ابفر المملكة كلها فمحتاج منكم جواب كم سؤال

[الشاص عز لهله]

سلام عليكم و رحمه الله و بركاتة يا جماعة الخير انا ناوي افر المملكة العربية السعودية كلها فابي منكم وش الدير الي لازم ما تطوفني او اهم الاماكن بالمملكة وويش الفنادق في كل ديرة واذا توفر اسعار فازين ناطر منكم جاواب يالي ما تردون طلاب

[ابوريناد1979]

والله ونا خوك سؤالك كبير شوي :d !!!
انت حدد المدن اللي ناويها وان شالله يفيدونك الاخوان

[دغيم1]

السلام عليكم ورحمة الله وبركاته
حياك الله أخوي
مشروع جيد ولكن يحتاج إلى خطة وميزانية
قبل البدأ في مشوارك لابد أن تحصل على خريطة المملكة والطرق الرئيسية
حتى تتمكن من وضع خطة لبداية الإنطلاق ونهايته العودة بمشيئة الله
حتى لايفوتك شيء من المناطق الجميلة أو الأثرية وحتى لايطول بك الطريق بين ذهاب وعودة على مناطق تجاوزتها
حدد مكان الإنطلاق ومدة الرحلة والأشخاص والمركبة
وستجد من الجميع التجاوب المفيد
تقبل تحياتي

[قرم العيال]

هذي يبي له خطه مدروسه

من وين تنطلق و من وين ترجع ,,

حتى ما تمر بالديره الفلانيه مرتين ,,

والله يقويك ,,

[ناصر الدهمشي]

اول شي انت من وين علشان نفيدك

ودايم تبي بالمملكة اكيد تبي الاماكن البارده الا كانك تبي تمر جده غير والشرقية غير :)

وبكم يوم تبي تفر فيها :)

والرحلة عائلة ولا شبابية

وان شاء الله مانقصر معك

[مخروع]

والله ياخوك اهم شي المدينة ومكة والباقي سلاماااااااااااااااااااات

[الشاص عز لهله]

اشكركم على التفاعل السريع والله الموتر كرايزلر 2005
و البدء من الكويت و الميزانية مفتوحة و الاشخاص انا و خالي و احتمال يخاونا اثنين بنفس الموتر و المدة انا حاط في بالي 15 يوم اقل شي او اكثر او اقل اذا نصخوني اهل الخبرة بان اقلل عدد الايام و الرحلة شبه شبابية ولا معانا لا بزارين ولا حريم
و الله يجزاكم خير على التفاعل السريع

[مخروع]

اشكركم على التفاعل السريع والله الموتر كرايزلر 2005
و البدء من الكويت و الميزانية مفتوحة و الاشخاص انا و خالي و احتمال يخاونا اثنين بنفس الموتر و المدة انا حاط في بالي 15 يوم اقل شي او اكثر او اقل اذا نصخوني اهل الخبرة بان اقلل عدد الايام و الرحلة شبه شبابية ولا معانا لا بزارين ولا حريم
و الله يجزاكم خير على التفاعل السريع

هههههههههههههههههه اجل سبب التعديل هرج زايد


الله الله بالسرعة المعقولة وتناوبوا بالسواقة كل 300 كيلو والله يحفظكم من كل مكروة ورحلة سعيدة اتمناها لك ولاتنسوون دعاء السفر

[تسلمووون]

حياكـ الله أخوي

و أتمنى أني افيدك

و ارحب بك في دياركـ الثانيه

هذا برنامج مقترح و يمكن يكون فيه خلل

شاور احد فيه قبل ما تجزم

تطلع من الكويت و تمر الجبيل

و عندك فيها شواطئ حلوه مثل شاطئ الفناتير

و منتزة الدفي

ثم من الجبيل تطلع على الدمام و الخبر

تتمشى فيها عندكـ الواجهة البحرية بالخبر حلوه

لكن الجو مش ولا بد هالأيام حر

بعدها تطلع لرياض و عندكـ بالرياض اماكن كثيرة ممكن تزورها

منها منطقة الديرة القديمه و تحوي اسواق كبيره و قصر المصمك بجوارها و شارع الثميري لسباح و الساعات و ما شابهها

