المساعد الشخصي الرقمي

مشاهدة النسخة كاملة : رجفهـ بالسيارهـ اول ماقومها وبرضوا وانا واقف ,,


Fmejrad
01/07/2009, 12:26 AM
السلام عليكم ورحمه الله وبركاته ,,

اخواني الكرام اليوم كنت طالع بسيارتي من الساعه 7 المغرب تقريباً الى الساعه 12 بليل وطول الوقت السياره ماطفت ابد وكانت تماام مافيها اي مشاكل ولله الحمد

المهم لما جت الساعه 10 تقريباً بديت احس برجفه بالسيارهـ ,, بالبدايه كانت بسيطه وقوت شوي بعدين ,, وانا واقف مثلا عند اشاره اشوف السياره كنها ترتعش شوي والامبير ضغط المكينه يتحرك شوي وكان نور الطبلون يخف شوي ,,

وبرضوا وانا واقف ودعست دعسه خفيفه او قويه احس السياره ترتعش شوي ثمن تمشي عاادي بدون اي مشاكل ,,

مع العلم اني مغير البواجي قبل اسبوع ,,

تتوقعون من ايش المشكله بارك الله فيكم

نوع السياره همر h2 2003
ابوزياد99
01/07/2009, 11:39 AM
توماتيك ولا عايدي يكن من الكلتش مو اكيد بس تبين مع اللي يفحصها لان فيه اشياء كثيرة يمكن كهرب
Fmejrad
01/07/2009, 03:04 PM
شي طبيعي انها تماتيك اخوي ابو زياد !
Fmejrad
01/07/2009, 04:39 PM
ويييين الخبراء :(
Explorer 4X4
01/07/2009, 05:32 PM
اخوي انا معي جيب اكسبلورر كانت عندي نفس المشكله وغيرت البواجي

ولكن مافادت سويت تصفية كامله


وهي كالتالي: تصفية بخاخات .. وتغير بواجي مره ثانية .. واسلاك بواجي ( افضل لكن مو ضرورية اما اذا كنت مشيت عليها 120 الف وفوق لازم تغيرها )
... صفاية بانزين ... وكل الشغله كلفتني .... 120 ريال بواجي .... ومنظفف ببخاخات اي سي ديلكو 15 ريال ... واسلاك بواجي 240 ريال .... صفاية بانزين 45 ريال .... وشغل ايدين العامل 350 ريال (تصفية كمبيوتر) في تصفيه عادية انتبه ....

كلفني كله 770 ريال (اسمها تصفيه كامله)

وقطع غيار الهمر يعني مافي فرق كبير حوالي هالسعر


مع تحياتي ياليت اكون افدتك ... ابوسعد
الضاحي
01/07/2009, 05:34 PM
تأكد من البواجي ...
راعي المجهم
01/07/2009, 06:48 PM
نظف منظم الهواء والحساسات قبل فترة قرأت موضوع لمشكلتك

http://www.mekshat.com/vb/showthread.php?t=208116
غربي هواوي
01/07/2009, 09:25 PM
كيف حرارة السيارة كانت وقتها ؟
نمر32
01/07/2009, 09:35 PM
يمكن المشكلة باالكلبليتر تراة لة دخل فلى مشكلتك
Fmejrad
01/07/2009, 11:05 PM
اخوي انا معي جيب اكسبلورر كانت عندي نفس المشكله وغيرت البواجي

ولكن مافادت سويت تصفية كامله


وهي كالتالي: تصفية بخاخات .. وتغير بواجي مره ثانية .. واسلاك بواجي ( افضل لكن مو ضرورية اما اذا كنت مشيت عليها 120 الف وفوق لازم تغيرها )
... صفاية بانزين ... وكل الشغله كلفتني .... 120 ريال بواجي .... ومنظفف ببخاخات اي سي ديلكو 15 ريال ... واسلاك بواجي 240 ريال .... صفاية بانزين 45 ريال .... وشغل ايدين العامل 350 ريال (تصفية كمبيوتر) في تصفيه عادية انتبه ....

كلفني كله 770 ريال (اسمها تصفيه كامله)

وقطع غيار الهمر يعني مافي فرق كبير حوالي هالسعر


مع تحياتي ياليت اكون افدتك ... ابوسعد

الله يعطيك العافيه اخوي ,,

شكل لها دخل بالبواجي لاني مغير البواجي من اسبوع واعتقد انها السبب


تأكد من البواجي ...

