اجراءات استيراد سيارة من دول الخليج ( معلومات قيمة جمعتها من تجربتي )

[وقيان]

.

.

السلام عليكم ورحمة الله وبركاته

.

.


قمت باستيراد سيارة هذا الأسبوع من الدوحة... واليكم بعض المعلومات اللي راح تفيدكم ان شاء الله

.

.


1- تم تطبيق نظام السماح باستيراد آخر خمس موديلات من السيارات فقط..يعني حاليآ آخرموديل يدخل 2005..النظام لامجال للتلاعب فيه حسب كلام موظف الجمارك لأن ادخال المعلومات يتم بالكمبيوتر وهو يرفض ادخال سيارة موديلها 2004 او اقل.


2-السيارات المعفية من الجمارك هي موديل السنة الحالية والسنة السابقة فقط...يعني موديل 2009-2008..وبشرط ان يحضر شهادة مقاصة من بلد السيارة والا سيتم احتساب الجمارك.


3- المرور في البلد المشتراه منه السيارة بيركب لك لوحات تصدير..بتمر من الجمرك حقهم طبيعي بالورقة حقة التصدير... وبتمر من جمرك السعودية الطبيعي..بتخلص التفتيش وماراح يختم لك الموظف وبيقولك تروح للمكتب الخاص بتصدير السيارات.


4- مكتب التصدير بيفكوا لوحات التصدير وبيركب لك لوحات تصدير سعودية نفس اللوحات الجديدة لكن اللون الجانبي رمادي ( انتهى زمان اللوحات السود والزرق قبلها ).


5- بتخلي السيارة واقفة بالجمرك وبتروح مكاتب مندوبين التخليص..بياخذوا عليك100 ريال عشان يسوون ملف للسيارة.


6- جمرك السعودية بيدخل البيانات في الكمبيوتر وبياخذ عليك 60 ريال تدفعها عن طريق بطاقة الصراف.. ولا يقبل الفيزا.


7- بعدها تقدر تطلع من الجمرك.

.

.



الى هنا انتهت اجراءات الجمارك....ونجي الى اجراءات تسجيل السيارة داخل المملكة

.

.


1- تروح بالأوراق اللي عندك كلها الى هيئة المواصفات والمقاييس السعودية


2- قبل ماتروح لازم تدخل على الموقع حقهم وتعبي الطلب من النت...مافي طريقة ثانية الا هذي


الموقع هو http://www.saso.org.sa/ (http://www.saso.org.sa/)


تدخل على خدمات الكترونية وبعدها فحص السيارات وتعبي الطلب كامل وبيعطيك آخر شي رقم الطلب ورقم مكون من 15 خانة سجلهم عندك.


بعدها روح لأقرب صراف وسدد الرسوم وهي 300 ريال...رقم الخدمة حقتهم 049.. واستخدم الرقم المكون من 15 خانة بعدها.


3- بعدها تروح للمواصفات والمقاييس وانت مسدد الرسوم وجاهز وتفحص السيارة


4- بعد ماتخلص الفحص يعطونك ورقة تروح فيها لادارة الجمارك في الميناء


5- ادارة الجمارك يعطونك البطاقة الجمركية وهي اللي تقدر تروح فيها للفحص الدوري وتكمل الاجراءات المعتادة....

.

.



اتمنى ان الموضوع وافي وفيه كل المعلومات المطلوبة وأي استفسار أنا حاضر..

.

.

[المتهم]

طرح مميز ومعلومات كامله

شكرا لك اخوووي

[وقيان]

العفو يا الغالي..اسعدني مرورك

[أبوياسر1]

الله يجزاك الجنة يالغالي
أجبت عن كثير من الاسئلة الي تدور في بالي
لأني أفكر بالإستيراد

تحياتي لك,,, أخوك أبو ياسر

[وقيان]

الله يرحم شيبانك...و ان شاء الله تستورد الموتر اللي تتمناه

[GXR 2005]

الله يعطيك العافيه و بيض الله وجهك
معلومات جيده و مفيده
و تقبل مروري

[وادي غران]

الله يجزاك خير أخوي ويرحم والديك.
موضوع مفيد جدا ويهم الكثير ممن يريدون التخلص من جشع وكلائنا.