من عقبها ياطويل العمر و السلامه تمسك طريق القصيم

و من المدن الصغيرة الي تبي تصادفكـ بالطريق المجمعه

تدخل تتمشى فيها تشوف البيوت القديمه

و منها تطلع للقصيم و اهم شي تروح لمحل السنيدي ببريدة

و فيه جبل خرطم في المذنب منتزة جميل يطل على مدينة المذنب

و ممكن تطلع لحايل 250 كيلو تقريباً عن القصيم فيها متاحف و اماكن تراثية

منها ياطويل العمر و السلامه ترجع للقصيم و تطلع لم المدينه المنوره

و تزور مسجد قباء و فيه شارع سلطانه من اهم الشوارع فيها

من المدينه تمر ينبع فيها بحيرة الصباح روعه و جميله جداً

منها تنزل مع طريق الساحل لجده و مكه

و من مكه ياطويل العمر تنزل على الباحه و تتمشى فيها و عندكـ غابة رغدان في الباحة

ثم تطلع لم أبها و تتمشى بالسودة و تركب تلفريك السودة مثلاً

ثم يا طويل العمر دربكـ سماحه و الله يحفظكـ ترجع ان بغيت عن طريق أبها الرياض و بيجك بالطريق وادي الدواسر و حوطة بني تميم

و قبل ب الرياض بـ 90كيلو ممكن تمر محافظة الخرج

و الله يحفظكـ و ييسر لكـ أمركـ

خطط لرحلة مضبوط تنبسط

و الله الله خل معك كلش زاهب من عزبه و اغراض

و احرص على الماكسر ترى للأسف كثير من التجار عندنا إذا شاف الخليجي دبل السعر عليه

و بعد إذن الإدرة هذي ثلاث روابط ممكن تفيدكـ إن شاء الله تعالى

http://www.sauditourism.com.sa/

http://travel.maktoob.com/vb/index.php

http://www.scta.gov.sa/Pages/default_sct.aspx


تحياتي و أمنياتي لك بقضاء رحلة ممتعه في ربوع البلد

[ابن عكاش]

والله يالغالي ودي اعطيك خطة كاملة للرحلة بس يبيلها جلسه وورقه وقلم ابحاول اكتبها لك إن شاء الله تقبل مروري

[الشاص عز لهله]

مخروع

جعلك تظحك مع الحور العين ان شاء الله وكل من شارك في هلموضوع و هل مكشات كلهم ايي يخوي هرج زايد ان جيت ابكتب موضوع يجيك حماس مو طبيعي بدال ما تكتب الزبدة تكتب تفاصيل مال القارئ دخل فيها هذا غير النكت البايخة الي ممكن تطلع منك و تغث الي يقرا هههههههههه دوم تصير معي.

تسلمون
الله يجزاك خير على هلخطة الجميلة كل هلاماكن و ربعنا يهجون برا عند الافلونزا و يخلون هديرة الطيبة والله الي ناقصها الجو بس لو 10 دراجات اقل كان ممتاز مهوبلحين الي لو يجينا فيروس الفلونزا يموت في هسموم.

ابن عكاش

اي والله يرحم والديك روق و جمبك كاس شاهي وانت بلحالك و غرد طال عمرك و يليت تكتبلي المسافة بعد تكون مية مية.

