((((أفضــــــــــــــــل أنواع القهــــــــــــــــــــــوة)))عطنا رايك

[ابوخالد2004]

السلام عليكم ورحمة الله وبركاته


ياليت يقول كل واحد منا القهوة الي يفضلها وسبب تفضيله لها


بنسبه لي أفضل قهوة جربتها نوع اسمه ((نيبار)) تلقاها بالكويت فقط النوع الى اقصده أنا لأنه فيه عندنا انوع بالسعوديه لكن مو جيده
النوع الي أقصده انا اسمه
(( نيبار وارد سرور)) وتجي نوعين :-
النوع الاول : درجه أولى وحبته كبيره وناعمة الملمس (وهي المقصوده)
النوع الثاني : درجه ثانيه وحبته عاديه
والقهوة تحصلها بالكويت بمنطقة الشويخ (( عند مبيعة التمر والمواد الغذائية بالجمله))
المحل اسمه (( سرور لبيع القهوة ))
ملاحة : القهوه مشكلتا انها تباع 50 كيلو يعني مافيه بالكيلو لازم تشتري كيس كامل ( 60 دينار)


صورة القهوه بعد الحمس
http://www12.0zz0.com/2009/06/27/19/349945116.jpg (http://www.0zz0.com)

[زمن ماجد]

هلا أبو خااااااااالد


ربي محييك تبي الصراااااااحة هناك فروقاااااات لكن تبقى الحمسة هي السرررررررررررر


وفقك ربي

[mo7taj]

الخولاني حمسة وسط ما اطيبه.....

[صقر قحطان505]

البريه اليمنيه تجيك كيف تقلب لك مخك انا اشهد انها قهوه
اخوك صقر قحطان

[ابوليان2009]

هرري باشنفر رقم واحد(الخير) اهم شي الحمسه

[أبو إبراهيم !!]

كلهن طيبات والفرق بسيط جدأ
الله يعافيك موضوع مميز ،،،

[ابولولو]

الخولانيه اولا وباشنفر الخير ثانيا

[الشمالي2000]

الخولاني اليمانية وبعدها البرية وبس تعدل مزاجك وتخليك رايق من اول فنحان

[waleed11]

السلام عليكم

مثل ما قالوا الاخوان يبقى السر في الحمسه

ولو اختلاف الاذواق لـ بارت السلع

كل واحد مننا يحب نوع من القهوه

وطريقه حمسه وبعضهم يحبها هيل ولاثاني عويدي

والقهوه قبل كل شي كيييييف

انا افضل القهوه الهرري درجه اولى باشنفر وطبعا مافيه مثل حمسه الوالده الله يطول بعمرهاااا


مره جربت قهوه حمسه ابو صالح وهي قهوه مخلطه ممتازه جدا جدا

وتحصلونها في اسواق السنبله في الرياض داخل اسواق السنبله تحصلون محمصه البهار

القهوه موجوده عنده وعنده ثلاث انواع

هرري حمسه خفيفه وهرري حمسه ثقيله وخولاني

اول مره اجرب القهوه شريت ربع كيلو من كل نوع

والان استخدم الهرري حمسه ثقيله

الهيل موجود فيها لكن اللي يبي يزيد الهيل يكون افضله

يمكن بالبدايه القهوه ما تعجبك
لكن بعد ثالث فنجال بتحس في الطعم

وراح تعجبك ان شالله

[راعي الفروه]

تبون القهوه الصح هي البرية رقم واحد وتكون حمستها فاتحه شوي
والسر يكون في الحمسة تحمس معها مستكه وشيبه ولا تطحنها يكون الطحن قبل عمل القهوة مباشرة اي تطحن الي يكفي لقهوتك وسلامتكم هذا الكلام من تجربه وكل له مزاج

[فهد الخالدي]