[هاوي البر]

جزاك الله خير اخوي وقيان
عندي بعض الاسئله لو سمحت
1- كيف حمل النقد معك لان المنفذ لايسمح بحمل اكثر من 50 الف او 60 الف تقريبا هل تحولها لبنك معين ولا تشيل معك شيك مصدق ولا هناك فروع لبنوكنا مثل الراجحي
2- سمعت ان السيارات هناك نظيفه وسعرها معقول
3- كم سعر لاند كروزر جي اكس ار 2006 ابيض نظيف ممشاه في حدود 80-100 الف كيلو
4- كم ياخذون جمرك تقريبا
5- هل تنصحني ان اذهب الى الدوحه اجيب لي سياره جيب لاني ذهبت الى الامارات ما حصلت نظيف واذا لقيت تلقى سعرها غالي وبمالغ فيه
وجزاك الله خير

[الربذي]

وعليكم السلام

صراحة اجراءات طويلة...

[الربذي]

جزاك الله خير اخوي وقيان
عندي بعض الاسئله لو سمحت
1- كيف حمل النقد معك لان المنفذ لايسمح بحمل اكثر من 50 الف او 60 الف تقريبا هل تحولها لبنك معين ولا تشيل معك شيك مصدق ولا هناك فروع لبنوكنا مثل الراجحي
2- سمعت ان السيارات هناك نظيفه وسعرها معقول
3- كم سعر لاند كروزر جي اكس ار 2006 ابيض نظيف ممشاه في حدود 80-100 الف كيلو
4- كم ياخذون جمرك تقريبا
5- هل تنصحني ان اذهب الى الدوحه اجيب لي سياره جيب لاني ذهبت الى الامارات ما حصلت نظيف واذا لقيت تلقى سعرها غالي وبمالغ فيه
وجزاك الله خير
فعلا كيف الطريقة ياليت تفيدنا اكثر

وايضا الي قلت شهادة مقاصة من وين توخذ ....

[العرمه]

موضوع مميز ومهم وفائدة قائمة وان شاء الله انه من الصدقه الجارية والعلم الذي ينتفع به


لكن اخي الكريم ما ذكرت متى ادفع الجمارك ؟

[وقيان]

الله يجزاكم خيرآ جميعآ على ردودكم وتفاعلكم...اسعدني مروركم


جزاك الله خير اخوي وقيان
عندي بعض الاسئله لو سمحت
1- كيف حمل النقد معك لان المنفذ لايسمح بحمل اكثر من 50 الف او 60 الف تقريبا هل تحولها لبنك معين ولا تشيل معك شيك مصدق ولا هناك فروع لبنوكنا مثل الراجحي

مريت من الجمرك بالفلوس وما أحد سألني عن شي...اهم شي لاتشيلهم في شنطة :D

2- سمعت ان السيارات هناك نظيفه وسعرها معقول

تلقى سيارات معقولة..لأن اغلب القطريين يستعجلوا في البيع...وهذا اللي يدوره الشراي

3- كم سعر لاند كروزر جي اكس ار 2006 ابيض نظيف ممشاه في حدود 80-100 الف كيلو

برسلك موقع على الخاص..كله سيارات قطرية

4- كم ياخذون جمرك تقريبا

السيارات غير الألمانية يتراوح بين 1800 الى 3500...حسب الموديل والمواصفات

5- هل تنصحني ان اذهب الى الدوحه اجيب لي سياره جيب لاني ذهبت الى الامارات ما حصلت نظيف واذا لقيت تلقى سعرها غالي وبمالغ فيه
وجزاك الله خير

انصحك و بقوة..تلقى سيارات نظيفة واستخدام حشمة واسعارها معقولة..بس بالنسبة للكروزر ماني متأكد من مسأله اسعاره...السووووووق هناك مليان كروزر لكنه مرغوب وبقوة.




فعلا كيف الطريقة ياليت تفيدنا اكثر

وايضا الي قلت شهادة مقاصة من وين توخذ ....

المقاصة جابها لي مندوب المعرض..بس اتوقع تجيبها من وكالة السيارة...اذا حبيت تسويها بنفسك...




موضوع مميز ومهم وفائدة قائمة وان شاء الله انه من الصدقه الجارية والعلم الذي ينتفع به


لكن اخي الكريم ما ذكرت متى ادفع الجمارك ؟

هذي ماني متأكد منها لأني مادفعت جمارك....بس اتوقع في نفس المنفذ الجمركي




أكرر شكري لكل من مر وعلق على الموضوع

[زايــ ابومحمد ــد]

هلا ومرحبا اخي العزيز 0 0 وقيان
الله يعطيك العافيه ومشكور على التقرير الطيب



تحيــــــاتي
زايـــ زايد ـــــــد

[المكشات]

جزاك الله خير


عندي سؤال عن مواعيد دوام الجمارك ؟

عشان لا تجي بوقت غير الدوام و تبلش !