[بواسامه]

طع شوري
مهوب وقته :eek:
عندنا قوايل الله يجيرك
خله في البراد والجو الحلو عشان تستانس اكثر انت وربعك
اما هالاوقات مهنا الا الاماكن الدينيه مكه والمدينه ولا دير البراد الطائف وجنوبه عسير
ربي يسعدك
وياليتك تجي بموتر معروف وله قطع غيار منتشره :D
تويوتا ولا نيسان
وبعدين ديرتنا شبه قاره
من شمالها لجنوبه حول 3000 كيلو
ومن شرقها لغربها 1600 كيلو
انا وانا اهلها مافرينها على قولتك:rolleyes:

[ناصر الدهمشي]

مالك الا ابها البهيه

هج عن الشرقية وجده ولا يقولون لك جده غير

مافيها الا اللواهيب والرطوبة وماتصلح بنظري للشباب

تصلح للعوائل يعني مثل اجواء الكويت

دامكم شباب شقرديه ابد مالكم الا تتجهون من الكويت الى

حفر الباطن الى المجمعة الى الرياض والى الطائف وبعدها الى ابها

( واهم شي الرياض لازم تمره اجواء جميلة وانهار وشلالات ولاتوجد زحمه ابداً )

بتنبسطون ان شاء الله

وبلا جدة وبلا شرقية عدك بالكويت

وتروح وترجع بالسلامه

[البدراني11]

رايي الشخصي وبحكم اني قد فريت اغلب المملكة ........



هذا خط السير اللي اقترحه لك :



الكويت - الجبيل - الدمام -الاحساء- الرياض -الخرج -الافلاج -وادي الدواسر -خميس مشيط- ابها-النماص -الباحة -الطائف -مكة - المدينة - ينبع - أملج - الوجه- ضبا - حقل -تبوك - تيماء - حائل - القصيم - الزلفي - المجمعة - حفرالباطن -الكويت


بعض المدن فيها اثار وقلاع وبعض تمر عليها فقط للتمشية واخذ الاغراض وبعضها براد وفله حجاج وكل ما توجهت لديرة خل معك جوال او لاب توب تاخذ علوم الديرة وش فيها
وانا معك في التمشيه واختلف مع من قال حر لان الدعوة تمشي ولاهنى عجله

[shaheenshah]

طع شوري
مهوب وقته :eek:
عندنا قوايل الله يجيرك
خله في البراد والجو الحلو عشان تستانس اكثر انت وربعك
اما هالاوقات مهنا الا الاماكن الدينيه مكه والمدينه ولا دير البراد الطائف وجنوبه عسير
ربي يسعدك
وياليتك تجي بموتر معروف وله قطع غيار منتشره :D
تويوتا ولا نيسان
وبعدين ديرتنا شبه قاره
من شمالها لجنوبه حول 3000 كيلو
ومن شرقها لغربها 1600 كيلو
انا وانا اهلها مافرينها على قولتك:rolleyes:


انا مع راي بواسامه ما هوب وقته خله في البراد ازين وله طعم ثاني هالحين ما هنا الا شموس وحران الله ينجينا واياكم من النار

[abo norah]

الله يوفقكم ويحفظكم ويسهل اموركم ويمكنك الاستعانةبموقع (حجزكم).http://http://www.hjzcom.com/Default.aspx?lang=ar

[مسلط العتيبي]

ياهـلآ وغ ـلآ ..

الله يحييك في بلدك الثـآني يامرح ـبـآ فيك .. بتنور السعوديـة بوجودكم آن شـآء الله .)

الجو يالغ ـآلي مايسـآعد واذا انتم جاهزين وجازمين . الله يوفقنا وياكم لـ مايحب ويرضى ..

ابي احط لك خريطـة متواضعـة جدآً وآسمحلي علي القصـور ..

من الكويت طـآل عمرك مع حفر الباطن الارطـآويـة المجمعـة يجيك الخط السريع الرياض القصيم آتجه يمين القصيـم . المدينـة . مكـه . الطآئف . جده . آبهـآ . البـآحـة .خميس مشيط ..) < المناطق الآفضـل فالممكلـة جوآً

آقصد البارده نوع مـآ ..

