الحراره والديماكس ياهل الخبره

[فتى شنه]

مسائكم الله بالخير يالمكشاتيين

يالربع هالموتر حيرني مشكلته من سرعه 140 وتحت حراره طبيعيه النص واذا تعديت 150 الى 170 تقريبا تبداء الحراره بزياده واذا كنت موقف عاديه حرارتها النص

واذا كنت بتغريزه ومعشق دبل ثقيل والى عار الموتر بنمره تطلع حرارته مره ثانيه


علما اني مغير فلتر هواء ولا يوجد تهريب مويه لكن ماادري ايش المشكله .


في احد الميكانيكين يقول يمكن من وجه الراس :( بس انا مادخل مزاجي كلامه قلت مالي الى ذيابه مكشات


السياره موديل 2005 ديماكس دفرنسين

[شاص1988]

اخوي شيم على الاديتر يمكن يكون وصخ غسله وصيخه وخله ينضف الصفايح حقت الرديتر وغسل مجاري الماء في الماكينه وشيك على طرمبة الماء يمكن تكون دفعه ضعيف

[شاص1988]

اسف نسيت شي شيك على المراوح الاضافيه والاساسيه

[فتى الرابيه]

الاخ فتى شنه
السلام عليكم -- قرأت عن المشكله هذي فاذا تأكدتك ان الراديتر والمروحه والطرمبه سليمات عادة يكون من داخل المكينه اي مجاري الماء عندما تكون السياره واقفه او سرعه عاديه تكون طبيعيه لاكن بالسرعه العاليه يكون فيه احتباس في مجاري الماء وترتفع الحراره والعمليه هذي يعملونها بجهاز خاص لتنظف الماء ارجو ان تسأل عنه فيه واحد بالمنتدى يمكن مكشات اوغيره عملها لسيارته وضبطت فيه ملاحظه شوف الراس يمكن حاشته حراره فيكون القازقيت تعبان --- ان شاء الله تضبط والله يوفقك -- تحياتي

[فتى شنه]

اخوي شيم على الاديتر يمكن يكون وصخ غسله وصيخه وخله ينضف الصفايح حقت الرديتر وغسل مجاري الماء في الماكينه وشيك على طرمبة الماء يمكن تكون دفعه ضعيف


مشكور يالذيب باشيك عليها اليوم




اسف نسيت شي شيك على المراوح الاضافيه والاساسيه


مراوح السسياره والى قصدك ترهيم





الاخ فتى شنه
السلام عليكم -- قرأت عن المشكله هذي فاذا تأكدتك ان الراديتر والمروحه والطرمبه سليمات عادة يكون من داخل المكينه اي مجاري الماء عندما تكون السياره واقفه او سرعه عاديه تكون طبيعيه لاكن بالسرعه العاليه يكون فيه احتباس في مجاري الماء وترتفع الحراره والعمليه هذي يعملونها بجهاز خاص لتنظف الماء ارجو ان تسأل عنه فيه واحد بالمنتدى يمكن مكشات اوغيره عملها لسيارته وضبطت فيه ملاحظه شوف الراس يمكن حاشته حراره فيكون القازقيت تعبان --- ان شاء الله تضبط والله يوفقك -- تحياتي


والله مدري يافتى لكن بابدء بالاشياء الصغيره مثل ماذكرت ليت والله تشرحلي عن هالطريقه ابي معلومات جزاك الله خير



لكن ترى على فكره يااخوان انا شايل بلف الحرارة بعد هاذي نقطه ماذكرتها لكم

[هبوب الصبا]

اخوي فتى شنة
ترا شيلة بلف المكينه خطأ كبير
يارجال اللي صانعينه يحطونه ونجي انا الجهلة نشيله !! ليه عشان كلام واحد ولا ثنين !!
بعدين تصديره مخصص للشرق الأوسط وعارفينه وحرارته .. والإنسان له حراره معروفه
رجعه قبل اي شي ... وسلامتك

[بنزرت]

مسائكم الله بالخير يالمكشاتيين

يالربع هالموتر حيرني مشكلته من سرعه 140 وتحت حراره طبيعيه النص واذا تعديت 150 الى 170 تقريبا تبداء الحراره بزياده واذا كنت موقف عاديه حرارتها النص


