المساعد الشخصي الرقمي

مشاهدة النسخة كاملة : ممكن نصايحكم في الشروكي 2001


التعـ King ـديل
30/06/2009, 01:08 AM
السلام عليكم ورحمه الله وبركاته

اخواني المكشاتييين حياكم الله كلن بااسمه ومنورين الموضوع

مالكم بالطويله واحد من العيال شرا له شروكي 2001 لون اسود كلاسيك ويبي نصايحكم بالتضبيطات

الرجال راعي خطوط ومو كثير يدخل البر وابي كل من عنده خبره او فكره مايبخل بها على خوينا وجزاكم الله خير مقدمآ

ياليت كل من يشرف على الموضوع يطرح فكره او يدعي لصاحب الموتر بالخير لااحد يطلع ماكتب شي طلبتكم
سوبر VTC
30/06/2009, 01:35 AM
و عليكم السلام و رحمة الله
الله يطعمه من خيره و يكفيه شره
و يقطعه بالعافية
اهم نقطة
يشيك على الاديتر لان اديتره صغير 8لتر ماء تقريبا
اذا كان متسدد يصيخه ضروري عشان ما يحتمي الموتر و يمكن يخبط
الشيروكي به ميزة اذا احتمى مرة او نقص الماء يطفى الموتر
اهم شي الادتير يكون رصتين شد بلد
الكندي رصتين اخبره سعره ب700ريال
كل رصه 26 فتحه باجمالي 52فتحه و ذلك اسرع بتبريد الماء
الاردني رصه وحده يمشي الحال ب400ريال
و يحط محلول اي سي ديلكو او محلول موبار و الباقي مقطر
و باقي المقطر ضعه في علبة الراجع او القربة و لا يتجاوز الخط الاعلى
يحط بلف كابرس رقم 160 حيث يفتح على حرارة 60 عشان ما يحتمي الموتر و ابرد للمكينة يغير غطاء الادتير ضروري جدا اذا كان خربان او به
شيك على طرمبة الماء اذا كانت تدفع ام لا سعره ب120ريال
تنسيم و اذا كان امريكي يحط سعودي يشيك على السيور و البواجي ب60ريال
اهم نقطة يغير فلتر البنزين فوق التانكي سعره تقريبا ب220ريال زيت القير يغير تقريبا كل 6اشهر او تقريبا 25000الف كيلو ياخذ 5علب تقريبا اي سي ديلكو كلما غيرت زيت القير عند 25000الف افضل من ناحية نظافة القير و الكلتشات هذا طبعا اذا كان تماتيك
و فلتر القير يغسل ببنزين لانه حديد و لا يلزم تغيره و سعره تقريبا ب40 او 60 ريال
شيك على الفحمات و الهوبات شيك على الكوارين اذ كان ناقص غلقه زيت 90 او 140 و الافضل 140 لانه يقلل ضوضاء الكارونة اذا كان فيها ونه و اذا غيرت زيت الكارونة الخلفية ضع معه علبة مانعة احتكاك ب20يال جي ام زرقاء علبة صغيره لان به كلتشات زي الدفلك يدورن الكفرات لذلك قومة الموتر ثقيلة انصحك لا تلمس الكارونة لا تحرك ساكن
شيك على زيت الفرامل و الدركسون شحم عمود الدبل و الكردان و الركب و ذراع الدركسون
انتبه المكينة يوضع بها 4 علب زيت فقط و 4 الى 4 و ثلث مع السيفون و اذا زاد عن ذلك فقع عليك صوفة المكينة اللي بين المكينة و القير
يوجد بنفس عيار الزيت كلمة (safe) بمعنى امان موجودة بين خطين بمعنى لا ينقص و لا يزيد الزيت عن هذين الخطين
مع تنظيف فلتر الهوا
الدبل تعشق الخفيف باي سرعة بشرط ترفع رجلك عن البنص اما الثقيل تحط القير ب (p) او بالتامين و تعشق الثقيل عشان ما يقر الترس
لانه بهذه الحالة يوقف القير من داخله و لا يدور بعكس اذا كنت واضع القير على (n) فانه يقر و يحتاج يد خفيفة و سريعة عشان ما يقر
ادري اني اثقلت عليك بالكلام اللي يوجع الراس :D:D
بالهناء و العافية ===> صار عشا :p
تحياتي
التعـ King ـديل
30/06/2009, 03:37 PM
نورتني اخوي سوبر