الريـآض . الشرقيـة مانصحك فيهـآ .. ح ـرآرة زأيـدة ..


ملاحظـة .. آكثر المنتزهـآت الدخ ـول للعوآئل فقط ..

ونصيحتي لك يـ الغ ـآلي . آجل رحلتك شهر وعليك بـ صلالـة ..

تروح وترد بالسلامـة آن شاء الله .

موفق خ ـيـر

[راعي الرجم]

ياهلا ومرحبا فيك
انت بين اهلك وربعك


اخي ان كنت عاشق للبراد البراد جنوب ولا اقصى الشمال الغربي يم حقل وتبوك


لكن انت تبي تمشى وتفرج
خطتي لك هي


من الكويت الى . الحفر ثم الارطاوية وتلف يمين اقرب لك من روحة للمجمعة على الزلفي وتفرج بالزلفي ومطل الزلفي
ثم على السريع وعلى عنيزة بالليل براد ورح لمنتزهات الحاجب وثم الى بيت البسام وبيت الحمدان والسوق الشعبي واي واحد يدلك واي واحد يرحب فيك هناك
من عنيزة على الرس ثم قصر بن عقيل ثم الى ظريه على عفيف على ظلم ومن ظلم
لك الخيار تبي تروح للطائف من ظلم او من ظلم للجنوب
ولا تبي الجنوب والبراد من ظلم الى ابها المسافة 550 كم
اذا تبي الجنوب فيه مفرق بعد ظلم ب ثلاثه كيلو رح يسار يم الخرمة ثم رنية وبيشة والنماص وابها تمش بالبراد والفلة
او اذا تبي الطايف الطريق سريع
الطائف 250 والباحة من الطائف 200 كم وهو طريق سريع من ظلم الى الباحة ومن الباحة يمكن لك انك تنزل مع العقبة الى القنفذة ومن القنفذة يمكن لك تتوجه الى ابها وجازان وفيفا ثم ان بغيت زود تمشي انزل على جازان ورح لفيفا وشف الخضرة والامطار
وان بغيت رحلة بحرية رح لجزيرة فرسان طبعا بواسطة العبارات انت وسيارك
لكن فرسان فنادقها غاليه ويمكن ما تلقى حجز انا ماعمري رحت لكن تاكد
ثم ارجع عن طريق الساحل الى مكة ثم المدينة او توجه الى ينبع ثم املج ثم ضبا
ثم حقل سواحل تشرح النفس بس قبل توجه الى اي منطقة اطلب تفصيل اكثر
عنها
وخط الرجعة خلة عن طريق تبوك القليبة ابو عجرم ثم حائل ثم حفر الباطن الكويت
لانه من حائل الى الحفر اقرب لك من طريق القصيم
والله الله لا تسرعون انتم تمشون وخلو اكثر مشيكم اطراف النهار الصبح اذا كنتم مغربين والعصر ان كنتم مشرقين
والخريطة اوضح لك تقرا وتشاهد الخريطة والخرائط الالكترونية زينة
والله يستر عليكم

[ياعين ابوي]

اولا قل ان شاء الله

ثانيا انا انصحك ب الباحه افضل من ابها من ناحية الزحمه والسكن
والله يستر عليكم

[الشاص عز لهله]

يا جماعة ابي تفاصيل اكثرىتكفون؟

[أبا مجاهد]

انصحك باهم شيء خريطه
وقارمن

والاهم التوكل على الله

[fahadfahad88]

رح للمدينة عن طريق الجبيل والرياض والقصيم ثم مكة ثم الطائف ثم الباحة ثم ابها ثم ارجع من نفس طريقك .
اجواء المدن هذي كلها حلوة ، الطريق هذا امن وما عليك خوف ، الوقت كافي وزيادة لمده 15 يوم .
اذا بتلف المملكة كلها يبيلك شهرين بالقليل ، والحين الاجواء ما تساعد .