كيف اتاكد اخوي ؟ انا مغيرها قبل اسبوع جديده


نظف منظم الهواء والحساسات قبل فترة قرأت موضوع لمشكلتك

http://www.mekshat.com/vb/showthread.php?t=208116

بشيك على الي قلت لي


كيف حرارة السيارة كانت وقتها ؟

حراراتها طبيعيه


يمكن المشكلة باالكلبليتر تراة لة دخل فلى مشكلتك

وكيف اشيك عليها ؟

ويعطيكم العافيه اخواني بانتظاركم
Explorer 4X4
02/07/2009, 01:19 AM
يمكن المشكلة باالكلبليتر تراة لة دخل فلى مشكلتك



ابو اوضح فكره (اخوي نمر) الهمر مهب كلبليتر الهمر بخاخات وماظن السيارات الحديثه كلبليتر كلهاا بخاخات


ياليت اكون وضحت الفكره تحيااااتي
Fmejrad
02/07/2009, 02:30 AM
ابو اوضح فكره (اخوي نمر) الهمر مهب كلبليتر الهمر بخاخات وماظن السيارات الحديثه كلبليتر كلهاا بخاخات


ياليت اكون وضحت الفكره تحيااااتي

يالبى قلبك تسلم

انا بجرب قبل كل شي بنظف منظم الهواء وبنظف حساس الهواء وفلتر الهواء وبغير صفايه البانزين وبعدها بشيك ع البواجي يمكن ماركبهم زين ,,
لاني اذكر راعي الورشه لما كنت بغير البواجي قالي وانا اغير لك البواجي انقطع احد الاسلاك ولقيت لك سلك عندي مستعمل وركبته لك بس الغريب ان السياره مشت معي اسبوع تمام مافيها مشاكل والحين طلعت هالمشكله
الضاحي
03/07/2009, 09:55 AM
يالبى قلبك تسلم

انا بجرب قبل كل شي بنظف منظم الهواء وبنظف حساس الهواء وفلتر الهواء وبغير صفايه البانزين وبعدها بشيك ع
البواجي يمكن ماركبهم زين ,,
لاني اذكر راعي الورشه لما كنت بغير البواجي قالي وانا اغير لك البواجي انقطع احد الاسلاك ولقيت لك سلك عندي مستعمل وركبته لك
بس الغريب ان السياره مشت معي اسبوع تمام مافيها مشاكل والحين طلعت هالمشكله


اخوي الغالي

للمرة الثانية: تأكد من وضع البواجي (التركيب والاسلاك وكل ما يتعلق بها)

الله يدلك على الخير وتكفى علمنا وش يصير معك
Fmejrad
03/07/2009, 08:38 PM
اخوي الغالي

للمرة الثانية: تأكد من وضع البواجي (التركيب والاسلاك وكل ما يتعلق بها)

الله يدلك على الخير وتكفى علمنا وش يصير معك

نظفت منظم الهواء بالبيت ,,
وحساس الهواء مافيه اي مشكله ,,
نظفت فلتر الهواء ,,
البواجي واسلاكها سالت عنها وقالوا لي لو المشكله من البواجي او اسلاكها كان بتشوف السياره على طول تتفتف ,,
لكن انا مشكلتي السياره مو دايم تتفتف ,, بين فترهـ وفترهـ وخصوصاً اذا كانت السياره لها اكثر من نص ساعه مشغله ,,
Explorer 4X4
05/07/2009, 03:30 AM
اخوي سووو تصفيه كااامله وبتدعيلي نصيحه من اخوك بس دور ورشه جيده


تحياااتي اخوك ابوسعد
قاطع الفيافي
05/07/2009, 05:19 AM
شف الله يرضا عليك انا معي باترول 99ونفس مشكلتك
له حول السنة قصدك اذا السيارةمشغلة اكثر من نصف ساعة ودعست على البنزين ينتفض الموتر
احتمال والله اعلم يبغاله تنظيف بخاخات
وش تعبي بنزين 91او95
ولا تغير بواجي ولا اسلاك بواجي ولا صفاية انا غيرتهن كلهن ولا فادت
Fmejrad
08/07/2009, 10:00 AM
شف الله يرضا عليك انا معي باترول 99ونفس مشكلتك
له حول السنة قصدك اذا السيارةمشغلة اكثر من نصف ساعة ودعست على البنزين ينتفض الموتر
احتمال والله اعلم يبغاله تنظيف بخاخات
وش تعبي بنزين 91او95
ولا تغير بواجي ولا اسلاك بواجي ولا صفاية انا غيرتهن كلهن ولا فادت

والله انا مريت مركز القرعاوي اليوم وفحصها كمبيوتر قالي كل حساسات المكينه حقت السلندر فيها التماس ويبيلها تغير !

ماقتنعت ابداً بكلامه ,,

وناس قالوا لي ننظف لك البخاخات ومجرى الهوى وتروح المشكله ,,

مشكلتي بعيدها من جديد ,, اذا كنت توني مشغل الموتر يكون تمام بس اللهم اذا اخذت عليه مشوار ووقفت عند اشاره يبدا يتفتف والامبير حق ضغط المكينه ينزل شوي ثمن يرتفع ثمن تختفي المشكله ثمن ترجع وعلى هالحال ,, وبعض الاحيان لما اكون واقف عند اشاره وادعس بانزين اول ماتمشي السياره احس فيها تفتفه بسيطه ثمن تروح المشكله مع العلم اني وانا امشي فيها ولله الحمد مافيها اي مشاكل نهائياً ,,

ودي اجرب المحلول الي يحطونه بتانكي البانزين الي يقولون يصفي السيارهـ ومادري ايش بس متخوف منه ,,

مادري وش رايكم ؟

ووش افضل محل بالرياض ينظف البخاخات ؟

وكم تقريباً سعرها ؟

ووش رايكم بالمحلول الي قلت لكم عليه

وجزاكم الله خير
خشم العرمة
08/07/2009, 10:33 AM
بسم الله الرحمن الرحيم

شف وانا اخوك لو فية مشكلة في البنزين او انسداد البخاخات كان طول الوقت تفتف مو بعد مايسخن الموتر
لاتحط محلول ولا شي

مشكلتك والله العالم كهربائية بمعنى يا أنها من البواجي او الاسلاك او الكويلات او منظم حقن الوقود اي حساس الهوى

طيب انت تقول اول ماتشغلها مافيها شي بعد ماتخذ مشوار تبدى تفتف وانبير الضغط يرتفع وينزل
جرب الليلة ان شاء الله على خير قبل تنوم افصل اصبع البطارية الموجب ورح قل بسم الله وحط راسك ونم
واذا قمت اشبك البطارية على شان الكمبيوتر يرجع يبرمج نفسة ممكن بأذن الله تنحل المشكلة لو مانحلت نشوفلها درب ثاني
بس دائما أبداً بالاسهل فالاصعب
sfa135
08/07/2009, 08:37 PM
هلا اخوي في فني بخاخات اعرف وممتاز انا عندي مشكله تفته يمكن نفس مشكلتك بس انا اذا وقفت عند الاشاره وحطيت السياره بالفاضي ودقيت القيرd احس السياره بتطفي كل مره اسويها ونفس المشكله واليوم المره الرابعه طفت

انا بروح لفني البخاخات هو تركي وشغله مضبوط وماشاء الله عليه فاهم بالشغله

اليوم رحت له وقالو مسافر تركيا ويرجع بعد شهر

انا ماني فاضي خسائر على الفاضي اخليهم يتعلمون على السياره االميكانيكين الباقين خلاص ياما تعلمو عليها

انا بنتظره بعد شهر الين يرجع لانه بصراحه فاهم فاهم وشغله شغل الوكاله بنصف السعر×
غالي
08/07/2009, 09:54 PM
أخوي


اذا كنت بطلعتك معبي بانزين او قبلها بيوم

تأكد ان البانزين مغشوش


قد حطيت موضوع هنا


اصاب سيارتين عندي وسيارات 2 من الزملاء نفس مشكلتك


يوم خلص البانزين فيهم وعبيت مرتين بعده او 3 مرات

الحمدلله والشكر راحت هالمشكله


مني ومن أخوياي يوم سألتهم




انتبهوا من البانزين



ولا تغير شيء اصبر


عب بانزين من غير المحطه مرتين او ثلاث وخل التانكي لين يجي الربع او تحت الربع

خل كان فيه مغشوش يطلع

وان شاء الله بترد هنا وبتقول ان الاوضاع ابشركم زانت


تحيتي:good:
سوبر VTC
09/07/2009, 05:04 AM
و عليكم السلام و رحمة الله
انا رايي من راي الاخ غالي جزاه الله خير
عموما اذا العزم يضعف اذا دست مثلا او كنت تمشي ثم ضعف العزم
قد يكون الخلل ضعف طرمبة البنزين او الفلتر
بامكانك انك تفحص ضغط الطرمبة
و قد يكون الخلل كهرب
اعانك الله
Fmejrad
10/07/2009, 08:21 AM
جربت كل الحلول ولا فيه فائدهـ ,,

جربت خليت البانزين يفضي مره وعبيته ولا فيه فائده ,,

غيرت صفايه البانزين ولا فيه فائدهـ ,,

فصلت البطاريه ولا فيه فائدهـ ,,

لكن فيه شي لاحظته بخصوص منظم الهواء وحساس الهواء ,,

الي هو ,, عرفتوا منظم الهواء ,, هو فتحه دائريه ,, انت لما تجي تركب الخرطوش بمنظم الهواء ,, بنهايه الخرطوش فيه زي الجلده دائريه مثبته بنفس الخرطوش هذي تدخلها بمنظم الهواء من برى يعني تكون ماسكه عليه عشان مايكون فيه تنسيم او انه يسحب هواء من برى وكذا ,,

انا لاحظت الي عندي انها متعفطه شوي ,, يعني هالجلده الدائريه فيه جزء منها لما اثبتها على المنظم تشوف فيه اشياء من الجلدهـ داخله يعني مو متركبه زين ,, وعجزت اني اخلي الجلدهـ كامله ماسكه بالمنظم ,,

ونفس الشي مع حساس الهواء ,,

تتوقعون المشكله منها ؟؟
Fmejrad
10/07/2009, 08:23 AM
و عليكم السلام و رحمة الله

انا رايي من راي الاخ غالي جزاه الله خير
عموما اذا العزم يضعف اذا دست مثلا او كنت تمشي ثم ضعف العزم
قد يكون الخلل ضعف طرمبة البنزين او الفلتر
بامكانك انك تفحص ضغط الطرمبة
و قد يكون الخلل كهرب
اعانك الله


هلا اخوي سوبر فتك ,, دايماً تتحفنا بمشاركتك وخبرتك جزاك الله خير ,,

عزيزي ولله الحمد العزم صافي تماماً ,,

اذا كانت السيارهـ باردهـ ماواجهه اي مشاكل لكن اذا اخذت عليها مشوار وطولت شوي ووقفت عند اشاره تحس السيارهـ فيها رعشه بسيطه وامبير ضغط المكينه ينزل شوي ويرتفع ثمن تختفي المشكله ,,وتجلس شوي وترجع وعلى هالحال ,, لكن لما ادعس بانزين ماواجه اي مشاكل وتختفي التفته
Fmejrad
10/07/2009, 09:32 AM
تعبت وانا ادور حل لهالمشكله ولا لقيت ,,

عموما ً اخوي لقيت رد لاحد الاخوان هنا وهذا هو



اخوي .. ابيك تطبيق هالطريقة ..

وابيك تروح عند الشكمان وشم اذا كان في ريحه بنزين ولا لاء ... اذا كان في ريحه بنزين اذاً عندك ريحه بنزين يعني انه في سلك من اسلاك البواجي مفصول او مقطوع .. وإذا مافي ريحه بنزين نروح لـ الاحتمال الثاني وهو امسح باصباع يدك على فتحة الشكمان وناظر اصباعك .. ( انتبه من حرارة الشكمان ) اذا كان لونه اسود مرره يعني السيارة مكربنه ويبغى لها تنظيف بخاخ ..

هذا اللي اقدر افيدك فيه .. والله أعلم


انا اذا شغلت السيارهـ وهي موقفه بالبيت وباردهـ ومريت من خلفها اشم ريحه بانزين قووووويه ,,

تتوقعون المشكله من اسلاك البواجي ؟

لان قبل لاتطلع هالمشكله كنت مغير البواجي قبلها باسبوع وماخذهم من الوكاله نفس الرقم وكل شي

وراعي الورشه قالي ان فيه احد الاسلاك وهو يفصلها انقطع معه وجاب لي واحد مستعمل وركبه ,,

تتوقعون المشكله من اسلاك البواجي ؟

وهل فيه طريقة فعاله اقدر اشيك فيها على اسلاك البواجي وكيف اعرف اذا هي منتهيه وتحتاج تغير ؟

افيدوني جزاكم الله خير والله تعتب من هالمشكله لدرجه اني كرهت اطلع بهالسياره
ترهيم
10/07/2009, 10:40 AM
السلام عليكم ...

اخوي انت متأكد من رقم البواجي انها نفس رقم البواجي الاوله ؟؟؟

انت بنفسك الان رح شيك علي الاسلاك اسحبها فوق شوي تاكد انها مشبوكه واضغط عليها مره ثانيه .. وعدين مافيها شي لو تمر لك ورشه وتفك البواجي واحد واحد وتتاكد .. يمكن بوجي منكسر من الحراره او شي لانه ان انكسر ماتشوفه لازم تفكه ...

نصيحه لوجه الله لاتصفي البخاخات اغلب الورش اول مايشوف تفتفه قالك تصفيه بخاخات 99 بالميه من السيارات الي يصلحون لها تصفيه ماتحتاج لها وياكلون اموال الناس بالباطل ..

عندك اخوي رساله على الخاص ..
صلهامه
10/07/2009, 10:49 AM
السلام عليكم

نظام البخاخات اذا صار فيه اي تنسيم تبدأ السيارة تتفتف وتقطع ولا هى صافيه

وانت ذكرت ان فيه جلبه شكلها غير طبيعى تاكد منها ترى اي تنسيم فى النظام يؤثر على صفاوة المكينه
وتاكد من سلك البوجى اللى انت غيرت
وما يمنع انك تتأكد من اسلاك البواجى خاصة من اللى يربط عند البوجى نفسه لان الكهربائى يوم يشد السلك يمكن قطع شيء منها واذا كانت السيارة بارده تمشى طبيعى بس اذا احتمت وتمددت الاسلاك تبدأ تقطع
سوبر VTC
10/07/2009, 01:30 PM
انا اللي فهمت من كلامك
ان اذا كبست اللي تنسفط الربلة

عموما انصحك اذا تفيد

حط زيت اي زيت مثل زيت 10 حق دركسون

على الربله تمسحه على جميع جوانبه

و اكبس الخرطوش
Fmejrad
13/07/2009, 09:44 AM
يعطيكم العافيه اخواني ,,

الجلدهـ الي قلت لكم عنها ركبتهــا زين لكن للاسف المشكله لم تختفي ,,

امس كنت طالع وكنت بشارع زحمه وكنت مطفي المكيف ,, كانت السياره تمااااااام نااااااادر تجيها رعشه ,, واول ماشغلت المكيف بدت السياره ترتعش ,, لكن اذا طفيت المكيف على طول تروح الرعشه ,,

وش تتوقعون منه ؟

طبعاً كما ذكرت الرعشه ماتجي الا لما اخذ على السياره مشوار طويل شوي يعني ابو نص ساعه او ساعه

والمكيف تبريدهـ مش ولا بــد
سوبر VTC
13/07/2009, 11:30 AM
لا تعتمد على كلامي
افحص كمبيوتر ب100ريال
موتري به رعشه خفيفه طلعت المشكله عندي من حساس الصرقعه حق البستم
مكانه تحت الثلاجه طبعا يوجد حساسين
قيمه الحساس تقريبا 120ريال
طبعا انا ماغيرته

مكيف الجمس ما ينجح معه الا غسيل كامل للمواصير و الاديتر بغسيل خاص
ايضا اذا امكن مراوح كهرب بين الشبك و الاديتر
او تلغي مروحه السير
اخبر مع الربع دينالي 2004 بعز الحر الظهر واقفين
الموتر ثلاجه بارد مره طبعا موتره مراوح كهرب شد بلد بدل مروحه السير
و موتري مروحه سير م2001 لا باس به
Fmejrad
13/07/2009, 12:52 PM
لا تعتمد على كلامي

افحص كمبيوتر ب100ريال
موتري به رعشه خفيفه طلعت المشكله عندي من حساس الصرقعه حق البستم
مكانه تحت الثلاجه طبعا يوجد حساسين
قيمه الحساس تقريبا 120ريال
طبعا انا ماغيرته


مكيف الجمس ما ينجح معه الا غسيل كامل للمواصير و الاديتر بغسيل خاص
ايضا اذا امكن مراوح كهرب بين الشبك و الاديتر
او تلغي مروحه السير
اخبر مع الربع دينالي 2004 بعز الحر الظهر واقفين
الموتر ثلاجه بارد مره طبعا موتره مراوح كهرب شد بلد بدل مروحه السير

و موتري مروحه سير م2001 لا باس به


والله يالغلا فحصت كمبيوتر قالي عندك حساسات السلندرات كلها !!!!

ابد ماقتنعت بصراحه ,,

طيب ودي اسالك ,, تنظيف البخاخات لو انظفها بيفيد ؟
سوبر VTC
13/07/2009, 01:13 PM
والله يالغلا فحصت كمبيوتر قالي عندك حساسات السلندرات كلها !!!!

ابد ماقتنعت بصراحه ,,

طيب ودي اسالك ,, تنظيف البخاخات لو انظفها بيفيد ؟



شف يابعدي
عندنا بالقصيم ابو صالح الرياعي
معه كمبيوتر متنقل طبعا هو يخدم راعين المرهمات يفتح الكمبيوترات الرياضيه و يعدل على اللي تبي يفتح لك مثلا زياده البنزين و يفتح على الهوا يعني يزود العزم
عندك الجمس الجديد يفك القطعه يخليه يجيب الموتر طبلونه
طبعا انا فحصت عنده و قالي حساسات السلندر حساسين
انت ان بغيت رقمه علمن اقل شي تستفسر منه و هو
ما شاء الله خبره
يكلمك من منطلق علمي

تنظيف البخاخات ماقدر افيدك
عندنا تنظيف البخاخات يكلف الواحد تقريبا 20ريال

طيب عندي لك حل
اذا قطع الموتر على طول وقف و افتح الكبوت
ثم افصل فيش اول بخاخ
اذا ترترت المكنيه معنى كذا ان البخاخ ممتاز
و هكذا
حتى تصل الى الاخير
اذا حصلت احد البخاخات المكينه ماتهتز او انه اهتزت خفيف جدا
معنى كذا ان البخاخ احد امرين
يانه يحتاج تنظفه لوحده او انه خربان

طبق نفس الحركه السابقه على الكويلات
و لاحظ هل هناك فرق ام لا
القناص 2008
13/07/2009, 01:18 PM
السلام عليكم زرحمة الله وبركاته
اخوي الغالي انت غيرت بواجي
المشكله عندك يالحبيب
هي كلها وزن ديلكو
لانك ركبت البواجي ما وزنت الكهرب
وبأذن الله تدعيلي انا ميكانيكي لا يلعبون عليك الصناعيه لان الديلكو يسوي تقطيعه بالسياره ويغير عزم الموتر
وتشوف انبير الضغط ينزل عن الواحد ويطلع ما هو ثابت واحيانا تتطول السياره ماتشتغل تحياتي لك ....
Fmejrad
13/07/2009, 02:54 PM
شف يابعدي

عندنا بالقصيم ابو صالح الرياعي
معه كمبيوتر متنقل طبعا هو يخدم راعين المرهمات يفتح الكمبيوترات الرياضيه و يعدل على اللي تبي يفتح لك مثلا زياده البنزين و يفتح على الهوا يعني يزود العزم
عندك الجمس الجديد يفك القطعه يخليه يجيب الموتر طبلونه
طبعا انا فحصت عنده و قالي حساسات السلندر حساسين
انت ان بغيت رقمه علمن اقل شي تستفسر منه و هو
ما شاء الله خبره
يكلمك من منطلق علمي


تنظيف البخاخات ماقدر افيدك
عندنا تنظيف البخاخات يكلف الواحد تقريبا 20ريال


طيب عندي لك حل
اذا قطع الموتر على طول وقف و افتح الكبوت
ثم افصل فيش اول بخاخ
اذا ترترت المكنيه معنى كذا ان البخاخ ممتاز
و هكذا
حتى تصل الى الاخير
اذا حصلت احد البخاخات المكينه ماتهتز او انه اهتزت خفيف جدا
معنى كذا ان البخاخ احد امرين
يانه يحتاج تنظفه لوحده او انه خربان


طبق نفس الحركه السابقه على الكويلات
و لاحظ هل هناك فرق ام لا


الله يعطيك العافيه ,, المشكله اني بالرياض يالغلا مو بالقصيم ,,

والحركه حقت البخاخات اني افصلها للاسف حتى مكان البخاخات ماعرفه هههههههه :p

بمر الورشه الي غير لي البواجي وبشوف وش يقوولي واذا قال يحتاج كذا ولا كذا بقولهـ شوف اذا انت تضمن لي ان التفته تروح اوكي توكل على الله واشتغل


السلام عليكم زرحمة الله وبركاته
اخوي الغالي انت غيرت بواجي
المشكله عندك يالحبيب
هي كلها وزن ديلكو
لانك ركبت البواجي ما وزنت الكهرب
وبأذن الله تدعيلي انا ميكانيكي لا يلعبون عليك الصناعيه لان الديلكو يسوي تقطيعه بالسياره ويغير عزم الموتر
وتشوف انبير الضغط ينزل عن الواحد ويطلع ما هو ثابت واحيانا تتطول السياره ماتشتغل تحياتي لك ....

وعليكم السلام ورحمه الله وبركاته ,,

امبير ضغط المكينه دايم عندي حتى وانا معشق القير على D يكون نازل تحت الواحد ,, يعني يكون بين الالف وال 500 دورهـ تقريبا 600 او 700 دورهـ هذا اذا كانت السيارهـ مسخنه وجاهزهـ مو باردهـ
بحر القصيد
13/07/2009, 07:32 PM
يالبى قلبك تسلم

انا بجرب قبل كل شي بنظف منظم الهواء وبنظف حساس الهواء وفلتر الهواء وبغير صفايه البانزين وبعدها بشيك ع البواجي يمكن ماركبهم زين ,,
لاني اذكر راعي الورشه لما كنت بغير البواجي قالي وانا اغير لك البواجي انقطع احد الاسلاك ولقيت لك سلك عندي مستعمل وركبته لك بس الغريب ان السياره مشت معي اسبوع تمام مافيها مشاكل والحين طلعت هالمشكله

ياخوي الحل عندك رجع السياره للي سواها وخله يغير لك سلك أصلي مهوب مستعمل طايح عنده بالورشه
Fmejrad
14/07/2009, 12:43 AM
ياخوي الحل عندك رجع السياره للي سواها وخله يغير لك سلك أصلي مهوب مستعمل طايح عنده بالورشه

