واخيرا مشكلة المكيف اليوكن

[المخبر]

السلام عليكم





اخواني واحبائي اعضاء مكشات الغالي على قلوبنا



كان اليوكن 2001 عندي جايب لي الجنان وكما شاهدت

الكثير من الاعضاء نفس المشكلة ايضا :confused:

كان عندي المكيف لما اوقف عند الاشارة يضعف تبريده كثيراااااا :(

واذا مشيت ماشاء الله ثلاجه :D

سألت الكثير والكثير بعضهم قال ركب مروحه وبعضهم قال الفريون

المهم سافرت من المدينة لجده وانا بالطريق فجأه راح التبريد واكتشفت ان

سير المكيف انقطع :mad: :mad: :hot:

المهم وصلت جده وركبت سير جديد واشتغل المكيف تمام لكن عندما امشي

يطلع صوت قوي جدا صرصره قويه المهم رجعت قالو لي هذا الشداد حق المكيف

وغيرته ونفس الشي المهم رحت للصناعيه ولفيت على اكثر من 17 اخصائي تكييف

وكلهم قالو لي نفس الكلام

هذا الكمبروسر غيره قلت ياناس ماهو معقول من جد لاني خايف من سعره 1200 بالوكاله

وبرا تقريبا 1000 ريال

المهم ياخوان خلاصة الكلام انهم اجمعو انه الكمبروسر كان ضعيف وفيه اكثر من 5 فنيين

قالو لي هل كان تبريده يضعف عندما تقف قلت نعم قالو كمبروسر ميه بالميه

يعني الي يضعف التبريد عنده يشوف حل للكمبروسر قبل لايتعطل عليه بالسفر مثلي وبالذات الضهر ومعك عائله:hot:


اتمنى انكم تستفيدون وانا بغيره بكره ان شاء الله واي استفسار بالاسعار انا حاضر
لاني بغير كمبروسر وتنظيف الثلاجات والمواسير والفلاتر وكل شي

[المتهم]

موفق اخوي المخبر ياليت توافينا بالاسعار والمهندس الزين
وتاكد من المكيف الي وراى

[أبا مجاهد]

يعطيك العافيه عالمعلومه القيمه اخوي

[المخبر]

موفق اخوي المخبر ياليت توافينا بالاسعار والمهندس الزين
وتاكد من المكيف الي وراى


اشكرك على مرورك

واكيد المكيف الخلفي له نصيب من تنظيف الثلاجه والمواصير

[المخبر]

يعطيك العافيه عالمعلومه القيمه اخوي


يعطيك العافيه اخي ابا مجاهد
على مرورك

[المخبر]

اخواني بعد الاتصال على كهربائي مختص بالتكييف وهو ممتاز

افادني بأن سعر الكمبروسر بالوكاله بالبيد 1150 ريال

وسعره عند محل مشهور بالمدينه قطع غيار اصلي امريكي 970 ريال

والاغراض الاخرى من انبوبه وفلاتر وسائل تنظيف وغيره تقريبا 200 ريال

والتركيب كامل مع تنظيف ثلاجه المكيف الامامي والخلفي والمواسير كامله 300 ريال

وسوف اذهب غدا ان شاء الله تعالى واشوف الاسعار واقولكم عليها

[مهندس الكشتات]

قبل كل شئ هل قمت بفحص فلتر المكيف اللي تحت الطبلون ؟؟

تستطيع انت خلال 5 دقائق فحصة و تنظيفة و هو يقع اسفل الطبلون عند الراكب اللي بجنب السائق

و للعلم انه هناك فلتر اخر للمكيف الخلفي

و يقع بين الباب الامامي و الخلفي (( في الديكور الفاصل بين الابواب ))


فأذا كان الهواء بارد و اشتكيت من قلت دفع الهواء فعليك فحص الفلاتر و مجاري الهواء اولا

[ظريفو]

اقول ياخوي اذا تبي المكيف اصير بارد في الظهر روح الى اي واحد يبرمج وخليه يخلي الريس يرتفع مع تشغيل المكيف وبتشوف كيف راح يصير ثلج وقبل لاتوديها جرب انت وانت واقف اذا صار المكيف حار ارفع الريس شوي بتشوف انه راح يصير طبيعي وهالكلام من واحد مجرب وانا انشاالله بس اخلص اختبار راح اسوي هذي الحركة مو معقولة ان كل اليوكنات تشتكي من هذي المشكلة كلخا مرة وحدة انت ادخل على الرابطة بتشوف كثير مثلك وانا انشاالله اذا سويتها راح اقولك وش صار عليي

[ابو شكاع]

مساء الخير على الجميع
شف الله يسلمك ... انا ابقول لك عن شي ثاني ..غير مشكلتك
ابقول لك عن لما يكون الهواء ضعيف يعني دفع الهواء مثل ماذكر أخوي مهندس الكشتات
تلاقيك حاط المروحة على رقم أربعة ...وتسمع للمكيف صوت عالي ..ودفع الهوى الله بالخير ...هذي مثل ماقال مهندس الكتشات ...الفلتر اللي يكون عند اقدام الراكب الأمامي
قبل شهرين تقريبا أو اقل نظفته عند مختص بالرياض عند ملاهي الخيمة ...وماشاء الله دفع الهواء ممتاز
مع انه حسب كلام المهندس انها مسألة ماتحتاج مهندسين ... لعلي أنا أجرب المرة القادمة ..أذكر كان هنا موضوع وبالصور بمكشات بحثت عنه قبل أودي موتري ولاأدري وين راح
بالتوفيق ان شاء الله

