سؤال عن طريق الكويت ابها ((نبي فزعتكم يا هالسعوديه))

[أبو زيد 2007]

السلام عليكم ...،
مساكم الله بالخير
اخوني عندي بعض الاسأله وارجو المساعه الله لا يهينكم ...


ناوي السفربإذن الله من الكويت إلى ابها :
س1 اريد اقرب الطرق واكثرها امنا ؟
س2 واريد خرائط إن وجد؟
س3 وبعض النصائح عن الطريق وخاصه الطريق الجبلي


واكون لكم شاكر ومدين على المساعدة

[kwa_198]

الله يحيك في بلدك الثاني ::

اذا كنت ناوي تروح لابها ءفقط فانصحك بطريق وادي الدواسر حلو وتوهم موسعينه يعني تمشي طول الطريق وهو خطين ون شاللة تروح وترجع لديرتك غانم سالم وتتوسع صدوركم بلعافية::

وهذا رقمي اذا وصلت الرياض وبغيت اي شي من الرياض حتى قبل ما توصل الرياض 0544502745 اخوكك الصغير ابو عبدلعزيز

[طخيمان]

اللي اعرفه يا طويل العمر انك اذا تبي الكويت تجي مع طريق الحفر المجمعة ومن المجمعة على الرياض ومن الرياض على الخرج و الحوطة وعدها وادي الدواسر إلى انت تصل لأبها بالسلامة

[almushraq]

دوووك الطريق والله يسهل عليك وماتشوفون شر ان شالله


الكويت>>> الخفجي >>> الجبيل >>> الدمام >> الهاي وي طريق الرياض >>طريق الخرج >>> من الخرج >>الى>> الحوطه >> وادي الدواسر >> ابهااا



هذا افضل طريق يمكن ان تروح معه وانت مرتااااح نفسياً

[سيف الظفير]

الكويت + حفر الباطن + المجمعه + خط القصيم المعروف الى الرياض + طريق الخرج +من الخرج ++الحوطه +وادي الدواسر +ابها

[ناصر الدهمشي]

من الجهراء لجوازات للسالمي 100 كيلو

ومن جوازات السالمي لحفر الباطن 90 كيلو

ومن حفر الباطن للمجمعة 350 كيلو

ومن المجمعة للرياض 180 كيلو

ومن الرياض الى وادي الدواسر حوالي 700 كم

ومن الوادي الى خميس مشيط 350 كم

ومن خميس مشيط الى ابها حوالي 25 كيلو

----------

وفيه طريق ثاني من الرياض للطائف حول ال 800 كيلو

ومن الطائف الى ابها تقريباً 550 كيلو لكنه طريق مايصلح على خبري

اهم شي خل ممشاك بالنهار ولا تسرع ولا تستعجل كل 500 كيلو وقف وريح انت وعيالك

والمحطات والخدمات واجد خاصه على الطريق الاول والثاني الى الطائف
وتوكل على الله

وأي شي تامر فيه بالرياض نحن بالخدمه

[ABUAZIZ]

أنا أشوف أحسن طريق هو اللي ذكروه الشباب ( الكويت + الحفر+ المجمعه + الرياض+ الوادي+ أبها)
هذا الطريق من حدود الكويت إلى أبها 1650كم تقريبا وهو مخدوم بالمحطات وممتاز بالجملة

أما الطريق من الطايف الى ابها فلا انصحك فيه ابدا فهو سيء وفيه اماكن خطرة جدا منعطفات وجبال ولا توجد فيه خدمة

وطريق (الكويت + النعيرية + الدمام + الرياض + الوادي + ابها) هذا طريق مخدوم واكثره هايوي (سريع)
لكن بيطول عليك كثير تقريبا 1900 كم يمكن يميز هذا الطريق قلة دخول المدن والقرى

اتمنى لك صيفية ممتعة وموفقه

[رساوي مهاجر]

أقترح تأخذ الطريق على يومين : من الكويت للرياض وتنام ، ثم من الرياض إلى أبها فجرا وستصل بإذن الله عصرا .
أهم شيء اهتم بالسيارة : الكفرات ، السيور ، خراطيش الماء ، البطارية ، المكيف ، الزيت والفلاتر .....
خذ أشرطة مسلية وركب dvd للعيال علشان يتسلون بالسيارة ويقطعون الطريق .
احرص على سندوتشات خفيفة في السفر وابتعد عن المطاعم على الطرق .
تصل بالسلامة وصيف سعيد بين أهلك وربعك .