[راعي السيل]

الله يجزاك خير على المعلومات القيمة ، ويبارك لك في سيارتك ويطعمك من خيرها ويكفيك شرها.

[ابو حسان الجنوبي]

ماشاء الله تبارك الله

ما قصرت كفيت ووفيت والله يطعمك من حلاوة السيارة الجديده ويكفيك شرها وشر أولاد الحرام

تقبل مروري ودمت بود

[العنابي 616]

جزاك الله خير يا اخوي وقيان

بس بالنسبة للجمرك اتوقع كل المديلات ما عليها لاني قبل تقريبا 6 شهور
جبت سيارتين 2005 و2006 من الكويت بدون جمرك سويت لهم مقاصة فقط

[البديوى]

يعطيك العافية على الموضوع

[هاوي البر]

جزاك الله خير اخوي وقيان
ومبروك السياره والله يطعمك من خيرها ويكفيك شرها
وصلة الرساله على الخاص مشكور وما قصرت

[بنزرت]

الله اكبر كل هالاجراءات !!!!!!!!!!!!!!!! حشا ... تقول بيعطونك قرض مجاني
ليه ما يكون فيه مكتب واحد صغير وورشه تابعه له على الحدود ياخذ منك الدراهم وفيحص الساره عنده ويعطيك السياره باسمك
وكفى الله المؤمنين القتال
ملاحظه
الفحص في امريكا تقوم يه اي ورشه وتعطيك شهاده فحص معترف به وبعد احسن من فحصنا
وسلامتكم

[البدر1]

((( رب اجعلني مقيم الصلاة ومن ذريتي ربنا وتقبل دعاء )))

[ابوعيسى1]

ممكن ترسل لي الموقع اللي به السيارات القطرية

[غربي هواوي]

4- بعد ماتخلص الفحص يعطونك ورقة تروح فيها لادارة الجمارك في الميناء


ممكن توضح هاالنقطة اكثر يعني هل لازم نروح للميناء والا كيف ؟

[البدراني11]

المشاركة الأصلية كتبت بواسطة العرمه http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=2842608#post2842608)
موضوع مميز ومهم وفائدة قائمة وان شاء الله انه من الصدقه الجارية والعلم الذي ينتفع به


لكن اخي الكريم ما ذكرت متى ادفع الجمارك ؟

هذي ماني متأكد منها لأني مادفعت جمارك....بس اتوقع في نفس المنفذ الجمركي


دراهم الجمرك تدفعها للمكتب التخليص الجمركي يعلمك كم جمرك سيارتك وياخذ منك تقريبا 120 ريال اتعاب مكتب


بعدين فيه نقطة مهمة ما ذكرتاه اخويوقيان وهي ان المواصفات ما تقبل الجيب المعدل دركسونه والتضليله لازم تشال والا ما ينجز موترك

والمقاصة تقدر تطلعها انت عن طريق جمارك الديرة للي شريت الموتر منها

[وقيان]

ممكن ترسل لي الموقع اللي به السيارات القطرية

شيك الخاص



4- بعد ماتخلص الفحص يعطونك ورقة تروح فيها لادارة الجمارك في الميناء


ممكن توضح هاالنقطة اكثر يعني هل لازم نروح للميناء والا كيف ؟

بعد ماتخلص من المواصفات والمقاييس تطلع بالورقة الميناء..تروح ادارة الجمارك ويطلعوا لك بطاقة جمركية..بدون رسوم اضافية :)




دراهم الجمرك تدفعها للمكتب التخليص الجمركي يعلمك كم جمرك سيارتك وياخذ منك تقريبا 120 ريال اتعاب مكتب


بعدين فيه نقطة مهمة ما ذكرتاه اخويوقيان وهي ان المواصفات ما تقبل الجيب المعدل دركسونه والتضليله لازم تشال والا ما ينجز موترك

والمقاصة تقدر تطلعها انت عن طريق جمارك الديرة للي شريت الموتر منها


مشكور اخوي على المعلومات الاضافية... و ياليت اللي عنده اي معلومات يضيفها عشان تعم الفائدة

و الشكر موصول لجميع الاعضاء اللي شرفونا بردودهم

[أمين]

أخي الكريم .. وقيان .. لست عازما على اسيراد سيارة، لكني قرأت كامل الموضوع ،

هذه خدمة منك لإخوتك و بمثل ما سطرت تعم الفائدة و كل يخدم الآخر.


