حساس abs في اليوكن

[المخبر]

السلام عليكم



اخواني اعضاء مكشات



كيف حالكم ان شاء الله بخير


عندي مشكله باليوكن تولع لمبه البريك ولمبه الاي بي اس abs

ولكن ماهي على طول بعض الاحيان مع المطبات تولع وماتطفي لين اطفي السيارة

وارجع واشغلها

المهم ///// سويت فحص كمبيوتر وقالي ماطور الاي بي اس لايعمل بشكل منتظم


المهم سالت عنه وحصلت سعره 3700ريال تفاجات من السعر

فهل يوجد حل لها المشكله لاني بعد اسبوع ان شاء الله رايح لأبها وتعرفون الطلوع والنزول

وهذا مانع الانزلاق يعني مهم بالذات مع النزول والامطار

هل يوجد حلللللللللللللللللللللللل ؟؟؟؟؟؟؟؟؟؟؟؟؟

[Explorer 4X4]

اخوي يمكن يكون برمجه بس اللي بيفيدك اكيد بي هالشي ورشه مشهوره بالرياض اذا كنت بالرياض في الصناعية القديمه اسم الورشه ( شلنجر) هي غالية بس شغلهم مضبوط وانا اصلح عندهم شغلهم مثل الوكاله بالضبط لكن ارخص بكثير من الوكاله ان شاء الله يحلونها لك واذا ماكان العيب برجمه الله يعينك يبيلك تغيررر لانه مايتوضب ولا يتصلح اسأل عن الورشه معروفه بالصناعية كلها الف من يدلك عليها

مع تحياتي ابوسعد ...

[راعي المجهم]

مشكلتك بسيطة جداً وتحصل في كل السيارات

أخوي شيك على حساسات الاي بي اس فوق كل كليبر للفرامل

تحتاج تغير فقط أو تنظيف ببخاخ ايسي ديلكو وتضبط

[سوبر VTC]

و عليكم السلام و رحمة الله
هذا احد الربع الله يسلمك ولعة معه لمة الاي بي اس
المهم انه تفحص الكليبرات لكل كفر
لقى سلك الاي بي اس
منقطع
طبعا هو خطين
المهم جرح السلكين و و صلهن
طبعا سلك اسود و الاخر سلك بني
توصل كل لون لحاله
و حط شطرطون
و الحمدلله طفت اللمبة :)
ارجو اني افدتك
و كان الكهربائي يبي ياخذ منه 150 ريال :mad:
للمعلومية
اذا مسكت بريك مثلا و بدات دعسة الفرامل تبطنج تلعب تهتز
و كنت متضايق
افضل تفصل الفيوز و ترتاح
و هذه طريقة احد الزملاء فصل الفيوز
تحياتي

[سوبر VTC]

احيانا
تفك الحساس اللي على الكليبر
و تنظف الراس حقه لانه عليه رايش حديد او شحم ثقيل او وسخ
تنظفه
لانه راس الحساس ياخذ المعلومة من الترس المسنن
اللي يدور مع العكس
و ان شاء الله تطفى اللمبة
هذه طريقة تنظيف لكهربائي

[المخبر]

بيض الله وجيهكم ياابطال

جاري فحص الكليبرات

ونشوف النتيجه

اشكركم على تفاعلكم

[asir2001]

السلام عليكم ورحمة الله وبركاته
لمبة الاي بي اس عندك لما تولع توله معها لمبة البريك
اذا كان كذا فانا عندي نفس المشكله لكن احاول اجد حل واذا زبطت معي راح ابلغك
مع العلم انه ما منها اي ضرر بس كذا تخلي الشخص يتضايق لما يشوفها تقبل تحياتي اخوك ابو ريم

[بدران9]

احيانا
تفك الحساس اللي على الكليبر
و تنظف الراس حقه لانه عليه رايش حديد او شحم ثقيل او وسخ
تنظفه
لانه راس الحساس ياخذ المعلومة من الترس المسنن
اللي يدور مع العكس
و ان شاء الله تطفى اللمبة
هذه طريقة تنظيف لكهربائي




بالظبط هذا ماحصل معي... ومن بعد التنظيف 100%100

وله الان اكثر من 3 شهور وماشي تمام..