لاحول ولاقوه الا بالله
يا اخوان ترا والله ان 120 سرعه عاليه فمابالك باللي فوقها

[النادر055]

صيخ الرديتر وحط له ماء اخضر اصلي وزيده ماء مقطر

[ابوياسمين]

حدثت معي مشكلتك بالضبط (باثفاندر)
وخسرت لين دخت طلع رديتر وسبب ثاني اني شايل البلف
أحياناً التصييخ مايجيب فايده لو كان شكل الرديتر جديد لايغرك
والبلف رجعه أول أحسن لك لانه يضبط الحراره هذي نصيحتي ركب البلف أول ثم صيخ أذا مافاد وأن شفت مابه طب زي ماحدث معي غير الرديتر جديد لاتقرب التشليح الحاجه الوحيده الي ماتاخذها من التشليح الرديتر وأسئل اهل الخبره

[فتى الرابيه]

مشكور يالذيب باشيك عليها اليوم




مراوح السسياره والى قصدك ترهيم







والله مدري يافتى لكن بابدء بالاشياء الصغيره مثل ماذكرت ليت والله تشرحلي عن هالطريقه ابي معلومات جزاك الله خير



لكن ترى على فكره يااخوان انا شايل بلف الحرارة بعد هاذي نقطه ماذكرتها لكم
اذا الحراره زادت بعد بلف الحراره رده علشان ترجع طبيعتها موفق ان شاء الله

[شاص1988]

بشر ياخوي وش الي صار معك وان انصحك ترجع بلف الحراره لان الياباني الي صنعه ادر مني ومنك ثاني شي المراوح ان اقصد الاساسيه الي تجي امام الماكينه والاضافيه الي تجي شد بلا خلف الشبك شيك على التماتك حق المروحه والفحمات على فكره اذ كنت مركب مراوح اضافيه ان سمعت انه ترفع الحراره وتقدر تتاكد بنفسك من رابطة ملاك الاسوزو

[فتى شنه]

اخوي فتى شنة
ترا شيلة بلف المكينه خطأ كبير
يارجال اللي صانعينه يحطونه ونجي انا الجهلة نشيله !! ليه عشان كلام واحد ولا ثنين !!
بعدين تصديره مخصص للشرق الأوسط وعارفينه وحرارته .. والإنسان له حراره معروفه
رجعه قبل اي شي ... وسلامتك

طيب وش المشلكة فيه اخوي





لاحول ولاقوه الا بالله
يا اخوان ترا والله ان 120 سرعه عاليه فمابالك باللي فوقها


الله يجزاك ترى سرعه الديزل ماهيب مثل البنزين شرط تعد الحجر اللي جنب الخط وانت على نفس السرعه




صيخ الرديتر وحط له ماء اخضر اصلي وزيده ماء مقطر


وهذا اللي راح اسويه ان شاء الله






حدثت معي مشكلتك بالضبط (باثفاندر)
وخسرت لين دخت طلع رديتر وسبب ثاني اني شايل البلف
أحياناً التصييخ مايجيب فايده لو كان شكل الرديتر جديد لايغرك
والبلف رجعه أول أحسن لك لانه يضبط الحراره هذي نصيحتي ركب البلف أول ثم صيخ أذا مافاد وأن شفت مابه طب زي ماحدث معي غير الرديتر جديد لاتقرب التشليح الحاجه الوحيده الي ماتاخذها من التشليح الرديتر وأسئل اهل الخبره



الله يجزاك خير اذا كان كلامك صحيح فالقريب العاجل راح ارجع البلف واسيخ الاديتر





اذا الحراره زادت بعد بلف الحراره رده علشان ترجع طبيعتها موفق ان شاء الله


لا ياخوي المشكله كانت بالبدايه ترتفع حرارتها وهي واقفه لكن اذا مشيت فوق 80 خفت الحرارة بعده وديتها لميكانيكي سيارات ديزل غير السيور وشال بلف الحراره وغير خرطوش هواء وغير فلتر الهواء بعده ضبطت السياره لكن اخذتها وطلعت لم البر واذا اسرعت عليها فوق 150 زادت الحرارة واذا اقل من هالسرعه طبيعيه الحراره واذا طحت بتغاريز ودبل ثقيل ارتفعت واذا حركت رجعت طبيعيه

