كبس الاذرعة ( غلط X غلط )

[Khalid AlGhamdi]

السلام عليكم ورحمة الله وبركاته

غالبا ماتحتاج لكبس الاذرعة اذا حصل عندك رجة في السيارة وخصوصا مع المطبات

واغلب الورش يسوون هالحل لانه اقل تكلفة ويعطي نتائج مرضية ولكن .. ( لفترة بسيطة ) .

وبعدين ترجع المشكلة ولكن اكبر من السابق

لان الذراع اصلا مايبدء يحصل فيه ( الفضاوه ) اللي تسبب الرجه مع المطبات واهتزاز السيارة الا لان الحديد بين المسمار الموجود في طرف الذراع والذراع بدء يتآكل ..

والكبس يضغط عليه اكثر ويصير الاحتكاك اكبر وعملية التآكل اكبر وطبعا الورش يعبون الذراع شحم حتى يخففون من سرعة تآكل الحديد ولكن الشحم ماله في هالحاله اي تأثير

لان فائدة الشحم تكون قبل تآكل الحديد مو بعده

ولو انك جربت كبس الاذرعة جرب انك تفك الذراع بعد اسبوع واحد من الكبس وحرك بيدك المسمار وشف كيف تكون حركته ..

وهنا المشكلة والخطر

تخيل ان هالمسمار تآكلت القاعده اللي تربطه مع الذراع بسبب الضغط الزائد مع الكبس وانفلت من السيارة ..

وتخيل انك وقتها بتكون في بر او سفر ومسرع ..

وطبعا اهل البر اكثر تعرضا لهالمشاكل بسبب وعورة الطريق


حمانا الله واياكم ..



وطبعا اغلبنا نسوي هالحركه لتقليل تكلفة الاصلاح علما بان الورش المتخصصه في الكبس في الرياض مثلا في الصناعية القديمة تتراوح اسعارهم مابين 300 الى 400 ريال حتى يحلون لك مشكلة الرجه في السيارة

وقيمة الذراع جديد بعد الخصم مثلا للباترول وهو اكثر السيارة تعرض لهالمشكلة ( 450 من الوكالة )

فهل عندك استعداد تغامر علشان 50 ريال فرق ؟؟ ولو قلنا 500 ريال بعد

هل بتكون كافية لنقل السيارة على سطحة لاقرب ورشة ووقتها بتضطر تدفع المبلغ وبتكون الخسارة اكبر .. لاقدر الله

[خشم الحصان]

الاخ الحبيب
ماكس بور
السلام عليكم
الله يجزاك خير علي هالمعلومه الطيبه من رجال طيب يحب الخير للجميع ولشك ان بعض الاخوان يغلون الريال علي اروحهم ولا وش الفرق ميه خمسميه الف بس انك ترتاح ولكن شغل هالورش قص ولزق ياما راح فيها ناس اما مات او معاق او بلش احد والسبه تغاليه للريال الله يغفرلك ويرفع من قدرك ويجزاك عنا بدخول الجنه يابعدهم امين
اخوك
خشم الحصان

[الربذي]

شكرا يا ماكس باور على هذا التنبية وتسلم يداك والله يكفينى شر الطمع ويحمينا من الركون الى الريال حرام عليكم متولجين الريال !!!كان مافية الا هو لاني لقيتة مرة مكتئب يقول يحذرون مني مايشفون الخمسة والعشرة والخكارية 20 و200 ولا المهبولة500 ولامن تكلم احد وبغي يعيب على واحد قال يحب الريال طيب لية مايقول يحب الخمسة ولا العشرة بس دوبهم دوبي هديت من روعة وعدة اني اطرح شكواي بالانترنت :D :D :D يمكن كوفي عنان ولا بلا سياسة:confused::confused::confused:

[Khalid AlGhamdi]

وعليكم السلام ورحمة الله وبركاته

واياك اخي الحبيب خشم الحصان ، وغير ان البعض على قولتك يغلون الريال على ارواحهم

فيه الغير ينغر بكلام الفني اللي بالورشة تلقاه يقول لك مثلا هذا بالوكالة حقه 1500 يخليك مره ماتفكر تروح الوكاله تسأل ..

يعني الجهل له دور بعد

اخوي الغالي الربذي ممنوع السياسة في منتديات مكشات ولا ترى بنحذف موضوعك انتبخ وخلك حريص :good:

[أيمن]

وعليكم السلام ورحمة الله وبركاته ..

الله يغفر لك يا الغالي ملاحظتك في الثمنيات :D وعز الله إنك صادق، وأحسنت بنقلك تجربتك المفيدة لإخوانك في مكشات ..

تحيتي

[Khalid AlGhamdi]

واياك اخوي ايمن :good: وجزاك الله خير على تعليقك

[ريع الدياب]

بسم الله الرحمن الرحيم
السلام عليكم ورحمة الله وبركاته

الأخ الكريم MaxPower

والله ما أدرى شئ عن كبس الأذرعة

ولكن من وصفك فهمت ما هو وفهمت نصيحتك

ومعك الحق 100% فيما نصحت به ... جزاك الله ألف خير

وهذا من أبدع صور حب المسلم لأخيه ما يحب لنفسه

[Khalid AlGhamdi]

وعليكم السلام ورحمة الله وبركاته

واياك اخي الحبيب :good: