ياجماعه ابي فزعتكم تكفون

[حامد الحنيني]

السلام عليكم
اخواني بغيت اسئلكم عن قيمة الشيهانه الجبليه فرخ وحش كم تسوى الان
ما يهمني مقاساتها واهم شئ خاليه من العيوب واللي عنده مثل هالمواصفات يراسلني على ايميلي او يرسلس على الخاص مستني ردودكم....

[جـرح الشمـال]

والله اتوقع1000 الى 1300 حسب شكل الطير وماواصفاته
الله يرزقك اللي في بالك

[saif2009]

هلا بالأخ حامد ابقولك على سبيل المثال بما انها وحش لم تصقر وما يهمك مقاس لنفرض مقاس 13 قد تجده بـ 1000 مثلا وقد تجده بـ 2000 طبعا اتكلم عن فترة المقيض من بعد نهاية الموسم حيث يبقى سعر الطير اللي علمه مجهول مربوط بالمواصفات الشكلية فقط التي قد تدل على سبقه وهذه يعرفها كل صقار ذو خبره واما الموسم فكل شيء مختلف فأذا ناوي على جبلية انتظر ايام قليلة وسوف يبدأ موسم شبك الجبليات وخاصة في جنوب وغرب المملكة ومثل ما يقال دامه فرخ طب واختار وابتعد عن القرانيس لان تدريبها يبيله نفس طوووووويل وصبر .... دمت بود

[@قرناص@]

,,

الصقاقير ماقصرو..

وانا انصحك شهر 10 بتحصل فروخ جبليات باسعار متفاوته من 1000 الا 2000..

والله يرزقك الطير النااادر

[راعي غضبان]

وعليك السلام اخوي حامد الحنيني انا قول ماعاد الى شي بسيط ويجيك موسم الجبليات ويجنك الوحوش وبتلقى لك فرخ علىكيفك ابرك من البيتيات وماقصر اخوي سيف 2009 الله يبيض وجهه ماقصر عطاك النصيحه وانا مع كلامه الوحش يطربك ويونسك والله يوفقنا وياك وتقبل مروررررررررررررررررررررررررررررررررري

[حامد الحنيني]

مشكورين وماقصرتو وبيض الله وجيهكم
عز الله انكم كفيتو و وفيتو وماقصرتو يا اخوان والله الشياهين انا ما اعرف بها زين قلت استفسر من الاخوان والحمدلله انكم افدتوني كثير لاكن فيه استفسار ثاني يقول اخوي قرناص ان شبك الطيور بشهر عشره لاكن فيه واحد من الشباب يقول باخر شهر ثمانيه ودي الوقت اللي اروح السوق وادور فروخ شياهين على كيفي متى؟؟؟؟

[@قرناص@]

اخوي حامد.. حياك الله,,

بخصوص موضوع شبك الشياهين.. انا ماقلت ان وقت الشبك شهر 10..

موسم شبك الشياهين يبدا من شهر 8

وانا اقول رح شهر10 وتلقى الطيور الطيبه من فروخ وحوش والا قرانيس بيتيه ..

والاسعار تتفاوت من 1000 الا2000 ريال سعودي

ارجو اني افدتك يالغالي

اخوك قرناص _ مكشات

[شنقاري]

الله يعطيكم العافيه

بس صدقوني المقاس الشيهانه يفرق بالسعر

والنصيحه لاتاخذ الحين اول الموسم افضل

تقبل مروري