والله انها حيرتني





بشر ياخوي وش الي صار معك وان انصحك ترجع بلف الحراره لان الياباني الي صنعه ادر مني ومنك ثاني شي المراوح ان اقصد الاساسيه الي تجي امام الماكينه والاضافيه الي تجي شد بلا خلف الشبك شيك على التماتك حق المروحه والفحمات على فكره اذ كنت مركب مراوح اضافيه ان سمعت انه ترفع الحراره وتقدر تتاكد بنفسك من رابطة ملاك الاسوزو



والله اني انشغلت اليومين ذي ولا بعد رحت الصناعيه لكن اوعدك اذا جربتها بعد الورشه

[سوبر VTC]

هلا و غلا
اذا كان العزم ضعيف احتمال ان التيربو طافي عندك و لذلك يحتمي الموتر
شيك على طرمبة الماء اذا كانت تدفع ام لا و على كلتش المروحة
تقدر تمسك المروحة بيدك و خل اي شخص يشغل الموتر اذا احتمى الموتر اثناء ذلك راح تحس ان الكلتش حمل او ثقل و تبي تدور المروحة غصب
و هذا معناته ان الكلتش شغال
لا تنسى البلف و الغطا
انا اخبر مع احد الربع ديماكس 2004 انقطع اللي يمين الشبك حق التيربو لي عريض جدا تقريبا مقاس 4بوصة او اكثر
احتمال له تاثير في ذلك

[فتى شنه]

الله لا يهينك اخوي فتك بس كيف اعرف ان التيربو طافي امس حصلت كلتش السير حق المكيف مرتخي وشدو عليه شوي لكن اليوم باطلع للبر عليها وبشوف

[ابوياسمين]

طيب وش المشلكة فيه اخوي





الله يجزاك ترى سرعه الديزل ماهيب مثل البنزين شرط تعد الحجر اللي جنب الخط وانت على نفس السرعه




وهذا اللي راح اسويه ان شاء الله







الله يجزاك خير اذا كان كلامك صحيح فالقريب العاجل راح ارجع البلف واسيخ الاديتر





لا ياخوي المشكله كانت بالبدايه ترتفع حرارتها وهي واقفه لكن اذا مشيت فوق 80 خفت الحرارة بعده وديتها لميكانيكي سيارات ديزل غير السيور وشال بلف الحراره وغير خرطوش هواء وغير فلتر الهواء بعده ضبطت السياره لكن اخذتها وطلعت لم البر واذا اسرعت عليها فوق 150 زادت الحرارة واذا اقل من هالسرعه طبيعيه الحراره واذا طحت بتغاريز ودبل ثقيل ارتفعت واذا حركت رجعت طبيعيه

والله انها حيرتني





والله اني انشغلت اليومين ذي ولا بعد رحت الصناعيه لكن اوعدك اذا جربتها بعد الورشه
بعد كلامك ذا أتوقع بنسبة 99% أنه البلف

[سوبر VTC]

التيربو واضح اذا كان شغال
اذا دست ديزل و هو واقف
يطلع صوت صفير للتيربو
اذا كان التيربو طافي
يصير العزم ضعيف
بمعنى
اذا نهضت الموتر عند اشارة مثلا
تحس ان قومة الموتر غبية
كانه طايح نص العزم
يعني كانك حاطن الموتر بنمرة 3 تخليه تمشي غصب

[فتى شنه]

بعد كلامك ذا أتوقع بنسبة 99% أنه البلف


ان شاء الله بكره باركب بلف جديد واجرب شاكر لك




التيربو واضح اذا كان شغال
اذا دست ديزل و هو واقف
يطلع صوت صفير للتيربو
اذا كان التيربو طافي
يصير العزم ضعيف
بمعنى
اذا نهضت الموتر عند اشارة مثلا
تحس ان قومة الموتر غبية
كانه طايح نص العزم
يعني كانك حاطن الموتر بنمرة 3 تخليه تمشي غصب



لا لا يطلع صوت صفير اكيد على كلامك انه شغال



لا هنتوا يالذيابه

[فتى شنه]