[كاشت...]

رايي الشخصي وبحكم اني قد فريت اغلب المملكة ........




هذا خط السير اللي اقترحه لك :



الكويت - الجبيل - الدمام -الاحساء- الرياض -الخرج -الافلاج -وادي الدواسر -خميس مشيط- ابها-النماص -الباحة -الطائف -مكة - المدينة - ينبع - أملج - الوجه- ضبا - حقل -تبوك - تيماء - حائل - القصيم - الزلفي - المجمعة - حفرالباطن -الكويت


بعض المدن فيها اثار وقلاع وبعض تمر عليها فقط للتمشية واخذ الاغراض وبعضها براد وفله حجاج وكل ما توجهت لديرة خل معك جوال او لاب توب تاخذ علوم الديرة وش فيها

وانا معك في التمشيه واختلف مع من قال حر لان الدعوة تمشي ولاهنى عجله

اوافقك الراي خطه سير ممتازة ..:good:
لأن المدن اللي بيمر عليها مرتبه
يعني بيمشي من الشمال الشرق
ثم الشرق
ويتوجه بعدها الى الجنوب
ثم الغرب
وبعدها تمر على الشماال
وبعدين ترجع ...
وبالتوفيق

[ألأطلسي]

خلك بالطايف ارحم لك من اللواهيب

[الوابصي 44]

رايي الشخصي وبحكم اني قد فريت اغلب المملكة ........





هذا خط السير اللي اقترحه لك :



الكويت - الجبيل - الدمام -الاحساء- الرياض -الخرج -الافلاج -وادي الدواسر -خميس مشيط- ابها-النماص -الباحة -الطائف -مكة - المدينة - ينبع - أملج - الوجه- ضبا - حقل -تبوك - تيماء - حائل - القصيم - الزلفي - المجمعة - حفرالباطن -الكويت


بعض المدن فيها اثار وقلاع وبعض تمر عليها فقط للتمشية واخذ الاغراض وبعضها براد وفله حجاج وكل ما توجهت لديرة خل معك جوال او لاب توب تاخذ علوم الديرة وش فيها


وانا معك في التمشيه واختلف مع من قال حر لان الدعوة تمشي ولاهنى عجله


هذا هو الخط المثالي الشامل لاغلب انحاء المملكة ما هو مثل اخونا تسلمووون اللي حذف منطقة تبوك من الخريطة الله يسامحه يمكن لانه ما عمره طبها لكن ندعوه لزيارتها ونضمن له ان يعيد رسم الخريطة

[نجم حفرالباطن]

رايي الشخصي وبحكم اني قد فريت اغلب المملكة ........




هذا خط السير اللي اقترحه لك :



الكويت - الجبيل - الدمام -الاحساء- الرياض -الخرج -الافلاج -وادي الدواسر -خميس مشيط- ابها-النماص -الباحة -الطائف -مكة - المدينة - ينبع - أملج - الوجه- ضبا - حقل -تبوك - تيماء - حائل - القصيم - الزلفي - المجمعة - حفرالباطن -الكويت


بعض المدن فيها اثار وقلاع وبعض تمر عليها فقط للتمشية واخذ الاغراض وبعضها براد وفله حجاج وكل ما توجهت لديرة خل معك جوال او لاب توب تاخذ علوم الديرة وش فيها

وانا معك في التمشيه واختلف مع من قال حر لان الدعوة تمشي ولاهنى عجله






صدق اخوي الكريم

وركز على الحفر وحائل بتمشيتك وعطن خبر


احب اذكرك لايفوتك فندق انتر نشنل ويسمونه اهل الطايف البرج وهو معروف اول ماتدخل الطائف تشوفه كبير
المهم انه في اعلاه مطعم دوار وانت تاكل المطعم يفتر فيك على الطائف وبعدها تصعد للكوفي فوق المطعم بصراحه روعه روعه ماتتصورها