هناك نوع مفضل عندي اشتريها من منطقة الشويخ من محلات الخطيب تحديدا نيبارية واسم القهوة ميسورة اكسترا وتجي 10 كيلو و25 كيلو 50 كيلو مشكلتها الوحيدة انه من التجار الايرانين وهم رافضة وانا ما حب اسوق لهم ولا ابيهم يستفيدون حبذا لو الانسان اجتهد وبحث عنها في الكويت المباركية واشترى من اخواننا السنه
تحياتي

[رواد مكشات]

الله يعطيك العافية

[halatwah]

اخي العزيز بالنسبة للقهوة
القهوة اليمنية هي الافضل وكان افضل نوع فيها الخولاني والان اصبح اليافعي هو الافضل ولكنه لايوجد بكميات كبيره ومشكلة القهوة اليمنية انها يجب ان تفوح لمده توازي 20 دقيقة والا كان الطعم غير جيد.

[وادي غران]

بارك الله فيك يا بو خالد
بالنسبة لي أفضل البن الخولاني أو البرية اليمنية, ويكون تحميصه غامق :good:
والناس فيما يتقهوون مذاهب :p

[سعود الحربي]

هلا بالجميع وعساكم بخير وصحه وعافيه اخوكم بلا فخر ماتكيف راسه اي قهوه ولكن للاسف الوقت هذا نادر تاجد احد يجيب القهوه الكويسه

انا افضلها خولاني وتحمص في البيت وتكون متوسطه لا فاتح ولا غامق ولكن احد شروطها الريسيه هو هدو نارها وتاخذ اكثر من 20دقيقه على النار ويكون الهيل هندي جديد وتعال كيف الكور بفنجال

[ابوخالد2004]

اشكر كل من تجاوب معنا
ردورد جميله تصدر من عقول راسخة

[ألأطلسي]

بارك الله فيك
عزالله ان البريه اليمنيه لحالهاهذارأيي

[بنزرت]

الهرري
بس اهم شئ تحمس على نار مو على كهرب

[ابوخالد2004]

الهرري
بس اهم شئ تحمس على نار مو على كهرب
ليش وش عيبها الكهرباء؟

[عاشق السيل]

هرري باشنفر رقم واحد(الخير) اهم شي الحمسه


نفس الكلام ( باشنفر ) !!

الحمسة وطريقة الطبخ هي الزبدة ،،،،،

[قرناس حائل]

حياكم الله

بالنسبه لي انا : هرري باشنفر لكن قبل لا احمسه اغسلها بماء فاتر وانشفها يوم كامل

وبعدين احمسها

صراحة اذا شفت الوسخ اللي يطلع من القهوه تقول الله يستر

تقبلوا تحياتي

[ابوخالد2004]

حياكم الله



بالنسبه لي انا : هرري باشنفر لكن قبل لا احمسه اغسلها بماء فاتر وانشفها يوم كامل


وبعدين احمسها


صراحة اذا شفت الوسخ اللي يطلع من القهوه تقول الله يستر



تقبلوا تحياتي

مشكور يا قرناس حائل, ومعلومة يمكن غابت عن كثير من الناس وهي غسيل القهوة

[اورنس الشرق]

حياكم الله



بالنسبه لي انا : هرري باشنفر لكن قبل لا احمسه اغسلها بماء فاتر وانشفها يوم كامل


وبعدين احمسها


صراحة اذا شفت الوسخ اللي يطلع من القهوه تقول الله يستر



تقبلوا تحياتي


اتفق معك وهذا الكلام السليم

[جبل راف]

