المساعد الشخصي الرقمي

مشاهدة النسخة كاملة : لخبراء الهايلوكس غمارتين


alqady8667
29/06/2009, 11:47 PM
السلام عليكم ورحمة الله وبركاته

عندي هايلوكس غمارتين 2002 وتقولون زي الارنب تنطط على الطريق مع ان مافيها لا ترفيع او تنزيل
والله فكرت ابيعها من عدم الراحه على الطريق
لكن قلت من خلال وجود الخبراء والمهتمين بالهايلوكس اذا عندهم حل لسيارتي من خلال نوعية الكفرات او اليايات او المساعدات او اي شي ثاني ممكن يساعدني على البقاء على سيارتي وتصير مريحه
وللعلم انا عندي تحميل خاصه شعير واسمنت وغيرها
وشكرا لكم واتمنى مساعدتي
ودمتم بود
faris2006
30/06/2009, 12:01 AM
السلام عليكم
شف المساعدات
سوبر VTC
30/06/2009, 01:10 AM
و عليكم السلام و رحمة الله
على كلام الربع الين كفر للموتر هو الهانكوك وتحط بالكفر 20 او 25
نقطة اخرى
يحط مساعد جبريل اللي يجي ثلاث طقات
و يوضع على الطقة الوسطى
بعضهم يدبل المساعدات بس يمكن يكون المطب جامد
بعضهم يحط مساعد غاز او زيت مرسيدس
على ما اعتقد
بعضهم يحط سسته مقوسة على نفس الكمرات الامامية
بمعنى يلحم قاعدة لكل كمر ثم تدخل السسته بالطول
و فائدتها تخفيف المطامر و المناقز
تحياتي
عاشق وسم
30/06/2009, 05:24 AM
السلام عليكم أخوي ...


الهايلوكس ذي الموديلات ضروري تغير المساعدات الأمامية لأنها ما تمسك الموتر صح ..


وأفضل مساعدات تركبها بدال الوكالة هي مساعدات مرسيدس الجديدة ب 230 ريال الاثنين طبعاً


وتركيبها عند مبارك في الصناعية القديمة في الرياض هو أفضل واحد يركبها ...


و إن كانك راعي تحميل ركب (( لعابات )) للسست الخلفية مقاس الوكالة يجي 15 سنتي


انت ركب بدالها 18 سنتي مناسب او بالكثير 20 سنتي اذا كان تحميلك ثقييييل سعرها ما يتعدى 80 ريال مع التركيب ..


وان كان ودك تغير المساعدات الخلفية ركب مساعدات جبريال ام ثلاث طقات هي افضل شيء


وبالنسبة للراحه في الخطوط ترى تـلـبـيـس المراتب يفيد بشكل كبيير عن تجربة :good:


انا داري اني طولتها وهي قصيرة :D


أتمنى اني افدتك و لو بالقليل وأي خدمه انا حاضر


:heart: تحياتي لك أخوك :heart:
سوبر VTC
30/06/2009, 10:47 AM
على فكرة اخوي عاشق وسم
جاب معلومة مهمة
كل ماطال اللعاب خف المطب
لو تلاحظ الان الجيب الحوض شد بلد 11سسته
فيقومون بسحب الامية الكبيرة ثم
تسحب الثنتين العريضات اللي بعده
و ان كنت راعي حمل احمل اسحب وحده من العريضات
ثم من كل نوع من اللي بعدهن تسحب سسته
فيصر مجموع المسحوب 4سست
و ان سحبت الثانية من الثنتين العريضات يصير مجموع المسحوب 5
ثم بدال مايكون الموتر نازل يحطون لعاب 18سم
فيرتفع الموتر من الخلف يصير شد بلد
و ايضا يخف المطب لان المطب يضيع بطول اللعاب
و هذا هو الشاهد
alqady8667
30/06/2009, 05:54 PM
مشكورين على الاجابات
لكن انا بالجنوب ومدري اول مره اسمع باللعاب
وانا اخاف لا يضر المزتر لاني احمل باستمرار حمولات ثقيله
اسير الغضا
30/06/2009, 08:05 PM
اخوي الغالي ماانصحك بهانكوك اذا كنت راعي تحميل وتنزيل لانهن يتسحلن بسرعه خاصة اذا صارالهوا اقل من 30 شوري عليك ركب مساعدات غاز ولا تدبل المساعدات مانتب حاس بهزه بس بالمقابل تبي تصير يابسه
والله يكون بعونك
سوبر VTC
01/07/2009, 01:26 AM
مشكورين على الاجابات
لكن انا بالجنوب ومدري اول مره اسمع باللعاب
وانا اخاف لا يضر المزتر لاني احمل باستمرار حمولات ثقيله


اللعاب===> هو صاج حديد عريض تقريبا 8ملي
مكانه
بمجموع السست من الخلف حيث يوجد مسمارين اثنين
مسمار يمسك السست
و مسمار يربط بقاعدة بالشاصي
و الحديدتين الثنتين او الصاج او اللعاب مقابلة لبعض يمسكن السست و شاصي الموتر و يركب عليهن المسمارين
alqady8667
01/07/2009, 12:14 PM
شكل اللعاب شغله طويله عريضه
طيب وش نوع المساعدات الغاز ووين الاقيها انا بالجنوب
وهل تركب على طول او يبيلها توليف
alqady8667
02/07/2009, 12:27 PM
مافيه احد يعرف المساعدات الغاز وكم سعرها ووين الاقيها
ابن مكرم
02/07/2009, 02:15 PM
اخوي انا معي هايلكس 2004 كفراته يوكوهاما والضغط 25 وركبت اربع مساعادت جابريال البيضاء ما كلفتني الا حول 300 وشوي وتنجيد المقاعد وسار مطبه اخف من قبل
alqady8667
03/07/2009, 08:34 PM
مشكورين واتطلع الى المزيد من الاضافات من خبراء الهلي
alqady8667
07/07/2009, 07:33 PM
كل واحد منكم عنده هايلوكس من 2002 الى 2005 يحاول يحافظ عليها وخصوصا مكينتها
والسبب ان قطع غير التوضيب فقط قطع تكلف حوالي 5500 من غير شغل اليد والمخرطه
مكشاتي 2012
08/07/2009, 01:06 PM
ياجماعه الي يقول مساعدات جبريال البيض ام ثلاث طقات بكم سعرها 2 ورا