كم المسافة من الرياض الى بيشة

[الزين82]

السلام عليكم


كيفكم يا اخواني المكا شيت


انا ابغا طريق بيشة طبعا من الرياض

لاني ودي اروح الى بيشة اتمشا فيها فيا ليت احد يعلمنا طريقها بتفصيل وكم المسافه

وماهي المدن التي راح امر عليها
وهل الطريق مزدوج

واتمنا احد يفيدنا ولا يبخل علينا


واتمنى لكم التوفيق

[وضح النقى]

من الرياض إلى بيشه مثل من بيشه إلى الرياض >>>>>>>>>>> أمزح معك لا تزعل


خط السير 1
الرياض ـ وادي الدواسر ــ تثليث ـ بيشه تقريبا 900 كلم ما أنصحك به تمر ديار واجد بإشارات واجد ومطبات واجد وتفتيشات واجد

خط السير 2
الرياض ـ وادي الدواسر ـ الدار البيضاء قريبه من رنيه ـ بيشة
حدود 900 كلم ما أنصحك به أبد لأنه من وادي الدواسر إلى الدار البيضا 220 كلم خط سيء ومزدحم بناقلات الأعلاف كبيرها وصغيرها ومقطعه وما تقدر تحول عن الزفلت ولا فيه كتف ومسار واحد سيئ إلى أبعد الحدود

خط السير 3
الرياض ـ مفرق الخرمه ـــ رنيه ـــ بيشه ـــ 1000 كلم طبعا طريق الحجاز السريع


خط السير 4
الرياض ـ ظلم ــ الخرمه ـــ رنيه ـ بيشه 900 كلم أيضا طريق الحجاز السريع لكن تفرق من كبري ساسكو اللي بعد ظلم مباشرة يختصر حدود 90 كلم وهو الأنسب في نظري لأنه وسيع ولا بعد دلوه أهل التريلات ولا هوب مزحوم

أرجو إني أفدتك
ولا تنساني من دعواتك خصوصا وانت في السفر فدعوة المسلم لأخيه في ظهر الغيب مجابة وكذلك دعوة المسافر مجابة فكيف إذا اجتمعت


أخيرا أتمنى لك سفرا سعيدا

وإذا احتجت شي من بيشة أو أحد الأخوان فالرجاء مراسلتي على الخاص
ويشرفني زيارتكم جميعا لي في بيشة الفيحاء

أبو لجين من نجد العذيه ساكن بيشة الفيحاء

[بن.حسن]

خط السير 4
الرياض ـ ظلم ــ الخرمه ـــ رنيه ـ بيشه 900 كلم أيضا طريق الحجاز السريع لكن تفرق من كبري ساسكو اللي بعد ظلم مباشرة يختصر حدود 90 كلم وهو الأنسب في نظري لأنه وسيع ولا بعد دلوه أهل التريلات ولا هوب مزحوم

اخي وضح النقى

اولا مشكور على وصفك للطريق
وعندي سؤال احتاج اجابتة لوتكرمت
ابي اعرف كم المسافة من كبري ساسكو الى الخرمة
وهل يوجد محطات من المفرق الى الخرمة
وشكرا لك مقدما

[وضح النقى]

اخي وضح النقى


اولا مشكور على وصفك للطريق
وعندي سؤال احتاج اجابتة لوتكرمت
ابي اعرف كم المسافة من كبري ساسكو الى الخرمة
وهل يوجد محطات من المفرق الى الخرمة


وشكرا لك مقدما

هلا والله اخوي ابن حسن

الإجابة على سؤالك هي من كبري ساسكو إلى الخرمه 88 كلم

والخط هذا لا يوجد به محطات سوى واحده بالقرب من الخرمه تبعد عن الخرمه حدود 5كلم

والخط زين بالمره توي ماشي أمس معه من بيشه إلى الرياض والحمد لله ولا فيه أي خطر بإذن الله
لا من ناحية التصميم ولا من ناحية الأمن

أنتبه أول ما تقرب من الخرمه ثم انتبه ثم انتبه من سواقة الشيبان والعمال والمتهورين من الشباب والحريم :j

وهذا مهم في أي ديره توصلها

وإن شاء الله توصل بالسلامة
تحياتي للجميع

[بن.حسن]

هلا والله اخوي ابن حسن

الإجابة على سؤالك هي من كبري ساسكو إلى الخرمه 88 كلم

والخط هذا لا يوجد به محطات سوى واحده بالقرب من الخرمه تبعد عن الخرمه حدود 5كلم

والخط زين بالمره توي ماشي أمس معه من بيشه إلى الرياض والحمد لله ولا فيه أي خطر بإذن الله
لا من ناحية التصميم ولا من ناحية الأمن

أنتبه أول ما تقرب من الخرمه ثم انتبه ثم انتبه من سواقة الشيبان والعمال والمتهورين من الشباب والحريم :j

وهذا مهم في أي ديره توصلها

وإن شاء الله توصل بالسلامة
تحياتي للجميع



مشكور اخي وضح النقى
على سرعة ردك على استفساري
ومن حول ثلات اسابيع جيت خط الخرمة
رنيه الباحة بس يوم قلت على الخط 3
حبيت اسفسر منك المعلومات
لاني عقب كم يوم ماشي بإذن الله
اكرر لك شكر
تقبل تحياتي

-----

[وضح النقى]

العفو اخوي لا شكر على واجب
وما تشوف شر وان شاء الله تروح وترجع بالسلامة
تحياتي

[الزين82]

مشكور اخوي وضح النقى........واسف على تأخري.

وسبب تأخري هو انقطاع الانتر نت

وبنسبه لاجبتك وفيت وكفيت والله يعطيك الف الف عافيه اخوي

والله يجزاك خير

[وضح النقى]

هلا بالزين

ما سوينا الا الواجب

تحياتي للجميع مع تمنياتي لهم بالسلامة دوما

[جبرني وقتي]

مشكور وما قصرات