و إنك بهذا العمل قد اختصرت على اخوتك كثيرا من الوقت و الجهد.


فشكرا لك و لجهدك.

[وقيان]

أخي الكريم .. وقيان .. لست عازما على اسيراد سيارة، لكني قرأت كامل الموضوع ،

هذه خدمة منك لإخوتك و بمثل ما سطرت تعم الفائدة و كل يخدم الآخر.


و إنك بهذا العمل قد اختصرت على اخوتك كثيرا من الوقت و الجهد.


فشكرا لك و لجهدك.

العفو يا الغالي...وكلنا بمكشات نكمل بعضنا

[آفاق]

جزاك الله خير

معلومات قيمه قبل السفر

[01MiKsHaT]

ممكن ترسلي موقع السيارات القطريه , ,

أو عشان مانزعجك حطه ع العام

[حايرالقلم]

والله مشوار كل هاذي اجراءات
يبيلك تقوم من الساعه 5 الصبح مثل سواقين التريلا وتبدا مشوار التخليص

والله مشكله

[تميراوي55]

يعطيك العافيه أخوي وقيان

بس عندي سؤال:

عندي سياره مستورده لوحتها جمارك ابي افحصه واطلع لوحات وش الأجراءات؟

[وقيان]

يعطيك العافيه أخوي وقيان

بس عندي سؤال:

عندي سياره مستورده لوحتها جمارك ابي افحصه واطلع لوحات وش الأجراءات؟





.



.


السلام عليكم ورحمة الله وبركاته


.


.


قمت باستيراد سيارة هذا الأسبوع من الدوحة... واليكم بعض المعلومات اللي راح تفيدكم ان شاء الله


.


.


1- تم تطبيق نظام السماح باستيراد آخر خمس موديلات من السيارات فقط..يعني حاليآ آخرموديل يدخل 2005..النظام لامجال للتلاعب فيه حسب كلام موظف الجمارك لأن ادخال المعلومات يتم بالكمبيوتر وهو يرفض ادخال سيارة موديلها 2004 او اقل.


2-السيارات المعفية من الجمارك هي موديل السنة الحالية والسنة السابقة فقط...يعني موديل 2009-2008..وبشرط ان يحضر شهادة مقاصة من بلد السيارة والا سيتم احتساب الجمارك.


3- المرور في البلد المشتراه منه السيارة بيركب لك لوحات تصدير..بتمر من الجمرك حقهم طبيعي بالورقة حقة التصدير... وبتمر من جمرك السعودية الطبيعي..بتخلص التفتيش وماراح يختم لك الموظف وبيقولك تروح للمكتب الخاص بتصدير السيارات.


4- مكتب التصدير بيفكوا لوحات التصدير وبيركب لك لوحات تصدير سعودية نفس اللوحات الجديدة لكن اللون الجانبي رمادي ( انتهى زمان اللوحات السود والزرق قبلها ).


5- بتخلي السيارة واقفة بالجمرك وبتروح مكاتب مندوبين التخليص..بياخذوا عليك100 ريال عشان يسوون ملف للسيارة.


6- جمرك السعودية بيدخل البيانات في الكمبيوتر وبياخذ عليك 60 ريال تدفعها عن طريق بطاقة الصراف.. ولا يقبل الفيزا.


7- بعدها تقدر تطلع من الجمرك.


.


.



الى هنا انتهت اجراءات الجمارك....ونجي الى اجراءات تسجيل السيارة داخل المملكة


.


.


1- تروح بالأوراق اللي عندك كلها الى هيئة المواصفات والمقاييس السعودية


2- قبل ماتروح لازم تدخل على الموقع حقهم وتعبي الطلب من النت...مافي طريقة ثانية الا هذي


الموقع هو http://www.saso.org.sa/ (http://www.saso.org.sa/)


تدخل على خدمات الكترونية وبعدها فحص السيارات وتعبي الطلب كامل وبيعطيك آخر شي رقم الطلب ورقم مكون من 15 خانة سجلهم عندك.


بعدها روح لأقرب صراف وسدد الرسوم وهي 300 ريال...رقم الخدمة حقتهم 049.. واستخدم الرقم المكون من 15 خانة بعدها.


3- بعدها تروح للمواصفات والمقاييس وانت مسدد الرسوم وجاهز وتفحص السيارة


4- بعد ماتخلص الفحص يعطونك ورقة تروح فيها لادارة الجمارك في الميناء


5- ادارة الجمارك يعطونك البطاقة الجمركية وهي اللي تقدر تروح فيها للفحص الدوري وتكمل الاجراءات المعتادة....


