الاكسبدشن يا اهله ( بعض الاستفسارات ) [الأرشيف]

مشاهدة النسخة كاملة : الاكسبدشن يا اهله ( بعض الاستفسارات )

.أبوعبدالرحمن

01/07/2009, 06:34 PM

بسم الله الرحمن الرحيم

السلام عليكم ورحمة الله وبركاته

قبل يمكن ثلاثة اسابيع يسر الله وشرا الوالد اكسبدشن موديل 2007 مستعمل وارد توكيلات الجزيرة

والسيارة ماشاء الله تبارك الله ماعليها كلام

لكن فيه بعض الاستفسارات

الاول / ابي ورشة متخصصة في الاكسبدشن وطقتها عشان زيت القير ابي اغيره

لاني رحت للوكالة قالوا لي نغيره لك بـ 650 ريال

الثاني / ابي اطلع له ريموت الوكالة لأني راعيه الاول مضيع ريموته

وكذلك رحت للوكالة قالوا لي بـ 500 ريال

الثالث / نوع البنزين هل هو 91 أو 95 لان الناس كلوا قلبي ولعبوا بمخي اللي يقول 95 واللي يقول 91

وحاليا اعبي 91 فما هو الصحيح ؟؟؟

في انتظار ردودكم واللي عنده اي معلومة يعتقد انها جديدة يضيفها ولا عليه امر

الربذي

01/07/2009, 08:24 PM

وعليكم السلام
قريبة !!!
وين الاعضاء ماهي عوايدهم ....

الهوى الباقي

01/07/2009, 10:04 PM

الله يعطيك من خيره ويكفيك شره

واحد من الربع معه اكسبدشن 2006 يعبيه بنزين 91 والموتر ماشي معه تمام

والشباب يفيدونك

.أبوعبدالرحمن

01/07/2009, 11:29 PM

الله يعطيكم العافية اخواني الربذي والهوى الباقي

وفي انتظار البقية...

.أبوعبدالرحمن

02/07/2009, 09:07 AM

الصراحة اشك اني كاتب مسرحية للتفرج

ماني كاتب موضوع

qusaiw

02/07/2009, 09:34 AM

أخوي البنزين 91 عالأكيد
و الريموت تشتري ريموت من الوكالة ( انتبه لا تشتري واحد غلط لان الوكالة اشتريت منهم 3 ريموتات عشان يشتغل آخر واحد و تبرمجه من أي واحد بره ..

.أبوعبدالرحمن

02/07/2009, 10:17 AM

طيب انا ابي ريموت من برا عشان يجي ارخص

الوكالة لزخوني بالسعر

عود رمث

02/07/2009, 10:42 AM

السلام عليكم

أولا ماشاء الله تبارك الله و الله يطعمكم خيره ويكفيكم شره
الموتر معي أخوه شاص طويل دبل له أكثر من سنة ونصف ولله الحمد ماشفت منه إلا خير

وبخصوص الورشة فأي ورشة متخصصة بالإمريكي يمكن يسوون لك صيانة السيارة سواء القير أو غيره .

أما الريموتات فما عندي عنهن خلفية .. لكن ممكن تسأل محلات قص وبرمجة المفاتيح .

والبنزين أعبي 91 وهذا الموجود بالكاتلوج

== وأنصحك بتصفح كتلوج السيارة ففيه أشياء ستستفيد منها خاصة في قضية البرمجة

== قبل ما يقارب اسبوعين قبل المغرب كنت أمشي في أمان الله وفجأة مع الفرامل أسمع صوت ويتطور إلى خشخشة مع المشي .. المهم قلت الصباح رباح مشيت عليها الليل . والصباح أشوف الهوبات أحصل الخلفي محتاج خرط بدون كلام .. وديته ورشة عادية وسوى خرط للهوبات الخلفية وغيرت الفحمات الخلفية والأمامية
كلفت جميع العملية مايقارب 800 ريال ... الفحمات وكالة كلهن بـ 600 ريال تقريبا

لذلك أنصحك بفحص الفحمات وإذا باقي بهن ربع عمر غيرهن خاصة الخلفيات لأنهن صغيرات جدا وينحكن بسرعة ##### نصيحة لاتركب إلا قطع من الوكالة وخل التجاري الرخيص #####

وسلامتك

.أبوعبدالرحمن

02/07/2009, 01:29 PM

بيض الله وجهك يا أخوي عود رمث

في انتظار البقية

ابو نوره 2006

02/07/2009, 01:58 PM

بنزين 91 ...