[asir2001]

السلام عليكم ان شاء الله الجميع بخير
اليوم حصل معي حركة غريبه في الدينالي توقف امبير ضغط الهوا عن العمل وصار ثابت ولما ادوس بنزين يرتفع وينزل بطي جدا مادري ايش السبب ها هو حساس اتمنى اللي يعرف شي ينورنا الله ينور حياتكم جميع اخوكم ابو ريم

[بدوي جنوبي]

ينقل لقسم الاعطال

[asir2001]

اخوي قمة افريست كيف حالك
اليوم رحت لكهربائي عندنا بالشمال دلوني عليه بعض الزملاء المهم فحص السياره كمبيوتر وطلع معه الحساسات الاماميه يمين ويسار وشوي وقال كمان الاي بي اس عطلان .
وقال اصبر لي يومين ثلاثه اجيب لك واحد وازبط لك الحساسات قلت له كم سعر الشغل هذا كله قال 2000 ريال بس . وانا ما ادري هي تولع احيان واحيان اخذ ساعتين او ثلاث وما ولعت يعني ماني مقتنع ان ماطور الاي بي اس عطلان وحاس ان التركي يبي ينصب علينا . وقلت له كملن عندي عداد ضغط الهوا مرات يوقف وعداد حرارة القير لا يعمل ابدا شكله مفصول . قال جيب لك طبلون عدادات كامل وانا اركبه ولا شيك على الاسلاك ولا شاف ممكن يكون مفصول من القير اصلا المهم حيرتني ها لسياره والله كان عندي جمي يوكن 99 ماشي فوق 230000 ميل وما شفت فيه مشاكل . ياليت الي عنده خلفيه عن مثل هالامور يدلنا مع العلم ان هالورشة اللي رحتها تعتبر افضل ورشه عندنا ؟؟

[السياف@]

الاخ سوبر VTC (http://www.mekshat.com/vb/member.php?u=53291) السلام عليكم ياخوي انا اطلعت على مواضيعك كلها بخصوص اليوكن واعطال الدبل والصراحه انا كنت شايف لي يوكن موديل 99 طبعا دبل ازرار بس والله عقب اللي قريته اوجعن مخي وكل اعضائي الخمسه وش رايك ياخوي وش تشور علي فيه مع العلم ان الموتر شكليا جايزن لي ولا فحصته لحد الان

يا ليت تعطيني نصيحتك اشريه والا اصبر والا وش السواة حاولة ارسل لك على الخاص بس المشاركات عندي فقيره شوي انتظر ردك اخوي لا هنت على الخاص والا على الايميل bashar_ar@hotmail.com

[prof2]

الي عنده مشكلة في الجمس يريح مخه ويوديه عند البيان الي في العليا متخصصين جموس وحافظين كل مسمار فيه

[fai2]

على موضوع لمبه abs و لمبه ثانية معها في الطبلون اتكلم عن اليوكن 2004 دبل طلع احد اسلاك الحساسات الي في الهوب منقطع سعره في الوكاله حدود 360 هذا للهوب الخلفي الي قدم يجي مع الاحساس فلنجه هذا الكلام قبل يومين طبعا ما اقتنعت رحت لكهربائي (ذيب) قلت له حصل لي حل ابي ذا المبات تطفى قبل بسيطه وشلون قال نسوي تلحيم لذا الاسلاك بالكاويه الي على قوله وسواها الرجاء وكلها على بعضها 50 ريال فقط لاغير للمزيد من الرد على الاستفسارات وعن موقع الكهربائي يرسل على الخاص .
الله يوفق الجميع ويفكنا من الجميح وربعه

[a-aziz2011]

[B][/B السلام عليكم
يا جماعه .. عندي يوكن 2002 إذا ولعت لمبة الفرامل القير يفضى علما إن لمبة الاي بي اس مولعه على طول .... وديتها للبيان وكمبيوتر وما يقولون خلها عندنا وإحتمال الضفيره
تكفووون اللي يفيدنا بهالموضوع جزأه الله خير

[almo3jl]

يمسك بريك وتولع لمبه الآي بي سي والقير يفلت معناتهسلك الدعسه الي بالقير اذا فصلته مايعشق القير وتولع لمبه البريك والجلنط


تم الإرسال بواسطة iPhone بإستخدام Tapatalk

[الحربي PsP]

انا خربان عندي المنضم اللي هو الحساس الخامس مو اللي فوق الكليبرات وهو قيمته غاليه وانا من زمان فاصل الفيوز بس حاب الحين اصلحه وابي اعرف اسعاره في السكاريب بكم اللي قد اشتراء المنضم مو الحساس اللي فوق الكليبر يعلمني سعره الله لا يهينه