.


.



اتمنى ان الموضوع وافي وفيه كل المعلومات المطلوبة وأي استفسار أنا حاضر..


.



.




هذي الاجراءات :D

[وقيان]

ممكن ترسلي موقع السيارات القطريه , ,

أو عشان مانزعجك حطه ع العام

ابشر...شيك الخاص...

سياسة مكشات لاتسمح بنشر مواقع أخرى ...:no2:

[قرناس صلا]

بارك الله فيك , والله ما قصرت موضوع مفيد جدا , استفدنا منه الكثير

لا هنت , ارسلي الموقع القطري؟؟


الله يجزاك بالخير

[لن أمل من العطاء]

شكرا لك على المعلومات القيمه

سؤالين

الاول اريد موقع السيارات القطري

الثاني
نفرض
ان لدي سيارة موديلها 2000 وبأسمي ولها لوحات دائمه فرضا لوحات كويتيه

كيف ادخلها للسعودية واغير لوحاتها للوحات سعودية
واذا دخلت بها للسعودية بلوحاتها الدائمه الكويتيه كم اقصى مده افدر اجلس بها في السعودية

شكرا لك مره اخرى

[وقيان]

بارك الله فيك , والله ما قصرت موضوع مفيد جدا , استفدنا منه الكثير

لا هنت , ارسلي الموقع القطري؟؟


الله يجزاك بالخير


شكرا لك على المعلومات القيمه

سؤالين

الاول اريد موقع السيارات القطري

الثاني
نفرض
ان لدي سيارة موديلها 2000 وبأسمي ولها لوحات دائمه فرضا لوحات كويتيه

كيف ادخلها للسعودية واغير لوحاتها للوحات سعودية
واذا دخلت بها للسعودية بلوحاتها الدائمه الكويتيه كم اقصى مده افدر اجلس بها في السعودية

شكرا لك مره اخرى


بارك الله فيكم جميعآ...شيكوا الخاص ...

وبالنسبة لاستفسارك اخوي لن امل من العطاء...ماعندي معلومة أكيدة...لكن اعتقد السيارة ماتطوف من الحدود الا وعليها لوحات تصدير سعودية...

[مرسال1]

وأنا بعد ابي رابط السيارات القطرية :D

[الدبل الثقيل]

جزاك الله خير ...

[aooa]

الله يعطيك العافيه ويبارك فيك

هذا الموضوع اللي كنا ننتظره من فتره

ونود من الاخوان اللي اشتروا سيارات من الامارات اعطاءنا السلبيات والايجابيات والاجراءات هناك ويا ليت لو يكون في موضوع مستقل

[ابوديما]

مشكور وبارك الله فيك

[ابوسليم]

اخي الكريم / اوقيان .... تحية طيبة .... وعندي سؤال
هل سيارات الفورد نازل سعرها بفرق من اسعارنا ( تنصحني ارروح اشتريلي واحد من هناك )... وياليت ترسلي الموقع ...وجزاك الله خير على توضيحك لأخوانك ,,,

[salehhd]

السلام عليكم

جزاك الله خير وماقصرت
واسمحلي بنقل الموضوع لتعم الفائدة

[العيصاوي]

الله يجزاك خير معلومات قيمه

[أبوالمثنى]

الله يجزاك خير ويعطيك العافيه

اخوي الله لا يهينك أريد موقع شراء السيارات القطريه

[وقيان]

الشكر لكل من مر وعقب على الموضوع

[المشراف99]

موضوع متميز وفقك الله


لكن سؤالي بارك الله فيك .. كم الفرق في سعر السيارة من نفس النوع والموديل بين السعودية وقطر ؟

[وقيان]

موضوع متميز وفقك الله





لكن سؤالي بارك الله فيك .. كم الفرق في سعر السيارة من نفس النوع والموديل بين السعودية وقطر ؟


مافيه سعر ثابت...يعني كل سيارة وكل بيعة لها حسبتها

الله يوفقك يا الغالي

[سوبر VTC]

و عليكم السلام و رحمة الله
الله يجزاك خير على هذه المعلومات و ان شاء الله في موازين حسناتك
سؤالي لاهنت
ابشري جمس او شفر جديد 2009 غماره و نص و يمكن غمارتين
سواء 1500 او 2500
عندك خلفية عن الاسعار الان في قطر و الامارات
عن نفس الموتر
لان الوكالات عندنا يقولون سعره ب104 6 مسامير
اما 8 مسامير حجم 2005 يقولون ب104 الدبل قير اضي
امر يدعو للضحك و السخريه
تحياتي

