المساعد الشخصي الرقمي

مشاهدة النسخة كاملة : الباترول 2009 ابو رفارف سود يجي نوع مكينه 4500


بندر الكبيري
27/06/2009, 11:01 PM
السلام عليكم

انا اليوم مريت الوكيل قال فيه بس انها محجوزه من قبل الدوائر الحكوميه ,,

السؤال انا ادور واحد مكينته 4500 والقير عايدي

لان الفتك قير عايدي يحن الموتر وضغط المكينه يكون مرتفع مره عند السرعات العاليه

لان حسب ماسمعت ان المكينه الفتك اكبر من القير العايدي والافضل للفتك قير تماتيك

وين احصل يالغالين ابو رفارف سود ومكينته 4500 مع الشكر والتقدير
بندر الكبيري
28/06/2009, 10:35 AM
للرفع يااخوان
بندر الكبيري
28/06/2009, 12:30 PM
الموضوع ضروري يااخوان
Abu Saad
28/06/2009, 01:46 PM
دق على معرض نجد بالنسيم احتمال تحصل عنده.
وبالتوفيق
خيام الندم
28/06/2009, 01:50 PM
السلام عليكم د/ بندر
أنا من رأيي لاتشري مكينة 4500 .. جربتها كثير والله ضعيفة جداً وجربتها على السياحي أقل درجة الموتر مايمشي .. ضعيف جداً مع العلم إن الجيب كان أصفار وجديد وماعجبني عزمه ولاقوته .. إذا تبي نشاط وعزم لاتدوره في مكينه ال 4500 من نيسان ..
ال 4800 افضل وماعليك من الضغط إذا إنت ملزم تبي نيسان .
قرم العيال
28/06/2009, 02:41 PM
اخوي

غير 4800 لا تاخذ

ملزم 4500 خذ تويوتا الشكل القديم من 2007 وتحت

اما سالفت القير يحن

هذي من الكوارين (( الدفرنسات )) دفرنسات التماتيك غير العادي ,,
بندر الكبيري
28/06/2009, 03:06 PM
يعطيكم العافيه جميعا

بس انا كان معي باترول 99 مكينه 4500 ممتاز جدا

في انتظار ملاحظاتكم يااخوان لانني مقبل على اجازه
التعـ King ـديل
28/06/2009, 03:14 PM
المحجوزه اللي يقصد مو ابو رفارف سود يقصد السياحي ابو مكيفين

ابو رفارف سود مايجي الا 4800 والله اعلم
بندر الكبيري
28/06/2009, 09:50 PM
عز الله انكم ماقصرتوا
س1/ هل الحنه اللي في الكوارين ( الدفرنسات) اللي على الفتك موجوده على الباترول 4500 ام ان الوضع يختلف بين المكينتين( 4800 و 4500)
س2/ هل الحنه اللي في القير العايدي الفتك مزعجه مره او انها عايديه وكيف ضغظ المكينه يقولون يرتفع مره على السرعات العاليه
شاكرا ومقدرا تعاونكم الاكثر من رائع
محمدالعريني
29/06/2009, 09:10 AM
والله يالغالي بالنسبه للسؤال الثاني انا جربت فتك 2003 قير عادي وجربت 2005 تماتيك الصراحه الفرق شاسع من ناحية الحنه والسرعه التماتيك في الفتك ماله حنه ونفسه اخف من العادي هذا بسبب الدفرنسات واذا تبي تتاكد من كلامي شف الجرم حق كارونة الفتك القير العادي وقارنها مع التماتيك تلقا جرم كارونة العادي اكبر لان كارونته اكبر من التماتيك وهذا اللي يسبب الحنه وللمعلوميه اهل التعديل في الامارت يركبون قير عادي على كوارين تماتيك
يصير الموتر ماينشد طياااااااااااااااااااااااره
واذا تبي نصيحتي اذا كنت تبي فتك لاتاخذ الا تماتيك هذا من واقع تجربه
وهذا اللي عندي واتمنى اني افدتك
بندر الكبيري
29/06/2009, 10:30 AM
يعطيك العافيه اخ محمد العريني

انا ناوي اشتري 4500 قير عايدي وحصلته بالمعارض ولكن اتمنى من اللي عنده خبره يفيدني

حل فيه حنه مثل حنة القير العايدي الفتك