[العزوم]

http://wikimapia.org/#lat=25.1056528&lon=47.0549583&z=13&l=10&m=a&v=2 (http://wikimapia.org/#lat=25.1056528&lon=47.0549583&z=13&l=10&m=a&v=2)

الرابط اعلاه تجد فيه طريق مختصر للكويت ( الخفجي - قبل السفانيه 10كم تاخذ يمين طريق قاعدة مدينة الملك خالد العسكريه وبالقرب من الصداوي تتجه الى اليسار للجنوب الغربي مع طريق زراعي للشيط ثم الرفيعه ومنها لشويه ثم رماح فطريق الرياض - الدمام السريع - الخرج - حوطة بني تميم - الافلاج - وادي الدواسر - تثليث - وادي بن هشبل - خميس مشيط - ابها ) لاحظ اني كتبت اهم المواقع اللي راح تظهر لك على اللوحات الارشاديه وتوصل بالسلامه

[أبوحمد 505]

سبحان الله توني جاي أمس من نجران للخرج لي خمس سنوات ولقيت الخط من الخرج لوادي الدواسر ماشاء الله وسعوة وطريق مريح
مافية إلى تقريبا 60 كيلو من الأفلاج وأنت رايح للوادي خط واحد والباقي خطين
أنصحك من الكويت للمجمعة للرياض للوادي لتثليث لأبها طريق وسيع ومريح
والله يحييك

[ابوفرايديز]

الله يوصلك بالسلامه وذا اردت الرجوع من ابها طريق سياحي ممتاز انواع البراد والانفاق ارجع مع طريق الباحه ثم امسك طريق بني سعد ممتاز لكن كل الطريق نزول وطلوع انتبه ركب فحمات وهوبات جديده الله ييسر لك الامور

[معدي المرقاب]

رحله مميزة اخي ونت راجع ارجع على طريق الباحة الطائف وليكن بالنهار لانه طريق جبلي ووممتع لكي تحسب احسابك لكي لاتنساء العمرة ولاتحرمنا من دعائك

[نجم حفرالباطن]

اخوي الكريم
اهلا بك ياجار
افضل طريق وهو طريق حفرالباطن - المجمعه -الرياض - الخرج - وادي الدواسر - خميس مشيط - ابها
انا عن نفسي مجربه ورائع وامن وسيدين بعد

[أبو زيد 2007]

kwa_198
طخيمان
almushraq
سيف الظفير
ناصر الدهمشي
ABUAZIZ
رساوي مهاجر
العزوم
نجم حفرالباطن
معدي المرقاب
ابوفرايديز
أبوحمد

والله كفو كفو يا هل السعوديه والله انك اهل فزعه
مشكورين وما تقصرون وعساكم على القوة
وادعوا لنا نوصل بالسلامه

[Sraab]

ماقصروا الاخوان

[قناص المخواه]

الرجعه لايفوتك هذا الطريق
ابها - النماص -بالجرشي-الباحه-الطايف-مكه
ولن تحتاج المكيف اللا بعد الهدا
اذا وصلت الباحه وتبي اي خدمه انا تحت امرك
راسلني على الخاص

[أبرق الحيا]

أقترح عليك أخوي إنك بعد ماتاصل الرياض بالسلامة تروح عن طريق الرياض الطائف وتريح بالطائف وإذا تبي تنزل على مكة المسافة قريبة ثم بعد ذلك تروح إلى الباحة وترى الطريق للباحة (مسارين )ثم تكمل إلى أبها وتكون مريت الجنوب كله تقريا ثم ترجع مع طريق وادي الدواسر وان شاء الله تجي وترجع بالسلامة

[abujod]

الله بحيك ياخوي من الكويت وربي يوصلك وبرجعك بصحه وسلامه
الحقيقه الاخوان ماقصرو بيض الله وجيههم بنور الايمان

[أبو زيد 2007]

Sraab
قناص المخواه
أخوي ياحبيبي
abujod

بيض الله وجيهكم كفيتوا ووفيتوا

[ابوديما]

انتبه للرادار المروري ( السرعه ) وخاصه قبل الحوطه وتراك تلقاهم خلف الكباري والمنعطفات والهضاب وبعض النشاما تلقاه يكبس لك حتى تأخذ حذرك

[abu fares]

حياك وبياك بين أهلك في وطنك الثاني


والشباب ما قصروا

بس ودي تكون في الصورة أن الطريق من أبها الباحة الطائف يتم الأن أزدواجه يعني من أبها إلى بلجرشي ( تقريبا 270 كلم ) فيه شغل وتحويلات أما بعدها من بلجرشي إلى الطائف ( 230 تقريبا ) فهو مزدوج بالكامل تقريبا


يعني لو ماشي برواقة وتبي تتفرج ما عندك مشكلة مناظر وبراد


ورحلة سعيدة إن شاء الله

[شعيب الحزيمي]

بالتوفيق الله