[شحفان القطو]

الله يعطيك العافية

عندي سؤال

كيف اجيب سيارة من عمان مع لوحة التصدير العماني من غير ما اغيرها في الجمرك

[وقيان]

و عليكم السلام و رحمة الله
الله يجزاك خير على هذه المعلومات و ان شاء الله في موازين حسناتك
سؤالي لاهنت
ابشري جمس او شفر جديد 2009 غماره و نص و يمكن غمارتين
سواء 1500 او 2500
عندك خلفية عن الاسعار الان في قطر و الامارات
عن نفس الموتر
لان الوكالات عندنا يقولون سعره ب104 6 مسامير
اما 8 مسامير حجم 2005 يقولون ب104 الدبل قير اضي
امر يدعو للضحك و السخريه
تحياتي



البهبهاني ارخص دول الخليج في اسعار الجموس....

الدوحة نفس اسعارنا

الامارات اغلى من اسعارنا...

اتكلم عن الجديد طبعآ...

[ابويارا1001]

جزاك الله خير على هالموضوع


انا سبق واني استوردت جي اكس آر 2004 من الدوحه وجبت عليه مقاصه وما دفعت جمرك وكان النظام اسهل من النظام الحالي


اللي اعرفه عن السيارات المعفية من الجمرك هي السيارات التي دخلت اي دوله من دول الخليج من تاريخ 1\9\2003 وهو تاريخ التعرفه الجمركية الخليجية الموحده


اي موتر دخل قبل هالتاريخ لابد يدفع جمرك واللى دخل بعد هالتاريخ يعفى من الجمرك بشرط المقاصه


ملاحظة هذا تاريخ دخول السيارة للدولة وليس تاريخ بيع الوكيل لها يعني موتري كان داخل قطر في شهر 10\2003


ولي صديق شرى سيارة وراح يطلع المقاصه ما عطوه لان السيارة دخلت الميناء بتاريخ 31\8\2003 يعني قبل يوم واحد




تكلفت اصدار لوحات تصدير مع تأمين تصدير ومقاصه تقريبا 900 ريال


ولو عطيتها معرض او مخلص راح ياخذ عليك زود 300 تقريبا


وانا انصح اللي تعطيها مخلص وتفك عمرك لأن السالفه طويله


طبعا هذا غير اجراءات وتكاليف الاستيراد اللي بتدفعها من دخولك السعودية الى اصدار لوحات دائمة كما ذكر الاخ وقيان


بالنسبة لسيارات القطريه اسعارها غاليه سواء مستعمل او جديد ما عدا سيارات المؤتمرات
ولي اقارب كثير في قطر من عام 2005 وهم يشترون سيارات من السعودية





يعني اذا مذكور لك موتر وبسعر زين تمام اما انك تبي تدور بالمعارض السعر اغلى خصوصا انك سعودي وغير فرق العمله في ال 100الف قطري

تعادل 103الف ريال سعودي


يعني احسبها صح



وبالتوفيق للجميع


وتقبل مروري

[badr.fj]

الله يجزاك خير ...
تقبل مروري

[وقيان]

جزاك الله خير على هالموضوع


انا سبق واني استوردت جي اكس آر 2004 من الدوحه وجبت عليه مقاصه وما دفعت جمرك وكان النظام اسهل من النظام الحالي


اللي اعرفه عن السيارات المعفية من الجمرك هي السيارات التي دخلت اي دوله من دول الخليج من تاريخ 1\9\2003 وهو تاريخ التعرفه الجمركية الخليجية الموحده


اي موتر دخل قبل هالتاريخ لابد يدفع جمرك واللى دخل بعد هالتاريخ يعفى من الجمرك بشرط المقاصه


ملاحظة هذا تاريخ دخول السيارة للدولة وليس تاريخ بيع الوكيل لها يعني موتري كان داخل قطر في شهر 10\2003


ولي صديق شرى سيارة وراح يطلع المقاصه ما عطوه لان السيارة دخلت الميناء بتاريخ 31\8\2003 يعني قبل يوم واحد




تكلفت اصدار لوحات تصدير مع تأمين تصدير ومقاصه تقريبا 900 ريال


ولو عطيتها معرض او مخلص راح ياخذ عليك زود 300 تقريبا


وانا انصح اللي تعطيها مخلص وتفك عمرك لأن السالفه طويله


طبعا هذا غير اجراءات وتكاليف الاستيراد اللي بتدفعها من دخولك السعودية الى اصدار لوحات دائمة كما ذكر الاخ وقيان