مع هجعة اللي يختفون اول الليـل
الغايبـه دايـم يغيبـون معـهـا
النفـس تاقـت للسمـر والتعاليـل
والعين أشوف النوم خالف سنعهـا
وطاب الجلوس بجانب النار ياشعيل
وحط الحطب في ترعة من ترعها
واليا أستوى للجمر فيهـا دحاميـل
واقبـل تواهجهـا وقفـى ولعهـا
درج على المحماس من غير تعجيل
برية دوب اليمـانـي قطعـهـا
أول قطاف أسفوح شـم الأقاذيـل
اللي جذا حوم الوحش عن فرعهـا
شمن يساقيها السحـاب أبهماليـل
لين إيتحـدر سيلهـا مـع تلعهـا
وترا لحمستهـا نظـام ودواليـل
وشريعة يمشى باثر من شرعهـا
أول بدايتهـا مـدافـع مخالـيـل
ومسرى جماميـل بغالـي سلعهـا
وسوقن كما سوق الجمال المحاميل
مازال حمو النـار ماقـد لذعهـا
واليا تطلق من شذاهـا زعاجيـل
وبشت عرق واللون الأشقر نشعها
فالحال سهلها عن النـار تسهيـل
حتى لضـى المحمـاس مايدّرعهـا
وعجل لها ياشعيل مسرا الجماميل
بطـراد زلباتـن تزايـد فزعـهـا
تدريجة الحيران ومطـارد الخيـل
هذي طريقـة حمسهـا واتبعهـا
وعقبه تميلها على النجر تمييل
جذاب روس القوم مـن منتجعهـا
عوايدله من على سالـف الجيـل
ماهـي جديـده توّنـا نبتدعـهـا
ومن يوم تنعمها فـدوك الدعابيـل
فوق اصهب اللون الربيب أتهزعها
وأضبط قياس الماء لها بالمكاييـل
ضبط الخبير لصنعة مخترعهـا
ومن يوم تقطع خلها مثـل ماقيـل
ترخي على هدف السبيل أمخذعهـا
مبهارة تذعـر بغـال التشاكيـل
طب العماس اليـا تيسـر سنعهـا
صفرآ كما القنديل حسنـا تعازيـل
من صنعة الرسلان الاول صنعهـا
لادارها اللـي يعتنـي بالمعاميـل
وفاحت وبالفنجـال الاول ردعهـا
وفيها تساوت خنة البن والهيـل
والنفـس دافعهـا علاهـا دفعهـا
قم صبلي ياشعيـل منهـا فناجيـل
على سنـا ضو(ن)تهـادا ولعهـا
أضنهـا يامـال طـول التماهيـل
تقلع همومي كـان ربـي قلعهـا
وتفتح لها أبواب بصدري مقافيـل
وتجمع لي أفكار تشتت ضيعهـا
واخذبها عن ضيقة البـال تبديـل
وصروف دنيا مامشت مع سنعهـا
دنيـا تصيّـد بالشبـك والمحابيـل
ناس(ن) تسايرها ونـاس اتخدهـا
أحدن تجيله بالرضـا والتساهيـل
ولوهو تعب في جمعها ماجمعهـا
واحد ركابـه مقفياتـ مقابيـل
ولابـاب ولاّ نـافـذه ماقرعـهـا
وتعطيه قاف أليا طمع بالمواصيـل
وينكف معيف وسامحن من طمعها
دنيـآ تقـذل سبّـق الحـر تقذيـل
وتوهنه في ربعة مـن ربعهـا
لو قد مضاله من شقاهـا غرابيـل
يوم الحرايـب مظلمات بقعهـا
يوم الطلوع إبها على الهجن والخيل
ماقد فهق عن طلعة ماطلعهـا
ويوم أستقرت واغدقت بالمحاصيـل
صـارت منافعهـا لمـن لانفعهـا
عقبانها تمسـي قوايـآ مواجيـل
والمستفيد غرابهـا مـع مرعهـا
واللي مسار أمورهـم بالبراطيـل
واللـي متـى ماوافقتلـه بلعهـا
ومن ذاق در المرزمـات الاباهيـل
أمـا حلبهـا حلـب والا رضعهـا
وحصنيها يرقص على هزت الذيـل
ولويجتمع قدمـه سباعـن سبعـها
ولاعندنا ياشعيـل للعـوج تعديـل
ومازال ممشاها على العدل أطعهـا
وان شفتها قامت تجانف على الميل
باردى ثمن عنـد أول السـوم بعهـا
واستثن منها قومة فآخـر الليـل
في ساعة كل يحـب إيهجعهـا
لاجا ثلث الليـل الآخـر تراتيـل
وقامت ملايكة الرضا قمت معهـا
في ساعة تكبيرهـا والتهاليـل
يجنى ثمار اعذوقها مـن زرعهـا
وخل إجتماعك بالرجال الحلاحيـل
اللي خيـار المجتمـع مجتمعهـا
ولا تبدي الشكوى ولو ضامك الشيل
ألا على رجل(ن) يحـس بوجعهـا
رجل(ن)ليا أصتكت علاك النشابيـل
أمـا شبرهـا شبـر والا ذرعهـا
ومن الزمان أخذ العبر بالرحاحيـل
اللـي منازلهـم تهـاوى بقعهـا
يافجعتي لا جيت بعض المداهيـل
ولا شفت فيها عقب حي(ن) رتعها
عدا رسوم دارساتـ مواجيـل
وخرايم يزمي السراب أبشمعهـا
بلاقعـن شهـب تهـاوى زهاليـل
الظاهر إن اللـي فجعنـي فجعهـا
من عقب أهلها لو سقتها المخاييل
مالله نفعهـا وبركتهـا نزعـهـا
لاجيتها جضيت مـن قلـت الحيـل
ودنياي عنـدي ضاقبـي متسعهـا
على حلاحيل(ن) تضـد الرياجيـل
حصنن ماعاد ألا مقالـع شيعهـا


