية مريحة في الخط
والبر
بعض الي يرد ماجربة اصلن يتكلم كذا من راسة
اخوي ركبة ولاتشاور ابد والله ان تدعيلي

[بايع الفكسار]

عليك بالاصلي و بسسسسسسس