يالأجواد وش رايكم بجيب تويوتا فورتشنر Fortuner

[الأجودي]

السلام عليكم ورحمة الله
ياشباب افكر اشتري لي جيب تويوتا فورتشنر ولكن ماعرف عنه شي الا انه تويوتا :) ويجي اربع سلندر او ستة سلندر
ان شاء الله بشتري توماتيك فوش رايكم ؟

وجزاكم الله خيرا

[شاص2006]

السلام عليكم اخوي تبي نصيحتي خذلك فور تشنر 6سرندل طع شوري

الأربعة سرندل ضعيييييف

[الآسيف2]

الله يبارك لك في واحد ستة سلندر

وابعد عن الاربعة

[الربذي]

هج عن الاربعة وخذ 6افضل واقوى

ومبارك مقدما

ماعليش نسيت وعليكم السلام ورهيب 2009 عدلوا تكييفه المركزي وصار مثل الناس سنع اول خلفي فتحة وحدة اظن مضحك وغير مجدي .....

[محمد بن سعيد]

الله يوفقك بالسيارة اللي تبي
انا معي 6 سلندر طع شوري وخذ 6 سلندر الأربعة سلندر ضعيف على التماتيك لكن تراه حليل مع العادي

[الأجودي]

جزاكم الله كل خير

[المميـز]

توكل على الله وخذ الـ 6 سلندر ولا تقرب الـ 4 سلندر

سيارة عائلية .. شبابية .. إقتصادية

وعليك بموديل 2009 لان التكييف الخلفي مركزي

واي سؤال حاضرين :)

[ابويارا1001]

V6V6V6V6V6
V6V6V6
V6
AUTO
ولا تفكر في 4

[بن سليمان]

انت حر بفلوسك بس حرام تدفع فيه 90 الف ريال ريال ينطح ريال والظاهر سعر الفل كامل تقريبا 110 الف ريال تدري ليش علشانه تجميع اندونيسي او تايلندي والشركات لما تروح لمثل هذه الدول وتصنع فيها تبحث عن قلة التكلفة علشان ترخص بضاعتها لكن اللي حاصل عندنا العكس رغم أن المواصفات ملعوب فيها وشكل قبيح المفروض سعرها ما يتجاوز 50 الف او حولها أرجع واقول انت حر بمالك لكن ارشحلك نيسان اكستيرا أفضل منه من جميع النواحي واحب انبهك على نقطة اذا قررت تاخذ فورتشنر فيه نوع منه يجي بدون دبل انتبه لا يغشونك

[كاشت24]

بن سليمان
اشهد انك ظلمت الموتر انا معك ان الفورشنر شكلها جداً عادي مقارنة بجيب الباثفندر وليس اكستيرا
ولكن الفورشنر 6 سرندل بذات اقوى من النيسان وسعره فيه والدليل ادخل السوق قليل ما تلقاه وان لقيته بيكون شاد حيله بسعره وصدق من قال انه شيك بالمخبى وبعدين الرجال ما يدرو الشكل الحين ولكن يبي يعرف السيارة هل هي قوية وينشد بها الظهر ولاهو عيب انها تكون تجميع استرالي او غيره لأن اغل السيارات الأن ومنها الكابرس والباثفندر وغيره تجميع اما امريكي او استرالي
واذا بغيت رايي اخوي الاجودي اسئلني انا
السيارة معي وكالة من 2006 يعلم الله انها ممتازة وماحتاجت مني اي شي سواء بالمدينة او البر
وعيبها فقط التكييف الخلفي وضبطوه في 2009
و انا ان شاءالله ناوي على 2009
و تمنياني للجميع التوفيق

[الربذي]

اما لو يجي فل
فتحة .مثبت .دفلك
لاشتريتها وانا مغمض ..

وصراحة السعر مبالغ فيه مرة مرة....

