هل لا زالت مشكلة كتاوت طرمبة البنزين في سفاري 2009 ام اختفت

[بندر الكبيري]

السلام عليكم ورحمة الله ولركاته

هل لازالت يااخوان مشكلة كتاوت طرمبة البنزين في السفاري والا انحلت في الموديل 2009 وهل المشكله في القير التماتيك فقط والا تشمل العايدي

كذلك مشكلة مسامير الثلاجه هل هي في التماتيك والا تشمل العايدي

لانني ناوي اشتري باترول ومتردد خوفا من هذه المشكله تكفون يالنشاما الفزعه

شاكرا ومقدرا مساعدتكم لي ,,,

ارق التحايا ,,,,,,,,,,,,,,,,,,,

[سيف الظفير]

توكل على الله واشتر

[خشيمان]

والله ياخوك مالي علم هل هي موجودة والا حلوها

بس في الموديلات اللي قبل كانت في العادي والتوماتيك ..
وعن نفسي اقول ان كانك جازم على الموتر خذه ولا تتردد عشان هالمشكلة واول ما تشتريه خل معك كتاوت احتياط ..

وأي استفسار انا حاضر

[قرم العيال]

جميع المشاكل المذكور بسيطه

وحله بيد العميل نفسه

اشر كتاوت احتياط فقط ,,

اما مسامير الثلاجه لم تظهر إلا في موديلات 2005 و واحد من 100 فقط ,,

اما حله الغاء التفتفه ,, فقط ,,

[ا بو بندر]

واناء اخوك انا معي 2008 ولابعد صار معي شي ولله الحمد
وبتوفيق

[محمدالعريني]

,والله وانا اخوك بالنسبه لكتاوت الطرمبه هذا في الباترول الربع محرك 4500 بخاخ
وبالنسبه للفتك ما بعد سمعت فيها ومسامير الثلاجه مثل ما قال اخوي قرم العيال 1 في 100 وبالنسبه لي موتري موديله 2005 وفكيتها زود حرص بس ولا تغيرت السياره علي يعني فكها وريح راسك مالها اي ضرر ولا فيه فرق

[معدي المرقاب]

والله ماتغيرت هي هي كل ماطلعنا للبر يبهذلنا مشتغل ومره جايبين بسطحة والحل تم الغاء الكتاوت عند كهربائي سعودي ببريده فني ومتخصص ونتهت امشكله ولله الحمد

[بندر الكبيري]

الله يعطيكم العافيه ويبيض وجيهكم جميعا ,,,,,,,,,,,,,

[مدمن النحم]

والله يصاحبي المشكله الحين موجوده معي وقاعد اتاكد من الحل ولقيت سؤالك قلت خلني انفع خوينا المشكله موجوده وانا معي ربع نيسان 2009 وحصلة المشكله فيه الحين ومع العلم ان الموتر ما دخل تشييك الـ10000كيلو الى الحين والله يعيني على المطاقات مع الوكاله

[PATHFINDR]

السلام عليكم

وكل عام وانتم بخير

يأخي العزيز ....

مشاكل الباترول اللي انت خايف منها

كلهاا حلها بأيدك أو بأيد اي مستخدم للباترول

أولا .. مشكلة طرمبة البانزين من شيئين اولها انك تخلي تنكي البانزين يفضى يعني تولع اللمبة عب بانزين قبل ماتولع اللمبهـ ومع العلم نوع البانزين 95 الأحمر وبعدين اول ماتطق سلف للموتر يطلعلك صوت تصفير هذا صوت الطرمبهـ لا تشغل السيارهـ الا لين يروح الصوت ومايطول ثواني بس

ثانيا .. الكت أوت اول ماتطق سلف اللموتر تولع لمبة برتقالية أوت تشك هذي تعني الكمبيوتر يفحص السيارهـ من اذا فيها مشاكل لاتشغل السيارهـ الا لين تطفى اللمبهـ وماتطول بعد تجلس ثواني بس ومع العلم كل جيوب نيسان او اغلب سيارات نسيان فيها النظام هذا

أرجو اني أفدتك والله يكتبلك اللي فيهـ الخير ان شاء الله
ويسرلك اموورك ويستر عليك

[يكفيني نظرة]

السلام عليكم انا معي باترول 2006 باب واحد 4500 وصارت معي مرة وحده مع العلم الموتر ماشي 90 الف وشاريه في رمضان الماضي يعني له 3 شهور بس وكنت شاري لي حبة كتاوت اللي لونها ازرق وغيرتها بالبر وانا واقف ب 10 دقايق وقال لي واحد من الشباب اشتر اللي لونها اخضر انها مضبوطه مو زي هذي وهي حقة 2009 ماتباع الا عند الوكاله ب60 ريال لكن ما اتوقع انها بتردك عن شراء الموتر ..والعذر على الاطاله

[دانكن]

انحلت المشكلة ..

انا معي فتك موديله 2005 والحمدلله ماشفت مشكلة من الكتاوت .. :) ..

[مدمن فتك]

انا معي 2009 والحمدلله حلاوة

[راعي النياسين]

والله وانا اخوك انا معي سوبر سفاري 2006 والوالد الله يحفظه معه سفاري 2008 ومابعد صار معه اي مشكله ولله الحمد حتى الفحمات مابعد غيرها والموتر ماشي فوق 45 الف

وبالنسبه لمسامير الثلاجه هذي في الباترول من 2002 الى 2005 الدفعه الاول لانها تتفتف

اما 2006 الى 2009 ماتتفتف لانهم الغو النظام

شف اخوي الباترول اشتره ولاتشاور احد وبأذن الله انك منت ندمان

والف مبروك مقدما وعليك باللون الؤلؤي

[الغريب2]

توكل على الله وشتريه انا معي مشكله الكتاوت حق طرمية البنزين لاكن خل معك احتياط وسهل تركيبها

[الذيب 30]

شباب الا هلحين محد علمنا هل المشكلة انحلت بموديل 2009

[عاشق البترول]

توكل على الله واشتره :)
انا عندي فتك 2007 وصارت معي يمكن 6 او 7 مرات والامور سهالاات :)
بس اول ما تاخذه بدل الكتاوت الازرق وركب الاخضر من الوكاله وان شاء الله بتنسى سالفه
الكتاوت :)
تقبل مروري :)

[الذيب 30]

أفهم من كلامك ياأخوي عاشق الباترول إن المشكلة إنحلت بالكتاوت الأخضر

[سوبر VTC]

أفهم من كلامك ياأخوي عاشق الباترول إن المشكلة إنحلت بالكتاوت الأخضر


اخوي الذيب
اذا انت خايف عندنا الكهربائي العثيم ببريدة
يصلح الكتاوت على الضمان :good:
يعطيك ضمان بإذن الله مايخرب الكتاوت ابد :good2:
ان بغيت رقمه تتاكد علمن
موفق

[عاشق البترول]

اسف على عدم الرد بسرعه :)
ان شاء الله انها انحلت لني انا مبدل الكتاوت من قبل 3 شهور تقريبا
وان شاء الله انها انحلت :)
تقبل مروري وتحياتي :)
محبك عاشق البترول :):)

[سيف الظفير]

موديل 2009 مافيه عذاريب ابد

[عم الجميع]

انا عندي ربع 2008 خربت الكتاوت وهو ماشي 10 آلاف والحين خربت مرة ثانية وهو ماشي 40 الف
ياليت احد من الشباب يعطين طريقة تركيب الكتاوت إن كانه سهلة لآني المرة الأولى وديته للوكالة وجلس عندهم يومين
الله يعطيكم العافية