يعطيك العافيه اخوي ,,

اخوي ,, راعي الورشه هذا اعرفه من زمان والرجال ثقه وياما افادني باشياء كثيــرهـ ,,

وسالته كذا مره عن البواجي واسلاكها قال مالها دخل بالمشكله ,,

مريت كذا ورشه قلت لهم مشكلتي ان موتري يتفتف بعض الاحيان اذا اخذت مشوار ابو ساعه كذا ووقفت عند اشاره يبدى يتفتف شوي ثمن يروح والامبير يتحرك شوي ,, واذا طفيت المكيف تخف التفتفه بشكل كبيييير حتى لدرجه انك ماتلاحظها ,, قالوا لي البواجي واسلاكها مالها علاقه ,, لو التفتفه من البواجي او اسلاكها كان بتصير تتفتف معك دائم مو شوي تفتف وشوي لا ,, قلت طيب لو سلك واحد هو الي خربان ,, قالوا حتى لو سلك واحد هو الي خربان ,,

دقيت على راعي الورشه اليوم وقلت له ,, قال حلها افك لك المنظم حق الهواء واسوي له تنظيف كاامل وبتنتهي المشكله ,, مع انه اول قالي تنظيف بخاخات !

والله احترررررت ,,

بكرا بمر على ورشه ثانيه بخليه يشيك لي على البواجي واسلاكها وودي لو اشيك انا بنفسي لان اغلب الورش للاسف نصابين ويقول المشكله بسبب شي ثاني وهو بالحقيقه مالها دخل ,,
موادع 1
14/07/2009, 01:15 AM
اخي الكريم
مشكلتك سبق ومرت علي ولا خليت ورشة الا رحت لها
ولا خليت احد الا سألته وكل واحد يفتي شكل مافيه احد يقول مدري؟
وبالاخير دلني الله على راعي ورشة سوري ابن حلال
قالي هذي احتمال كبير طرمبة بنزين ولاكن قبل اغيرها لازم اتأكد قبل
وهو اللي يركب على السيارة جهاز يقيس ضغط الطرمبة ودفهعا للبنزين
وبالاخير تاكدنا انها هي المشكلة وفعلا غيرتها ومن يوم غيرتها والموتر
تغير 100% عن اول
وقالي السبب انك تخلي البنزين ينزل عن الربع وخصوصا للسيارات
اللي تكون طرمبتها داخل التانكي لان البنزين يبرد الطرمبة لاداء افضل
على كلام صاحب الورشة
وقال لي السبب الثاني من البنزين الاخضر من يوم طلع وكاثره مشاكل طرمبات البنزين
ومن يومها ما اعبي الا احمر ولا اخليه ينزل عن الربع ابد
والحمد لله لي حوالي السنة ولا شفت الا العافية
شف لك راعي ورشة محترمة يفحص لك الطرمبة بالكمبيوتر وليس بالساعة العادية
لانها كلام فاضي مهيب دقيقة ابد
اتمنى اني افدتك بشي اخي الكريم
وبشرنا يالغالي وش صار معك
وموفق
Fmejrad
14/07/2009, 11:43 PM
اخي الكريم
مشكلتك سبق ومرت علي ولا خليت ورشة الا رحت لها
ولا خليت احد الا سألته وكل واحد يفتي شكل مافيه احد يقول مدري؟
وبالاخير دلني الله على راعي ورشة سوري ابن حلال
قالي هذي احتمال كبير طرمبة بنزين ولاكن قبل اغيرها لازم اتأكد قبل
وهو اللي يركب على السيارة جهاز يقيس ضغط الطرمبة ودفهعا للبنزين
وبالاخير تاكدنا انها هي المشكلة وفعلا غيرتها ومن يوم غيرتها والموتر
تغير 100% عن اول
وقالي السبب انك تخلي البنزين ينزل عن الربع وخصوصا للسيارات
اللي تكون طرمبتها داخل التانكي لان البنزين يبرد الطرمبة لاداء افضل
على كلام صاحب الورشة
وقال لي السبب الثاني من البنزين الاخضر من يوم طلع وكاثره مشاكل طرمبات البنزين
ومن يومها ما اعبي الا احمر ولا اخليه ينزل عن الربع ابد
والحمد لله لي حوالي السنة ولا شفت الا العافية
شف لك راعي ورشة محترمة يفحص لك الطرمبة بالكمبيوتر وليس بالساعة العادية
لانها كلام فاضي مهيب دقيقة ابد
اتمنى اني افدتك بشي اخي الكريم
وبشرنا يالغالي وش صار معك
وموفق