[كاشت24]

الخليجي فيه كل هذي المواصفات
اما السعودي
فيه مثبت وفيه دبل كامل بعد

[محمد بن سعيد]

اخوي الربذي الموتر ينقصه فتحه فقط اما الدفلك والمثبت موجودة فيه من عام 2006

بن سليمان ظلمت الموتر لكن اللي بقوله قاله اخوي كاشت 24

[بن سليمان]

بن سليمان
اشهد انك ظلمت الموتر انا معك ان الفورشنر شكلها جداً عادي مقارنة بجيب الباثفندر وليس اكستيرا
ولكن الفورشنر 6 سرندل بذات اقوى من النيسان وسعره فيه والدليل ادخل السوق قليل ما تلقاه وان لقيته بيكون شاد حيله بسعره وصدق من قال انه شيك بالمخبى وبعدين الرجال ما يدرو الشكل الحين ولكن يبي يعرف السيارة هل هي قوية وينشد بها الظهر ولاهو عيب انها تكون تجميع استرالي او غيره لأن اغل السيارات الأن ومنها الكابرس والباثفندر وغيره تجميع اما امريكي او استرالي
واذا بغيت رايي اخوي الاجودي اسئلني انا
السيارة معي وكالة من 2006 يعلم الله انها ممتازة وماحتاجت مني اي شي سواء بالمدينة او البر
وعيبها فقط التكييف الخلفي وضبطوه في 2009
و انا ان شاءالله ناوي على 2009
و تمنياني للجميع التوفيق
لا إن شاء الله ما ظلمت الموتر حنا اللي مظلومين بالاسعار انا ما تكلمت عن جودة صناعة السيارة تكلمت عن سعرها المبالغ فيه بقوة ولا اعتقد أنه شيك بالمخبى مثل ما تقول ناخذ مثال موترك بكم اخذته ؟ لو تبيعه الحين كم يجيب ؟ الفل كامل يباع الآن بحدود 110الف ريال بعد سنتين كم يجيب الموتر ؟
والاكستيرا شكليا وإلى حد ما يشبه الباثفندر وبالنسبة لي هو اجمل من الفورتشنر ولا فيه من التويوتا أقوى من الاكستيرا تبغى نتكلم عن الارقام الفورتشنر محركه سعته 4.0 بقوة 235 حصان الاكستيرا سعة المحرك 4.0 بقوة 291 حصان شفت الفرق ما فيه مقارنه الاكستيرا افضل واقوى من الفورتشنر في البر حتى انه تفوق على الهمر
وبعدين تقارن سيارة مصنوعة في أمريكا بلد الصناعات والتكنولوجيا أو حتى في استراليا بسيارة مجمعة في اندونيسيا ومثل ما قلت تويوتا تجمع في اندونيسيا علشان تخفف من التكلفة علشان يكون سعر السيارة نازل وعندنا أقل نوع في الفورتنشر وبدون دبل وقير عادي سعره بحدود 72 ألف ريال أجل إذا كان يصنع في اليابان بكم يطلع سعره ؟
أرجع وأقول للاخ الاجودي أنت حر بمالك لكن حبيت اوضح نقطة السعر الجودة اخليها لك بحكم انك تمتكلك فورتشنر ولن اتكلم عنها رغم اني لي تحفظ على جودتها وخصوصا الديكورات والقير


بن سليمان ظلمت الموتر لكن اللي بقوله قاله اخوي كاشت 24
اخوي محمد بن سعيد نفس ردي على اخونا كاشت 24 الموتر سعره مبالغ فيه بقوة

[قرم العيال]

والله الي يعيبه سعره مبالغ فيه

110 كثيره

[Bader-M]

سيارة رائعه ولكن سعرها غالي جدا

اذا اخذتها لا تشتري الا فل كامل 6 سلندر

تحياتي اليك

[.أبوعبدالرحمن]

السيارة ما عليها كلام وبالذات 2009 وطبعا الـ 6 سلندر

اما الـ 4 سلندر عزمة حليل


ومن ناحية الجودة توكل على ولا تفكر

[wewe150]

بن سليمان وكاشت

السلام عليكم

اختلاف الاراء لايفسد الود اللي يجمعنا في مكشات

انا بقول رايي 2009 ابداع هندسي في التصميم وشكلها احسن من الباث بعد

وبالنسبه للسعر كل تويوتا غاليه والفورتشنر يعتبر ارخص جيب في تويوتا 6 سلندر

خذ مثال كم سعر اللاند مثلا

والشركات المنافسه اكيد ارخص من تويوتا لكن التويوتا شيك في الجيب بسبب شغف الناس فيه لو انه مصنوع في لبنان ومجمع في بقلادش حط شعار تويوتا يطلع غالي