يالربع غيرت بلف حرارة جديد وصيخت الاديتر وغيرت فلتر هواء جديد ولازالت المشكلة موجوده

صرحه حيرني امر هالموتر علما انه لا يوجد تهريب ماء


الغريب بالامر اني من يومين كنت معزوم بالمزاحميه المهم خذيت الزوزو طبعا نزلت مع نزله القديه امش 170 وصل انبير الضغط على الاحمر

تصدفون يااخوان ماارتفعت حراره بالمره المهم قلت زين انحلت المشكله المهم بعد مانزلت من النزله واكتم لها الى والله يوم شلعت الحراره

بعدها شكيت فيها اذا كنت مسايس الدعسه ماترتفع واذا كتمت لها على طول ترتفع

غير كذا التغاريز واذا شدبت الموتر بنمره ترتفع


يعني الحراره ترتفع حسب كتمة الدعسه



يالربع شفو لنا حل مع اهالمشكلة

[فتى شنه]

للرفعععععع

[فتى شنه]

للرفعععععع

[سوبر VTC]

مبارك عليك الشهر الفضيل

تاكد لا يكون اديتر الماء + المكيف

متلطس يحجب دخول الهواء شجر طين..........الخ

اذا كانت رصات الاديتر سخيفه مره يعني دقاقه

فالتسييخ ما يفيد لان الماء مايدور بالسرعه الكافيه من و الى المكينه

اقرب مثال

رديتر الباثفندر التسييخ ما ينفع

لان الرصات ضاغطه على بعض و متضيقه مجاري الرصات

تاكد من انبير الحرارة لا يكون خربان

موفق

[4800VTC]

صيف+ديزل+غراز+دبل ثقيل=وش تتوقع
صيف+ديزل+سرعه عالية =وش تهقى

[سوبر VTC]

صيف+ديزل+غراز+دبل ثقيل=وش تتوقع
صيف+ديزل+سرعه عالية =وش تهقى





هههههههه :D:p
اضحك الله سنك
شكلك من اعداء الديزل :p :j
معروف عن الديزل بالسرعات العاليه انه يحتمي
لكن
مع احد الربع سوزو تماتيك م2004 يمشي على سرعه 160
و الحرارة تمام :good:

[فتى شنه]

مبارك عليك الشهر الفضيل

تاكد لا يكون اديتر الماء + المكيف

متلطس يحجب دخول الهواء شجر طين..........الخ

اذا كانت رصات الاديتر سخيفه مره يعني دقاقه

فالتسييخ ما يفيد لان الماء مايدور بالسرعه الكافيه من و الى المكينه

اقرب مثال

رديتر الباثفندر التسييخ ما ينفع

لان الرصات ضاغطه على بعض و متضيقه مجاري الرصات

تاكد من انبير الحرارة لا يكون خربان

موفق


الله يبارك بيامك اخوي vtc

بالنسبه للنبير الحراره مضبوط

لكن مافهمت عليك الفقره اللي قبلها كيف اتاكد من اللي انت ذكرته اخوي


صيف+ديزل+غراز+دبل ثقيل=وش تتوقع
صيف+ديزل+سرعه عالية =وش تهقى
ههههههههههه

خبرك عتيق بالزوزو اخوي اللي تتكلم انت عنها المكاين القديمه لا وتنقص زيت وهي جديده بعد خخخ

[قطب 999]

رح عند مغسلة بستم يكون الماء عندهم مضغوط صح وفك الشبك الامامي ثم اغسل اديتر المكيف والماء بالماء المضغوط حتى تطلع التراب والغبار اللي في الاديترات وممكن يكون حجب الهواء من تبريد المكينه والاديتر

[msaed123]

السلام عليكم
عندي بعض النصايح لك اخوي:
علشان تحاصر المشكلة وتعرف مكانها بأقل خساير انصحك اذا كنت بالبر ومعشق الثقيل واحتمى الموتر انك تصب ماء بكثرة على الاديتر بعد كذا
اذا نزلت الحرارة فان طرمبة الماء عندك سلمية والبلف سليم والاديتر سليم وراس المكينة سليم يبقى تتأكد من تماتيك المروحة وريشة المروحة يمكن (مقلوبة)او متشعرة
اما اذا مانزلت الحرارة على طول تأكد من الطرمبة يمكن مراوحها الداخلية متواكلة ولا تدور الماء كويس او من الاديتر ممكن قد انخرم ولحموه وسكرو احد مواصيره لانه يسبب بطء بدوران الماء اللي يسبب الحرارة
ولها احتمالات ثانيه تتبين بعد التجربة هذي
ارجو اني ماطولت عليكم (مكانيكي على خفيف)
:d:d:d