الله يعطيك العافيه اخوي ,,

كلامك صحيح بس اتوقع لو ان المشكله من طرمبه البانزين كان بيكون فيه ملاحظه ايضا حتى وانا امشي بلاحظ التفتفه ,, وانا مالاحظها الا اذا انا واقف وماخذ مشوار طويل على الموتر ,, وغير كذا مو تفته دائمه ,, من فتره لفتره تجي ,, فـ عشان كذا انا مستبعد الطرمبة مرهـ انها السبب وان شاءالله انها ماتكون الطرمبه ,,

عموماً انا بفصح الطرمبه بالكمبيوتر وبشوف وش يطلع لي وان شاءالله خير ,
salih100
15/07/2009, 10:35 AM
اخوي الله يرحم والديك والله ارتفع ضغطي وانا اقراء حل مشكلتك,,,,,,,, والله ما يبيلها انت غيرت بواجي وفي نفس الوقت انقطع سلك وغيره لك ويعدها صارت المشكله ,,,,, يعني وش تتوقع المشكله القير ولا الكرونه,,,, وبعدين يا شباب وش الي طرمبه بانزين وتنضيف بخاخات ,,,وبرمجه هدو شوي,, هذي بواجي واذا كانك غيرت بواجي من الوكاله بنفس الرقم فعندك اسلاك البواجي وصلى الله وبارك واذا كانت عندك بواجيك الاوله رجعها وشف بتروح المشكله ولا لا وموترك لا تخليه مرتع للتجارب نصيحه لوجه الله.ونصيحه لا تلعب في وزنية الديلكو ,,,,هو الكتروني يوزن نفسه بنفسه ولا والله ان تطب في مشاكل كهرباء عويصه ,,,,,, واخيراً افلقني اذا ما طلعت من البواجي ولا من الاسلاك فقط ,,,,,
دائم الحمد
15/07/2009, 05:12 PM
السلام عليكم ورحمة الله وبركاتة

ممكن تكون الثلاجة اقول ممكن
Fmejrad
16/07/2009, 03:24 AM
اخوي الله يرحم والديك والله ارتفع ضغطي وانا اقراء حل مشكلتك,,,,,,,, والله ما يبيلها انت غيرت بواجي وفي نفس الوقت انقطع سلك وغيره لك ويعدها صارت المشكله ,,,,, يعني وش تتوقع المشكله القير ولا الكرونه,,,, وبعدين يا شباب وش الي طرمبه بانزين وتنضيف بخاخات ,,,وبرمجه هدو شوي,, هذي بواجي واذا كانك غيرت بواجي من الوكاله بنفس الرقم فعندك اسلاك البواجي وصلى الله وبارك واذا كانت عندك بواجيك الاوله رجعها وشف بتروح المشكله ولا لا وموترك لا تخليه مرتع للتجارب نصيحه لوجه الله.ونصيحه لا تلعب في وزنية الديلكو ,,,,هو الكتروني يوزن نفسه بنفسه ولا والله ان تطب في مشاكل كهرباء عويصه ,,,,,, واخيراً افلقني اذا ما طلعت من البواجي ولا من الاسلاك فقط ,,,,,

الله يعطيك العافيه اخوي ,,

بس اخوي انا لما غيرت البواجي ماطلعت المشكله على طول ,, طلعت بعد اسبوع او اسبوعين تقريبا ,,

فهمت علي حبيب قلبي


السلام عليكم ورحمة الله وبركاتة

ممكن تكون الثلاجة اقول ممكن

وعليكم السلام ورحمه الله وبركاته ,,

لا ماتوقع انها الثلاجه ,,

مستبعد هالشي نهائيا
thanks
14/10/2011, 10:53 PM
نفس المشكله بسيارة مازدا لانتس 323F , موديل 96 .

ارجو انك تذكر لنا كيف انحلّت مشكلة السياره ,
وجزاك الله خيرا .
ابو باسل
15/10/2011, 12:50 PM
انا حصل لي زيك وطلعت المشكلة من البطارية ضعيفة وبدلتها ورجع الموتر زي أول
thanks
15/10/2011, 06:55 PM
بارك الله فيك .

استبعد ان يكون سبب الخلل من بطارية السياره
لانه بطارية السياره وظيفتها تحريك سلف السياره
لبدئ تشغيل السياره .

اّمل من الاخ صاحب الموضوع انه
يذكر لنا كيف كان حل مشكلة سيارته
لانها مشابه جدا لمشكلة سيارة المازدا .
thanks
18/10/2011, 06:54 PM
الحل ... الحل :

طلع الخلل من سلك بوجيه بيخرج منه شرار
في الجزؤ اللي بيركب بالبوجيه .
الحربي 591
04/12/2013, 10:40 PM
طيب وش
سويت بعد ما عرف السبب
San Francisco
05/12/2013, 12:56 AM
الموضوع ٢٠٠٩
حنا الحين ٢٠١٣