الشاعر الكبير/ عبدالله بن عون الرويس العتيبي

[نجم حفرالباطن]

شكر الله لك ماقصرت

[المغرز]

كل نفس ومشتهت
تسلم على العلوم الطيبه
ومع السلامه

[ابوخالد2004]

نشو الشمال
مشكووووووووووووووووووور

[احساس رسام]

انا اضم صوتي لك يابو خالد سبق وان جربت هذي القهوه لك الحمسه هي السبب

[حدتني الظروف]

القهوة اللي عليها الكلام .. القهوة النيبارية و القهوة البريّة ..
أما .. الهررية .. الله يديم النعمة ..
النيبارية .. لانويت تصلح قهوة شمالية ..
البريّة .. لانويت تصلح قهوة شقرى ..

[سحاب بقعاء]

افضل قهوة لاحمسته على ارطى وطبخته على ارطى

[السراب9999]

هرري ( باشنفر )..........................

[وسيع البنايد]

تحبون العلوم الطيبه

رحت لليمن صيف 2007 ودورت على القهوه الخولانيه في اسواق اليمن ما حصلتها وكل التجار يقولون ان الخولانيه منقطعه ولا عاد تنتج في بلاد خولان لندرة الامطار في خولان وظهرت اليافعيه القطما واشتهرت بدل الخولانيه واخذت من اليافعيه كيس 30 كيلو بقشرها بحدود 600 ريال سعودي من سوق باب اليمن الشهير في صنعاء وطيبه ما عليها كلام

[فيض العطاء]

مثل ما قالوا الاخوان يبقى السر في الحمسه وأفضل حمسه هي الوسط

[ابوخالد2004]

القهوة اهم شي مثل ماقالو اخوان الحمسة
اضف على ذالك لاتتعرض لشمس او حراره
كذلك لاتجلس فتره طويله بعد الطحن
فيه شي ودي اقوله وانتم ابخص
اذا حمست القهوة حطها بالفليزر صدقوني ماتتغير ابد

[عاشق وسم]

للرفع لزيادة الآراء والخبرات ......

[صخب]

من افضل انواع القهوة اللي مرت علي هي الحبشيه وارد بيوني ومحلهم بالخبر...لكن مشكلتها لازم تكون حمستها وسط الى خفيفه عشان يطلع طعم الهيل,,,,,

[أبي عبدالله]

أذكر أن القهوة أنواع الخولاني فيه شي يسمى مطريه اللي تسقى بمياه الأمطار والثانيه الخولاني اللي بالمياة العادية
وكما ذكر أخواني الأعضاء أن الحمسه لها دور والبهار اللي معها
مثال أهل الشمال يثقلون القهوة والجنوب يخلونها فاتحه وفيه من يحبها شقراء
يقول الشاعر محمد العبدالله القاضي يرحمه الله :

الأ أنطلق من ثعبته تقل شبراق أو دم قلب وأنمزع منه معلوق

وكما قيل لولا أختلاف الأذواق لبارت السلع

ودائما لاتنسون حال الدعاء
اللهم أني أعوذ بك من زوال نعمتك وتحول عافيتك وجميع سخطك
وفق الله الجميع لكل خير .........