الموتر سعودي .. انت عطيتني لسته بالتشييك انا ودي بحركات تضبيط تقدر تساعدني
التعـ King ـديل
30/06/2009, 09:35 PM
34 زائر ولا رد الا اخونا سوبر

هذا وانا قايل لااحد يطلع الا برد على الاقل اذا ماعندك فكره او مشوره اكتب ماشاء الله تكسب اجر وتكسب مشاركه بالمنتدى

هذا وانا طالبكم طلب ان مااحد يطلع ماكتب شي
التعـ King ـديل
02/07/2009, 12:40 AM
52 زائر حسيت اني طالب سلف مب دعوه ولا فكره

وش سالفه الدخول والخروج بدون كتابه الله يعطيه خيره على الاقل
شروكي ربع
02/07/2009, 02:58 AM
معليش يخوك المطلوب غريب :confused:

الرجال راعي خطوط ولاهو راعي بر ويبي تضبيطات ؟؟

وش المقصود بالتضبيطات , لانه مافي تضبيطات للخطوط ;)
التعـ King ـديل
02/07/2009, 03:02 AM
التضبيطات جنوط - مراوح - ترفيعات
مهراس
02/07/2009, 03:23 AM
الأخ الفاضل خبير نيسان:

التضبيطات ممكن تاخذ فكره عنها من الأنترنت، أكتب أحد الجمل التاليه في أي محرك بحث:
Cherokee upgrades
Cherokee performance
Cherokee adds on

ولو صادفك الرمز XJ فهو يعني الجيب الشيروكي.
أيضا أحب ان أضيف هذه المعلومات عن الجيب الشيروكي م 2001:
موديل 2000 مع موديل 2001 يتميز عن باقي الموديلات السابقه هو ان مكينته زادت 3 حصان وأصبحت 193 بسبب الأستغناء عن الديلكو ووضع كويل فوق كل بخاخ، وبسبب أيضا التعديل في الثلاجه ومخارج الأقزوز.

سوف تجد الكثير من التعديلات اللتي تزيد من قوة المحرك، أتمنى لكم التوفيق.
التعـ King ـديل
02/07/2009, 05:53 PM
جزاك الله الف خير اخوي مهراس

ممكن سؤال التعديلات اللي صارت في موديل 2001 اثرت على مشاكل الحراره اللي يعاني الشروكي؟
التعـ King ـديل
03/07/2009, 02:37 AM
اكثر من 100 زائر حتى كلمه مبروك والله يمهل لراعيه ويكفيه شر الموتر

المشكله لو ان واحد منكم حط موضوع ولا احد رد عليه زعل وانا طالبكم طلب

اللي ماعنده فكره او اقتراح يكتب كلمه ماشاء الله ويذكر الله ويبارك للرجال

منها كسبت مشاركه وكسبت اجر بدعوتك لاخوك المسلم
أبوحمد 505
03/07/2009, 02:50 AM
ماشاء الله ولا إله إلا الله
الله يبارك لة بالموتر ويعطية من خيرة ويكفية شرة

بس ياخوي أنت تقول خطوط وأهم شي بذا الحر الكفرات خلة يحرص على الكفرات اللي تتحمل الحر
ويتفحص الزيت ويشيك على المكينة وتفقد حرارة الموتر والفرامل وربلات البيبان إذا كان فيها صوت هواء
ويتوكل على الله هذا اللي أعرفة
التعـ King ـديل
03/07/2009, 02:40 PM
جزاك الله خير اخوي ابو حمد شرفني مرورك ومشكور على النصيحه
التعـ King ـديل
03/07/2009, 02:46 PM
http://www.rofof.com/img2/7ftpbi3.gif