مكانك وين ؟؟؟

يازين ماخترت .... الله يبارك لك .....

عندي 2002 --2005 _ الحمد لله ماتطلب

الربذي

02/07/2009, 03:01 PM

مر الغرابي ترا عندهم برمجه اي رموت ولهم دعاية بس ماادري ايش اسم المحل اعتقد انه الاقصى للكماليات وانا ماني متاكد ...

لكن مصيبه الوكاله حراميه ولاتهون تويوتا ووكلتها...

اذكر واحد من 3500 ريال وجد نفس القطعة ب1200 ريال بالغرابي ...

>> ابوعلي <<

02/07/2009, 03:35 PM

هلا بك يالغالي

اسمع اخوي

انا معي وااحد 97

واعبيه 95
ولا شكا من شي ما شاء الله

يوم بديت اعبيه 91 بدت الطرمبه تخرب وااجد

المهم

انمصحك تعبي 95 لان الفرق بالسعر 25 هللله

وبعدين يزيد نشااط الموتر والبنزين ما يقضي بسرعه

أبو LAMeS

02/07/2009, 03:40 PM

بسم الله الرحمن الرحيم

السلام عليكم ورحمة الله وبركاته

وعليكم السلام ورحمة الله وبركاته

قبل يمكن ثلاثة اسابيع يسر الله وشرا الوالد اكسبدشن موديل 2007 مستعمل وارد توكيلات الجزيرة

الله يطعمه خيره ويكفيه شره

والسيارة ماشاء الله تبارك الله ماعليها كلام

السيارة ما تحتاج اثبتت جودتها

لكن فيه بعض الاستفسارات

الاول / ابي ورشة متخصصة في الاكسبدشن وطقتها عشان زيت القير ابي اغيره

لاني رحت للوكالة قالوا لي نغيره لك بـ 650 ريال

صراحة أنا ما أعرف ولا أرتاح إلا مع الوكالة وخصوصا إذا كان الموضوع متعلق بالقير والسعر اللي أنت حاط شامل جميع القطع وشغل اليد بعض الوكالات تشتغل لك 1200 و1500 وأنت خابر إن القير له زيت خاص وقير الاكسبدشين متغير من 2007 وأدخل الرابط وشف أخونا بالرابطة أبو أنفال كم كلف عليه صيانة موتره بعد 70 ألف كيلو الرد رقم 613 وعلى ما يبدو إن الصيانة وافقت فترة خصومات من شركة فورد
http://www.mekshat.com/vb/showthread.php?t=179090&page=41

ولا تنسى إن الورش اللي برا واحد يمدحها والثاني يذم فيها ولا شفت أسعارهم حول سعر الوكالة طبق المثل اللي يقول عط الرغيف خبازه ولو أكل نصفه

الثاني / ابي اطلع له ريموت الوكالة لأني راعيه الاول مضيع ريموته

وكذلك رحت للوكالة قالوا لي بـ 500 ريال

صراحة ما عندي خلفية عن برمجة الريموتات بس اللي أنا خابر إن الموتر يجي معه 2 ريموت.. وأحتمال تحصل حل عند الاقصى في الغرابي محلهم أشهر من نار على علم مثل ما ذكر أخوي الربذي

الثالث / نوع البنزين هل هو 91 أو 95 لان الناس كلوا قلبي ولعبوا بمخي اللي يقول 95 واللي يقول 91

وحاليا اعبي 91 فما هو الصحيح ؟؟؟

أول ما طلعت موتري كنت أعبي 91 ولا لاحظت شيء على الموتر وبعدين حولت على 95 بناء على نصيحة واحد يشتغل بأرمكو ... والوكالة وموقع أرامكو يقولون 91 يصلح للأكسبدشن

في انتظار ردودكم واللي عنده اي معلومة يعتقد انها جديدة يضيفها ولا عليه امر

بالتوفيق أخوي أبو عبدالرحمن ...وإن شاء الله الأخوان يفيدونك أكثر

.أبوعبدالرحمن

03/07/2009, 01:07 PM

الله يعطيكم العافية واخص بالذكر اخوي الربذي وأبو لميس

وفي انتظار البفية

وموقعي الرياض