بالنسبة لسيارات القطريه اسعارها غاليه سواء مستعمل او جديد ما عدا سيارات المؤتمرات
ولي اقارب كثير في قطر من عام 2005 وهم يشترون سيارات من السعودية





يعني اذا مذكور لك موتر وبسعر زين تمام اما انك تبي تدور بالمعارض السعر اغلى خصوصا انك سعودي وغير فرق العمله في ال 100الف قطري

تعادل 103الف ريال سعودي


يعني احسبها صح



وبالتوفيق للجميع


وتقبل مروري

ماشاء الله عليك...رد يستاهل موضوع كامل لوحده...بارك الله فيك اخوي على هالمعلومات

والشكر موصول لكل من مر وعلق على الموضوع...

[الضاحي]

مشكور وما قصرت يا اخي وقيان

بارك الله فيك

سؤال: هل تنطبق نفس الاجراءات على السيارات المستوردة من امريكا؟

[فلاجكوو]

مشكور وماقصرت ومعلومات مفيده ,,,,,,,,,,,

[ابوقاسم]

مشكور اخوي على الموضوع
وياليت تزودنا بالموقع القطري لبيع السيارات
تحياتي

[الآسيف2]

ماقصرت اخوي معلومات مفيده وقيمة
جزاك الله خير

[hrmla]

أخوي مممكن ترسل لي على الخاص موقع بيع السيارات القطرية ولك شكري
وانا ودي أشتري سيارة جديدة موديلها 2009 مثل اللاند كروزر برادو
باجيرو Gmc (يعني سيارة كبيرة عائلة) وتكون شبه فل كامل أو فل كامل مواصفات زينة وكل شكري وأبيك تنصحني من أي دولة أشتري من الخليخ الكويت أو قطر وفيه ناس يمدحون الكويت أنها رخيصة

[حسين2006]

اخوي
.
اسأل الله العلي العظيم ان يرزقك من حيث لاتحتسب وان ييسر لك امرك ويصلح لك شانك ويبارك لك في مالك ويجعل مثواك الفردوس الاعلى من الجنه
.
فعلاً لقد خدمة الكثير ووضحت لاخوانك نقاط مهمه .............
.
ياليت ترسل الموقع القطري للسيارات واكون لك شاكر
.
تقبل مروري

[البوعينين99]

الله اكبر كل هالاجراءات !!!!!!!!!!!!!!!! حشا ... تقول بيعطونك قرض مجاني
ليه ما يكون فيه مكتب واحد صغير وورشه تابعه له على الحدود ياخذ منك الدراهم وفيحص الساره عنده ويعطيك السياره باسمك
وكفى الله المؤمنين القتال
ملاحظه
الفحص في امريكا تقوم يه اي ورشه وتعطيك شهاده فحص معترف به وبعد احسن من فحصنا
وسلامتكم

هم هذا قصدهم , لجل محد يفكر يشترى من برا وإن شرى لازم ينشفون دمه بهالإجراءات .

ألف شكرا لصاحب الموضوع وجزاك الله كل خير

[آفاق]

الاسبوع الماضي جبت سيارة 2006 وخذيت مقاصة

لا جمرك ولا شي

[المشراف99]

الاسبوع الماضي جبت سيارة 2006 وخذيت مقاصة

لا جمرك ولا شي




سيارة مبروكة ان شاء الله .. ياليت تعطينا بعض التفاصيل :
نوع السيارة ؟


تكلفتها ؟

[وقيان]

الاسبوع الماضي جبت سيارة 2006 وخذيت مقاصة

لا جمرك ولا شي


عندي سؤال...وش هي السيارة وكم دفعت مقاصة...؟؟؟


الشكر للجميع على مرورهم وتعقيبهم..

[BLACK CHEETAH]

الله يعطيك العافية

[كسير الحظ]

وعليكم السلام ورحمة الله وبركاته



لا هنت يالغلا
شرح وافي

[آفاق]

عندي سؤال...وش هي السيارة وكم دفعت مقاصة...؟؟؟


الشكر للجميع على مرورهم وتعقيبهم..