[مداريج الأشعاب]

الحمسة هي السر في القهوة ..

[فستق]

بالنسبه لي .. قهوة ام حبل ..

واشووف ان الحمسه هي اللي تفرق وكثييييير بعد .....

وبعد تختلف طبايع الناس .. منهم يحب ،، خفيفه ،، ثقيله ومنها قس على ذلك

[DDDD]

مشكلة قهاوينا تبي تلقيط جربت كويتيه روعه بس ناسي اسمها

[مشعل العيسى]

تبون القهوه الصح هي البرية رقم واحد وتكون حمستها فاتحه شوي
والسر يكون في الحمسة تحمس معها مستكه وشيبه ولا تطحنها يكون الطحن قبل عمل القهوة مباشرة اي تطحن الي يكفي لقهوتك وسلامتكم هذا الكلام من تجربه وكل له مزاج

عن تجربه ومن وجهة نظري هذا الكلام الصحيح

[معطر]

مرحب بالجميع

مرة رايح اشتري قهوه لقيت راعي المحل شايب
وسألت عن نوع قال 60 ريال خمسة كيلو
وسالت عن نوع ثاني قال 90 ريال خمس كيلوا

قلت وش الفرق بينهن ... قال الفرق اللى يصلحها

انا ما ابخص في الانواع لكن اتوقع ان الفرق اللى يصلحها

[ابومحــ م ـــد]

الله يعطيك العافية
قهوة الخير باشنفر

[النووي 2009]

اهم شي الحمسه

[عاشق البر22]

هرري با شنفز وبس

[عاشق البر22]

مشكلة قهاوينا تبي تلقيط جربت كويتيه روعه بس ناسي اسمها

يمكن تقصد يا dddd قهوة بن العميد خوش قهوة بشرط تروح الفرع الرئيسي وإذا انت بالمملكة حاضر ادزها لك وين ما كنت يا الحبيب:)

[سوبر152]

قهوة ام حبل

[انسانه؟]

القهوه اليمنيه البريه
وطبعا مع الاضافات اثناء حماسها تعطيها كيف .:)

[أبو تسنيم]

الأخوه الكرام
السلام عليكم
القهوه الصبحية أروع شي بس نادره والكيلو غالي بعدها الخولاني وكلها يمنيه ويكون حمسها متوسط
والله يعطيكم العافيه

[ابوخالد2004]

الأخوه الكرام
السلام عليكم
القهوه الصبحية أروع شي بس نادره والكيلو غالي بعدها الخولاني وكلها يمنيه ويكون حمسها متوسط
والله يعطيكم العافيه

وين نحصلها بالرياض

[ابومحمد555]

القهاوي تغيرت وكثر فيها الغش

[ابوخالد2004]

القهاوي تغيرت وكثر فيها الغش

لكن لو تروح للمورد لي يجيبها يمكن اضمن

[بعيدالهقاوي1]

فيه نوع من القهوه اليمنية
الكيلو 80. يريال من يعرف اسمها

[عاشق الغربي]

اهم شيء حمسة القهوة وإلا كل الأنواع اللي ذكروها الإخوان متقاربة من ناحية الجودة

[almofareg]

اهم شي لما تشتري اي قهوه تكون لونها خضرا طازجه ريحتها ممتازه ما فيها احمرار من رطوبه و لا ريحه عفن
ثم بتدين حمسه بيت بمزاج و بتشرب اطيب قهوه من وين ما كانت نبريه او حبشيه او يمنيه

للامانه انا جربت اثيوبيه روعه و اللي يبي مزاج عالي عليه الكولومبيه فيها نكهه ما توصف