[طرد الهوى]

يعطيك العافيه على الايضاح

والله انا عندي نفس المشكله وان شاء الله اشوف له حل

تحياتي لك

[تبريزة]

الله يعطيكم العافية جميعا

يا عزيزي انا غيرت الشهر اللي فات الكومبرسر بـ 1050 ريال وشغل اليد 450 ريال شامل تنظيف المواصير والفريون

والمكيف ماشاء الله زين ،، بس اذا شغلته وانا واقف قبل ما امشي شف وشلون الهواء الحار واذا مشيت يبرد ماشاء الله ،، يعني المشكله مو من الكومبرسر

بالتوفيق لكم جميعا

[لن أمل من العطاء]

حبيبي

نصيحة لوجه الله تعالى

اذا بتغير الكمبروسر وبتسوي تشييك وتنظسف كامل عند متخصص مكيفات

فاهم شيء
انك تغير رديتر المكيف الامامي خلف الشبك مباشره

لانه هو سبب المشكله

اسعاره
الوكالة 1000 تقريبا
وعند قطع الغيار 700 ريال تقريبا
طبعا هذا مجدد وليس جديد
ولا تصدقهم اذا قالوا انه جديد ولم يستخدم من قبل حتى الوكالة

تروح لتقاطع الامير ماجد مع شارع سلطان بن سلمان
تجد محل هناك اسمه اقاصي البحار
متخصص للمكيفات
خذ من عنده اديتر المونيوم جديد لم يستخدم وعالي الجوده وقيمته اقل من 300 ريال

انا اشتريته هذا الاسبوع
واشتريت كمبروسر ديلفي وهو نفس الوكالة اي سي ديلكو قيمته 980 ريال
وانبوبه وزيت
ونتظيف وغيره


السبب في تغيير الاديتر

الاديتر هو مجمع الاوساخ اعزكم الله
مثله مثل اديتر الماء
فاذا كان مرور الفريون فيه صعب فيكون هناك ضغط على الكمبروسر
واول ضحايا الضغط هذا هو الكمبروسر

غير البلف الامامي مثل الابره الصغيره
وغير البلف الخلفي
ونظف الثلاجه اذا كان بها اوساخ والفلتر ايضا


تحيتي اليكم


اخوكم

لن امل من العطاء

[المخبر]

اولا اشكركم اخواني جميعا على المرور
وعلى المعلومات المفيده

انا حصلت واحد مختص بالتكييف ارسلني عليه المهندس
قالي قبل لاتخسر فلوس وتشتري كمبروسر جديد فيه واحد
اعرفه يصلحه ومافيه غيره بالمدينه يعرف له

المهم فكينا الكمبروسر ووديناه له وفكه من جوا وغير فيه الحاجه بصراحه ماعرفها
بس حصلناها مكسوره وغيرها بدون مقابل طبعا مجاني جزاه الله خير

وركبته وغيرت الفلاتر ونظفنا المواسير كلها والثلاجات مع التركيب

وهذا كله مقابل 300 ريال فقط لاغير

والحمد لله المكيف احسن من اول بكثير

للمعلوميه المكيف شغال قبل مافكه المشكله كانت بصوت في الكمبروسر ضغطه تمام
بس يطلع صوت صرصر مع دعسة البنزين

[كبسولة2]

الصرصرة مع دعس البنزين سببها من سير المكيف يالحبيب !!!!!!!!!

[المخبر]

الصرصرة مع دعس البنزين سببها من سير المكيف يالحبيب !!!!!!!!!

عزيزي كبسولة

انا غيرت السير مرتين والشداد مرتين

ونفس المشكله

الموضوع ومافيه ان الكمبروسر كان على وشك يصلب

ولفته فيها ثقل ولما ادعس بنزين يأثر على الشداد ويطلع صوت

فعلا الصوت من السير والشداد بس السبب ثقل لفة الكمبروسر

[المخبر]

على العموم ياخوان

رجعة المشكله كما كانت

وحصلت واحد يبيع كمبروسات اصليه شد بلد لان الي بالسوق كله امريكي

حتى الي عند الوكاله امريكي

وهذا على كلامة مفكوك من سيارات جايه من امريكا وحولها تشليح ونظيف على الشرط

قيمه 550 ريال كامل مع التركيب والكمبروسر وتنظيف الثلاجات والمواسير 850

وجاري التركيب وسوف اوافيكم بالاخبار

[راعي المجهم]

هااااااااااااااه وش الأخبار ؟؟

[ابوغسان 2]

اخي الكريم
اذا كان المكيف يبرد وانت ماشي فقط
فهذا دليل على ان البنزين منخفض ادعس بنزين فاذا برد فهذا يعني ان السبب من البنزين وقد تكون السيارة بحاجه الى تنظيف فلتر الهواء او الثروتل او تغيير صفاية البنزين وممكن مراجعة موضوع الاخوان بخصوص حل مشكلة التفتفه