هل بك اخوي السيارة باث فايندر 2006

طلعنا لميناء راشد في دبي وخلصنا اوراق المقاصة هنا

اللي اخذوا اذا ما ني ناسي يا 80 أو 100 درهم فقط لا غير

وبعدها للحد على طول

بعدها مكاتب الحد اللي في الامارات تخليص وتفتيش واخذوا 100 درهم

وبعدها الحد على السعودية واخوا للوحات الجمرك والتخليص 180 ريال

[وقيان]

هل بك اخوي السيارة باث فايندر 2006

طلعنا لميناء راشد في دبي وخلصنا اوراق المقاصة هنا

اللي اخذوا اذا ما ني ناسي يا 80 أو 100 درهم فقط لا غير

وبعدها للحد على طول

بعدها مكاتب الحد اللي في الامارات تخليص وتفتيش واخذوا 100 درهم

وبعدها الحد على السعودية واخوا للوحات الجمرك والتخليص 180 ريال

يعني الواحد يجيب المقاصة احسن من قيمة الجمارك...

بارك الله فيكم جميعآ على مداخلاتكم

[hrmla]

أخوي لويمحت وين ردك يا خي مطنشنا أنا ويا أخوي حسين2006 والله لو سمحت رد على هذا الموضوع

hrmla (http://www.mekshat.com/vb/showpost.php?p=2880471&postcount=58)


أخوي حسين2006 (http://www.mekshat.com/vb/showpost.php?p=2880537&postcount=59)

[وقيان]

أخوي لويمحت وين ردك يا خي مطنشنا أنا ويا أخوي حسين2006 والله لو سمحت رد على هذا الموضوع



أخوي حسين2006 (http://www.mekshat.com/vb/showpost.php?p=2880537&postcount=59)



تم الرد على موضوعك..

[iamhere]

اخي وقيان ،اذا سمحت ارسلي الموقع

[@قرناص@]

يبيلها رآعي طويله ,,

الله لآيهينك ومـآقصرت

[بو بندر]

يا ربع تكفون الفزعه........انا من قطر
ومن اسبوعين شريت سياره من فرع تويوتا (الاحساء).....وخذو مني فوق البيعه 4000 ريال توصيل السياره الى المنزل في قطر ولحد الان موصلت السياره وكل يوم اتصل بهم ويقولون لحد الان نمشي في اجاراته من المرور الخراج لوحت تصدير ......والله مدري شدبره معهم.........ارجو منكم النصيحه وبيظ الله وجيهكم

[الجيب الريو]

هل بك اخوي السيارة باث فايندر 2006

طلعنا لميناء راشد في دبي وخلصنا اوراق المقاصة هنا

اللي اخذوا اذا ما ني ناسي يا 80 أو 100 درهم فقط لا غير

وبعدها للحد على طول

بعدها مكاتب الحد اللي في الامارات تخليص وتفتيش واخذوا 100 درهم

وبعدها الحد على السعودية واخوا للوحات الجمرك والتخليص 180 ريال



شكلك غلطان ياخوي
لازم تمر الفحص بمرور دبي او الشارقة
لاجراء الفحص و تطلع لوحات تصدير وياخذون عليك حول المئتين درهم

[alrabe7]

الله يبيييييييييييييييييض وجهك عز الله انك نورتنا

[ابوعابد2500]

الله يجزاك الجنة يالغالي

[وقيان]

الله يبيييييييييييييييييض وجهك عز الله انك نورتنا


الله يجزاك الجنة يالغالي


مشكورين جميعآ على ردودكم..

[ابوفيصل299]

وعليكم السلام ورحمة الله وبركاته

الله يجزاك الجنه ياارب

ابغا منك اسم المكتب الجمركي الا خلاص لك المقاصه الا في دبي
ولا عليك امر اذا عندك رقم المكتب او رقم جوال الشخص ياليت تكتبه لى
واذا بعد روشه في دبي عنده الفحص بل كمبيوتر ياليت تفيدني فيه

الله يوفقك ويعطيك من خيره ويكفيك شرها ياارب

[وقيان]

للأسف يالغالي... انا استوردت من الدوحة

يفيدونك الشباب ان شاء الله

[sul541]

اخوي وقيان كيف حالك؟
انا على وشك اشتري سياره من قطر
ممكن تقولي لي وش الاجراءات...وكيف نظام المقاصه؟
موديل السياره 2007

[impact90]

بارك الله بك أخي وقيان على المعلومات الغالية وجعلها في موازين حسناتك
عندي سؤال لو سمحت لي أخوي. انا ودي اشتري برادو فل اوبشن من الكويت 2012 من وكالة تويوتا اصفار لان مواصفاتها احسن من برادو عبد اللطيف جميل. سؤالي هل البرادو الكويتي مطابق للمواصفات السعودية.

جزاك الله خير