[سوبر VTC]

الله يبارك بيامك اخوي vtc

لكن مافهمت عليك الفقره اللي قبلها كيف اتاكد من اللي انت ذكرته اخوي




جزاك الله خير
الرصات مجاري الماء بنفس الاديتر
دس ديزل و الغطاء مفتوح
اذا دار الماء بالشكل المطلوب فالرصات ان شاء الله سليمه
اذا ما دار
ربما طرمبه الماء او هناك سدد في الرصات

[فتى شنه]

رح عند مغسلة بستم يكون الماء عندهم مضغوط صح وفك الشبك الامامي ثم اغسل اديتر المكيف والماء بالماء المضغوط حتى تطلع التراب والغبار اللي في الاديترات وممكن يكون حجب الهواء من تبريد المكينه والاديتر

هلا اخوي غسلت الاديتر من الامام ونفس الوضع ماتغير شي



السلام عليكم
عندي بعض النصايح لك اخوي:
علشان تحاصر المشكلة وتعرف مكانها بأقل خساير انصحك اذا كنت بالبر ومعشق الثقيل واحتمى الموتر انك تصب ماء بكثرة على الاديتر بعد كذا
اذا نزلت الحرارة فان طرمبة الماء عندك سلمية والبلف سليم والاديتر سليم وراس المكينة سليم يبقى تتأكد من تماتيك المروحة وريشة المروحة يمكن (مقلوبة)او متشعرة
اما اذا مانزلت الحرارة على طول تأكد من الطرمبة يمكن مراوحها الداخلية متواكلة ولا تدور الماء كويس او من الاديتر ممكن قد انخرم ولحموه وسكرو احد مواصيره لانه يسبب بطء بدوران الماء اللي يسبب الحرارة
ولها احتمالات ثانيه تتبين بعد التجربة هذي
ارجو اني ماطولت عليكم (مكانيكي على خفيف)
:d:d:d


والله يااخي ماعاد بقى الى ثلاث اما تماتيك المروحة مع السرعه مايعطي المروحه لفه قويه

لكن كيف اختبر تماتيك المروحه ان جيد او خربان

وكذلك طرمبه المويه كيف يبين لي حتى اختبرها غير الطريقه اللي ذكرتها اخوي

واخيرا الراس وهذا اخر ما افكر فيه




جزاك الله خير
الرصات مجاري الماء بنفس الاديتر
دس ديزل و الغطاء مفتوح
اذا دار الماء بالشكل المطلوب فالرصات ان شاء الله سليمه
اذا ما دار
ربما طرمبه الماء او هناك سدد في الرصات



كل الشكر اخوي راح اشوف الطريقه واقولك لكن تماتيك المروحه كيف اختبره انه شغال

[عاشق فن بشير]

مبارك الشهر عليكم اخوي اسال الله ان يبين علة سيارك00 تبي تختبر التماتيك المروحه حرك المروحه بخفيف اذ كانت ثقيله التحرك فهي شغاله اما اذكانت خفيفه فاتماتيك خربان تاكد من ليات التربو اذ كانت مسدوده اولا الفلتر يمكن لاي الفلتر اواللي الي دخل للمكينه

[فتى شنه]

شكرا لك اخوي عاشق غيرنا التماتيك من التشليح ولا زال الت المشكلة موجوده

[رقبة حاشي]

اذهب لراعي الرديترات اللي ينظف مجاري المكينه ويحط فلاش واشياء اخرى عشان يطلع الرماد والانسداد وبعض الصدأ / أذكر زميل لنا مكشاتي صارت له نفس المشكله وعمل زي ماذكرت لك وضبط 200% / .... وبالتوفيق

[فتى شنه]

والله اني احترت منها اخوي مدري وش بقى غير الطرمبه حقت الماء